Kum-3 kal taah khan kan veng tlangval pakhatin ka fanu kum tlinglo a pawngsuala, ka hmaah thingthiin, Pathian hmingin ngaihdam min rawn dila, Pathian hming meuh lama thingthi-a ngaihdam min rawn dil ta chu; Pathian hi ka zah em a,a hming lam tute meuh lo ngaihdam loh chu a lung te pawh ka ti awi lo ang e tiin, ka lo ngaidam ta mai a.
Hun alo kal zela Pathian hming kha a ri reng tawh bik silo a, a pawngsual tupa lah chu a thiltih pawizia leh a tuar tute tan anat zia hre lo ang maiin Bike-in thawveng zetin a tlan ang fua fua a…hetiang hi i tawng ve anih chuan NGAIDAM MIAH SUH ti tu, ka thianpa thusawi kha ka ngaihtuah chian poh leh dik ka ti tulh tulh mai.
Hetiang vanduina hi tù chungah leh kan chhungkaw chungah ngei pawh thleng thei anih avangin, ngaihdan nghet lo neih sa hi a tha e tiin, hetiang hian lehkha mai nilo, ka thinlungah ngei ngaihdan siam sa ka dah ta a.
1) Tum reng vanga Pawngsual emaw, tualthahna hial emaw kan chhungkaw chunga thlen tir tu chu Pathian hming a rawn chhal vang ngawtin ka NGAIDAM LO ang.
2) Thinlung dam siloin, i hmelma hmangaih rawh tih Bible-a a awm vang maiin ka NGAIDAM LO ang.
3) Thil anih tur ang ang a ni zo tawh a, a pawi tur ang ang pawh a pawi zo tawh a tih vang ngawtin ka NGAIDAM LO ang.
4) Ngaidam tu nih hi a ropui a, thenawm khawvengte leh alo hre tu apiang te pawhin fel/tha/ropui min ti dawn si a tih vang maiin ka NGAIDAM LO ang.
5) Ka tawrh tir ve kher avangin kan chhungkaw tawrhna hi a nep sawt dawn chuang silo a tih vang maiin ka NGAIDAM LO ang.
6) Thinlung zawng zawnga ngaihdamna, Za-a Za ngaihdamna famkim ; Hun lo kal zel turah ka inchhir lo ang a, ka rilru a nä bawk hek lo ang,ka thinlung zawng zawngin ka ngaidam takzet che ka ti thei anih chuan, hetiang NGAIHDAMNA tak tak erawh ka duh ber fö ang Mizo Kristian ka ni si a.
Similar Posts:
- Kal la, tun hnuah tisual leh tawh suh
- Lal tawngtaina kan tih hi
- Kristian chhungkua leh kan tehdan diktawk lo te
- World Suicide Prevention Day Pual thian beidawng hnena lehkhathawn By: Chris M.S.Dawngkima, Ramhlun N
- Pawi ti miah suh!
December 5th, 2009 at 10:31 am
1st??? k support ee i thu sawi hi
Report this comment
December 5th, 2009 at 10:44 am
Ngaihdamna hi ngaihtuah fimkhur a ngai khawp mai. A lemchang thiam thiam hi zaktheilo, ngaihdam dil taima an ni duh chawk bawk si a.
Report this comment
December 5th, 2009 at 10:44 am
chutaing ang in ka fnu chungah pawi khawih ve sela chuan…ka kap hlum ngei ang/ka vaw hlum ang! Ngaidam dawn lo rengs. An duh reng vanga ti lui an ni ve tlat in ka hria..pawngsual tih vel hi chu.Tum reng vanga thil ti an ni a. Thingpui a rawn lum in lum lo mahse….ngaidam dawn lo!
Report this comment
December 5th, 2009 at 11:06 am
Chhungkaw thil tawrh a zawnga tawrh hreawm ber te zing a mi i lo tuar reng a nih chu mawle aw, a zialo hle mai.
Lal Tawngtaina kan sawi hian rilru in kan sawi ngai em, tih ngaihtuah angai a nih hmel mange. Mi kan ngaihdam chuan a hnu leh awm turah ka ruat lo. A hnuleh a awm dawn chuan kan ngaidam lo tihna a ni dawn lawm ni. Pathian hminga ngaihdam dil pawn, a lam mai mai vang a la tuar ngei ang le.
Pawngsualtu chu, ngaihdam hmain hrem hmak tur ka ti. Hre renga tih chu sual a ni miau si a.
Report this comment
December 5th, 2009 at 11:07 am
In chhungkaw thil tawrh hi ka tawrhpui che. Pathian hmingin ngaihdam a rawn dil a, i lo ngaidam ta a, i ti tha hle a ni. Amarawhchu I ngaihdama khan thinlung tak2 ni lovin a der maiin Pathian hming a lam tih a lo lang ta a ni ber a, atan a la pawi hle thei a nih chu mawle.
Report this comment
December 5th, 2009 at 11:08 am
Kristian nih chuan Ngaihdamna hi ropui ber ni lawi si a.
@kawlhawk 6 na khi dik khawp mai.
Report this comment
December 5th, 2009 at 11:27 am
Pu Kawlhawk i thianpa chuan a thinlung chhungril a share che a nia, a khawngaihthlak hle mai, kei chu naupang or puitling pawh pawngsualtu reng reng hi chu ngaihdam tur an niin ka hre lo, an thilsual tih pawi turzia hrereng chunga ti an nia, pawngsual tih tawngkam hian min rap in a tenawm ka ti ngawih ngawih, thinur reh si lova in ngaihdam hi chu mahni inbum na mai a ni.
Report this comment
December 5th, 2009 at 11:31 am
Kei ni ta ila ka ngaidam miahlo ang. A hnu zel a pawi zawk thleng hi a rapthlak a ni. Kan khawtlang nunah hian rilru lam thiam te kan rawn hreh deuh thin bawk nen. Ka thil tawn 1 kan sawi ve mai2 ang e.
Kum1 liam ta ah khan tleirawl 1 hi zan 2 vel mu theilo leh chawei theilo in rirlu buai taka a awm avangin a chhungte’n an rawn hruaia, awmze neilo in duh2 a sawi an ti a, kan kawm chiana thil kan zawh vel khan thu awmze neilo, entirnan a kawchhunga “microscope” awm tia a sawite, a u thianten ngaizawng tia a sawite thu tak ni lo mahse chu a zeldin thu sawi karah chuan kum 6 vel a nih laia an inluah pa (hnamdangin)a pawngsual thu a zep tel ta tlat mai. A hunlaia a lo tawrh dan tur leh a rirlu hrehawm dan tur te, a tleirawl chhuah hnua a insit dan tur te leh kum 10 lai liam toh a thil thlengin a hunlaia enkawlna a dawn that loh avanga tunhnu a rilru lamah nghawng pawi tak a neih kan hmuh khan thil ti sualtu pa chu zawnchhuah a a phu tawk hremna pek kha kan tih makmawh niin ka hria a, ka thawpui te nen kan han chhui vel ngial thina, tumah in a awmna an hriat tawh loh avangin hremna a phu tawk kan pe thei ta lo a ni.
Kan ziah deuh duah na chhan chu kei chuan thil ti sual tu te hi an phu tawk ang hrem na chu pek ngei ni thin se, Pawngsual te pawh hi a thleng tlem deuh mahna ka han ti a ni. Bakah thil ti sual tu te hrem hi a Kristian zawk ka ti. Pathian pawn Israel mi te chu an thil tih sual ah a hrem thin tho kha maw..
Report this comment
December 5th, 2009 at 11:48 am
Mihring chuan ngaihdam aiin phuba lak hi kan chak vek chu anih e. Tumah dem bik tur an awm love. Mahse heihi hrereng ila. “Min ti chaktu LALPA ah chuan engkim ka ti thei”. Phil
Report this comment
December 5th, 2009 at 12:01 pm
‘Forgive and forget’ tih hi chu ka policy a ni lo khawp mai…
Report this comment
December 5th, 2009 at 12:29 pm
A pawng a pui a in ngaihdam ngawt hi tha ka ti lo.Misual vulh lenna mai mai a niin ka hria.Pathian hming a naran a sawi thin te chu mizo te hi kan niin ka hre bawk!Sim tum tak2 na tel si lo,Pathian hming chhal a ngaihdam dil ngawng2 ngam hi ka lo hmu ve nual tawh a,kei chuan ngaidam mah ila dan in a ngaihdam ve miau loh avang tal pawh hian Dan hremna chu an pumpelh tur a ni lo tih hi ka ngaihdan mawlmang tak leh nghet tak a ni.Nun kaihruai tu a hmang tak2 mang si loa,a thawk a phit a Bible chang englai emaw quote chhuah a,mahni tan hmun sawhngheh nan a kan hmang naran lutuk pawh hi Zoram thran- mawhbawk lian tak a ni.
Report this comment
December 5th, 2009 at 12:32 pm
“It is God’s duty to judge the terrorists but it is our duty to arrange it,” US Marine Corp ten an tih ang deuh a ni awm e.
Report this comment
December 5th, 2009 at 12:43 pm
@ Mr. Lonely : Phillipi 4:13 Mi tichaktuah chuan engkim ka ti thei a ni, tiin Mizo Bible-ah kan nei a; English KJV-ah hian Mi tichaktu Krista kaltlangin (through Christ) engkim ka ti thei a ni,” tih a ni thung.
Pathian hmingin tih hi Mizo-ten kan sawi ve fo va, Pathian Nung ti pawhin kan sawi zing hle a. Hming (Name) kher kher hi chu kan sawi ngai lo tlangpui. Entirnan, “Pathian hmingin keima sual em mai, ngaidam rawh,” tiin vaipa lo kal ta se, eng Pathian/pathian hming nge a rawn hmachhuan ber chu zawt chiang ta ila, KRISHNA nge LAKSHMI nge DURGA? Pathian kan tih hian hming hranpa (particular name) nei an ni nual ang. Moab-ho chuan Chemosh an ti ang a; Aigupta-ho chuan Ra tiin an pathian tam takte zinga mi hming pakhat tal an rawn sawi lan a ngai. Pathian (God) tih hi HMING a la ni pha lo tlat bawk. Kristiante Pathian hming chu engnge ni ve ta? Juda-hote Pathian hming engnge ni le? Muslim-hote Pathian hming pawh han sawi fak fak teh u … Pathian-ah chiang lovin, a hming lamrik tur pawh kan lo chiang si lo ang e! :roll:
“Forgive us our trespasses, as we forgive … kan bawhchhiatte hi min ngaidam ang che, keini pawhin kan englo bate kan ngaihdam tak ang khan,” tih principle chuan Pathian i dawr ngai dawn tawh bik lo a ni maw? Ngaihdamna VIRPILH te pawh hi a awm ve thei a nia! Helhhawlh nei kumkhua tho sia inngaihdam tituai ve ting si na! Ngaihdamna tak tak ni hauh si lo! :oops:
NGAIHDAMNA awmziaa chiang hmasa veka inngaihdam hi a hlu, in lo inngaidam ve tituai si —ngaidam tak tak si lo kha i ngaihdama kha i ngaihdam chiangkuan lohzia a hmaa thingthia va thlen leh chu i hreh tawh bawk si ang maw?
I ngaihdama ber kha chuan i ngaihdamna kha a TAK TAK-in a enjoy ta bik a nih chu le!
Report this comment
December 5th, 2009 at 1:03 pm
Thil tisual chu ngaihdam theih chuan ngaihdam mai tur. Mahse DAN in a tih tur chu ti rawh se.
Miin ka pawi leh dan pawhin a phalloh thil tisual se la, keima mimal chuan a chunga phuba la kher lovin ka ngaidam a nih pawhin dan angin hremna chu a pumpelh chuang tur a ni lo ka tihna a ni e.
Report this comment
December 5th, 2009 at 1:13 pm
@chawnghilh: duh khirh thei si.. kan Pathian hi Israel ten an biak tho kha a ni a, hming a nei nual (i hre vek tho a :lol:) – Elohim, yahweh, El tih te, El hi chu Elohim short form atanga lo kal hming hran ang reng deuh lo ni ta a ni. Pathian hming duhom ber tun thlenga kan hman tak chu Lalpa tih hi a ni a, hei bak chu Pathian hi hming kan neih tir lem lo a, P pui kan hman hian a chiang ah kan ngai. Koh nan erawh Lalpa kan ti ber. hehe. kan ti ve mai2 a nih hi.
Report this comment
December 5th, 2009 at 1:25 pm
@asKh : Pathian chu Pathian/pathian ni se, HMING. Kei leh nang pawh MIHRING … kan hming erawh a hrang hmak hmak … true identity lang bik khera hminghmerh a nih lohte chuan a innamnul theih khawp ang. Duh khirh a ni lo; namnul theih miah loh tura chiangah BLUNDER a awm mawh. El, Elohim pawh hming a ni lo, title vek an nih khi. Yahweh khi chu hming dik a ni. :lol:
Report this comment
December 5th, 2009 at 1:39 pm
thlarau lam zawnga ngaihdama, khawvel lam zawnga hremna na tak pek tur.hihi an inhmuhchhuah theih natur pawh ani zawk ang.
Report this comment
December 5th, 2009 at 1:41 pm
@chawnghilh: Kristian chuan Yahweh chu kan hmang tawh lo si a, Lalpa (Lord) tih lah chu hming a ni leh bawk si lo.. hming bik nei loin kan Pathian hi kan bia a ni mai lo maw.. Elohim (power or strength) hi chuan identity chu a sawiah ngaih tur a ni em. Yehweh pawh chu hming han tih dawn chuan ‘I am who I am’ ‘Awma’ a ni leh bawk si a, hming pawh chu a ni leh chiah lo deuh em..
Report this comment
December 5th, 2009 at 1:43 pm
Pathian pawh hian sual hi a ngaidam emaw kan ti thrin, a teuhlo mai, sual chu a hrem ngei ngei a, sualman pawh thihna. Lal Isuan misual a lawm tihte hi a teuhlo lutuk. Sual sim chiah a ni a ngaihdam ni.
I chunga thleng chu a va na dawn em Kawlhawk, kei ka ngaihdan chuan kum tlinglo Pawngsualtu hi chu khaihlum mai thra ka ti.
Report this comment
December 5th, 2009 at 1:49 pm
As Khiangte : KAN BIBLE HI by Dr Zairema-ah khan Bible letlingtute chuan Yahweh hman an duh, Mizo mipuiin KAN DUH LOH thu a ziak ve thung! Mipuite hi tunge maw kan nih le?
Paula chuan Lalpa tam tak, pathian tam tak an awm thu a sawi a —Pathian tak tak chungchangah a particular hle a nih kha! Sakhaw dang betute pawh hian kan Pathian hi an la hmachhawn dawn —Pathian tih satliah maia hmachhawn tur an ni dawn lo.
Yahweh MEANS ‘I am who I am’ in English.
@Saitawk : Your points are critically plain truths.
Report this comment
December 5th, 2009 at 1:52 pm
James a pawh Jakoba anti daih tho lawm
Report this comment
December 5th, 2009 at 1:52 pm
Chawnghilh: Mizo mipuiin kan duh leh duh loh theih pawh a ni lo a, Yahweh hi kan Pathian biak lai hming ngei a ni e.. kan ti tawh mai dawn mi :?:
Report this comment
December 5th, 2009 at 2:00 pm
I thil tawn chungah hian thinlung takin ka tuarpui a che. Mahni ngaihdan han sawi ve ta mai mai ila…
I fanu kum tling lo pawngsualtu khan i hnenah ngaihdam rawn dil pawh ni se nangmah ringawt khan i ngaihdam theih pawh niin ka hre lo. A tuartu tak i fanu khan a ngaihdam leh ngaihdam loh pawh ngaihtuah tel a pawimawh. A la naupang em a kan ti a nih pawhin, a la naupan avanga ngaihdan mumal a la nei lo a nih phei chuan a pawngsualtu kha kha tih lai kha chuan ngaihdam ngaihna a awm lo hrim hrim tihna a ni mai.
Motor-in kan lamhnaite a chil palh emaw, kan fanu/laizawn ten pawngsual an tawk emaw a niha thil tisualtuten Pathian hminga ngaihdam an rawn dil hian keinin lo ngaidam ngawt mah ila, chu chuan danin an chunga ro a relna a dang tur a ni chuang lo. Tin, khatiang mi khan Pathian hming rawn chhal ngam tur pawh an ni lo va, rawn chhal mahse keinin Pathian tihlungnih loh hlauh avanga lo ngaihdam kha a fuh tlat lo. Sual ngaidam thei chu Pathian chauh a ni. Lal Davida pawh a uirenaah Pathianin a ngaihdam hnu pawh khan a sual man chu ama in chhung ngeiah a seng tho. Chuvangin, kan intih Mizo Kristianna chhala heng mite kan lo ngaihdam hian an sualna kha kan remtihpuina te pawh a ang thei zawk mah mahin ka hria. Anmahni kan huat vang ni lovin, an sual man chu ram dan ang takin tel ve phawt se la, an thlarau chhandam nan erawh chuan kan tawngtaipui zawk tur a ni.
Report this comment
December 5th, 2009 at 2:03 pm
@As Kh : Bible letlingtute hian a dik chu an duh, lehlin phuisui zawka dah pawh an duh a ni. Mipuiin kan zir lo a ni … chu chu Pu Zairema khan chiang takin ziakin a dah a, anin lung muang takin min liamsan ta!
Isaia 52:4 Lalpa (Yahweh) PATHIAN chuan heti hian a ti si a, “Ka mite chu atirah chuan Aigupta rama awm tûrin an chhuk a: tin, Assuria min enga khawlawi lovin an hnehchhiah hlawm a. 52:5 Chutichuan tunah, hetah hian eng nge ka tih dawn? Ka mite hi engmah lova hruai bovin an awm si a, LALPAN an ti, a chunga rorêltute chu an te tuar tuar a, LALPAN a ti, ka hming hi nilenga sawichhiatin a awm fo. 52:6 Chuvangin ka mite chuan ka hming an hria ang; chuvangin chumi niah chuan a sawitu chu ka ni tih an hria ang; ngai teh, keimah hi ka ni,” tiin. 52:7 ¶ tlângahte chanchin tha thlena, remna thu tlangaupuia, thil tha chanchin tha a thlena, chhandamna thu tlangpuia, Zion hnêna “I Pathian chu lalah a thu,” titu ke chu a va mawi êm!
Old Testament-a LALPA tih capital-a awm zawng zawng hi Hebrai tawng chuan ADONAI tih a ni a; a original-ah erawh chuan YAHWEH tih vek a ni.
Ka OT tam ta tlat, ngaidamna dikin min ngaidam ula, ka thawveng ang.
Report this comment
December 5th, 2009 at 2:06 pm
@chawnghilh: thil pakhat leh chiah ‘I am who I am’ tih mizotawnga ‘Awma ka ni’ tih hi translation dik leh tha a ni em, tihdan dang a awm lo mo?
Report this comment
December 5th, 2009 at 2:13 pm
Pathian chu ka zah khawp mai, Pathian in a min pek, ka fa nu rangkachak, a khuh ngun deuh ringawt pawh rilru nawm loh phah nan a ka hman, a mittui parol ka hmuh ringawt pawh a, tih lungngawi ka tum hi tun e maw lo khawih chu ni se, a nep berah dam in a chhuak lo ang, enge maw vanga a chet a rem lo a nih pawh in ka HLEH sak ang, nuam sa in hun a hmang leh tawh ngai lo ang
Report this comment
December 5th, 2009 at 2:20 pm
Hleh chu a tha ber mai ang a..sim rawk nan…hehehehe….
Report this comment
December 5th, 2009 at 2:29 pm
Billy the kid emni kha chemte hmang thiam deuh kha? khapa khan tu englo emaw chu a hleh sak kha mawle cowboy bu pakhat ah khan
Report this comment
December 5th, 2009 at 2:47 pm
Thil sual ti tu chu keia lo ngaihdam theih a ni hauh lo mai! A tih sual te a phu ang tawka hrem turin he khawvelah sawrkar in DAN a nei a. Dan angin a kal mai tur ni ah ka ngai. Chunglam erawh chuan thih hnu piah lamah a chungthu a rel dawn tho tho!
Champhaiah traffic police pakhat strict zet mai hi a awm a. A ma fapa pawh man duh ngat kha a ni a. Mi a man dawn chuan, “Kei, V*******a hian ka man lo che a, DAN in a man che a ni” a ti deuh kher thin an ti. Mihring te chuan lo ngaidam thei ve pawh ni i la, dan hma a an dinna tur erawh chu thu kan nei lo ah ka ngai. Thiam loh an chan hma hauh a kan lo in ngaidam kual thin hi chuan SUALNA hi a ti punlun zawk ngei ang le!
Report this comment
December 5th, 2009 at 2:55 pm
mimal taka kan in ngaidam thei hi cu thil tha tak ani mahse dan anga hremna hi pumpelh loh se tha khop mai…dan anga kan hrem zel loh cuan thil ti sual tu khan a thil tih ah inchhirna tak tak a neilo ang…inchhir vawng vawng tur hian hrem zel thei ila tha ang!!!!
Report this comment
December 5th, 2009 at 3:09 pm
hman deuh khan kan vengah in vit an awma, a kawngkal lai alo changa a vit niawmin an sawia, a vih a khan a mitsir in alo hmu hman nitur ani a vithlum lo hlauha, chuan kohran lama mifel tak chhung anni bawknen an ngaidam tamai a, a hnu rei vaklo ah a vittu tho chuan midang lo changin tuboha chhut alo tum leh a, a chhu fuhlo leha a chhut tuma chuan a um hrep.
ka’n sawi nachhan chu ngaidam lovin, inchhirna vawng vawng tur khawpin han hrem ta se midang kha tubohin alo chang leh angem aw? hetia in ngaihdam ringawt hi chuan insiamthat tepawh hi a har ang. “mihring siamthat nan khawdur angai ani” tih ang deuhin khawdur tepawh hi siamsak an tha ve viau lo maw.Pa in a fa a hmangaih chu a vaw thin tih ang deuhin kan hmangaih anih chuan an insiamthat tekha kan duh zawk tur ania, chutiang anih chuan kan vuak ve tepawh angai ani.
hetia kan ngaihdam thin ringawt hian, “let him do watever he wants” tih angvel ani a, kan hmangaih miahlova, thlsual pawh va ti leh ta se pawi kan va ti miahlo tihna a ang zawk.
Report this comment
December 5th, 2009 at 3:44 pm
A va pawi ve maw le.Hun a lo kal zel ang a thinlung tak pawn ngaihdam hun i la nei thei mai thei a sin.Ngaihdam theih loh neih pawh hi thil na tak leh hrehawm tak a ni.Rilru lam doctor te nen pawh tan han la kawp thei ula chuan Pathian thu bakah a tha lo maw.Nitin nun hrisel leh dam tak a inrel bawl theihna a tan te pawh kaihruaitu tha tak pakhat a ni thei a sin rilru doctor te rawn hi.In fanu tan tak phei chuan a pawimawh hul hual ang .
Report this comment
December 5th, 2009 at 4:02 pm
Inngaihdamna hi a thei te tan chuan a tha ka ti. Mahse eng chin hi nge ngaidam kan tih te hi a in ang lo tlat thin a. Entirnan, motor in sut sak palh te hian cheng chuti zatin ka ngaidam tih te hi kan hre fo. Chutiang chu ngaidam ni lovin chawitir a ang zawk hian in ka lo hre thin.
Tun tum a i rawn post erawh hi chu a dang viau thung in ka hria. Hmaizah vang te, thenawm khawveng ten a min hmuh dan tur te, a bik takin mizo society ah Pathian hming lam rik vang ringawt te a inngaihdam hi a tha ber em aw ka lo ti ve fo thin. Kei chu ni ila ka thei lo sa(fa ka la nei ve lo nachungin) Hman zan a music video ka en te min ti hrechhuak. A hla hming kha ‘Kap hlum rawh’ tih a ni tawp mai a. A satu erawh ka hre ta lo.
Report this comment
December 5th, 2009 at 5:28 pm
@Vaiva, i ngaihdan hi a tha ka ti tawp. Hetiang ti tawh te hian an ti leh duh khawp asin. Dan kengkawhtute hnena report hi kan mawhphurhna a ni mai a. Keia lo ngaihdam emaw, lo khawih hrep kha a tha lo tawp ang.
Report this comment
December 5th, 2009 at 5:43 pm
Inchhungkaw thil tawn chu poi ka tih pui hle mai che….he pa poi khoih tu hi a man leh theih loh mi?case siam sak leh poh a va tha ve…thil sual ti tu chu a phutok hremna pek tur lom…Pathian hming a i ngaihdamna kha chu a tha lom,mahse dan ang in hrem na kha a pum pelh tih na ni hleinem….keichu,a chang hi chuan kan MHIP te hi k dem rum rum thin,hetiang poi khoih tu hi chu na tak in hrem mai tha ka ti…kristian ram poh ni mah ila…KHAI HLUM mai te ka duh mai sin!kristian ramah poh an ti duh a nih chuan…pawngsual om toh mai mai lo ang!!
Report this comment
December 5th, 2009 at 6:03 pm
@23, Keimah, i ngaihdan hi ka ngaihdan ve chiah a ni. Sawrkar dan a awm a, sawrkar dan ang ahrem ngei ngei tur kan lo ngaidam ve ringawt hi a dik ber lovin ka hria. Tin, good citizen chuan ram tan tha tur leh dan anga hremtur a hmu chu sawrkarah a hrilh hre tur a ni a. Bible-ah pawh sawrkar dan zawm turin Christian te chu min ti a, kan mimal ngaihdan leh midangte hmuhdan tur a vang mai mai a, dan kan palzut hi a tha lo ka ti khawp mai.
Tin, keimah sawi ang khian a tuartu ngaihdan zawt hran lova nu leh pat’n kan lo ngaidam ve mai hi a fair lo ka ti khawp mai.
Kei chu ka sual bawk a, ngaihdam min dil pawn ka rilru dam theilo tur hi chu, ka ngaidam ve duh lo ka ngawi ngal mai a, remchang hmasa berah ka let leh thak zel. Ha aiah ha, mit aiah mit tih aimah hian ka thu vawn chu, “kan thiamna-ah min min tih hmasak chuan vawi-1 min hnek chuan vawi-3 ka hnek let tur ni”, tih hi a ni bur mai, mahse tumah hi ka tibuai hmasa ngai lem lo thung.
Report this comment
December 5th, 2009 at 6:12 pm
I thil tawn hi kapu, a na ngawt ang. I ngaidam tawh a nih chuan inchhir loh han tum chhin teh. Heti zawng hian ngaihtuah la, “Pathian hminga ngaihdam a dilna che Pathian hmingin i ngaidam a, Pathian kutah i dah thei em? I rilru tina ti-na tu chu Setana a ni ve thei tho lo naw?” tihte ka ngaihtuah. I chan ang hi chang ve ta ila ka tluk hauh lovang che tih ka hre sa mai.
sawi kha chu, a hunlaia mipuite a sawina-ah ngai phawt ila, YHWH tih hi chu JEHOVA tiin kan let deuh thin niin a lang bawk. “I am what I am” tih hi mizo tawng chuan “Keimahka ni tawp mai” tiin ka let ve mai. Mosia khan Pathian nihna kha a zawt a, Pathian khan, “I hriat kher a ngai lo, Keimah ka ni tawp mai” a tihna ang velah ka ngai mai. Enge in pawm dan erawh ka hre law.
Tin, Pathian chungchanga Rev. Zaurema
Thilsual titu chu ngaihdam a nih chuan ngaihdam ni mai sela, mahse ngaihdam indil buai hma-a dan-a kal hi a him berin ka hria. Mahse, Pathian hminga ka ngaidam a nih chuan chu chu Pathianin a hria, a thlawn lovang. kan ngaihdama chungchang pawh Pathian kutah dah mai ila, a che muang deuh a nih pawhin… a che ngei ngei ang. Misual ngaihdam tawh hnu vek kan ni a, sual ngaidam thei lo khawpa fel/uire denghlum tlak khawpa fel chu kan awm bik lovang a…
Kan post danga Muslim pa, a dawr rawktu pawisa a lo tanpui let hlauhtu fak liam liamtute kha kan niin ka hre si a. Kan thu a va saisa duh awm ve…
Report this comment
December 5th, 2009 at 6:15 pm
Pastor ho bialfang a an zin, suamhmang-in an suam a, kung-fu thiam pa-1 an zingah a lo tel hlauh mai a. Chu pa chuan suamhmang hnenah, ” Hetah keiman pawisa chu ka keng vek, an ni ho chu pastor an nih kha”, ati a, rawmawl chhungah lung a thunsa chu a rawn pu vu vu mai a, chuamhmang chu a vaw tlu tawp mai a. Pastor ho chuan,”Hetiang misual lutuk chu Pathian pawn hrem a phal ang”, an ti a, an chhuih ve laih lai an tia lawm.
Pastor pa-1 pawh tlangval hoin, “Pastor-pa Isua’n i biang dinglam an ben chuan lehlam pawh dawh rawh” a tih hi keini tlangval ho tan hian zawm a va har awmve le?”, an ti a. Pastor chuan, ” In va han mawl tak a dawhtuah tran in tum tlat a ni chu, a bengtuah trang ula a ni mai a lawm”, zuk tia mawle.:D
Report this comment
December 5th, 2009 at 6:40 pm
A van pawi tak ve O. Hriat nuam lo leh thil pawiber zinga mi i lo tawng chu. Mahse, ka ngaihdan ka han sawi ve mai mai teh ang. I fanu pawngsual tu chuan Pathian hmingchhal a ngaihdam a dil vang che in, nang in i lo ngaidam ta a. A va han ropui em. Mihringa chu lo in chhir in chhir lovin, sim in sim lovin, engtin pawh in lo awm se, i tih tur a ni tawh lo vin ka hria. Pathian hmingchhal in ngaihdam a dil che a, Pathian i zah em avang in i ngaidam a. Chubak a ropui chu eng nge awm chuang le. Phuba chu keima lak tur ti tu Pathian a ni miau si a. Pathian in hreawmna, harstna leh buaina chitin reng te hi a hmangaih em em Hringfa te chung ah pawh a thlen fo thin. Joba thawnthu kan chhiar chuan kan hmu chiang hle. I tan thlemna a nih rual rual in, Pathian in i hmangaih em em i fanu hmang in, i rinna a chhin pawh a ni thei a sin. Lalpan a ai tam zawk in leh, i ngaihtuah piah lam ah mal a sawm tho vang che tih hi kei chuan ka ring tlat nia. I ngaihdam na hi a ropui in, entawn tlak ka ti hle.
Mihringa chu thiam ka chan erawh a ni hauh lo. Sokar leh khawtlang in na thei ber in hrem se la, a that ka ring. Hriat loh vang a sual a ni si lova.
Report this comment
December 5th, 2009 at 7:27 pm
Chutia i inchhir leh hnuhnawh te chuan Police ah report la case an siamsak anga ani mai lawm. Rape case ah statute of limitation (report theih hun chhung bituk bik) a awm hlei nem. ngaihdam a rawn dil phei chuan a rape ngei a ni tih a admit tihna ani maia. Crimnal court in jail a an tan tir mai bakah i fanu hmingin civil case siam ula , Rs tluklehdingawn khat chawi turin khing ula, nuamsa takin in khawsa der der tawh dawn zuk nia.
Report this comment
December 5th, 2009 at 9:27 pm
Ngaidam rawh kha chu nangma duhthlanna a ni, mahse DAN erawh chuan i ngaihdam vang khan a ngaidam tur ani lo tops
Report this comment
December 5th, 2009 at 9:32 pm
Ka ngaihdan ah chuan ngaidam mah ila DAN pangai a hremna chu a tawrh tur rengah ka ngai. DAN hnuaia awm vek kan ni si a
Report this comment
December 5th, 2009 at 10:21 pm
Bible-thu hi ril tak ka hre hauh lo a,pathian hming hi’Yaheh’ a ni,then khat in an tih ka lo hre ve thin tawh a,a dik em em ang1Mahse Pathian chu mitin,hnam tin huap a nia,a mizo hming chu ‘Pathian’ a ni ah ka ngai mawl ve tawp.Pathian pawh hian a pawm a nih ka rin ve na chu,kei ang duang pawh he PATHIAN hming lam a ka tawngtai na hi vawi tam chhan in a lo awm ve tlat tawh a ni.Mizo te tan chuan pathian hming chu pathian a ni,ka ti.midang min pawmpui leh pui loh ka hre lo,ka pawm dan a ni.
Report this comment
December 5th, 2009 at 10:24 pm
correction:yaheh nilo in yahweh
Report this comment
December 5th, 2009 at 10:32 pm
Aryan a sawi khi a dik. Chuan i ngaidam dawn nia..
Report this comment
December 5th, 2009 at 10:36 pm
vawi sawmsawrih hmun sawm sarih ngaihdam tur ti tu kha tu nge ni aw ?a zuitu or a thupek zawmtu in ti chuan zawm mai tur a ni dawn lom ni.kei ve thung chuan ha aih ah ha mit aih ah mit a ni bur mai i ngaidam a nih pawn dan chuan dan a bawhchhiat man chu hrem ngei tur a ni ka ti tlat bawk
Report this comment
December 6th, 2009 at 10:32 am
Motor khalh chhuah chang te hian in tih palh a awl khawp mai,Ka tih palh ai chuan min tipalh tu thiam lo let der zawk hi an tam fe zawk in,cheng sing tel sen na tur ah pawh hian ngaihdam min han dil ngawih2 chuan lo ngaihdam leh mai a awl duh khawp mai,mahse mi ka tih palh ve a cheng 200/300 man vel tur ah poh hian ngaihdam ka dil pon min ngaidam ka hre ngailo reng2,ka ngaidam ve toh lo ang ka tih pon ka ngaidam leh mai thin,ka vei zui em2 ngailo,ka thinlung a ka ngaihdam vang ni mo?Amaherawhchu ka thinlung a ngaihdam theih loh chu ka ngaidam che u ka ti buang bar peih lo,ka hmu thei rihlo bawk a,ka ngaidam bawk hek lo!”An eye for an eye”an ti mi khah!lolz!Helai tak hian “Lalpa Tawngtaina” sawi lai hian min ti tim deuh thrin!Van Jerusalem ah kan la in ngaidam ang chu!hehehe
Report this comment
December 17th, 2009 at 12:44 pm
ka computer chhe rei ltk tlaikhawhnuah kan thinrim ve teh ang,kei chu niila ka hlehsak sim2 ang khua leh tui thra tih tur angin policeah ka report ang(midangin an tawn ve tawh loh nan khung bo emaw hrem sim a ngai)Pathian hming lam a ngaihdam min dil tak zet chuan hleh sak sim2 kha chu ka ngaidam mai thei, mahse dan in a tih tur a ti ngei ani tih hre turin ka umzui zel ang.Engpawhnise i fanu chuan nang ang pa/nu a neih che a vangin rehabilitation lam pawh inngaihthah lo ang tih ka ring a,ka tawrhpui che u in naupang hmelthra pawisawilo chu ka khawngaih khawp mai.
Report this comment
January 16th, 2010 at 12:51 am
[…] deuh a “Ngaidam miah suh” Post-ah khan Kumtling lo pawngsual chungchang- ka thiante chhungkaw chunga thleng, ka rawn ziak […]
Report this comment
August 22nd, 2010 at 11:19 pm
Hre reng chunga tisual lui te chu Bible pawhin a hmangaih duh bik loh kha. Ha aiah Ha.
Report this comment