ZORAM KHAWVAR hun tur thlirkuala Online leh Offline-a ka vahvelnaah hian mi chi hrang hrang ka tawng thin a. Chung zinga pakhat, Mizo Nu, Europe lama awm chuan e-Mail in min rawn contact ve thin a. A e-Mail ka dawnte zinga pakhat, ka rilru khawih bik riau hi mi(sual) ho hian sawi ho a tha hlein ka hria a. Amah ka biak hnuah rem a tih avangin ka rawn Post ta a ni.
Amaherawhchu, Comment pek hmain hengte hi ka ngen hmasa e:
He e-Mail min thawntu hian inthlahrung takin … “Ka sawi sual chuan min ngaidam dawn nia” ti chungin a vui thu a rawn thlen ve a ni a. Tin, mi rilru tihnat pawh a hlau hle a ni tih ka rawn sawi tel bawk a ni. Amaherawhchu, ngun taka ka zirchian hnuah, a thu hi a te lo hle a ni tih ka hria a. Chuvangin, keimah maia lo dawnsawn ai chuan keini mi(sual) ho hian discuss ho dial dial ila, Zohnahthlak, Zoram chhung leh pawn lama awmte pawh, insiamthat kan ngaihna lai nia kan hriatte sawi hovin, Comment kan pekin tawngkam mawi lo tak tak hmang lo vin, kan ram leh hnam inpumkhatna atan he e-Mail hi hmang tangkai thei ila tiin ka rawn ngen hmasa che u a ni. “Hrui khat vuan ula, ka then kai ang che u” Pastor Chhawna hnenah ‘A’ tih kha!
Hei le, ka e-Mail dawn chu, a ngai ngaiin:
To,
Pu Lianhminga, dam thin maw? Ka rawn ti buai thin che a, i hmai zah awm khawp mei.
Ka rilru a awm deu pakhat kan sawi a nga ka sawisual a awm chuan min ngai
dam dawn nia,
Eng vang hian nge Mizoram ho hian ( mi then khat ) Burma Ngapih ti hian min hmuh sit thin hi achhan hi engnge niang taktak ah chuan minhmu sit tu ho hian kawngeng kim ah min tluk si lo hi anin hria lo emmi,Taktak ah chuan Mizoram zaithiam te hi Khawvel Ram hranghrang an thlen theih na chhan hi Khawvel hmun tinah awm Barma Ngapih ho chah vek an nih hi an hre lo emmi.
Hman ah 2000-02 vel lai khan Aizawl leh a chheh vel ah ka lo sumdawng kual ve tawh a
vawikhat chu Saitual ah thil kan zuar ka haw lam kha Tlangval hohian Hmusit emem hian Ngapih nu la minlo ti vel a, Minhmuh sit Ngapih nula hian BA ka pass a Ngapih ka zuar na in kanu leh kapa te ka chawm a Building in kasa bawk a, khatia mi au khum tu te kha engnge an nih hnapoh thawk peih lo mi in luah kual leh Damdawi khawih meimei an nih hi an in hre si lo.
Tihtak em ah chuan Kan ram Sawrkar that loh vang cho a sin. Nang ni poh India Ram ah awmmah u la vai inni chuang lova Mizoram State, inni a Keini poh Burma(kawlram) ah awm mah se Kawl kan ni chuang lo Chin hill in kan awm ve chuchu ni mei.
Mahse kei chu Hualngo ka ni a Pathian in Hualngo a minsiam hi ka lawm emem a ni. Ka rawn ziak ta teu mei i chhiar peih lo a nih pawh in a pawi chuang lo.
Lalpan malsawm che rawh se.
Damtak in.
NOTE: A thu type hi zotawng ziak dan dika edit ka’n tum deuh uk a, mahse, a nihna ang ngeia rawn paste mai hi a hlu riau zawkin ka hria a, ka edit ta lo a ni. Rilru fim tak leh kan hmalam Zoram Khawvar hun thlir chungin sawikhawm ang u hmiang.
