Ka rawn thar thawh lo ang ka ti zet na chu zanin (13th Jan,2010) DDK a kuthnathawktu te pual programme a Mizo tlangval Sangha Dil siam hlawhtling tan mek an kawmna ka en khan ka rilru a ti thar tlat mai. Kan chhungkua ah pawh Sangha Dil siam hlawkpui Ka Pu a awm ve avangin kan tar lang in; chawr a mual mual te kan lo awm takin.
Tun (January, 10) thla chawhma lam khan Ka pu chuan a dil a sangha a hralh dawn avangin a tu leh fa mipa ho a ko khawm a; nikum lamah pawh cheng nuaih chuang a hralh bakah tun kuma mi chu pakhat pawh Kg 8 te a nih theih avangin hmu ve se a tih avangin an kal a.
(click pics for larger size)
A dil awmna chu Rengdil atanga darkar khat kal “Sihthiang” ah niin; Sangha chi sing tel teh meuh, a lian leh te chi te a dah a, heng sangha te hi kum a tlin chuan hralh theih an ni in, enkawl vak ngai si lo; sawrkar atanga puihna dawn theih leh enkawlna dawn theih ni bawk si;State dangte nena insumdawn tawnna tha tak tling ni bawk si hi Mizo thangthar; viak tha leh taima te hian sawrkar hna nghak mai lo in eizawn nan (‘Kan te bik lo e’ kan ti ta sa sa) hmang thei ila kan va nihlawh dawn em.
Bakah heng sangha dil hi mi tam zawk in siam thei ila chu heng to tak tak a sangha zuar ten vai rama sangha an lak, to taka kan kawtkaia kan lei leh te hi a ziaawm deuh tur, bakah vairam ami sangha to taka kan chawk luh te hi khawtual mi te hian to takin kan leia, a hlawkna vaiho chan. Hetiang a nih ai chuan intodelh kan sawi mawi ta sa sa Sangha dil hi siam ta ila; kan sumdawng sangha zuar te hian leiin khawtual a mi a nih chuan a tlawm zawk dawn a, chu chu mipui in sangha man tlawm zawkin kan lei leh thei a ni dawn a. Tha tak tur chu a ni. Kan economy pawn a that phah ngei ka ring. Enge thiante u in ngaih ve dan?
Similar Posts:
- Microfinance Mizoram-ah
- Hringnuna kan duh ber engnge?
- Dawhduai (sangha manna)
- Thaichhawninu
- Investment basic: Hriat thiam loh ka nei
Ka fon hi chu charge lai tih...
January 14th, 2010 at 11:29 am
Alian tha hlawm hle tak mai a.taimak angai thatchhe deuh tan chuan hlawhtlin theih chuang loh.mahni ngei in enkawl reng a ngai.
Report this comment
January 14th, 2010 at 11:30 am
1st! (ka ti lo thei lo)
Lunglohtui, Pic hmuhnawm tak2 leh fuihna thu tha tak i rawn chhawpchhuak a, i ti tha e. Mahse, kan peih leh ngut angemaw?
Report this comment
January 14th, 2010 at 11:31 am
Aw… Bad-a le(h)! Thawt thawt che chuan… Dawt min sawi tir.
Report this comment
January 14th, 2010 at 11:39 am
A chung ber a mi khi Kg engzat nge ni ang le? A lian hle mai. Sangha dil siam hi ka thil chak em em thin a ni. Sangha che vel hi naupan lai atanga hmuhnawm ka tih ban theih loh a ni.
Dil khat na reng reng hi chu han neih ve theih ka chak mange…
Report this comment
January 14th, 2010 at 11:40 am
a va tui hmel hlawm e ooooo….. Dil neih ve dan naituah tur nih hi!!
Report this comment
January 14th, 2010 at 11:56 am
A dik khawp mai Keini poh in dil chu kan nei ve trhin ka u ten tunah chuan an enkawl sum hmuhnan chuan hmun neih trhat a ngai .Phaizawl zau deuh tui awmna anih loh chuan buai tlak ve deuh asin .
Duh duh a neih mai theih poh ani lem lo .Kan zoram ah ram ruak a awm tawh leu mihausa ho ram a ni veks toh.
Tin aneitu chuan a hlokpui ngei e mahse aman lam thu ah chuan dil neitun tam zawk hian VAI a dil chhunga sangha zz kha an khar tir vek a chuvangin kan bazarah sangha man a tlom phah vak chuang lo
A trhat dan tur chu sangha sumdawng lian ve tak motor cold store theina chi awm nei tel bawk se tin cool storage nei bawk se ti chuan tual thar sangha te hi duh tawk in kan market trha thei ngei ang.
Report this comment
January 14th, 2010 at 12:10 pm
Mizoramah phei chuan dil sangha thianghlim hi a to a sin, eizawnna tlak tak a ni, mahse sangha dil duh duh naah a siam theih loh hi a pawi ka ti :sad: mahni inbul huan velah te hian antam huan kan siam angin siam ve mai mai theih se chuan ka siam daih tawh ang, a tui ropui si :smile:
Report this comment
January 14th, 2010 at 12:43 pm
@kawlhawk, chutia lungloh a ilak dawn te chuan ka second(2) zawk mai ang :lol:
Report this comment
January 14th, 2010 at 12:47 pm
Riah chilh loh chuan sangha a bo duh an ti.
Report this comment
January 14th, 2010 at 12:59 pm
Nia, caribou bo duhtak ani. saihapui ah khian Sangha Dil chu kan nei ve a, kan enkawl hman silo a, han sah ila a note kan dah nen khan, a awm chu in thlau tak ani.ka thin hi an ti rim hlawm a nia :twisted:
Report this comment
January 14th, 2010 at 1:30 pm
Mi pakhatin zak miah lovin a sawi ka la hre reng. “Mi sangha dila len den chu hlawhchham a awm ve lo. Jelatin tlawnkhat chauh pawh hian hneh tak ani.” a ti ve tlat asin.
Report this comment
January 14th, 2010 at 2:16 pm
Heti zawng hian a hlawk em?
1)matric hnuah lehkhazirnan kum 7 hmang ta ila,thlatin cheng 6000 sengin a vaiin Rs.540,000 vel kan seng tihna a lo ni a.thlabi hlawh cheng 15000 vel hna hmuta ila a hlawk em?.
2)matric hnuah sangha dil siamin kum 7 hmang ta ila,thlatin cheng 6000 sengin a puitling ngei turah ngai ta ila.thlatin cheng 20,000 vel chu a lut pha ngei turah ngai ta ila a hlawk zawk mai lawng maw?
Report this comment
January 14th, 2010 at 2:26 pm
@darchhunval, i thlir dan a zau tha khawp mai. Dik pawh a dik thei ngei ang. Mahse, as a whole a inzirtir nan chuan a chi miah loh a nia. Kan eizawn nana kan education qualification hi a tangkai dawn miah lo anga a lan pawh hian Graduate nge nge hi chu ka la ti fan a ni.
Report this comment
January 14th, 2010 at 2:31 pm
ka ngaih dan mai mai..hausa tak pawh ni mah i la.. lehkha thaim loh chuan min bum min bum mai lo maw? lehkha zir san chuan finna a keng tel an ti si a.. pawisa chuan keng tel si lo
Report this comment
January 14th, 2010 at 2:35 pm
Sanhga dil siam hi a hlawk khawp mai, kan khua amite pon te takte an siama, kum khatah a note nuai tam an hralh thei tlat nia. Mahse riah chilh reng a ngai, mihring hi kn sual toh khawp a. kan dil ami poh a vengtu hnamdang awmlai chuan ruk an thulh chuang lo.
Report this comment
January 14th, 2010 at 2:37 pm
@kawnga,Khawvel te chu pan a ngai tawh hleinem,min rawn pan tawh zawk a.Aizawl pa tamtak ai hian thingtlang lam an GK a hniam tawh bik lo.Distance learning pawh a tih theih ang chu!
Entirna pakhat lek -Phulpui khua saw Fu an ngah a,Aizawl kurtai supply tu ber an ni.An khua a tang sawn aizawl market rate an control vek thei nia.
An Fu her chhuah tam lai a nih pawhin an dahtha rih mai a,an khaw kawtchhuah pel tur zat an bithliah tlat chuan a rate a danglam ve zen zen lo.
Phulpui khua a i kal a thil i lei dawn a nih chuan tualchhung rate leh tualpawn mikhual rate a awm hrang vek bawk tih pawh hre thei ang.
Tin,lehkhathiamsanna ringawt hian hriatna chu a ti pung ngei a,mahse finna a la tling pha lo ! pianpui finna belhchhah leh hmang tangkai leh zual turin hriatna knowledge hi a pawimawh chauh zawk a ni lo maw ?. kan ram hruaitu leh kan mi hausa ho te,foreign a kan zo thian fel tak tak ho hi an zir san fal bik vang a ni ber lo mai thei. ‘thil’ dang ah an fuat deuh a ni ngei ang.
Report this comment
January 14th, 2010 at 2:47 pm
Zirna tluka hlu chu nunna a ni awm e (?) Tichuan, Sangha khawi hlawk leh hlawk loh kan la hre lo… a teh dan tur pawh kan la thiam lo…. a chipchiar deuha min hrilh fiah thei te pawh in awm lo’m ni????
Report this comment
January 14th, 2010 at 2:48 pm
@darchhunval, i thil thlir dan hi a zau leh lo tawp mai
NOI Tak taka, kan sawi tum a dang a ni mai awm e. Inhnial ka peih lo. 
Mihring tupawh hian single subject oriented lutuka a hun a hman chuan leh lamah hlawhtling viau angin lang thin mahse, phai rukna riau a nei a. Amah pawh a nih tur ang a ni pha lova, tin, a hlim tur ang pawhin a hlawhtlinna-ah a hlim lo thin. Lehkhazir hi eizawn nan kan tih rualin a ni vek chuang lo, hawiher tih zau nan te, hringnun hman thiam zir nan te a tangkai vek a ni. Sum ringawt hian mihring mihrinna a ti famkim thei lova. Taihmakna bangbo tak hi hausakna kawng a ni ngawt hek lo. Chuvangin mihring rilru chhungril finvarna hi a pawimawh phawt em aw.. ka ti tlat a ni.
Report this comment
January 14th, 2010 at 3:01 pm
@kawnga.I ti dik ziktluak tep.lekkha zir hian kum ka hmang hnem khawp mai a,ka inchhir lem lo.mahse hringnun zirlai hi a ni lo lamah kan lo zawng vak thei a ni awm mang e aw ka ti deuh.
Hlatak takah thil tha ber a awm emaw ti hian kan vak hla telh telh a,naupang deuh deuh in kan in thawn hla telh telh a;mahse zirtur dik leh tha ber ber te chu kan bul hmuhphak lekah an lo awm reng si!!.chhungkua leh thenawm khawveng a tang a zir tur lo tam zia hi thangthar ten i hmuhhmaih lovang u.
Report this comment
January 14th, 2010 at 3:02 pm
Sangha dil neih ve theih loh pawhin aquarium tal hi nei ila a nuam ve mai2
Report this comment
January 14th, 2010 at 3:05 pm
mizo te fuihna i ron post a in dil ami ni awm tak vai ho in chhawr daih bawk sia, a oxymoron e! Ti ila champhai leilet nei ho pawh khi an thatchhe laileng khawpa an leilet hi tereuh te te in an then sawma chhungkaw 10 vel an enkawl tir a, an thar chhuah leilet neitute nen an in sem thin ani awm e.
Mahse Mizo te hi chu taima deuha thawh a kum 5-10 hnua nuamsa deuha awm ai chuan taima lutuk lo, tukthuan leh zanriah an neih bakah sunday a sa kg 1 man thawhchhuah a nung ve trawk trawk hi an thlang zawk ni berin a lang.
Report this comment
January 14th, 2010 at 3:08 pm
@Aryan: I rawn sawi tur ka lo rin lawk ang ngei i rawn sawi
Report this comment
January 14th, 2010 at 3:17 pm
Eizawnna tlak khawpa thil ti tur hi chuan taimak hi a ngai khawp mai,, kan peih rei poh a ngai thin….,,,YMA takin teirei peih a ngai khawp mai…
Report this comment
January 14th, 2010 at 3:20 pm
A post tu ber poh hian a peih bik chiah don emo ni le
Report this comment
January 14th, 2010 at 3:24 pm
Report this comment
January 14th, 2010 at 3:34 pm
Darchhunval leh Kawnga te 2 hi ti ti dun ta ula chu in inhnial vak ka ring hran lo. Lehkha zir sanna hian finna a belhchhah mai chauh a ni Daran a tih hi a dik ve khop chuan ka hria. Kawnga graduate nge2 ho poh hian confidence chu an nei deuh nge2 tur chu a ni alom.
Report this comment
January 14th, 2010 at 4:24 pm
sangha dil siam tamna khua,tuidam ang ah te khuan sangha tharlam man hlim, la inperh at at te an zuar thin a,a fresh khop mai..a man poh a tlawm khop mai,mizoram hi sangha a kan intodelh theih chuan local market rate poh a hniam deuh mahna.
Report this comment
January 14th, 2010 at 5:20 pm
Lt, i thil rawn post chuan chil a va tiput ve… pic hmasa ber a sangha khi zo anthur hring nen pangparh pawrh turh khawpin han chhum ila, a tui kha han paw phuut mai bawk sela, chaw rum theh thawh nen han ei ila.. “thialpawn pawng te pawh kha midang rawn kal emaw kan tia kan lo huphurh a, kan hawi zawk2 zel an tia mi kha” :lol:
Report this comment
January 14th, 2010 at 5:24 pm
@kawlhawk; ka lawm e; kan hlawkpui mial takin ka tih vang a nia. Kal ve thei ila chu ‘misual’ ho rawn hawn teuh tum ka nia,hehehe.
@hiho; #14 a i tar lan khi a dik khop mai; ti hian kan chhang ang che; he dil neitupa ka pu hi lehkhathiam a ni hauh lo mai; bum hlauh avang khan dil hi siam ta lo se emaw tuna a hnathoh hi thok ta lo se tun dinhmun hi a thlen ka ring hauhlo mai.
@tlau; # 24 Chhanna (hehehe):kei chuan ka peih khawp mai; ka enkawl phal se chu nursery nen a siam hial a ni ka duh ni.
@Aryan; Vaipa khi cu kan chhawr a ni lo tlats; a rawn lei tu a ni; mizo sumdawng ho in an bengkhawn bawk si lo a.
Report this comment
January 14th, 2010 at 5:28 pm
tri-s; chaw rawn ei ta mai che;kan la nei nual a; i sawi ang tak in a tui a paw phat mai; tui tak a ni.
Report this comment
January 14th, 2010 at 5:35 pm
@kawnga; a chhung bera mi khi kg 5 a tling vel chiah chiah.
Report this comment
January 14th, 2010 at 5:49 pm
Lt, rawn ei mai dawn mawni le, tui dawn ropui sia
Sihthiang khua hi chua ka la kal lova, khawthlang tlangdung khu chu ka fang ve nual, Lallianngura
Rengdil H/S head Master thin kha ka patea a nia, ka ni pawh a la awm nghe nghe. Dil sah leh hun chuan inhriat rengah ti ang aw.
Tu ma siam ni lova tui tling hi Dil a ni a, mihringin tui an khuah tlin chawp hi ‘Tuikhuah’ an ti niin ka lo hria a, adik em aw…
Report this comment
January 14th, 2010 at 5:58 pm
tri-s; ka hre hauhlo mai; tuikhuah chu a dik zawk ta ang; kan tuikhuah an ti thin zawk tak e. Ka rawn sawm ngei ngei ang che; nakum lamah chuan a sah leh theih tawh ngei ang a; a hmunah ngei i duh ber i man anga; i duh zah zah i hawn dawn nia.
Report this comment
January 14th, 2010 at 6:14 pm
Thil mak deuh chu rannung dang te hi chu khawngaih na leh khawngaih tu hi an awm zel a, sangha hi chu han hmuh hian man kan chak zel an ti nia :lol: ASEP ho hian an lainat tho ang em aw :?:
Report this comment
January 14th, 2010 at 6:15 pm
Dil thar siam turin thangtharte hi min daih mawh deuh va. Ram hi a hlai belh tawh ngai si lo; mihring kan pung kum tin si!
Dil nei tawh te an ninhlawh deuh, @lunglohtui hian min awhthik ni ber zawkin ka hria.
Dil han neih ringawt pawh hi tluan lohna chi tam a la awm ve thei; otter ven sen loh lakah te, rukru lakah te. A vanneite an awm —a vanneite awt tur kan tam zawk!
Report this comment
January 14th, 2010 at 6:21 pm
@chawnghilh; tun aia tam hi ni thei ila tih thu zawk a nia; chaw rawn ei ve ta che,hehehe.
Report this comment
January 14th, 2010 at 7:36 pm
Thalai te Eizawn nan chuan – ” TAIMAK NA ” hi..!!!
Report this comment
January 14th, 2010 at 7:55 pm
@ben, I sawi ang hian taimakna hi chu a pawimawh hmasa ber chu a ni khawp mai, mahse kan taimak chhuahna hi kan thatpui em tih hi chhut a ngai. Nitin kut hna thawkin, taima takin ni khatah Rs 150/- hlawh ta ila, kum 10 pawh in hlawh ila, nupui fa nau chawmna khawp kan hlawh chhuak mawh khawp ang. kan inhlawhna te chuan min fak viau pawh a ni mai thei, mahse kan tan hmasawnna a awm lo. Chuvangchuan tha thawh in-ang rau rauvah(V kan telh hram teh ang
) eng kawngah hian nge kal ila hlawk ang tih hi chhuat thiam a pawimawh tawh khawp mai. NLUP lam a kawk ta deuh ruih em aw 
Report this comment
January 14th, 2010 at 8:30 pm
@triplestar,nitin kut hnathawk a eizawng hi an la tam a sin,nitin Rs 150 pawh hlawh lo a,nitin hna thawk hi kan la tam a sin,chung te tan hlei hlei chuan TAIMKNA hi a ngai leh zual asin.Tin, mi hnuai ah Taima tak a i thawh chuan,lukhawng chu a nei ngei ngei ang le(I thawh na te mit hmuh ah pawh)..MALSAWMNA te hian TAIMAKNA te hi an bawm duh bik riau ania..HLAWHTLINA hi TAIMAKNA ah a in NGHAT tlat ania.. :-),Ti,deih ila NLUP te hi ka dawng ve duh eee..
Report this comment
January 14th, 2010 at 8:48 pm
@ben, ka sawi awmzia zawk chu, taimak chhuah rau rau ah pawh nakin hnu zela kan tana hlawk tur thil hi hriatthiam a trul e ka tihna mai a ni e. Nia, rahbi a tleu laklawh tawh hi chuan rilru in thil tha hre ve mah sela bul tranna tur sum leh pai neih si loh chuan a buaithlak ve thei khawp mai.
Engpawh ni sela, rethei te mah ni ila sum leh pai hi nei trin tren ila retheih te pawh hi a ziaawm deuh tur hi a nia le :lol:
Report this comment
January 14th, 2010 at 8:54 pm
ka hlawhchham ve tawhna ani na a, mahni ngei maia tihtakzeta beih chuan hlawhtlinna tur chu ani. kei ve erawh ka hlawhchham chiang khoops.
Aryana hi thudik deuh deuh hi a sawi fawk zel maia, ka tan thar riau mai
Report this comment
January 14th, 2010 at 10:29 pm
an dil siam na chu aizawl city hnaih ah ni thei seng chuan a zia khawp ang le…sangha lu bai siam thiam deuh in an han siam meuh hi zawng, in sum a har khawp mai…mahse a ek kher hi chu ka ei tawh lo ang lols
Report this comment
January 14th, 2010 at 11:06 pm
Tawia te, ThaiBoy te ho min ti hrechhuak zawk mai.
Aryan #21 na khi a dik hmel khawp mai.
Sangha dil hi neih ve a awm chilh hi ka chak thin khawp mai.
Report this comment
January 15th, 2010 at 12:47 am
Hetianga hlawhting tur chuan nasa taka hnathawh a ngai photz. chumai bakah hmun hma Dil siamna tur neih that a ngai. Tunlai thalai ten hnathawh an peih lo an tih thin te hi ngaihtuah chian a ngai viau. In chep tak tak karah kan in ek beng a, engmah tihtur dang chuang a awm lo, kut hna thawk a eizawng tur pawhin awmna hmun in a zir ve deuh chu a ngai a ni.
Vaipa sangha man khi a pa a ni chiang mai, a mei kawm dan a tang khian a hriat, chu bakah a mantu Vaipa khian a ti mai mai lo tih a lang chiang khawp mai, a din dan atang khian thil ken a nei a ni tih a hriat bawk. nghate ho khi chu a nu le a pa thliar a har khop mai, thrang lian zel ta se khi ai khi chuan an len theih chu ka ring ve khawp mai
Report this comment
January 15th, 2010 at 1:06 am
bauhbauh, awmna hmun in a zir angai e a, a ni viau nangin a ni lo thei bawk. Mi tumruh leh taima chuan a awmna hmun ah engmah a rah chhuak lo tih a hria a a chhuahsan mai thin. Tum chuan tih dan a awm zel a ni zirikhichawm
Report this comment
January 15th, 2010 at 10:50 am
@bauhbauh; a te chi khi chu a thang thei tawhlo khitiang bak khian, a chi dang a nia.
Report this comment
January 15th, 2010 at 10:51 am
@UFO; sangha lu bai an siam thin elo, a recipe min hrilh ve thei em?
Report this comment