Zan in chu ka mu thei lo mangang leh awmngaihna hre lo in ka tei ka tei a. Ka ngaihtuah a, ka lung a chhia hle bawk a, ka beidawng hle bawk a ni. Hringnun khawvel a nih ang in mangan na leh lungngaihna te chu kan tawng tur a lawm, ti in ka han in hnem dawn thrin a.
Mahse, ka thinlung ah inchhirna, beidawngna leh lungngaihna chuan hmun a luah tlat bawk si. Min tawrh pui tu awm se chuan a zia awm deuh mahna ti in, ka threnawm German tlangval chu ka va kai tho va, ka rilru hah na chu sawi tum a ka in sangmar vel lai chuan a ham bui bui mai a, “What’s wrong” a rawn ti nulh mai a! Ka rilru in “aw, Mizo hmelhriat chu nei ila chuan aw” ka ti vawng vawng a.
A eng a mah hrilh ta lo chuan, ka thianpa pawh chu a mu leh ta mai a. Mut kan tum ve a, ka muhil thei bawk si lo. A tawp ah chuan ka zin dawn a amah ngei in a min pek thangchhuah puan chu sin in, Atlantic tuifinriat lam pan in ka pen hnawk hawnk a! Ka ke pen te chu zan dang ang lo tak in a rit hle hian ka hria a, kal kawng a sabek tla vel leh infiam vel te chu ka thik rilru hle bawk a. Ka huat thu engmah sawi lo, nidang a mawi ka tih thrin em em leh min ti hlim thrin tu em em ni thrin kha zan in ah meuh chuan mawina leh duhawm na an nei ta lo.
Ka chen na hi Atlantic tuifinriat sir a ni a, “Beach” thleng tur hian minit sawm panga vel kal a ngai a. “Beach” ka thleng lai pawh hre mumal lo chuan ka lo thleng der tawh a. Tuifawn ai a nasa chuan ka rilru ngaituah na chu a fawn in a vakvai a. Thliri te chu zualko aw ang in ka hria a. Hetimai a, pasal min neihsan hi ka ring loh mai bak ah, ka pawm thei lo a ni. He thudik hi dawt ni se ka va ti em!
2007 a England ka fang lai khan, William Shakespeare a pian in ka va tlawh ve zawk a. Chutah chuan lehkhabu liantak mai hi an lo dah a, a rawnfang tu ten an hmuh dan leh an duh duh ziah nan. Ka rilru ah “Romeo leh Juliet” ang a, kan inthren loh nan ti in chu lehkhabu ah chuan ka hming leh ka thiannu hming chu lian tawk in ka ziak a. Mizo tawng ngei in, “engmah reng in min thren lovang” ka la ti zui! Va kal leh a, va chawh reh leh vek mai hi ka nap a. Kan sulhnu tamtak ka ngaihtuah neuh neuh lai chuan, ka inring hma hauh vin ka mitui chu a rawn far kauh mai a! Kapu thih hnu a ka mitui tlak hmasak ber a la ni! Ka mitui chuan lungchhia tak leh beidawng tak chung in min kal san a, Atalantic tuifinriat ah chuan a luangliam ve ta a! Kei pawh lungchhia tak leh beidawng tak chung in ka thian nu, ka hmangaih em em chu kal san a, he khawvel dan ang a ka awm a ngai dawn a ni!
Milian fanu ka lo ngaizawng hi chu ka inchhir hle a, mahse ka thiannu ka lo hmangaih hi chu Khuanu malsawmna ah ka ngai leh lawi si! Zoseph Zaihmingthang’n “lian chhung maw, lo zuk ni cheu a”, “tuantul vang in zawl khawpui ah,….” Tih kha ka sa ret ret a, ka thinlung erawh a trap fuih fuih a……
Mi(sual) ho hnen ah thiam tawk in ka rawn zualko ve tawp!
November 9th, 2009 at 9:00 pm
HV khi ring hmiah rawh an sawi ang khian experience a nei tha tawh a nia.
Khawvel a la ni miau a, engkim hi thleng turah dahla,in kuai kun lovin i puanve sawi chhing la mihring induhna mai mai chu khuareiah a reh thin e an tih kha hre reng la,i tana Pathian ruat a ni lovah ngaila ‘SOMEWHER SOMEONE IS FOR YOU’ tih hi i thinlunga hre chungin i hmalama i ke penna ah chhel takin kal rawh.
Report this comment
November 9th, 2009 at 10:25 pm
@bly123
Ka tawngkam/hawrawp dik lo min hrilh a, ka lawm lutuk!
A hriat chu ka hre ve nan, ka la ti sual fo thrin a ni ber mai.
Report this comment
November 9th, 2009 at 10:29 pm
jaspi, i huat thu suh ah, “nan,” tih hi i hmang uar phian in ka hria. Khawilam chhuak nge i nih aw. Huat turin ka sawi/zawt miahlo che ania…just outta kiuriawsiti
Report this comment
November 9th, 2009 at 10:56 pm
@H.Vangchhia
Haw lo ve a!
Chhinlung chhuak ka nia.
Report this comment