MIN HMANGAIH TIH CHU KA HRIA ALAWM..MAHSE, MIDANG NEI MAI RAWH
- Hmingtea
‘Min hmangaih tih chu ka hria alawm’
‘Hmangaihna awmzia chu ka hre ve alawm. Kei pawhin ka hmangaih ka chan tawh asin’
‘Midang nei mai rawh, i hmu tho ang’
Khing thute khi ka hmangaih em em hnen atanga ka dawn a ni.
Khami kumhlui thlahzan- tuk tukleh zan kha ni ta in ka hria! Ka hmangaih- i te Inah chuan keimahin ka leng a. Ka vanneih asiamin amahin a lo awm hlauh mai a. A lo inbual a, a inbual chhung zawng keimahin choka- ah ka lo nghak a. A rawn inbual zova, engthawl takin a insiam pah chuan min be bawrh bawrh a.
A mi hmangaihna chu ka dil leh phut a nih vang chauh chuan thinlung takin ka hlim thei lova! Ka rilru a na vawng vawng mai a ni! Hemi zan hma lawkah hian anmahni Inah tho hian ka leng a. A bialpa leh a thianpa anlo leng ve bawk a. Hlim tak maiin ka awmlai ngei chuan inthlahrung hauhlo chuan an inkuahin leh an inpawm vel a! (Ka rilru awmdan tur chu i hrethiam mai ang chu!) Chuvang chuan zanin hian ka va leng leh ngat a ni!
‘T.., ka rilru a na khawp mai’
‘Engatinge? Keimah vang a mi?
‘Aw, ni e’
‘A engah chuan?’
‘Hmanzan- a in awmdan khan ka thinlung hi a hliam a ni’
‘Nia. A pawikhawp mai’
‘Pawi a? Pawi i ti leh si a maw?’
‘A! A la naupang lutuk a..’
‘T.., ka hmangaih che a sin.. I laka ka rilru putdan pawh i hriat ka ring…’
Chutia kan inbiak lai chuan Inchung lamah inthlak tura a chhoh a ngai a. Kan inzui chho va. Sitting Room- ah ka lo nghak a. Reife hnu chuan a rawn chhukthla a. Inhnuai lamah kan chhuk leh a. Kalkawngah chuan,
‘T.., Ka hmangaih che’ ‘.., min hmangaih tih chu ka hria a lawm.’
‘In inhmangaihlo tih pawh ka hria a. Engvanginnge min hmangaih theih loh?’
‘Nia, ka hmangaih leh hmangaihloh pawh ka hrelo.. Hmangaihna awmzia hi chu ka hre ve alawm. Kei pawhin ka hmangaih ka chantawh a sin’
‘Midang nei mai rawh, duhtu chu i hmu tho ang’
Ka beidawn dan chu Pacific Ocean-a Mariana Trench ai pawhin a thuk zawk a! Ka thinrim dan chu Mt. Everest tlang ai pawhin a sang zawk hial ta ve ang! Chu thu anchhedawng ka han dawn takah chuan ka khawvel hi a pik mup a. Remchang a awm veleh chuan kan Inah ka haw a.
Ka haw kawngah te chuan ka biangah mittui a luang zawih zawih a. Ka insum theilo tep a ni! Inah ka thleng a, ka mu tawp a. Ka muhil hleithei chuang silo! A hreawm khawp mai! Nia, tuna a Bialpa nen hian tisa lamah pawh an inhnai khawp mai! Chuvang chuan va beisei over chi a ni silo!
Tunhmate kha chuan a chhungkhat lainate Inah pawh kan pahnih khan kan kal dun thin a! Tunah chuan thil a lo danglam ta! Dawra thillei dun tur pawhin a nu a sawm ta fo mai!
He thu ka han ziah nachhan hi tun dinhmunah hian ka hriselna a tha lutuk lova. Zamualte ka lo liam mai takin ka rilru natna hi ziak ngeia dah ka duh a, ka ziak a ni. Hmangaih hi pali chu ka nei ve tawh a. Pakhat chuan min duh lova, pasal min neihsan tawh a. Pakhat ve thung chuan min then a, pasal a nei tawh bawk a. Midang leh chu hmeichhe pakhatin a lo tihder a, pasal a nei tawh bawk. Pakhat chuan min iai deuh a ni ang, pasal a nei tawh bawk!
Tuna mi hi chuan pasal a la nei ve lova. Ka tan chuan zawn lai a ni a. Zawnhmuh tawh a nithei ngai lovang! A ni tluka hmangaih leh duh hi tunhnu hian ka nei ngai ta lo! Midang nen han inngaizawng thin mah ila, ka thinlungah amah hi a cham reng thin.
Tunhma- in amah avang hian khaw pakhat atanga lozin mikhual ve mai khan kan khawchhungah ngei mai Khawtual Tlangval, a khaw neitu ngawih ngawih kha min vau a nih chu!! Hei hi khawvela ka tawnhriat neih tawhah chuan theihnghilh har ka tihber leh ka rilru hliamtu na berte zinga mi a ni!
Urlawk zan a ni a. T..te In atanga ka haw lam chu kawngpui dung thlanglama Lungdawh ah chuan a thianpa pakhat nen minlo chang a!
Min rawn pan a, ka kawrawm- ah chuan a rawn tham a..
‘Lo ding lawk teh. ..i ni em?’
‘Aw, ni e’
‘A nih leh …, kei hi min hria em?’
‘Hria e….f*ck, …khua, …te mikhual i ni’
‘T..te Inah i kal em ni? Engnge i tih? T. hi lo tibuai tawh suh aw?’
‘Aw le’
A thianpa chuan, hmuiphun sup hian, ‘Tihbuai chuan, pawi zawk ang!’ a lo ti bauh a. Tichuan ka haw ta a nih kha. Mahni chauhvin ka ni a, han insual dawn ila a chan chhe zawktur ka ni tih ka hria. Chuvang chuan a tlawmzawkah ka tang ta nih chu!!
Chutia ka beisei loh lutuk mai, Thawnthubu ka chhiar changa a changtupa tawn ngai zen zenloh ka han tawn takah chuan tawnhriat ka neihbelh leh ta!!
A tuk tuk lehah chuan kan In bul lawkah an thianho chaw an eikhawm dawn a. A lokal a, f*ck min tihdan chu ka lo hrilh a. A hnuah a nu hnenah ka sawi leh bawk a. Tichuan, chu f*ck nen chuan an inthen ta a ni! Keimah vanga then a ni bawk a, T.. hi ka hmangaih hliah hliah mai a ni!!
Tin, amah hi ka tana a danglamna bik riau a awm a. Chung zingah chuan khawhar In ka kal hmasak ber zana ka kalpui a ni. A ni pawh hi a vawikhatna a tana kal a ni ve nghe nghe.
Ka sawi hmaih hauhloh tur pakhat chu 2009 kumtir khan ka Passed kan lawm a. Amah chiah Very Special Invitation ka pe a. Mahse, a lokal lo!! Ka thinrimzia leh ka rilru nat danzia chu sawi hian a siak lo a ni!
Amah avang hian hreawm hrang hrang hi a thiannu N… pasal neihhma, Class- IX kan zir vellai daih tawh, V… boral tuk atang khan a hriatloh hian ka tuar hnem ta malh malh hle mai! Chuvang chuan ka thin pawh hi a rim tak meuh a ni! Mahse, chu ka thinrimna chu amahah chuan tharum lama thinrimna ni lovin, rilru- a thinrimna a ni zawk!! f*ck erawh chu ka damchhungin ka ngaidam thei tawh ngai lovang!!
A nu leh pa nen hian inkawmngeih ve tak mai kan niin ka hria. Achang chuan kan titi hova, kan inkawmho bawrh bawrh thin. Anni pawhin an fanu ka beisei a ni tih an hai hauh lovang! A chang phei chuan zahtheihloh chhuah a, anmahni va dil mai te pawh ka chak rum rum thin! Mahse, thil tihchi loh ber a ni si a!
Ka sawifo thin. Mihring chuan chhia leh tha hriatna kan neih hmang hian kan nupui pasal turte kan thlang tur a ni. Hmangaih kan neih chuan anmahni kan va hriattir thei a, kan va ngaizawng thei.
Nula chu pasal a neih hma chuan Sava thlawklai a nih avangin tuman an ta en theilo! Kan hmangaihte chu tharum hmangin min nei turin kan nawr tur a ni lo bawk. Nu leh pa te pawhin ka fanaute an duhloh ang mi neih luihtir kan tum tur a ni lo. Chuvang chuan tuna ka sawitak ka hmangaih- i pawh hian a duh duh a thlang thei a. Mahse, min thlangtur chuan ka nawrlui theilo. Chutih rual erawh chuan amah avang hian ka rilru hi a na a. Zanah ni se, mumang lamah min hnem atum chuang lova, ka ngawi mai mai thei lo a ni…
Ka hmangaih, vul zel ang che..
Similar Posts:
- Khawinge Hmangaihna zawk niang le?
- PA vrs PASAL
- Mipa hi…
- Ka hmangaih reng ang che
- Ka hmangaih reng ang che
November 2nd, 2009 at 3:42 pm
f*ck an a tih che chu advantage ah a hman hram theih dan te a awm lo mi
a buaithlak ani, inngaihzawnna hi chu..
November 2nd, 2009 at 3:56 pm
Huiha, avan ngaihthlak nawm em. Post tu chu engtiziaa thih inbeisei ta ut ut mai nge maw ni le? Mi(Sual)ho hi i natna leh nat dan te pawh min han share law law la ka va ti ve.
November 2nd, 2009 at 4:02 pm
Ava buaianthlak tak ve, duhber ten min duhloh miau hi chuan a tih ngaihna vak pawh hi a awmlo. Theihnghilh tum ngawt lah hi, a theih ngawt thin bik bawk silo, “I’ve learned to live with it”
Hmangaih em em in a tan engkim tih in huam mahla, i nunna hial pawh chan huam mahla, a hmangaih let ve siloh che chuan i hmangaihna chu a thlawn mai a lo ni. Chutiang chiah chuan Isua pawh hian min hmangaih em em a, kan tan a nunna hial a lo chan tawh a, mahse keiniin kan hmangaih let ve siloh chuan a Hmangaihna chu a thlawn mai a lo ni dawn a ni.
November 2nd, 2009 at 4:10 pm
@pim pom kan zui char char teh ang che
– i HIV leh Call Girl topic ah khan thil i ziah belh dawn em? engmah a awm lo ania.
November 2nd, 2009 at 4:11 pm
buaithlak hle mai… han kherh ngar2 phot mai teh,hmeichhia leh uite a chul…an tih thn kha,a hmeichhe chhungte lakah poh i tlaktlum fu chu…han chul heuh heuh pht mai teh
November 2nd, 2009 at 4:17 pm
I hmangaih em em a, i va len laiin a bialpa leh a thianpa an lo awm a, i hmuh lai ngeiin an inkuah vel maw? i nula rim chuan a va ngam sak sak ve…mahse, i hmangaih reng tho maw..kan va in ang dawn lo em..het shaaalla
November 2nd, 2009 at 4:26 pm
Hetiang lam cc hi chu Darlawn tlangdung ah khian cc ka ngah mai. ThaiBoy hian Zam-sanga te ho zawt se, sawi tur an hre teuh ang… ka ngaihtuah peih tawh vak love. Ratu a te khan ka thutpui pa khan min nam thlu lo selang chuan lungpui tek chuai khawp a min rawn vih thelh te kha keima taksa a ni ngei ang etc etc….Champhai ah pawh Kahrawt bazar khat vekin huissss. Love hi chu mak deuh mai ania.
If you love her too much there is a chance she may use you. But if you love her just enough you might get her love in return.
November 2nd, 2009 at 4:44 pm
Hetiang ang dinhmunah hian keipoh ka ding tawh a, ka hriatthiampui khawp mai che, mahse keichu ka then hmiah a, min hmangaih lotu nena rizai sin dun a rem loh chuan, min hmangaihtu nen ngeia, sin dun chu Pathian zarah a lo tih chi zawk ngei mai.
November 2nd, 2009 at 4:45 pm
@Goldmember: OOps!Ka tihpalh a ni. Topic chu ka lo en nawn leh ang e. Haihawt ve deuh ka nia…ha..ha.
November 2nd, 2009 at 4:56 pm
Hetiang advice pek hi ka expert leh khawp asin, ka advice pek anga awm ho chuan an ti fuhlo zel lehnghal
V***a thihl laia Cls IX i nih chuan, St.Pauls a lut emi i nih ang aw.. nge V***a te Veng ini anga V***a thih kha i Voi khat khawhar in kalna.. tihte kalo ngaihtuah mai mai a.. a re re ah kum 21/22 vel bawr i nih hmel a, hmangaih leh duh dang ila tawng dawn chauh ah ngai rawh. kum 30 vel i nih a nupui te in neih hunah meuh chuan i ngaihtuah let leh pawn i nuihpui vel mai mai toh maithei sin. I hmangaih a i duh em em pawh nise induh khum ve lalh rawh, alo duh ve ngai che anih chuan a work out theihna hun ala tam lutuk, chutiang anih loh leh i get over hma theihna tur zawk ani.
anihloh leh inawkhlum hmiah la, guilty feeling engemaw tal chu a nei ve hrim hrim ang.(ilo ti tak tak anih paw’n funny an tirawh atia tihvel kha sawi tel chi miahloh aw)
November 2nd, 2009 at 5:00 pm
kei pawh ka tawn ve tawh thil ani,ka lainat khwp mai che.thu mal1 ph hmaihloin ka chhiar chhuak vek.i hmuh laiin an inkuah ve a maw?kei chu In-a ka awmlai min rawn sawmchhuak te tè a,ka hmuh lai ngeiin kei aia hmelchhia,mahse sum nei zok nen room-ah an lut/tawm zankhua zak asin.tunah chuan a aia tha&fel ka nei keuh.
November 2nd, 2009 at 5:06 pm
Pu HV vanglai nen an in ang lo khawp mai..ha ha
November 2nd, 2009 at 5:08 pm
@ funny: Second option khi thra top
If you want to make her feel guilty that means you don’t love her….
“If you love someone, set them free”
You think you love her and you want her only to be yours, that means you don’t love her, you’re selfish and you think only for yourself, you think only for your pleasure, you think only for your happiness, fantasizing how you’ll be happy if she’s all yours. Think about her also, think about her happiness. If she’s happier with someone else, and not with you than set her free. Don’t you think you’d be happy knowing that someone you love is happy and doing fine? If you are not ready to set her free and not happy knowing that she’s happy with someone else, think again, I don’t think you love her.
November 2nd, 2009 at 5:15 pm
Alej a chuan amah duhlotute zawng zawng, “ka set free” a ti jaih zel. Set free ngah ber a ni tawh ang Mizo te zingah hian.
November 2nd, 2009 at 5:22 pm
T… ti a i ziah zawng zawng khi f*ck tiin thlak ta zawk la, f*ck ti a i dah zawng zawng khi Lalthring-a ti ta zawk bawk la..
November 2nd, 2009 at 5:22 pm
Ani lawm Sandman, duh em em mah ila, minduh ve miauloh chuan ‘Set them free’ Keimahni ai a midang lak a an hlim zawk a nih chuan, I hmangaih tak tak a nih bawk chuan. I hmangaih tak tak ni lemlo a, i it zawng a nih ve hrim hrim chuan, “Hmeichhia leh uite a chul nel peih peih” an tih kha…. hlawhchham duh loh reng reng tur.
Keichu mi duhlai kherlo hi chu duh ka tum thaklo
November 2nd, 2009 at 5:26 pm
Sheesh, in va induhlo chiangkhai belbawl ve mawle. Min duhlo tu chu ka duh bik lo han ti ve ngat la, a rawn ngaihven chawng mai ang che
November 2nd, 2009 at 5:35 pm
Hmingtea hian min bol..! A fair lo tlat. LOVE STORY phuahtu ropui nih a tum a, mi(sual) ho hi inzir nan min hman a tum a nih hi. Nangni lah chuan a thluak in man der si lo va, in la comment tak luai luai a o! Ka comment ve don lo. Hei hi comment a ni lo a nia auh.
November 2nd, 2009 at 5:37 pm
Ka rilru a na tlat!
November 2nd, 2009 at 5:41 pm
engtinnge aman a ngaih ve ang che aw.. “thian ang chuan ka en theia mahse ngaihzawng ang tur chuan ka hmangaihin ka duh miau silova..” tiin hreh ve tak chungin a let down che anih hmel.
a rilru hneh a in hmangaih tir tur chuan a har toh viau in ka ring, bakah, a hma a i awmdan a work miau loh avangin a fresh in style dang nena i approach a ngai toh ang. approach tha leh tur chuan i kal hlat san phawt angai hrim hrim mai. i induh khum chhung khan a rilru hip thei tur zawng te, a nek_natlohna_lam kha i ngaihtuah char char anga, nakinah a nek_natlohna_lama in nek leh chiah chuan a tawlh duai duai tawh mai ang
hetianga ka advice tawh ka thiante reng reng hlawhtling kala hrelo
November 2nd, 2009 at 5:54 pm
@ Alej: An mahni engtin maw i set free ringawt a nga, free sa na na na?
“Release me” tih zawk tur a lawm. Hmingtea article chu a ngaihnawm hle mai. Nia i expi ang hi lo expi ve tawh kan ni deuh vek ang ka ring. i tan “Release me” hla kha ka rawn request nghal e.
November 2nd, 2009 at 6:01 pm
Please pray for 22 Christian Missionaries to be executed tonight by Islamist in Afghanistan.
November 2nd, 2009 at 6:04 pm
@Ale. A va rapthlak ve!
November 2nd, 2009 at 6:06 pm
Tawngtai vek ang u aw. Awm hmunah tal, a buai deuhte poh. An khawngaihthlak lutuk!
November 2nd, 2009 at 6:10 pm
Missionary 22. An samzai 1 thleng pohin humhimin awm roh se. Pathian thiltihtheihna chuan humhim mawlh rawh se!
November 2nd, 2009 at 6:14 pm
Enge mawni le, lal Alej chu HOAX i rawn tar lan i rawn tar lan a??? Nigerian scammers ho hian an bum zing hmel tawh che!
Hemi 22 Christian missionaries blah blah blah chu March 1, 2009 atang khan an execute dawn an ti tawh, nitin. An thi zing tawh awm
LINK-1 | LINK-2 | LINK-3
November 2nd, 2009 at 6:18 pm
@sandy. Chu eng teh vak a ni na nge? Ka lo tt vel toh asin
ka tt kha ka recover leh mai don mi?
November 2nd, 2009 at 6:21 pm
Ka lo tt kher kher ani !
November 2nd, 2009 at 6:23 pm
Lal Alej he hu vang vek, beh buh mai
November 2nd, 2009 at 6:26 pm
Ti duhdahtu zawng2 ten LALPA chu anhmuh nan leh a ramzau nan thrahnem tak a thawktu anlo nihzawk nan kan dil a che AMEN.
November 2nd, 2009 at 6:31 pm
WTF. Kan Pathian hian he lei a kan tawrh hi a phal amaherawh chu ka Kristian pui hetianga an ti tur chu ka ilru a va khawih deuh ve.
November 2nd, 2009 at 6:35 pm
@Taikher, i mittui luang zozai te kha…CANCEL, CANCEL, CANCEL
November 2nd, 2009 at 6:41 pm
@Hmingte, ti hian ngaihtuah teh, nang ai a duh zawk a nei tih i hre hma leh a ti lang hma hi thra zawk fe lo maw,lo innei ta ula in chhangchhiat buai lai tak, eizawn buai nen a duh zawk tur kha rawn lang heu mai se…Lucille hla kha i sa tlut2 lawng maw.I fate lah ngaihsak thei loin nuhrawn pahrawn an hrawn buai anga anlo lian anga an K.S, addict kual anga hui ham…hemi te chhung hi lawm.. anti luai2 anga,….
November 2nd, 2009 at 6:44 pm
F*ck, hmingte, damchhan tur t, chauh lo pawh hi i ngah tih in hre hram2 ang che. Hetiang hunlai hi chuan inngaihuahlawm daih mai ila. Pu HV-a te khuaa awm ang ten han in ngaihtuah daih maila, hun a lo herzel ang a, a chang chang chauhin i t-i chu a t tawh mai ang.
November 2nd, 2009 at 6:46 pm
@J_Lo tak hi chu ooo, i va ropui em!
November 2nd, 2009 at 6:53 pm
@Hmingte, chuan mawm, chung zawng2 ngaihtuah chuan, i fate’n nun sual an dai loh nan, chhungkaw awhawm inlo la nih nan,fahrah siam loh nan nangmah ATCHILH tlat tu che kha nei pawp rawh i inchhir hauh lo’ng.
November 2nd, 2009 at 6:54 pm
@hmingte, i la naupan hmel emai, ngaihzawng te chu i hmangaih tak i la hmu em em ang. Bakah hmangaihna serious taka la rual pawh i la nih loh hmel. Han lerh ve deuh leh CK ve deuh te hi a thra a nia in rual ve ah chuan.
November 2nd, 2009 at 6:54 pm
Alejandro comment khi HOAX ka tih khi [#26]
A tak tak a nilo. A rawn bum vel mai mai che u a nih khi, amah pawh in bum tel pahin. A ni hi chu a hmel te pawh a hoax hrim hrima, lo hrethiam mai ru.
November 2nd, 2009 at 6:59 pm
A lo chiang vak lo a nih chu, mi pangngai emaw ka lo ti char char a!
November 2nd, 2009 at 7:03 pm
Nia, a ni hi chu hriatthiam a ngai. Thil a sawi te hi, lo “aw” ve mai mai i la, a hlim ve mai. Ka ru, hemi story ngaihnawm deuh hi i OT san lovang u.
Hei hla pakhat ka rawn dedicate leh, Hmingtea leh midang zawng zawngte tan…. A nalh bawn tawp. “i vanram chu dawt a ni” tih lam vel a ni. Tu emawni kan duh tak tak hi chuan vanram ang hian kan ngaia, mahse min duh let si loh chuan chu vanram chu dawt vek a ni tih hi kan in convince thei tak tak lo a ni ber mai e.
Lacuna Coil – Heaven’s a lie.
Oh no,
here it is again
I need to know
when I will fall in decay
Something wrong
with every plan of my life
I didn’t really notice that you’ve been here
Dolefully desired
Destiny of a lie
Set me free
your heaven’s a lie
set me free with your love
set me free, yeah
Ps. A satanic miahlo a nia!
November 2nd, 2009 at 7:06 pm
au taikheri tak hi chu aw…khi, #22 khi hrelo tak2 mi?nuih hi i ti za thin…
November 2nd, 2009 at 7:11 pm
@kawlhawk: boltu kan bol let mek a – i ron ti leak out don lom le auh!
November 2nd, 2009 at 8:24 pm
MIN HMANGAIH TIH CHU KA HRIA ALAWM..MAHSE, MIDANG NEI MAI RAWH
Hetiang chhanna na deuh mai han dawn chu abeidawnthlak duh hle ang. Mahse Hmingtea ka thu rawn duh che chu ‘there is not only one fish in the oceon’ tih hi thupui ah hmang chhin teh, duh lo tu che chu ani ai a tha pawh i hmu hnem ang chu maw le!!!!!, i rilru i la kiang thei ngang lo anih chuan i finnaa zawng zawng hmangin han at chilh tawp mai teh duh vang che a abuai loh pawh in nang duh loh vang tal chuan a buai hrim hrim ang. Thinrim lam ai chuan thinrim silovin han hmangaih lui tlat teh hmeichhia hian hmangaih hi a dawl rei thei lo viau ania
I hmangaih na na chuan i la hneh hrim hrim ang, engtin nge Puibawihi hla kha ‘Hmeichhia leh uite chu a chul nel peih peih’ tih em ni kha han try leh char char la a rem ngang lo anih chuan hmangaih takin kal tir tawh mai rawh in lamlet hun ala nei ngei ang
November 2nd, 2009 at 9:38 pm
Dear,
I can sympathize with you. But, life must go on. Do not give up. You have exciting life ahead of you. She is not the right gal for you. There are many gals out there. If you are a Christian (I mean committed Christian), try to meet someone who is a Christian like you at church programs, etc. I am praying for you.
November 2nd, 2009 at 9:41 pm
Amen!
November 2nd, 2009 at 9:49 pm
“If you love her,set her free…” a fuh ber.Mi duhlo chung lo ngaihzawn tralh a fuh ber lo fo.Thil pawimawh tawk 3 ka hrilh ang che.
1. Hmangaih leh hmangaih inngaihzawn a fuh ber.
2.A dawtah chuan kan hmangaih em em min duh ve lo tu ai chuan min hmangaihtu an hlu zawk fo.
3.Tuna i awm ang reng khan khawvel a tawp dawn lo.Dak chhuak la,hawi harh rawh.
Engtik lai maha i theihnghilh thei thlawt lo anih chuan kum 4 vel hnuah tactic thar nen ti thra leh la,a lo duh hlauh tawh che chuan i tan vanneihna..a la duh chuang loh che chuan i chawh..:-)
November 2nd, 2009 at 10:07 pm
a thlakna dap a fuh ang
November 2nd, 2009 at 10:15 pm
a aia tha jon mai chi
November 2nd, 2009 at 10:57 pm
Ekhai a,a va han buaithlak ve mawle,inkawm nelna awm hmasa silo hian i lo hmangaih ve ngawt te hi ani lo maw? a englaitak hi nge i hmangaihna chhan? a engapawhchu nise i han rim a i hmangaihna thu i hlan tawha midang a thlangzawk anih si chuan i tana Pathian ruatah ngai lola zalen taka thlahin a duh zawka chu pawmtir mai turin i hmangaihna kha thatakin lantir thei la a tha viau ani.Engtikah emaw chuan i tana Pathian ruat chu i la tawng ve mai ang.Thil a kal fel loh avanga i hmangaihi chunga a thalo zawnga thlentir duhna i neih chuan hmangaihna diklo a ni tih i hriat ka beisei.
Thenkhatte sawi ang khian khawvelah hian ani chauh hi an awmlova i kawppui awmmi chu tawn hun ila nei ngei ang.
November 2nd, 2009 at 11:00 pm
I ziah danin ila maupan hmel hle mai,chutih rual erawh chuan hmangaih i ngah tawh hle bawk,i hmangaih thin
ten pasal an nei vek tawh bawk sia,i aia u ilo chhai thin tih na nge? i hmangaih tawh thinte hian pasal an nei hma hrim hrim aw?….F*ck hi i ngaihdam theih loh a tih theih i neih bawk si loh chuan i tuar thlawn mai mai tihna a ni mai.Ngaidam hmak rawh.aaa,tleirawl lai thil mai a ang riau mai.Pass lawm han tih vel danah khian.
Tak tak a nih chuan a na ve ngaih ngaih khawp ang .kei chu ka la tawng ve lo tiang hi.Min duh lotu ka la tawng lo ka tihna a nih chu 
Chuan, dawt sawi miah loin,i thu ziah a ngaihnawmin chhiar a nuam,mahse ka nuih i ti za deuh tlat pek a nih chu maw le….NOI
November 2nd, 2009 at 11:12 pm
maramizodiktak, mizo tawng aiin sap tawng i thiam zawk anih hmel,zodiktak tihhi i nickname a ni sia nge nick name ah i hmang ve mai mai.hehehehehehehhe
November 2nd, 2009 at 11:20 pm
Daduhi hi chu zaithiam ve tak a ni.
November 3rd, 2009 at 3:47 am
Hard lesson for a specific time-being, but all stories can vanish like silly nasty dreams!
Tlangvâl pakhat pawh a hmèlduhzâwng èm èm nula a nei ve a; chu nula chu mi dang lakah a lo rai leh nghàl a. Tlangvâl chu a rilru a na khawp a, “Ka bàn duh ang em aw?” a ti vawng vawng vèl zu nia.
Nia … engkim tân hian hun ruat hi a awm ve alàwm! Hmingtea chu —han intipachang deuh la, rilru tina deuh vung vung mai la … T-i ber leh nang ber emaw intihna khawvèlah han chiau vawng vawng ve rih phawt mai teh …
I kawr-âwma trhàmtu che kha ka ni hauh lo a nia aw! Kha pa khàn T-i a lo duh ve luatah a trhàm che a, tawngkam tlahawlhin a chhir zui che a.
Kei ve thung erawh hi chuan … T-i chu Mrs Hmingtea tùr atân chuan ka iai thlàwt thung! A chhan ka sawi duh lo! Tin, i rilru a nawm deuh huai nân i rawn post tawh bawk a; hmànah pawh Sihpui Ruam Vêngthar vèla Salvation nula pakhat induh ngilh ngelh deuh leh mi pakhat (top-up-a kan ti mai) chanchin kan khel hrep tawh. Tùnah chuan an reh vang vang tawh mai! I la ngai ho ve leh mai ang! Pu HV-a pawh i tawn aia tawng bawnra zawk a nih hi!
November 3rd, 2009 at 6:47 am
Ban hmak rawh! Min duhlotu hi chu banna lehkha han thawn zaih mai ila, an rilru a na vawng vawng mai a nia… Kha daih kha a sin!!!
November 3rd, 2009 at 7:28 am
E khai mate, keini poh kan la len ‘single’ mai2 hi, i la tawng veleh mai ang.
It’ll all get better in time tih kha lo ngaihthla ve hrih phots mai teh.
November 3rd, 2009 at 7:33 am
hahthlak thin ve maw.. a tawp khawk ah, an tuar na zawk fe thin asin.
lungngai mah ta che lalpan rinlo deuh mai in i duh zawng tak mai a pe ang che.
kan tawr ve fo thin a lom.
November 3rd, 2009 at 8:01 am
A bu a chhuah tur khawp in buatsaih law law teh a!! Nula tha deuh, lehkhabu chhiar peih deuh ‘T’ aia tha zawk i tawn phah ngei ang… promise
November 3rd, 2009 at 10:29 am
T..i leh a bialpa hi eng ang chiah nge annih ang tihian ka ngaihtuah mai mai a. No Offence kan ti lawk ange
(No offence) a aia tha i hmu ngei ngei ang.
T..i hi mikhual tlangval a hriat chian lemloh lakah alo fell ve ngawt anih hmel a, he mikhual pa hi 1980′s vela antih awm tawk lek ti duh khawpa thring anih hmel bawka, T..i a bem laivel leh T..i nen an awmdun lai vel pawhin a thrin zia hmuhtheih natur tamtak a hnutchhiah ngei ang. englekhawle T..i chuan a duh tho si chuan a duh thring ve hlemai.hehe.. chutianga duh thring anih chuan amah pawh hi eng teh ual nge a an ang aw..
thil SAD ve deuh chu, a bialpa hi nula fight uar laivel era ah ala awm hmel angreng te ka tia, chutiang anih hlauh chuan T..i duhlo chung pawh tharum tala hneh lak tum chi ani ang. vawikhat laipui a kah ulh ulh tawh chuan a kap nawn leh ngei bawk anga. Tin, a awmna era laivel hi nula theih insawitheihnana hman thlengin anla uar a, chuvangin Laipui alo kap ve hlauh tawh anih chuan an khua a a hawn leh hunah insawitheihnan a hmang zui maithei ani. Phone camera awm aneih phei chuan.. “Danger” ani ringawt..
aa ngaihtuah thui vak chi pawh anihloh hi a..
a ngaihzawngin i awma a tham lai khan, ngeiawm deuh, midang ina tranloh phah nana an hman siloh tawk turin han chhang keuh la chu, an khawih ngei che nga mahse T..i pawh a zak viau anga, mikhual tepawh inveng tlangval hovin an ngeiin anti let ve duh maithei. chuan T..i nen pawh an inthen phah hial anih phei chuan a tha viau anga, T..i paw’n i lakah rilru engemaw tal chu a nei ve khrim khrim ang te ka tia. next time ah chuan in hnek tir ngei ngei tawh rawh, i nui vung chur anga nimai lawm duhber te tan nana na chuan. hairehai.
hetia zeldin thubawl han sep vel hi nuam ve riau, dik kher dawnlo mahse
November 3rd, 2009 at 10:40 am
Hmangaihna hi chu a tawngtu in a tawn dan a zir hian a in ang lo a aniang. Hmingtea tawn dan ang hi mi thenkhat tan chuan a ho hmel a mahse ani tan chuan na ngawih2 a si a.
Time will Heal the Pain..Life goes on.. te an lo tih thin tak kha maw…
November 3rd, 2009 at 10:55 am
Min kawp mai roh an ti tlat toh hi chuan vala lu hi a hai thei teh mai a nia!
:twisted:
November 3rd, 2009 at 1:26 pm
Film ah chang ula a hmuhnawm awm
November 3rd, 2009 at 2:45 pm
@ lalhmeltha,
Thanks. Mizo dik tak chu kani alawm. Mahse han ziak dawn chuan, Mizo tawng aiin English ka comfortable deuh tlat a, therefore, please hrethiams!
God bless and take care!
November 3rd, 2009 at 3:03 pm
@maramizodiktak – a pawi ti reng reng suh :). sap tawngin i thil sawi tum i sawi fuh thei zawk a nih chuan inthlahrung suh.
November 3rd, 2009 at 3:13 pm
mikhual tlangval in khawtual tlangval a dah NIL ee
November 3rd, 2009 at 4:06 pm
maramimizodiktak & Goldmember a lawm awm hle mai.Mahni tawng aia hnam dang tawnga thil in sawi fiah thiam zawk tlat anih chuan in thlahrungna awm miah lo chuan inhmang tur chu a ni a lawm,mahni tawng ngei a in ring tawkna in neih loh chuan hmasawnna tur a la awm tihna a ni a a hun leh a hmun hman thiam hi a changkang kan tih duh na a ni e.
If you comfortable both that will be much better so that you can use in time.
hehehehehehehe kan pick duh mai mai a nia .lolz
August 18th, 2010 at 1:41 am
Chutiang te chu a duh lo top che a nih chu. Nge tihbuai vak tul chuan le? I inti thang tlawm mai2 a thianpa. Ka hmangaih, vul zel ang che.. te ila ti deuh2 a.
August 18th, 2010 at 1:46 am
Dik tak sawi chuan e.. Ka hmangaih che tih tluka tawngkam khawizu a awm lo