mi(sual).com

Upa Kawlkhuma kum 89 vui turin Aizawl zing dar 5 hnu hreatah kan nu nen kan chhuahsan. Chandmari kan thlen tawh hnuah, Sialsuk lamah kal kan rawt thut, kawng thar lamah kan kal ta. Khawchhe hnuaiah harsatna awm lovin zing dar 11 rik trepah Dar khawpui kan thleng. An khaw Upa min leh miril vui an ni bawka, awmni an lo kham chu niin, dawr an khar vek.  Hmelhriat inah kan han inphih nawk nawka, a pawimawh thusawi zawng kan ngaihthla kim.Venghlun biakin lenglo vuitu an inkhawm.

(click pics for larger size)

1. Upa Kawlkhuma hi Khawlhring chi, kum 1921 January ni 11, Lailen-a awm laia piang. Pawl ruk passed Mission zirtirtu a 1942 atranga thawk, Head Teacher ni-a 1987-a pension. Leng khua leh Lungdar a thawk. Zirtirtu training ah 1-na ani.
2. Leng khua a a thawh laiin Leng Lal Saihnuna (hla phuah thiam) nau Lallura fanu Lalrumi nen October 24 1949 ah an innei. Innei kum 60-na lawm an erlai mekin a boral
3. 1936 ah Sunde Skul zirtirtuah a trang, 1965 ah Sade Skul Diploma a dawng. Solfa Intermediate a passed. Synod Komiti sangah a tel deuh vek. Kristian Hlabu edit thar berah a thawh hlawk hle. 1966 ah Upa atan nemngheh ani. Bible vawi 60 chuang a chhiar chhuak. Hlamzuih bithliah nasa taka duhlo tu ani. Zing trawngtrai thlah lo a dam phawt chuan inkhawm a pelh ngailo. Khawngaihna a chhandam tih a boral dawn ICU-a a awmlaiin a sawi.



4. Kan theih trek trek chhung chu mi tranpui tur tih thupuia neia nunpui. Mi huat zawng hi tih miah loh tum tur tih passed mi in thlahrung tak ani.
5. Phawngpui tlang kum 82 mi anih tawhah a lawnchhuak. Politiks ah kan ram siamthra tur chuan Dictator deuh in hneh taka min hruai a ngai tih ngaihdan nei ani. Brig T Sailo a ngaisang hle.
6. Fa 9 a nei a fanu a fa upa ber ni bawk tihloh an la damkim vek. Fapa 5 leh fanu 4 leh tu 46 a nei. Lekha thiam thei tak vek an ni. Ka thrianpa Dr Bza hi mi hriat lar deuh chu ani.

East Lungdar zankhat han riakin ka thil hmuh threnkhat –

1. Zanah lengkhawm dar 6 ah chuan an kim thrap. Pawnlawia titi zuk awm miah lova (kei ka hrat zawng tak ania) Inchhungah Tuichangral zaiin an zai tawn tawn vek. Saihnuna hla Han thlir teh u Romei zam karah tih ka thlang, Saihnuna hla pali vel kan sa.Zan dar 8-ah YMA in trin an rawt. Engkim a felfai em em mai, Aizawl lam hian kan va tluklo nasa em. Hla erawh ka thluk sual zeuh zeuh. [youtube]http://www.youtube.com/watch?v=PjWItpE1bfg[/youtube]
2. Khawhar lenpuitu an awm chhungin bawlhlhawh bawm chhin buk thei 6 vel an dah, lengkhawm an trin khan bawlhlhawh  hmuh tur zuk awm miah lo mai a. An va fakawm tak.
3. “An khua an vawngfai hle ania, Frooti straw kawr kha paih suh ak rawh” min titu kan nu hian a hmudik hle mai. Biakin a hun hman zawha inpui thleng hmasa ah ka trang thlanmual ka kal ve loh vangin. Hnawk hmuh tur a awm lo. YMA hotute an veng fai zia fak paihn an tihdan ka zawt – “Nia hei bawlhlhawh hi hmuh apiang thenfai/chhar zel kan tia, meizial bung thlengin kan chhar zela tuman  an paih ta meuh lo kan fai ve duak ta mai nia,” tiin min hrilh.Faina hapta hman zawh chiah-ah hian lawmman dawng awm tak khua an ni.

This entry was posted on Monday, October 12th, 2009 at 12:30 pm and is filed under Mizo Society & Culture, Pictures. Both comments and pings are currently closed.