Aizawl Traffic Police-te chuan zan lama Aizawl khawpui chhunga bike-a chak tak taka tlân thinte leh intlansiak chíngte chu man zel an tum a, an mante chu Rs. 1,000 zel chawitir an tum bakah, zu rim an nam chuan MLTP Act hmanga thubuai siamsakin, jail-ah thawn zel an tum.
Zan lama khawpui chhhunga bike-a tlan chak lutukte leh intlansiak thinte chungchang hi mipui lam leh sorkar hotute lam atanga ngaimawhna thâwm a len thu sawiin, Traffic SP Lalbiakzama chuan, a tirêm turin hma an la dawn tih a sawi a; tlan chak lutuk chu mi dangte tan a hlauhawm avangin MV Act Section 184 hnuaiah ‘dangerous drive’ an nih angin thubuai an siamsak ang a, zu rim namte chu MLTP Act hmangin thubuai an siamsak dawn tih a sawi.
Lalbiakzama chuan, “Khawpui chhung kawngpuia tlan chak lutuk leh intlansiak hi phal a ni lo hrim hrim. Zan rei hnu pawh ni se, mi dangin kawngpui hi an hmang ve duh a ni,” a ti a. Khawpui chhunga bike-a chak lutuka tlan thinte leh intlansiak thinte veh hna hi tan turin an inpeih tawh a, an tan hun tur erawh an puangzar kher dawn lo tih a sawi.
Traffic SP chuan, zana intlansiak leh tlân chak lutukte chu an motor number chhinchhiah a, Traffic Control Room telephone no. 2322307-ah hriattir zel turin mipuite a ngen a; report an dawnte chu an man ang a, an hrem zel dawn tih a sawi bawk.
- source : vanglaini.org
Similar Posts:
- Bike accident ah mi pakhat boral
- Bike intlansiak man
- Chief Secy. Car leh Bike insu
- Taxi / City bus in HORN min pe ve khanglang a…
- Parking uluk dawn
November 26th, 2009 at 9:57 pm
man phiar teh se. A tlan chak ve lote tan hlauhawm e mai
Report this comment
November 26th, 2009 at 10:03 pm
An han tlan chiam mai hi chu zia lo tak a ni,midang tan pawh a hlau awm!Kan in tih changkan lutuk vang a ni 1 bawk lawm ni?Kan trawng huat thu suh ah,In a haw a nghathu rawt liak ve leh mai2 tur ten,rem leh rem lo a, Rossie te tih dan ang te an han ti vechiam hi chuh! a zia lo lam hrat a ni e!
Report this comment
November 26th, 2009 at 10:22 pm
a va han tih zia em….man phuk2 teh u,a bike neitu chauh lo poh…an phurh te thleng in man roh u!!man molh2 roh u,mn t ral muang lo,in la changkang ltk engmah n cuang s lo hian an tlan vuk2 mai a!!hahaha!an van choh don em…aleh!aleh!
Report this comment
November 26th, 2009 at 10:29 pm
Zan ah choh ven an tum chuan aizawl bikers ho chu enlai a in tlansiak tawh dawn nih chu.. Leh aizawl kho pawn ah chuan an phal tih na nih hmel bok sia:)
Report this comment
November 27th, 2009 at 12:25 am
2004-05 vel bawr ang a an duty leh chuan a nuam ting a nimai..Durtlang chho ah te Gypsy ten min um vel kha chu 1st gear in ,gear thlak duhlo mah ila min man chuang lo ang tih ang vel ani!Bike an ron ken ve lah an tlan chak ngam ve lo nge speed limit pelh an hlau,an mi man tum te Leitan ah kan bo diak a,a duh zuangtui lamah an kual a,a duh Hospital lamah,T.V.Centre lamah nen.An hawihaih hnu ah kan haw leh dial a.Nuam ve mai2 tak ani!Mahse keichu min man don lo rengs..Ka peih toh leuh!lolz!:-)!A hun lai hi a om a nia,hman zan Yamaha ho race zan poh khan Zurui chunga Nula phurin ka motor turn tur a ron tai a,a nula phurh nen an tleng mawi khop mai.I thiam lo a nih kha an tih chung pon traffic police ka nih hi te chu a la ti ta deuh2,Police lumum I.D te cu a lek ang zuk2 a,Hmeichhia om lo in, Patling ho in ‘Ngaidam mai teh a na zawk an ni sia’ tilo se chuan ‘SIBUT’ ti khopin ka chum ang mo le!haha!
Report this comment