MSIC hna lak a ‘Fair’ lo

January 31st, 2010 7:21 pm by v_vantawl

Aizawl; Mizoram State Information Commission (MSIC) chuan January ni 28, 2010 khan hnathawktu contract-a mi 4 lak tharna tur ‘Order’ a tichhuak a, hengte hi MSIC-a hotu thenkhat vua leh vangte vek nia hriat an ni.

Hnalak dan hi a chiangkuang lo hle a, Order-ah chuan P.Liankhama, Secretary, MSIC-in hming ziakin, heng mi 4 lak tharte hi eng hna nge an thawh dawn tih pawh tarlan a ni lo a, an hlawh tur (renumeration) erawh chu thlatin Rs.7,200/- a nih tur thu a inziak chiang hle thung. Contract-a hnalakna tur Order hi a mawlmang hle a, an thawh hun chhung tur chu kum thum tih a ni.

MSIC-a Chief Information Commissioner Robert Hrangdawla chu naktuk mai hian pension-in a chhuak tawh dawn a, State Guest House-ah staff ten thlahna inkhawm an nei dawn nia hriat a ni a.
Pension-a a chhuah dawn tak avang hian CIC hian Zirtawpni chawhnu dar 1:00 khan I&PR Conference Hall-ah chanchinthar lakhawmtute a kawm a. Hemi tum hian Press lam atangin MSIC chu hnalak chungchangah kum 2007 vel khan an lo inchaltauh viau tawh thu leh, tunhnai maiah laina hnaite duhsakna avanga mi 4 lak thar an awm leh em tih zawhna a awm a. CIC chuan chutiang a awm loh thu leh MSIC chu autonomous body a nih avangin sorkar hnalak dante nen ngaihfin (interfere) loh a that thu a sawi a ni.

CIC-in Press Conference a neih hma ni chiah hian contract-a thawktu mi 4 lakna ‘Order’ tihchhuah a ni a, heta an lakte chu :- John LC Chhangte, Zonuam; Lalduhawma, Aizawl Venglai; Lalrawnveli, Ramhlun North leh Lalrinawma, Electric Veng te an ni.

Thudawnna in a sawi dan chuan contract-a mi 4 lak, Appointment pek mai tawh turte hi MSIC-a officer 4 te chhungkhat laina hnai vek nia hriat an ni a. John LC Chhangte hi naktuka pension-a chhuak mai tur Robert Hrangdawla tupa (farnu fapa) a ni a. Lalrinawma, Electric Veng hi tuna MSIC Secretary P.Liankhama fapa nia hriat a ni. Lalduhawma hi MSIC-a Sr. PPS, Vanlalduha fapa nia hriat a ni a, Lalrawnveli, Ramhlun Veng hi tuna PPS Lalrintluangi mo nia hriat a ni bawk.

Contract-a lak tura tihte hi Appointment Letter pekchhuah an la ni lova hriat a ni a. Zirtawpni kaltaa Chief Information Commissioner-in Press Conference a neih hnu lawkah he ‘Order’ hi thiah leh tumna a awm ni awma hriat a ni a, hei hi engti angin nge Commission hian a kalpui zel dawn hriat a ni rih lo.

Kum 2007 chho khan MSIC hian MR/Contract-in mi eng-emawzat a lo la tawh a. Hemi chungchangah hian zirlai pawl thenkhatin ngaimawhin hma an la zui a. A hnu-ah Departmental Promotion Committee (DPC) kaltlangin hna 14 lak tura tih a ni a. Written leh Personal Interview te pawh tihfel vek a nih tawh hnu-ah eng emaw felhlel awma hriain MSIC chuan appointment a pe ta lo a ni.

MSIC hian DPC thar siamin a bul atanag hnalak buaipui leh turin a ruahman a. Mahse, DPC-in a recommend-te chuan hei hi tul ti tawh lovin, Gauhati High Court-ah an zualko a, nikum December thla khan High Court chuan thiam a chantirin, MSIC pawhin December thla vek khan ‘Appointment Order’ a tichhuak a, DPC recommend-te chuan an hna te hi an zawm fel tawh niin thudawnna chuan a sawi.

Similar Posts:

Recent Posts:

34 Responses to “MSIC hna lak a ‘Fair’ lo”

  1. 1
    Pangtichawr Says:

    Akhaia,a nuam lo ania

    Report this comment

  2. 2
    ninja Says:

    1st teh u

    Report this comment

  3. 3
    shailendra Says:

    no comment…. :twisted:

    Report this comment

  4. 4
    van damme Says:

    Mizorama hna lak hi engtikah tak fair ang mo,voikhat ka apply toh a,written ah ka tling a,interview a min tih tlak danah khan ka lungoi lo ltk a,dusak bik tur an tih certificate chi hrang2,NCC(C-certificate),sports(state and norteast level,computer (DCA) thil tel vek chungin min ti tla ta tho a,chuvang chuan sorkarah hi chuan ka apply mai mai toh lo ang.Fair lo lutuk mai…het saaalllaaaa.ka thin a rim thar leh thut.

    Report this comment

  5. 5
    vlchinzah Says:

    Lehzel chuan aw.. Robert Hrangdawla hi a hna hrim hrim chu tlin tak leh thawk tha khat viau ah ka lo ngai a ka lo ngaisang ru viau a, mahse sawi ang hian hna lak chung chang ah hiansawi sep tur hi a awm ta fo mai.

    Report this comment

  6. 6
    wonderboy Says:

    FIR an thehluh palh tak in ngawi daih tengs!! :-|

    Report this comment

  7. 7
    hmingtea Says:

    Kan ram riangte tak hi chu aw fair lo hi a fair zawk tawh ta ve ang.

    Report this comment

  8. 8
    kawlhawk Says:

    lo fair lo hlawm mai2 teh se. Ka ten! :evil:

    Report this comment

  9. 9
    Makima Says:

    Kan zoramah hi zawng hetianga induhsakna hian engtikah mah tawp ni anei dawn lo anih hi..a hotu lu ber ber te atangin kan fihlim tawh si lo.kristian ram intih fo pawh hi a zahthlak ta..ka thinrim dawn tlat.

    Report this comment

  10. 10
    XaiA Says:

    Hna hi a van hlu tak em :!:

    Report this comment

  11. 11
    vlchinzah Says:

    An thiam vangbik pawh ni lo chhungte thil tih theih vang a hna hmu ho hi chu an thik awm tlat thin. Dikna hian hmun a chang tlem tawh lutuk hi a pawi ngawt mai.

    Report this comment

  12. 12
    Jennifer Lo Says:

    Change chu ni maw, a zung nen a phoro pawh hi a ro chianglo chu a zung a rawn kaih zel duh khups, tu ten emaw an stay vat lawng maw, appointment order pek hma leh an join hma ngeiin.

    Report this comment

  13. 13
    Jennifer Lo Says:

    Change chu ni maw, a zung nen a phoro pawh hi a ro chianglo chu a zung a rawn kaih zel duh khups, tu ten emaw an stay vat lawng maw, appointment order pek hma leh an join hma ngeiin.

    Report this comment

  14. 14
    As_Khiangte Says:

    Mizoram engmah fair loh na ram.

    Report this comment

  15. 15
    Pangtichawr Says:

    A hausa sa hian hna hi an hmu hma lehnghalh a a fair pawh ka ti mai mai love a

    Report this comment

  16. 16
    Daffodils Says:

    Chhui chiang ngei ngei rawh se, hei hi kan ram lehkha thiamte ti hnual tu a ni, MCS bak hi chu engmah a fair ka ring lo

    Report this comment

  17. 17
    Aryan Says:

    Khitianga diklo taka an la ngei ni a hriat te chuna hna neilo ho kha in rawn khawm ula an mi lakthar te kawtah khian va nuar te che u, banner lian tawk ah an hming tar ula, khuangpui nen John LC Chhangte, Lalrinawma, Lalduhawma leh Lalrawnveli te kawt mai bakah an chhung te in kawtah nen. Hlawhtling kher lo mah ula khitianga diklo taka vua leh vang te hmang tangkaia hna hmu ho tih mualpho hi an phu ve hrim hrim.

    Report this comment

  18. 18
    vlchinzah Says:

    PRISM ho in chhui ve rawh se…

    Report this comment

  19. 19
    ThaiBoy Says:

    Kan lo en fiah ange…. :)

    Report this comment

  20. 20
    hmingtea Says:

    Site change chiah hi a lo awm hi a lo ni mai lo maw.

    Report this comment

  21. 21
    bauhbauh Says:

    Kan ramah hian hna lak cantract a ni emaw a eng a pawh nise a fair har ngawt mai, an thiam a, an tlin chuan chhungte induhsak hi chu a awm ka ti tho mai, mahse qualified miah lote an in dah hi chu hna zawng mek te tan a thinrim thlak thin ka ti. Hmanah Computer Er. tur Department pakhat ah kan interview a, qualification an ziah lan a qualified lo pakhat an la daih nia mawle, hetiang hi department dangah pawh a tam viau mai, an lak a te tan chuan a lawmawm rual in midang tan a thinrim thlak duh khawp mai. Kristian ram, Pathian zawnchhuah ram hi kan in ti leh thin si a, heng ah te hi chuan a lang lo deuh thin a ni. Huuis…. nuam lo e, ka zak deuh e a (lol)

    Report this comment

  22. 22
    Daffodils Says:

    An va zak chem chem ang chu! … midang pawh an tam ang, PHO RO NGEI NGEI RAWH SE, engtik laiin nge hnaruak advertisement hi an lo hmuh thin le, a reng reng thuah Mizoram Employment department hian employment news angte hi an ti chhuak em le?

    Report this comment

  23. 23
    ninja Says:

    OT, vawiin times of india ah ka thian pa,Tawna pic. a awm a, TOI chu ka keu ve ngei a, ka hmu zo tlat lo.Khawngaihin link min lo pe teh u…chennai edi. niin ka hria. Pu Shailendra in min pe dawn a maw ka lo ti a, ka lo nghak veng veng a ‘kan nu’n a phal lo’ te a ti vel mai mai. Hu hu hu

    Report this comment

  24. 24
    shailendra Says:

    ninja. Ti lo deuh ang aaaaa…. He he…. chennai lamah misual an om lom ni? chennai toi link zuk dil roooooh….. hai hai….

    Report this comment

  25. 25
    paeia Says:

    A pawi ngawt ang. Mahse hmana college lecturer lak dan dik lo tia an sawi hut2 ang khan a reh leh mai ang! :lol:

    Report this comment

  26. 26
    caribou Says:

    Ti hian a ri hluai ang a, kan theihnghilh ve leh mai ang.

    Report this comment

  27. 27
    chawnghilh Says:

    1980’s khan Certificate neih that leh engemaw hrim hrim neuh neuhah Party Politics Fitnesses a ngaih em em zia hi kan lo experienced dim diam tawh. Keini ang duang hi chu Peon leh Driver-ah pawh tlin ka inring chuang lo!

    John LC Chhangte, Zonuam; Lalduhawma, Aizawl Venglai; Lalrawnveli, Ramhlun North leh Lalrinawma, Electric Veng te an nihlawh a ni ve mai! Ka lawmpui e, chu chu kan ram kalphung a zung chawpa PHORO dan chi thar a nih leh mai chu!

    Report this comment

  28. 28
    triplestar Says:

    Ka u thianpa pawh zirtirtu lak turah a mah chauhin a dil a, a tling chuang lo, mi dang an la daih :lol:

    Report this comment

  29. 29
    caribou Says:

    Kan sorkar thar hi an va “ZAH LO” vin an va “HLAU LO” em em ve ka ti tho tho.

    Report this comment

  30. 30
    keimah Says:

    An chhungte nih vanga lak nge, an qualify ve hrim hrim? Tutenge he hna diltu dang te? Heng hnate hi an advertise reng em?

    RTI hman dan zir thiam tawh @Serc ngei kha kan va ngai ve le..!!

    Report this comment

  31. 31
    TORNADO_DX Says:

    an va jak lo ve, kan change vek mai ang. cc bu ah te ron advertise se keini pohin kan dil duh ve a lom. he thil hi an ti tlang a nih chuan kan sabji ang

    Report this comment

  32. 32
    TORNADO_DX Says:

    CHANGE CHANGE

    Report this comment

  33. 33
    Magnolia Says:

    Enge thil thar teh vak om a

    Report this comment

  34. 34
    jvl_3d Says:

    Kan ramah hian engmah hi a fair thei tak tak lo alo nih hi!

    Report this comment

Leave a Reply

You must be logged in to post a comment.