Kar hnih chauh (Nov 26th) Thanksgiving ni thlen nan hun a awm tawh a. Pathian hnenah a malsawmna te avanga lawmthu sawina pual liau liau a ni serh a ni. Hemi ni hian a thei chuan chhungkimin emaw Saiar(Turkey) hemhmin tui tak nen Pathian hnehah lawmthu sawiin hun an hmang ho leh dawn a ni.
Awle, tunkum chu Landsdowne, Virginia ah chuan thil danglam angreng tak a thleng ta nawlh mai a. Saiar (Turkey) rual khat chuan karleh mai a Thanksgiving, Saiar a lawmthu sawi leh hun lo thleng mai tur chu duh lova nuar (protest) niawm takin kawngpui a motor kal te chu an ti buai nasa mai.
Animal control lam te chuan man an han tum te chuan luhlul takin an bum kual vel a. Animal Control lam ho chuan kalsan an tum pawn an lirthei hma ah a lo tlankhalh vat a, an tukverh ah a nghawng a fan chho a, a han chuk vel thin a ni awm asin. Saiar ah hian a pa pakhat luhlul zual bik a awm a, chu chuan police car te thleng chuan a vaihma piap piap mai a ni.
Chanchinthar puangtu ten an sawi dan chuan, “kawnga lirthei khalh ten an hmu anih pawn en ula tlan tlang zel rawh u, chuti lo chu a chhaih buai ang che u,” tiin NBCwashington news chuan apuang. A luhlul zia leh a area ah chuan a intih pa thu te leh a mawi dan zia te sawiin an nuih pui nasa hle mai.
Mizo te hi mihring kan ni ve tho si a, kan nghal bik zia hi mi ngaihtuah chhuah tir leh ta. Sava te leh nungcha hrim hrim mai, khuanun a duh ang taka a lo duan te hi, kan thu ber emaw ti hian kut hleiin kan ti thlabar a, kan that mai mai a kan ngaihtuah a van thuilo tak em vele aw. Ramsa, rannung te hi a nung chunga thlir an nawm zia te hi hria pawh kan awm chiah tawh dawn em ni le, thlir tur a lawi pawh kan nei tawh silo. Chawngzawng takngial pawh kan lakah an him hlawl lo a ni si a le!
Khawvel pakhat ah kan cheng za a, nunna nei, nun thlahlel theuh kan ni. Mahni zia leh duan dan angin chhungkua a khawsa theuh kan ni. Mihring angin kan tawng hmang velo mahse, khuanun a duan angin nun thlahlel ve em em an nih hriat a tha. Keini aia an chakloh vang emaw, ramsa an nih vang hian duh duha kan tihhlum hi a thiangin ka hrelo tlat mai. In ngai ve thei, in thlahlel ve thei em em an nih hi ka ringhlel lo reng reng kei chu. Parva te leh sava dang thenkhat atang te pawn a hriat theih hi.
Ramsa/rannung te hi tul takah emaw lo chuan i ti hlum mai mai lovang u, ka ti a ni e.
A chunga thu thenkhat lakna :
https://www.nbcwashington.com/news/local-beat/Turkey-Rampage-in-VA-69976367.html
November 15th, 2009 at 4:52 pm
A va mak ve ‘VAMAK’ an tih hi a ni chiah mai….
Report this comment
November 15th, 2009 at 6:04 pm
HV USA = or >> mi(sual) fr india. A post kal thra thrin khupz mai
Arpui lim hlaua tlanchhe chi tan chuan saiar rual thinrim chu a hlauhawm zawk ngei ang le
Hairehai Vamak tih mai tur em ni nge a phenah thuril tak a awm le? Thanksgiving hi uar ve chi ani em le kan ramah hian??
Report this comment
November 15th, 2009 at 6:33 pm
Pim Pom chuan news chhiar ringawt pawh hi a hlau ang a!!! lol
Report this comment
November 15th, 2009 at 6:38 pm
mizoram chu ni se orissa vela sai rual che ang khan turkey rualte hi kan soi thlarau leh fuuuuuuuuu mai thei ani
Report this comment
November 15th, 2009 at 6:46 pm
Taikher, an lo sawi thlarau a ni maw
Report this comment
November 15th, 2009 at 6:48 pm
HV chu va mu rei to ve auh! cholhni zing chhung inkhom hun 8:17am ET a ni toh, va kaitho ru. a ni hi a pianthar a ngai a ni. lo kal leh a hnai tih sermon a tam toh a. khovel top don tih vel nen. ZG lah hian eng eng emo hlauhom deuh deuh a au a aupui bok si a. piangthar teh – HV
Report this comment
November 15th, 2009 at 6:49 pm
aaaaa! hei, a lo tho ta luau mai
Report this comment
November 15th, 2009 at 6:59 pm
ka thu vun mai mahse, inleng ka nei…
Report this comment
November 15th, 2009 at 7:00 pm
Saiar ho chu an mahni thu ringawta kawngzawh an nilo tawp ang le. Fuihpawrhtu an awm chiang mai.
Report this comment
November 15th, 2009 at 7:26 pm
Tin, Pa-thianin anmahni mal a sawm a: Pa-thian vekin an hnenah, “Chi tam tak thlaha, lo pungin, leilung hi luah khat ula, in thu thuin awmtir rawh u; tuifinriata sangha chungah te, chungleng sava chungah te, thil Nung leia bawkvaka kal zawng zawng chungah te thu Nei bawk rawh u,” a ti a.
Report this comment
November 15th, 2009 at 7:41 pm
Thu neih vangin thah thiang an ni kher em ni. Kan thu neihna kan fa te hi kan that kher dawn em ni. Ramsa chunga ngil neilo mi chu anchhia lawhin awm rawh se.
Report this comment
November 15th, 2009 at 7:49 pm
HV chu post tha theiin bengvar thlak thin ngei mai. Ni e, i sawi ang hian ramsa lah sava te hi kan kutthak hrikthlak nan chuan i hmang tawh lovang u. Vai ramah te hian sava hi an ngam em em a, mahse vawihnih khat han perh ila, a hnu thlengin min hre hrang thei tlat, min hmuh chuan an thlawk daih zel.
Hemi rual hian lawmawm ang reng deuh chu tunlai naupang zingah nungcha te lainatna leh khawngaihna a intuh chho mek niin a lang. Hetiang a nih chuan an puitlin hunah chuan ransa te an zalen ve tawh ang chu.
MAHSE kan ramngaw, ramsa leh sava te chenna hi kan tih chereu zel chuan kan tu leh fa te hian nungcha khawngaih a lainat tur an nei hauh lo ang.
Report this comment
November 15th, 2009 at 7:51 pm
lalpeace, “tunlai naupang zingah nungcha te lainatna leh khawngaihna a intuh chho mek niin a lang.” i tih hi hriat anuam hle mai. Fuih (encourage) zel chi an nih chu.
Nia, thingtlang pa in huan tha, ram tha zawk a neih nan kum khat vel pawh a lo neih a thulh duh si lova, sawrkar lahin ram tan mipui tan nakin hun a la tha tur ni mahse, anawr lui ngam si lova. Terrace system hi uar ta ilang chuan kum 100 chuang a hmun ngai kha an hmang thei tur a ni si ale. ramsa pem tawh pawh an lo kir leh emaw aniang a, a awm chhun pawh an pung ngei ang le.
Report this comment
November 15th, 2009 at 7:55 pm
HV, kan thianpa pakhat pawhin sava a kapthla a, inah hawn lovin a thiante a pe daih. A chhan ka zawh chuan ‘ka fate an lungawi lo thin’ a ti.
Report this comment
November 15th, 2009 at 8:08 pm
lalpeace, ka naupan lai chuan rannung, ramsa hi ka dim peih thin ngailo reng reng. Laiking te hi acid in ka jection thin, a khu chem chem kha hmuhnawm te ka ti thin. Khaini te hi ka barh a, a rui kal te kha ennawm ah ka nei a, a nung chung ten a vun te ka hik sak thin. Ka thianpa pakhat (kohran mi lutuk tawh) pawn pressure cooker chhungah zawhte a dah a a chhin hnan a, tichuan gas ah a chhuang. A sa ti hreawm thaw thei bawk silo zuang hreawm ri tawk2 kha a nuih ti za tu a ni, min hrilh a kei pawn ka hlimpui viau.
A thu hrim ah ramvah te kha nuam ti em em mai, addict tawp ka ni. Thla chuang keimah pawn Tlawng kamah te riak a ramvak thin ka ni. Thingtlang ram hla tak taka ramvak peih thin ka ni. Ramsa tawh phawt mai chu chance neih chuan kah hlum a a sa ei ka tum ran thin. Champhai piah Mualkawi ah te Nghalmal kah tuma kal nal nal peih , Mizoram leh Assam chhung thlenga ramvak nasa thin ka ni.
Mahse, kan ngaihtuah thin a, bazar ah eitur tam tak a awm a, mi nung tha hle hle, an mahni zia mila in ngai ve thei em em, inthlahlel ve vek an ni awm si a an inringlo lai kan han that mai thin hi a fuh ber angem, tiin ngaihtuahna ka siam ta a ni.
Khitiang ka ngaihtuah khian inchhirna in ka khat. Ka sim chiang kher mai.
Report this comment
November 15th, 2009 at 8:16 pm
thil mak a ni e …
tin rannung chunga ngilneih hian malsawmna a keng tel.
ran talh dawn pawn a rei lo thei ang ber leh na an tuar rei loh theih dan ber ni se.
entirnan chakai kan chhum dan hi – tui so vak lo ah kan han thlak tawp a; an na rei asin. Tui so sa tak mai han thlak thi hmak ila;na hre hman lovin an thi.
Report this comment
November 15th, 2009 at 8:25 pm
https://www.nbcwashington.com/n.....on_DC.html
Report this comment
November 15th, 2009 at 8:29 pm
Hetiang khawp a ramvah hratin i han sim mai thei hi i fakawm thlawt e, thil awl-ai tak chu a ni lo tawp ang. Mahse nang ang hi chu in tlem deuh a nih ka ring, chuvangin tun kan generation hi a liam phawt loh chuan nungcha humhalh hi a la hlawhtling tak tak har deuh mai thei.
Kei ve hi chu shailendra te ang bawk a ramvak ngai lo, sa pawh kap ngai lo ka ni a, mahse ka thian thenkhat te hi chu ramvah atchilh tlat an ni thung. Tunah pawh khua a han thengthaw deuh a, ramvah chungchang lo chu ti ti ah pawh a leng leh ta meuh lo.
Kan thianpa thukhawchang :- ‘Ramsa humhalh tih te chu ramngaw kan humhalh tel si loh chuan tih mai mai a ni, kap miah lo mah ila an rem tho tho ang. Chuvangin an rem hma hian kah hmiah hmiah mai tur’ a ti ve tlat a sin!
Report this comment
November 15th, 2009 at 8:36 pm
Ramsa humhalh tur chuan ram leh sa humhalh angai.
Report this comment
November 15th, 2009 at 8:47 pm
Dik chiah.Thing phunpawh kan uar a,kan enkawl zui a pawimawh.Thing leh mau,ramsa chi hrang2 te hi kan ram rohlu leh sum leh pai kan hai luh theihna tur an ni.I dim ang u.Tourist-ho hip thei khawp a tam kan ngah leh hun phei chuan kan hlim in kan la lawm dawn a ni.
Report this comment
November 15th, 2009 at 9:22 pm
Thanksgiving hi Mizoramah an hmang ve ngai em? Ka hre ngai miahlo. Lo hmang duh ta ila sai ar chu a vang awm. A aiah tui em em lemlo mahse a hrisel avang tal pawh hian VAWKSA hi a hman theih em?
Report this comment
November 15th, 2009 at 9:39 pm
zrthara, i sawi khi a dik ka ti.
chhana, Saiar khera thansgiving hman tur tih a awm hleinem. Farm Saiar hi tui ka ti miah lova, ar pangai ka ei mai
Report this comment
November 15th, 2009 at 9:48 pm
saiar hi a hmuh pawh ka la hmu ve lo e! A sa tui leh tui loh chu sawi loh. A tui pawh ka ring nek lo. Ti ngawt ila!!
Report this comment
November 15th, 2009 at 9:48 pm
Saiar ho chuan hriat an nei a ni ngei ang chu! Ramsate hriatna hi tha deuh asin! Lirnghing turte, Hripui lo thleng turte leh chhiatna lo thleng turte hi hriat lawk theihna riau an nei a sin. An rim hriatnate hi a tha asin! Ui nu hur pawh hi Km hnih khat bialah hi chuan an hre thei vek.
Hmanni khan .177 Air Rifle ka lei a, mahse Sava kahna tur a ni lo. Target kah tlauh tlauh na tur a ni. Silai neite tan pawh target kah lamah hian hmasawn tum zawk ila, over age a awm ve mang si lova. Kan tih tak tak peih phawt chuan target mai ni lo, sum pawh a kah chhuah teuh theih asin.
Naupan lai atanga ram vah hrat, sava veh leh thangkam than lenpui, keini ang tan hi chuan Ramsa/Sava chan chakna rilru hian min thlah mawh khawp mai. Buannel ram dai thlir vang vang chang pawh a tam narawh e. Mahse changkan tum mihring zingah hian changkang lo sa pelh hi mausam a ngai tawh sia.
Photoshop lam hi a ngaihna thlawt ka hriat loh a vang hian thlalak lamah hian kal tumin nature lam hawl kual duh viau mah ila, xaia, chawnghilh, shailendra leh Bena te ne pawh kan ek pha dawn si lova cho loh enah ka en ta ngawt mai. Camera tha pawh kan Utawk tur vawn mai mai ang tihte ka hlau :smile:
Report this comment
November 15th, 2009 at 9:50 pm
@Drake, a chanchin ka chhiar zawng ringawt pawn hmulthi a ding sung2 thei alawm le..he..he.
An van che mak mai2 ve mawle. Rilru ngaihtuahna thui tak an nei ve te pawh a ang khawp mai. Saiar chanchin hi zir chian deuh ka chak ngei mai. Ran mak deuh an ni in ka hre tlat.
Report this comment
November 15th, 2009 at 9:50 pm
@cstea. Lunglei vety farm-ah an nei ang.. an hram hi mihur nui a ang a, an hram bal thei khawp a sin…
Report this comment
November 15th, 2009 at 9:53 pm
Hmuh ve mai mai tur a nih chu, kan hur haw vek ang tih erawh a va hlauhawm si ve!!
Report this comment
November 15th, 2009 at 9:56 pm
@muantea. kei pawh photoshop hi ka la khawih ngai map lo. hobby atana ka tih avangin ka mit la zawng thla ka la vel mai mai a ni.. German photographer hmingthang, Nat Geo ho pawhin an rawih thin hi vawikhat chu kar 2 vel ka zui a, a ni pawhin photoshop a khawih ngai lo. Chuvang chuan inti ngaihtha deuh in ka la khawih ngai lo. Mahse sumdawn nan chuan hmang dawn ila chuan photoshop chu a ngai… Dinagrafix te hian min la zirtir duh chuan ka la zir ve mahna….
Report this comment
November 15th, 2009 at 10:03 pm
@shailendra: i pics mawi tak takte hi i capture a i print leh tawp zel mai em ni? A tu emaw ber hian Photography chungchang hi rawn post teh u, kan lo inzir ve ang e.
Report this comment
November 15th, 2009 at 10:07 pm
Mizote chuan ‘mai mai a, vawhlum vek ang’ kan ti duh leh mai dawn asin! Kan hmanlai mi hmingthaho pawh sa kap theite kha an ni a, khatiang rilru khan min la kinasan zo meuh lo a nih awm hi maw?
Report this comment
November 15th, 2009 at 10:11 pm
nia… mahse Pathian hian a tul anih chuan chaw atan min pek ka lo ring a… Israel fate Egypt atanga A hruai chhuah khan vahmim sa a pe em kha’h! saiar chu awm hnai se A pek ka lo ring mai2a.. sawi ve tawp… G¤+h help us
Report this comment
November 15th, 2009 at 10:15 pm
Pathian hmanrua chu Pathiann hmanrua a ni. A lo a luata kan tibik deuh hi a nia ka han sawi chu! An ni chuan an duh hun leh mamawh hunah lo chuan kawnga a lo awm pawh hnawhkian hram an tum a ni lawm ni?
Report this comment
November 15th, 2009 at 10:17 pm
@muantea. thlalak hi chu zir vak theih a ni pawh in ka hre lo… mit hi lerh sela, tin a angle / a lang chin tur hisap thiam a tul ber mai. tin, light in kan subject a va chhun dan hi a pawimawh bawk a… inhlei a ngai.. hei hi digital a thatna a ni.. chawplehchilh in a result a hmuh theih a, duh loh leh tha vak lo a kan hriat chu a delete nghal zel theih a..
Report this comment
November 15th, 2009 at 11:28 pm
Sai-ar chu ei atana vulh chi a nia, humhalh a tul lem lo ang chu maw? Ramsa humhalh kan tih hian Hauhuk chauh ami?
Report this comment
November 15th, 2009 at 11:31 pm
Saiar ei tura an zawrh hi chu a hranpa a an siam chawp, farm Saiar eitur hrim hrim a duan an ni. Farm Ar, eg Broiler ang deuh an nih chu.
Ram Turkey (wild turkey) a ni kan sawi chu, farm turkey ni lovin.. leh ramsa dang zawng2 an khawsak na nen
Report this comment
November 16th, 2009 at 7:21 am
environment protection ah hian ka thawhhlawk miah lo a, mahse
naupan lai atrangin ka pangpar mi in an tihchhiatte, kan huana thingkung ka pa in a zar a thlak trum te in ka rilru na ka trahpui zing khawp mai!!! ka Pa in an thratna turin ka ti a lawm atih pawhin ka hrethiam ngai lova, nangpawh i Ban tan sak che ila Nuam or Na i ti ang? ti in ka zawt let thrin….ka Nu in a vawkvulh a hralh dawn apiang hian ka naute ka huikhawma a hralhkloh hlauh theihna anih palh takin tiin kan trap vak zel, kan hlawhtling ngai lem hlei lova…Lunglawn-Lunglei x-mas vawk leitura lokal ho erawh chuan kan unau kan trap nasa lutuk kha an rilru a ti hrehawma an lei lo ve teuh khawp mai…Zawhte cooker chhunga chhum kha ka rilru a ti na, hmandeuha a ka Pute a te ui thi kha ka rilru na viau a, a thlarau tana trawngtrai kha ka duh viau mai a, mahse awmzia a awmchiah khan ka hre leh lo deuha, chuti chu nilose ka trawngtrai sak chiang viau in ka ring…Ka Pa in min zirtirna “Rannung chunga ngilhneih chu Hmuingilna” a tih fo thrin hi ka thran hnan pawh ani mah na….rannung leh ramsa te tih chimit zawnga hmalak hi chu Fiamthu a sawi pawh ka remti lo tih ka han sawi ve duh hrim hrim e…
Report this comment
November 16th, 2009 at 7:29 am
hahthlaki chu i rilru a tha viau dawn a nih chu. Khawngaihna leh lainatna nei mi hi an vang tawh viau in ka hria. Chutiang mi i nih chuan thil tam takah i hmuingil ngei ngei in ka ring.
Nia, ka rawng thin asin, rannung lakah hian, ka harh thei bawk si. Ka dang ta khawp mai ka nun hrim hrim hi.
mi(sual) hi ka testimony sawina hmun tur emaw ka ti dawn tlat. Ka in puang zo tep tawh duh tawk hrih ang hairehai
Report this comment
November 16th, 2009 at 7:35 am
@H.V- ka lawm e, Mi rilru thra ti a soi tur ka ni miahlo na a, i sawi ang hian Khawvela kan damchhung ni hi a rei lo em a, Bible in min zirtir anga Dam chung ni te chhiarthiam dan hi ka zir mek a, a HAR ka ti khawp mai…
Report this comment
November 16th, 2009 at 7:40 am
Hmanni lawk khan Forest a an HOTU LIAN pakhat leh a thiante chuan Bomb in Sangha an man tih ka hria a, ka rilru a NA tawp ani mai….sawi thui pawh ka peih lo zawk…Thian te leh chhungte ho in an tuina Ramvah/sangha bomb so n so an sawi apiang hian INHNIALPUI lo in ka chhuah ngai lo a, ka thiam ang tawkin ka ZILH hrep bawk a, ka protective lutuk hi ka mihring pui te lakah hian ka che Agressive mah mah trep thrin a ni e…NOI
Report this comment
November 16th, 2009 at 7:47 am
hahthlaki, Mizo chu kan duham em alawm, Khasi pawh kan tluklo. An lui ah te khuan sangha a la tam ania, Mizo chu theih chuan man rem nghal vek kan tum zel. Duham, mahni hmasial (selfish), fing vervek lutuk thin hi apawi ngawt mai.
Ti daih ila US ah hian generator a sangha man hi a save ber pawl a ni tiin TV ah leh lehkha bu ah hian an ziak tlat asin. Sangha kha thi lovina stun a, a hnu ah dam pangaiin an dam leh an ti tlat. Mizoram ah chuan generator a man hi kan man loh te pawh a ti phar/pan a an thi thin an ti si a, an rumor hriat an sawi vung mai mai anih ka ring. Kan google chhin a hei link pakhat chu ka han phawrh chhuak e.
https://en.wikipedia.org/wiki/Electrofishing
Sangha tur ahrai tih te ang vel hi ka report hreh hauhin ka ringlo.
Report this comment
November 16th, 2009 at 8:30 am
@H.V. A kaikuanga kha kan report na Action la tu tur anih thrin hian a HAHTHLAK deuh lam chu a ni e…Mizoram a ka awm lai nen a in nanglo hlauh ani e…
Arunachal pawh hian Locally in sustainable conservation an nei asin! Lui kal theih Hun Bi an siam a, an sangha man sa pawh a te lutuk chin chu lui ah an dah let leh thrin…Zang Kawl tuk ho pawh environmental conservation n protection ah chuan kan tluklo chu a ni e…
Report this comment
November 16th, 2009 at 12:18 pm
Naupan lai khan sava ka perh thla lo a ka awk lo bawk a, a hun lai chuan themtlaw nih ka hlawh deuh a, tun hnuah erawh chuan ka lo perh thla lo kha ka lawmna a ni ta.
Report this comment
November 16th, 2009 at 7:46 pm
Hmanah kan naupang laiin chaltlang panna Chaltlang kawng chhukthla Chanmari phei Zarkawt kawng dungthul hian phengphehlep a var deuh hlir mai hi an rawn thlawk vak tawh pawh kha a hmutu ka lo ni ve kha tun thlenging ha hip in ka la sawi ve.Rannung a huhova ka hmuh ah chuan an la tam ber awm e.Hmu ve in awm ka ring.Khawnge an kal dawn ni khang phengphehlep chhungkua kha an pem dawn ni ngei ang .A hnuah eng a thlen phei chu ka hre lem lo.Tin,Rial lian tawk tawk Aizawl a tlak pawh kha ka la hre reng.Ka rial hmuh tawh leh hriatah chuan a la lian ber awm e a tam si Mizoram a tla ah chuan.Mak ve ang reng hle mai.In la hriat ve ka ring heng thil thleng tawh te hi.
Report this comment