Kan hriat theuh angin Haiti chuan lirnghing avangin chhiatna rapthlak tak a tuar meka. Khawvel ram hrang hrnag atangin tanpuina tam tak lut ruih ruih mah se, chhawmdawlna/tanpuina hnathawh chung changah Haiti sawrkar chu a puitute mit a tling lo viau tih pawh news atangin a hriat theih a ni. Mizoramah hetiang chhiatna hi lo thleng ve palh ta se eng tin tin tak kan hmachhawn ve ang mo? Kan ropui vaiu chu ka ring hran lo; kan ram administration han en hian. YMA kan nei hian mi chu la la hnem viau mah se, hetiang chhiatna turu lutukah hi chuan kan buai ve fu chuan ka ring.
He chhiatna phenah hian Haiti ram retheih zia leh an inrelbawldan chauhrau ve zia te pawh kan hriat phah a. Ramchangkang zawk ten Dollar maktaduai telin pui reng thin mah se hmasawnna lam an pan loh zia vel han chhiar hian Mizoram nen kan dinhmun in ang renga hriatna ka nei tlat mai. Expert Economists thenkhat hmuh danah chuan a sum fai in tanpui vak vak hian hma min lo sawntir a hnekin short term goal, immediate gain mai maiah min lo tawp tir a ni ti zawngin an sawi tlat mai. Dik riauin ka hre tlat. Eng e in ngaih ve dan?
Haiti tanpui nan hian sum tam tak lo lut tawh mah se long term poilicy nei lovin phung zing a piring vawrh ang maiin in chuh ve nuai nuai a nih ber mai. NGO pawh pawh a ram mipui tam lama chhut chuan an tam ber an tih hial. Ramdang puihna sum lut chuh tur lo chuan heng NGO zawng zawng te hi an function theih a rinawm loh.
Kan Mizoram pawh hi han en ve ila. Foreign atang chuan tanpuina sawitham kan dawn awm sawi tur ka hre lo. Kan hmuhsit em em vaiho chawmhlawm mai kan ni. Central Sawrkar atanga sum kan dawn loh chuan mahni ei tur tak ngial pawh kan thawk chhuak zo si lo. A hnam anga kut dawh kan nihna chen te awmin ka hria.
Kum 15 State kan tawh nih hnu pawh hian Mizoram hmasawnna han thlir hian kan ropui hnai lo viau a ni. Cental sum kan hmuh zawng zawng chhut hian hetiang ui hum lek tan chuan hmasawnna dawr tham chu a ni ve si a. Long term planning leh vision kan neih loh vang hian thangtharten kan tuar kan tuar mai dawn chu a nih hi. Mitdel pawh mitdelin a hruai chuan khuarkhurumah an tla nge nge thin. India vai ho lah hian tham taka an huanga min hnuklut lovin an huangah min hnuklut nghet tawlh tawlh zel dawn a nih hi.
Engvanga Mizoram hi hetiang em ema kan le loh tak hi a chhan nia kan hriat? Awlsawmtea India Sawrkara sum kan hmuh hian min ti a zo ta a ni lo mo. Mahni thawhchhuah ngata in enkawl thin kan pi leh pute kha rawn tho leh se hawi ngaihna an hre tawh dawn em ni? Thawk lova sum hmuh kan duh dan em em ti eng kan ti ta nge? Eng e in ngaih ve dan?
Kan ram siamthat ngai tak siamthat nan misaul.commer ho, mi fing tak tak, idea tha tak te cho chhuah nan kan han post ve a ni e.
Similar Posts:
- We are the World – Haiti-Aid
- Haiti ah lirnghing rapthlak!
- Chile ah lingnghing rapthlak a tleng leh ta.
- Vehbur khawn
- Ram hruaitu atan thalai te hi kan tling tawk em?
January 18th, 2010 at 8:32 am
kum 15 vel liam ta CM mizoram tichhe tu tho kha tunah CM ala nia hmasawn ngaihna awm hlei nem.
Report this comment
January 18th, 2010 at 8:36 am
Min chawmhlawm na pawisa pawh kan hruaitu thlan te leh a enkawl tu ten an dah bo hmaks hmaks zel bawk si. In lian pui2 an sa.
Haiti i sawi ang lo zawng takin han kai thle daih teh ang. Haiti leh Mizoram hi lirnghing kawng a awm ve ve kan ni. Haiti hi kum 200 chhunga a nghin nasat ber ala ni. Mizoram pawh a in sawi ve det det fo. Engtik ah chiah nge a nghin ve vak dawn ahriat loh. A nghing ve dawnlo tih tuman an sawi thei lo.
Haiti leh Mizoram in sak dan hi a tlangpuiin a in ang, concrete a in rit tak tak mahni tawk a tamna ve ve a ni. Kan in sak dan quality a chhe ve ve in ka ring,Haiti chu 60+ a chhia an ti sa.
Haiti phai ruam a awm pawh hetia a pherh theih chuan Mizoram tlang chhengchhia leh lei nghet lovah hian han nghing ve mai se chuan aw, Aizawl angah hi chuan veng rethei ho bak hi dam alawi pawh an awm ka ring love. Veng rethei ka tih hi concrete in lian tam lohna!
Ka ngaihdan leh thlirlawkna mai erawh a ni e.
Report this comment
January 18th, 2010 at 8:59 am
Haiti hi USA atangin a hnai hram a; mahse, Zoram ai chuan facilities chu an la nei changkang zawk cheu. Haiti ang hian tuar ve ta ila tih ka rilru-ah a lang lian hle a; rilru a hah duh khawp mai!
Tanpuina thiar luhna tur thlawhna tum hmun lah kan nei derdep si, Lengpui hi chhe ta bawk si se, a ngaihna lam a awm lo. Haiti palace chhawng thum pawh ground floor-a a chang an hmak hian kan ram dinhmun ni ve ta se, Lalpan zah ngai se, kan la intiam rih ngang lo … sawi thui ngam a ni lo khawp mai! God bless Mizoram again!
Report this comment
January 18th, 2010 at 9:15 am
huisss
Report this comment
January 18th, 2010 at 9:16 am
Mizoram ah hian ka lo chhut ve dan mai mai chuan, lir chhete a nghin pawhin fur ah leimin a tam tlangpuiin ka hria. Nataka a rawn nghin kher pawh hi a ngai hranlo. Leimin ringawt pawh hi tawk tiu teu tak a ni.
Report this comment
January 18th, 2010 at 9:19 am
Pc, a lo ni maw, kei chuan chutiangin kalo chik ngai hauh hleinem. Va ropui lo ve aw, kan ram dinhmun mai mai hi chu.
Report this comment
January 18th, 2010 at 9:19 am
Mi ram a thil tha thleng ang hi chu kan ti ve hram hram (concert/crusade lian) thei mahna,mahse chhiatna thilah kher kher hi chu a huphurh awm tawp a ni ringawt!!.disaster management ah kher chuan kan va pachhe tak em.
1)Kangmei a chhuah chang pawhin Fire brigade thlen hmain a kang zo hman zel.traffic jam leh an inpeih chhung a rei vangin!.Tin,fireproof jacket nei mang lovin hak lai nen kan firefighter te an la chetla fo.
2)Leimin,lungchim leh inchimah mithiamrual an chet ve hma in an muan a vangin mi tlawmngaiten an senghawi khalh zel.
3)Tunah hian hmanrua,damdawi leh a tul dang chhekkhawlsa engmah tham Aizawlah ngei pawh an nei lova,district dang phei chu sawi loh.
‘Aw Lalpa,zahngai zel ang che’tiin kan tawngtai zel phawt mai a niang chu.
Report this comment
January 18th, 2010 at 9:28 am
Haiti ang hian Mizoramah lirnghing ve tase, Pu Hv-a; ate an rawn haw anga Kulikawn pheiah te hian khawhar deuh a an vak ruk ruk tur hmel ka mitthla ah alang…..
Report this comment
January 18th, 2010 at 9:50 am
A ram leilung nghet lo bawk, a mihring rilru nghet lo bawk…
Report this comment
January 18th, 2010 at 9:52 am
Lirnghing lam ngaihtuah chuan a zam awm duhkhawp mai. Mahse, thlipui, tui lian, tsunami lamah tlangrama awm kan ni a, kan him thung a lawm. Chubakah Pathian nung engkim ti thei kan nei bawk. Kan Pathianin minhrem a duh a nihngawt loh chuan lirnghing natak chu lo thleng lo turah i ngai phawt mai teh ang. Minhrem a nih tak leh Pathianin minhriaa min hmangaih vang a ni ti leh et mai ila.
Ti daih ila, Inrinni zan khan Pu ZG-a DDK ah hmu tlatin ka inhria.
Report this comment
January 18th, 2010 at 9:57 am
Mizoram leilung nghet loh lutuk avang hian lir nasa tak nghing mahse, lei sakhat lo na na na chu, a nghing a thamral mai mai anga, chuti lutuk a chhiatna a thlen loh phah hial zawk mai lovang maw? heti lam hi chu ka hriatna a zim khop mai!
Report this comment
January 18th, 2010 at 10:35 am
Haiti ah mi nuai 2 an thih rin ani, mizoramah nghing ve se, kan mang mai lawng maw le :?: Inven lam lah chu kan la kalpui fu hleithei silo.
Kan insak te ho lah chu a huai huai leh luhlul-lul in an sa sang mai si. kawr kan kawng kan insak kan hreh der lo. Haiti te chu a la phaizawl zawk. kawmchhak lam inchim delh avanga thi tur pawh hi kan tam viau mai lawng mawle
Kru hah tlats, Pathian hian min veng duh em ang chu
Report this comment
January 18th, 2010 at 10:54 am
Mizoramah hian lirnghing na deuh a lo la thleng ang em? tih aiah engtikahnge a lo thlen ang? tih hi zawhna pawimawh zawk a niin ka hre thin. Bible hrilhlawkna hi a thleng dik zel a, chutih laiin Mizoram chu Lirnghning Zone-a awm a lo ni bawk nen. Tun thlenga kan la him pawh hi Pathian zahngaihna a ni daih tawh zawk lo maw? Tisa thilah chuan han inven vak ngaihna a vang khawpin a lang. Thlarau lamah tal chuan Zoram mipuite (Aizawl khawpuia chengte phei chu) kan inbuatsaih hi a va hun em!
Politics lamah chuan tuna kan ram hruatute hi hmana mite tho kha ni mahse, tun tum hi chu an piangthar deuh tlatin ka hria a, an hma laknaah pawh Pahian malsawmna an dawng tan mek zelin ka hria. Pathian tih chunga ram an hruai zel chuan beisei tur kan la neiin ka hria.
Chhiatna thilah chuan Mizoram chu Haiti aia nasa fein kan tuar ang a, hnam changkang ve fe nia kan inhriatna zawng zawng hi dawt mai a lo nih zia Chite lui ruamah kan hmu chhuak tawh ang!!
Report this comment
January 18th, 2010 at 10:58 am
Kan Bldg te lah hi ke lam/hnuai lam zuih, chunglama arh/lian cho chi, lirnghing dawl lo ber chi ani leh nghal a arapthlak tur zia hi sawiin a siak lo. Ban aphun theih trek2 chuan in kan sa nghal zel bawk si a. Kawmchhak pain min rn delh anga, keiin kawmthlag pa ka zuk delh thung anga…khawl lian leh chak hman theih dawn bawk silo, kut lawngin min rawn hai anga…
Report this comment
January 18th, 2010 at 11:39 am
Lir a nghin vak tak leh kawr ruamah kan inhmu khawm ruih anga a ni mai a lawm, marawhchu tleng lo hram teh se.
Mizote hi tun hnai maih kan lelo thar ta a ni lo,kan lelo sa hrim hrim a ni kan pi/pute hun a trang khan. Upa thu chahah pawh ‘a hniak tam lam lam zui ang che’ tih te kha ni a, mahni chauh pawha thu dikah chuan huai taka tang tlat tura inzirtirna lam te hi kan nei reng em le..
Report this comment
January 18th, 2010 at 11:41 am
Insak dawna mithiam rawn nachang hria kan tlem si. Tin ka vei ve chu, Kan Architect te leh Engineer te rawn man hi a to ka ti hle mai. Drawing min pe a, Cheng Sing 5/6 chuang te min charge a(laina rate lehnghal). Min vilpui tha tak tak thei bawk silo. Hetiang zat zat an fee anih te chuan anmahniin min vil chawt theih loh pawhin an aiawh rawntlak min vil thei tur te hi nei thei sela ava tha em ka ti. Daih mai a, mi veizawng ve te
Report this comment
January 18th, 2010 at 11:44 am
hmanni chu thuhrl tu pakhat thusoi k ngaitla a pathianin mizoram hnuai ah lirnghing kog pa5 lian zet2 my a hmu tir th thu a soi lag a..a lo nih tak2 cuan beisei tur avag khp in k ring..
Report this comment
January 18th, 2010 at 12:11 pm
Chhiat rupna han tawk ve ila chu kan buai viau ang. Kan disaster management team lah hian an la ho viau in a hriat, a tak tak thleng se a chiri ngawt ang. Sum siam nan te hian an hmang mai mai lo maw? te ka tia. .
Report this comment
January 18th, 2010 at 12:21 pm
Haiti is now city of tent an tih tak chu .tuipui atrang leh boruak lam atrangin tranpuina a thleng chur 2 tunah tak phei chuan airport te poh a khat in lut leh tur tan poh a buai thlak rih an ti.
Kan Zoram ah hetiang em em a na lo deuh hlek poh in thleng palh ta se (thleng lo hram se)chawnghilh sawi ang khian min tranpui duh tan poh thiar luna ah kan buai nghal sa Lengpui chiah chutah lah thlawhna lian tum theih lohna a ni bawk si a.
Report this comment
January 18th, 2010 at 12:32 pm
Mi ram chhiatna ang hi mizorama thleng tur hian ngaihtuah pawh ka ngaihtuah chhin ngam lo, a rapthlak dan tur hi rin phak bak a ni ang. Kan In sak dan, plan mumal awm lo, khampang leh kawr kamah RCC kan tung fer fur mai si.
Mi rama chhiat rupna lo thlen chang hian chhanchhuaktu leh kang thelhtu (fire fighter) te hian First aid pek dan, Drip khai dan etc. te an thiam a, hmanraw tha nen an thawkchhuak thin. Mizoramah erawh Chem tum nen kan thawkchhuak ve leh thawr mai bawk si.
Report this comment
January 18th, 2010 at 12:33 pm
Haiti ang in Mizoram ah lir a nghing ve chuan, hetiang vel hi kan nih ka ring – https://img12.imageshack.us/img.....698163.jpg
Mizo mipui tam zawk hi kan mang vek ang tih pawh a hlauhawm zawk a lawm le. Kan building sak ah mizo pa hisap, architect leh engineer rawih pawh awm bawk si lo, Sorkar building ni se, eiru tam thei ber tur in, building quality a chhe em em leh nghal. Haiti lirnghing kha Richter scale ah 7.0 vel a nia, mi 200,000 vel thi a ngaih a ni, ram rethei leh corrupt a ngaih a ni a, an building quality pawh a tha vak lo, California ah 1989 khan lirnging 7.0 vel an nei ve tho, mi 63 chauh an thi, Japan ram ah te phei chuan mi hei ai hian thi an tlem a rinawm, ram changkang chu building sak ah te, an fimkhur a,an plan fel, keini Mizoram building sak dan hi chu ngaihtuah awm tak a ni.
Report this comment
January 18th, 2010 at 1:19 pm
Tawngthuchhelovah magnitude 7 vel hian nghing ve ta se Aizawl hi tun din leh tlak a awm angem aw…?
Sawrkar hian housing colony hi Aizawl chheh velah ah hian siam nual se, plan fel tak mumal takin kan khawpui hi expand ila. Chutianga a inzar pharh zawnga kan kal lova kan in ekbeng vak vak zel hi chuan ram ropui tak kan thleng lo vang.
High School Field hnuai tlak lam, Dawrpui Vengthar chung kham phei hi sawrkarin ‘No Development Area’ (ni tain ka hria) ah a puang a, tuman in sak phal a ni lo. Hetiang deuh hian kham chhengchhe zual te hi chu khawi chingpen phal lo ta hlawm se a thra khawp mai.
Report this comment
January 18th, 2010 at 1:42 pm
Nia.. chhiat rupna lo thleng thei thil hrang hrang zingah hian Lirnghing hi kan ram tan a hlauhawm ber chu a nih hi. Nuai chuang a ruala thih rapthlak dan tur hi kan ngaihtuah pha lo hial zawk awm e. A takin han tawng ta ila, tuar ve lo pawlah tang hlauh pawh ni ila, at phah mai hlauhawm deuh tur a ni.
Kan ram kalphung hi chu thlirdan hlawm lian deuh 2 -ah ka then fel tawh a. A chhe zawng leh a tha zawng. A chhe zawnga ngaihtuah peih chuan eng kawngah mai pawh hian beidawnthlak tak hi a ni ringawt mai hian a hriat a. Awm hmunah eng tih theih nei si lo hian kan hui pawp pawp thei hial a. A beiseiawm zawng leh a êng zawnga thlir ve thung chuan hma kan sawn ve tawh zia te, kan hnam la naupan ngaihtuaha kan changkan chak ve zia te, sawi tur a tam em em ve leh thung a ni.
Chuvangin, awmze nei lem lovah hian hah viau lo ila, tin, mi rilruah hian a hahthlak zawnga thil thlirna kawng hi kawhhmuh tam lo bawk ila, a tha zawk mah angem aw. Hetih rual hian kan ram thatna tur leh kan dinchhuah theihna tur kawngah hi chuan mahni zawn theuhah huaisen takin bei vek thung ila, tha dawn mange.
Report this comment
January 18th, 2010 at 1:59 pm
Hei hi han chhiar ve mai mai teh u…
HAITI & SATAN:
“Haiti was officially dedicated to Satan in 1791. It was rededicated to Satan during the two hundred year anniversary in 1991 by Aristide.
At that time, it was noted that Aristide had, behind his desk in his presidential office, a huge oil painting of a necklace murder. Aristide was quoted as having described the smell of burning petrol and human flesh in a necklace murder as “a most beautiful aroma”.
Not surprisingly, this country beset by occultism is the poorest state in the Western hemisphere. The vast majority of the population of Haiti are actively involved in Voodoo. Haiti has the worst soil-erosion, pollution, and de-forestation problems in the Americas.
Although they share the same island, the contrast between the predominantly Christian Dominican Republic with its lush rainforests and fertile farms, and the deforested, eroded mess that is Haiti could not be more acute.
-
https://www.christianaction.org....._Satan.htm
“Haiti is the only country in the entire world that has dedicated its government to Satan. Demonic spirits have been consulted for political decisions, and have shaped the country’s history.”
-https://www.americandaily.com/article/95
Report this comment
January 18th, 2010 at 2:07 pm
Ava rapthlak veee.
Report this comment
January 18th, 2010 at 2:56 pm
Haiti leh Mizoram chu teh khin lo mai a that hmel e. Pathian nung be state kan nia lawm. Chunglam engkim ti thei hian fel takin a mite tan ro a rel vek mai dawn alom.
Report this comment
January 18th, 2010 at 3:10 pm
Zoram lam chuan lirnghing hi kan mamawh lo khawp mai. Nghing lo hram teh se.
Report this comment
January 18th, 2010 at 3:11 pm
Hremna an tawk a va tih theih mai awm ve … Pu Keimah?
Report this comment
January 18th, 2010 at 3:20 pm
Lo la thlarau tawk hi an awm ve ziah mai a… WTC chungchangah lah, ‘Meikhu-ah Setana an hmu,’ tih ang reng… Kristianna hi hetiang tur a ni lo e… mi sual leh mi fel chungah ni pakhat a sa a, ruah thuhmun a sur a, chuvangin, buh lem leh buh tak chu keini lo thliar tur pawh a ni lo e
Report this comment
January 18th, 2010 at 3:35 pm
Haiti is not Mizoram chutiang bokin Mizoram is not Haiti a hrim2 in Haiti chu western hemisphere ah ram rethei ber an ni lom ni.Haiti chu country a ni a Mizoram chu State
Report this comment
January 18th, 2010 at 4:40 pm
paeia, #18 hi, pangai takin thil tih an tumin ka hria. In sa thar tur te pawh an en sak zel phawt an tum a ni lawm ni. Hetiang ah te hian mipuiin kan zawm chuan keimah ni lo in ven lawkna zel tur a ni ngei ang. Sawrkar in thil tha tih atum tam tak a awm ngei ang, chung chu mipuiin kan puih leh zawm angai function tha tur chuan. Mizo chu dan awm kan zawm lova, thil pawi a thlenin kan phun chiar leh hle lawi a. Mi in saksa thiah tir ngawt communist ram lo tan chuan aharsa viau maithei (?) a dang sak zel turah fimkhur angai a ni tawh mai phawt an a. Kan in sak dan hi kan ram ti hlauhawm tu ber chu a niin ka hria
Magnolia, country pawh hetia a chhiat theih chuan Mizoram, state ah pawh rethei ber (?)corrupt etc bawk si hi chu kan chhe viau lo ang maw? comment #14 na khian sawi nawn ngai lovin a sawi chiang viauin ka hre bawk.
@ Haiti a nu pakhat dam a an lak chhuah chu a thingthi rei khawp mai, ni 5 thingthi in in chim kar ah a tang. A khup leh kawng chu a kham ve viau ang le
whew
Report this comment
January 18th, 2010 at 4:51 pm
I.Hnamte,#26 Mizoram leh Haiti hian Lirnghing kawng an nih ve ve bakah hian mihring nun dan ah pawh hian in anna tamtak a nei asin.
96% hi Kristian inti an ni a, mahse 50% velin voodoo an practice thung. Mizoram hi Kristian 85% vel kan ni em? chutah eiruk leh hlemhletna rilru nei hi engzah % nge ni ang?
Haiti khawpui in te hi concrete a sak an ni tlangpui, Mizoram khawpui, a bik takin Aizawl,Lunglei, Champhai leh Kolasib te hi concrete in sak intih hmuhna hmun an ni.
Haiti in sak te hi 60+ % him lo tura sawi lawk an ni. Mizoram hi kan hotu te hian an en ve chiah em, ka hrelo mahse, ka rin dan chuan kan khawpui in sak te hi 60+ fe chu insak mihring tana him tawklo an nih ngei ka ring.
Haiti ram pum mai hian phai dar leh mual lian pui2 a khaw awm a ni. Mizoram chu tlang chhengchhe bawk lei nghet bawk si lova awm a ni etc etc etc.
Tehkhin a rem khawpin ka hria.
NOI
Report this comment
January 18th, 2010 at 5:22 pm
Northeast ah Mega Earthquake ala awm dawn an tih kha, huphurhawm khawp mai.
Report this comment
January 18th, 2010 at 5:26 pm
#16 na khi, em em a, mipui min rawk a nih ngawt chu mawle. Sawrkar ah engtin emaw ti turin thu thlen chi a nih chu.
Mizoram chu tlangram kan nia, tuipui kan hlat a, tih chi a nilo bawk viau ang. Tuifinriat hi kan hlat hlawl lo, Huricane Katrina pawh khan tuipui atanga Mizoram ang piah daih tur a ti chhe hle a nih kha.
Report this comment
January 18th, 2010 at 5:26 pm
mizoram: mitdel in mitdel a hruai a khuar khurum ah an tla tih te chu nep te!!mitdel in mitvar min hruai an tum phet hi a buaithlak lai tak a ni!!…NOI
Report this comment
January 18th, 2010 at 5:28 pm
Mitvar vek anga kan ingai hi kan buaina pakhat a ni thei mai zawk lo maw?
Report this comment
January 18th, 2010 at 5:45 pm
Haiti chuan an ram Setana an pe a, Mizo ho chuan “Kan ram Krista kan pe” ! Dang tak chu a ni lo maw??
Report this comment
January 18th, 2010 at 5:47 pm
keimah, % in Mizoram aiin Kristian an tam zawk ka ring.
NOI
Haiti 96%, Mizoram hi 95 nge 85% ?
Report this comment
January 18th, 2010 at 5:49 pm
Tak takin Pathianin hei chen hi min hruai tawh;min thlah thlam lovang. Vawiin ah pawh hmeichhe pakhat rinna ringawtin a enkawl mipangngaiin kan enkawlve peihlo tur mi sawmhnih rual ka hmu ….. Pathian in ami te harsatna tamtakah pawh alo chhan chhuak tawh thin Pathian kan lamah a trang em tih hi ngaih tuah nawn fo ang u.
Report this comment
January 18th, 2010 at 5:55 pm
Thlahthlam lo chung hian alawm kan tawrh thin! Min thlahthlam lova, inven dan tur te kan hriat theihnan thluak te min pe.
Kan thluak te chu a tha lama sukthlek tir lovin, hlemhletna khurah kan luh pui a. Kan rilru nasa lo tak chuan mi aia bik nih min tum tir a chu chuan in lian tak tak, mi in aia lian sak duhna rilru te min siam a.
Ram changkang ah chuan mahni in tur an sak chuan/lei chuan, an mahni awmna tur tawk an rilruk thin. Mizo te chu lian pui kan duh zel, thenawm ten in lian tha an neih chuan aia lian zawk a sak kan tum ve zel emaw tih tur a ni. A him lam kan ngaihtuah tawh ngailo.
Sawrkar lamin a him theih zawk nan thil chi hrang2 in tih tur min duan sak, inti fing leh thu duh takin kan zawm duh hlei lova, chhiatna a thlenin sawrkar kan mawhpuh leh lawi si. Tam mai, tam tak a awm sawi tur, kan luhlul thuduh vang hian chhiat rupna kan la tawng mai ang tih hlauhawm tak a ni.
Report this comment
January 18th, 2010 at 5:58 pm
Pu HV, Haiti Kristian % chu Mizoram aiin a sang daih! Mahse maw, an ram hruaituten tih tak takin an ram kha Setana hnenah (a hringhranin) an pe a, a pawi tlat! Chu bakah 85% Kristian ho kha Roman Catholic an ni a, ka tawng i huatthu suh ah RC ho hi chuan heng Occult/Voodoo tih vel hi Protestant ai chuan in ngai thei deuh zawk bawkin ka hria. NOI
Chuvang chuan Pathianin lir a nghintir ka tihna a ni chuang lo a nia…!
Report this comment
January 18th, 2010 at 6:02 pm
keimah, haw love a, RC in a ngaithei ni lovin, Africa atanga an culture 1 anga an rawn ken thlak a ni a, an mahni in an pawmzam a ni ber. Mizoram in kaihhruaina nen Pathian lamah chuan kan danglam vak chuangin ka ring hauhlo mai. A hming mai ve ve kan nih ka ring.
Mizoram ah pawh ram danga Presbyterian tih ngailoh takin, Khuang hnihin Kalvari rock kan nei tluk tluk tho a, ramdang mi te tan chuan ramhuai bia te pawh aang ve fu tur asin
Report this comment
January 18th, 2010 at 6:24 pm
Pu HV, khuang hniha zai hi Pathian Thlarau Thianghlim hian a nemnghet fuin ka hria a sin! Ram dang miten ramhuai bia emaw min ti mah se kan biak lohzia chu ramhuai ho bawk hian an hre chiang ngawt ang! Mizoram hi a chhiatna lai tam mah se Baal hmaa thingthi ngai lo, Isua Krista Ringtu sang tam tak an la awm a sin!
Haiti ho, a hminga Kristian, Voodoo leh Black Magic culture-in a tuam tlat ho ai khu chuan kan ziaawm deuh ang ka la ti ve tlat! Chubakah, Official ngata mahni ram Setana an pek avangin setana hian lal a hrawt khumin a bawihah a tantir mek hlawm tih hi a langin ka hria.
Report this comment
January 18th, 2010 at 7:23 pm
keimah, Voodoo be tu te hian ramhuai bia an inti hauhlo asin. Mizo te pawh hi kan han lamkhur chiam mai hi chu hnamdang te hmuh ah chuan thlarau diklo lampui kan ang viauin ka ringhlel miahlo mai. Rock N Roll fever hun laia Rock N Roll Music a rik a an lam khur chiam nen khan adanglamna pawh ka hre chuang heklo.
https://news.bbc.co.uk/2/hi/africa/4588262.stm
Report this comment
January 18th, 2010 at 11:23 pm
Lirnghing nasa tak ah chuan a tuar zing zing in in a chhe tur mitigate dan an thiam a……..Mizoram chu kan la tuar tak tak lova chhiat pawh kan chhia ang chu……Pathian/Khuanu rorel a ni mai……. Lirnghing atang corruption ah kan kai daih mai….. Sorkar hnathawk tan misual ngam pawh hi a ni dawn na nge ka ti ve mai mai…….
Mizoram chungchang ah chuan a tha lam hlir in thil ka thlir———-
i) Oil lipui chungah kan awm ang a ..an hai chhuah hun ah chuan Saudi Arabia ang in kan SGDP hi 100 percent chuang in a thrang ang.
ii)Burma kawng leh Kaladan luidung inkalpawhna a puitlin hun ah chuan south east asian corridor kan ni ve tawh ang a
iii)Rel a lut vu vu bawk ang
iv) Kaladan hydel project puitlin hun ah power state dang ah kan hralh chhuak ang.
v)Poisa leh thawhchhuah kan ngah hun chuan seidmic zone chhe ber a kan awm avangin disaster mitigation lam ah nasa tak in kan invest ang.
vi)Car rally championship te pawh kan host ang.
vii)Fly over ngat in moto gp Grand prix track tur kan siam ang a…….vijay mallya pawh a ron zin zut ang
Report this comment
January 18th, 2010 at 11:36 pm
@Ditto
kan hausa nuamsa ltk anga, Israel ho Pathianin a hrem anga hrem pawh ngailo hian, rial ang hian kan ral raih mai ang tih a vahlauhawm ve le.
A ram leh a felna zawng chung zel siin nawmchen leh milem biak tel lovin kan Pathian nung ngei rng tlat chung erawh chuan kan Hait lo khop ang le
Report this comment
January 18th, 2010 at 11:38 pm
@Ditto, Rope Way pawh…… Maimawm ril ang maia phan truak tur kha..
Pu Zoram Genesis hi a va reh ve maw le… A ngaihawm riau..
Report this comment
January 18th, 2010 at 11:47 pm
A tha zawng lamin future thlir hun a awm anga, a chhethei ber, (thil awm thei) kan thlir bawk tur a ni dawn lawm ni.
A tha zawng ngawt a thil kan thlir chuan inven dan, lo in puahchah lawk dan kan hre nang. Hriat sa reng pawh kan ti peih lova, a pawi hnu ah sawrkar kan puh leh si thin a ni lawm ni aw?
Report this comment