Thaikawi mai duhtawk lo a,
Kan intawn Ni hmasa berah khan;
Nghet takin ka kuah che a,
Am takin ka fawp che a;
Lungmuang takin ka tang bel a,
‘Ka zak è’ i tih Ni kha…
Hun leh Ni a liam zel a
Tiam tlat e kan tih Ni khan;
Nghet takin ka chelh che a
Lung chim takin ka en che a.
Dim tè a min kheuh pah a
‘Ka zak e’ i tih Ni kha..
Lawi that zan alo thleng a,
I par thianghlim ka thliah zan khan;
Thlahlel takin ka khal che a,
Duhthawh takin ka chul che a.
Maimit chhinga thaw halh halh chung
‘Ka zak è ‘i tih Zan kha…
Fanau rila rah chawi tur a,
Damna Run kan kai ni khan;
Dim tè-in ka kai che a,
Chhel turin ka chah che a.
A sehsam nä pawh sawi lo a
‘Ka zak è’ i tih Ni kha…
Pialral zinkawng zawh tur a,
Natna khum i belh lai khan;
Cancer dam tur ka ti che a,
Lungchhe takin ka hnem che a.
I ankä hnuhnung ber nitur a
‘Ka hmangaih che’ i tih Ni kha..
Rauthlain min rawn thlir la,
Fam zun ngaiin patling ka kur e.
Ka tlang zarh ta misual ti ti naah;
Kan nunhlui leh i anka te kha
Nuimawi chhuaha kimki chungin
‘Ka zak e’ lo ti leh ang che Ma…
Similar Posts:
- Ka zak éee… (Ka thianpa tan)
- Kawng chu min hrilh rawh..
- Daktor dawt sawi hrat? (Thu dik nge i duh dawt?)
- Cancer update
- Sam tla tam!
November 29th, 2009 at 2:54 pm
Chang 2 na leh 3na chauh aw… Love song ngat mawle
Mahriak a run nghah zawng
A riang ka chan tawk mai maw?
Min dawn chang awm ve maw
Par ang vul lai ni zawng te
Uai a an vuai mai tur
I phal bik dawn dawn em ni?
Chhawn thiam lo a riang hian
Ka zuam nem le dawi ang dil
Chun leh zua anka tawn
Ka tuar thiam bik dawn em ni
Min hnem tu nang ngei hi
Ka tan chuan aw Mampui
Kan Riang thei lutuk maw le :lol:
Report this comment
November 29th, 2009 at 2:57 pm
e khai… dr_feelgood sawm tel ila MI a ngai a nih hi le…
Report this comment
November 29th, 2009 at 3:01 pm
lalpeace. ‘eng mawi ber’… chu ni e… Tiau tui rawn hawn te i nei em ? ka lo chho don em ni? ….hahaha…
Report this comment
November 29th, 2009 at 3:06 pm
in rawn bei nalh thei ltk a min ti zak dwn alawm le,kei a thil lo nep zia kha…Xaia nupui tan chuan zawhna atam duh dn tak khi mwle..
Report this comment
November 29th, 2009 at 6:00 pm
Khaia aw helai chu ‘poets Corner ah kan chhuah mai dawn lawm ni :?: Rinai daiha shailendra pawh chu a lo chimi chule. Han thawh zel teh u; XaiA hi picture edit thrang ania, thildang chulmam lah a lo hnehsawh zek
Kei zawng a thuken lam hi ka tuipui, thlakhat pawh kawl ila, a aia chhia in ka chhuah dawn mahse in kuthnu beisei siin ka hul ka ti mai e auh
Report this comment
November 29th, 2009 at 6:08 pm
patling tih chi loh :lol: nupui ah lungoi tok lo mi?
Report this comment
November 29th, 2009 at 6:10 pm
Ha ha ha… kan inkhawm ve lawk ang e…I’ll be BACK….
Report this comment