Mizo Hlakungpui Mual Silver Jubilee lawm hun tur chu tih chian a ni ta..Ni7 April,2011 ah rokhawlhna dang a awm loh chuan lawm tura ruahmanna siam a ni ta. Jubilee lawmna tur atan a senso tur duanchhin Rs. 3,661,190 pawh pass fel a ni tawh a. Ruai nen ropui taka lawm tum a ni.
Hlakungpui Mual enkawl na leh a lawmna chungchang ah hian Khawbung khaw mipui te an fakawm em em a. Sawrkar tanpuina tel hauh loin khawtlang mipuiin lungrual taka thawhlawm thawhkhawm in a lawmna te buatsaih thin a ni a. Tunah pawh hian Silver Jubilee lawmna tur senso tam ber hi Khawbung khaw mipui te thawhkhawm tur a ni leh dawn a ni.
Hlakungpui Jubillee ah hian Mizorama kan thu leh hla lama mi hmingthang leh chhuanawm tak tak fam ta te chawimawina lung 5 phun belh tum a ni a. Hemi selection committee pawh din fel tawh a ni in hma lak chhoh mek tum a ni bawk. Hlakungpui muala chawimawina lung phun tur hian a duh leh mi lar nazawng lung phun theih a ni lova. Kaihhruaina dan fel tak awmin chumi hmang chuan thlan thin a ni a. Zofate thu leh hla a min ti hausatu leh tihmingtha tu te chauh phun theih a ni a.Chu pawh chu uluk taka ngaihtuah a nih hnu ah thlan a ni chauh thin a ni.
Silver Jubillee denchhena hmalakna tur hrang hrang chhawp chhuah a ni a. Chungzinga pahnih chauh han tarlang ila.
1. Hlakungpui Mual a Chawimawina lung phun belh leh a hmun hma vel tihchangtlun.
2. Hlakungpui Mual hmunah he hmun luahtute sulhnu leh chanchin ziahna hrang hrang dahna tur Archive cum Library tha tawk tak siam.
Remchang hmasa berah kimchang zawkin rawn tarlan kan tum dawn nia.
Similar Posts:
- Mizo Hlakungpui Mual Silver Jubilee
- Hlakungpui Website hawn a ni ta
- Hlakungpui Silver Jubilee Lawm a ni dawn
- Thu leh hla thiam thlanna
- Hlakungpui website kha…..
October 29th, 2009 at 4:30 pm
A va ropui ve! Khawbung khaw mipuite an fakawm tawp!
..A ha! Taikheri ka comment khalh leh ta !
Report this comment
October 29th, 2009 at 4:33 pm
Pu Saihnuna lung pawh an dah ve an tih vangin, 1999 khan remchang a awm hlauha ka va tlawh ve. A hmun leh Hlakungpui Mual tih ain hmeh khawp mai, lungleng mi tan chuan.
Khawbung IB hi a nuam roh khawp mai, a nghaktu fanu pawh fel tak a nih thin kha, pasal a nei tawh maithei.
Report this comment
October 29th, 2009 at 5:14 pm
Mizo tawh phawt tan chuan Khawbung khaw mipuite hi an fakawm thlawt thin reng ani. An zarah kan mihuai kalta (ti ve khanglang ila) ten hriatreng an hlawh phah lehzual thin a nih hi.
Khawbung khaw mipuite chungah ka(n) lawm e.
Report this comment
October 29th, 2009 at 5:34 pm
Ri hup hup mai ang aw…..
Report this comment
October 29th, 2009 at 5:34 pm
khobung kho ho chu an enton tlak hle mai…sorkar leh midang an pur buai lo tur hi…an thilh tih dan atang hian pawl/khaw dang ho hi harh thar molh teng un…
Report this comment
October 29th, 2009 at 5:34 pm
Ka chan ropui leh dawn bik mange
Report this comment
October 29th, 2009 at 5:35 pm
a tha lawm,hmalatute an fakawm a chutih rualin mipuiten phurpui thiam ila,kan hnam ro hlu ani tih hriain mitinten chanvo kan neive theuh ani tih hria ila,tun aia chak zawk hian hma lakna pawh a kal thei ngei ang.
Report this comment
October 29th, 2009 at 5:40 pm
pathian zar a dam te a om chuan kal ve ngei tum teng…mahse ka ho hman lo ang tih chu ka hlau hle mai….
Report this comment
October 29th, 2009 at 5:43 pm
misual atanga kal te chuan, ka pu (ka nu pu) Saihnuna Fanai lung pic rawn la turin ka ngen a che u. Gate atanga han kal phei a, dinglam pang piah ber dawttu a niin ka hria. ka lawm e
Report this comment
October 29th, 2009 at 5:50 pm
Khawbung sawi tak ah chuan an khaw in kaihhruai dan ah hian en tawn tur tam tak awm in ka hria
1. Val upa- valupa tlangval ho kaihruaitu la nei in YMA in hma chin an nei a, YMA hming chhiat na tur tam tak an pum pelh thin
2. YMA chhang mumal tak a kalpui in Sunday tuk apiang hian khawlai an phiat vai thin. Hei bak ah hian YMA in mizo nun zemawi an zir tir thin
Henglo pawh hi tam tam ala awm awm e.
Report this comment
October 29th, 2009 at 6:06 pm
@HV. helamah thlalak a order theih e…..
Report this comment
October 29th, 2009 at 6:06 pm
mizo te hi mi style copy kn ching teh lul nen….thil tha lamah hian duh aiin mi chin dan tha hi entawn kan uar lo mah mah ka ti,a chagn phei chuan an chin dan tha copy/entawn hi tlomah kn la deuh tlat thin hi chu in siamthat a tha khp mai…
Report this comment
October 29th, 2009 at 6:07 pm
Khawbung chu an va ti tha em..valupa an kal pui dan hi ka lo ral hriat ve tawh a an en tawn tlak ka ti khawp mai.
Report this comment
October 29th, 2009 at 6:08 pm
shailendra, ka order duh e
Report this comment
October 29th, 2009 at 6:15 pm
idol/icon nin toh mah nak alai a.
Mahse. hei chuan hnam hnuk a khawih pha deuh a. a ziaom e.
Report this comment
October 29th, 2009 at 7:26 pm
A hmunhmâ a ropui, a cheibâwltute an fakawm … engkim a chhuanawm vek e.
Mi ram kutchhuak mawi leh uluk lutuka an duan hmuh hnu hi chuan —kan tih ve dànin mit a hìp dàn a dang deuh thìn! Mi mitlerh (aesthetic value hria) hruaitu leh mi-phusa kan mamawh thar riauva hriatna hi thilsual a ni èm lo’ng chu!
Report this comment
October 29th, 2009 at 8:08 pm
Jf.Laldailova leh Lalzova thlalak kan hmu chiah chu hnuk a ulh thei a lawm le. An hmel lah kha an ziak zovah mai bawk si.
Report this comment
October 29th, 2009 at 8:10 pm
@chawnghilh ani ngawt mai tiraw.. kan hnam ro ho pawh hi ram danga mi nen zawng a khai khin ah chuan ala sit awm deuh zawng ani. Ka lo hriat dan in hruaitu thar thalai lam deuh kaih hruaina hnuai ah hma an la mek ni in ka lo hria a tun hi advice an mamawh lai tak ni in ka hria i fin chhuah zel teh ang u…
Report this comment
October 29th, 2009 at 9:10 pm
He Hlakungpui hmun hi ka tet lai chuan ka kal ve ziah thin… a lunglen thlak ngot mai!
Report this comment
October 29th, 2009 at 10:53 pm
MI pahin kalkhawm ila
Report this comment
October 30th, 2009 at 12:17 am
“Jubilee lawmna tur atan a senso tur duanchhin Rs. 3,661,190 pawh pass fel a ni tawh a…”
Maktaduai 3 chuang hi a tam hle mai a. An tlin thei anih chuan a ropui ngawt ang! “Sawrkar tanpuina tel hauh loin khawtlang mipuiin lungrual taka thawhlawm thawhkhawm in a lawmna te buatsaih thin a ni a. Tunah pawh hian Silver Jubilee lawmna tur senso tam ber hi Khawbung khaw mipui te thawhkhawm tur a ni leh dawn a ni…” a la ti tak deuh deuh! (Khawbung a la ti deuh deuh tih ang deuhvin!). A ropui dawn bung bung e.
All the best!
Report this comment
October 30th, 2009 at 6:59 am
khawbung hi hla phuah thiam Damhaua leh Patea te khua, khaw in lung rual a sawi. Mizoram khaw dang in a tihna chang an hriat loh leh an tih loh mahse hnam tan thil tha leh tul em2 tih na chang an hriana hian, mi chhuan awm tak2 an khua hian a lo chher chhuak toh a ni tih a lang. Khawbung dam reng roh se
Report this comment
October 30th, 2009 at 12:18 pm
An Budget — ‘Maktaduai 3 chuang’ hi tlin tak maw?
Printing Mistake a ni lo maw!?
Report this comment
October 30th, 2009 at 12:31 pm
Rs. 3,,661,190/- Nuai sawmthum paruk chuang. Nia. A va tam em em ve maw le aw!
Report this comment