– Mickey Hlondo
Zalên ka ni ta ka tih hmain kan zalen loh zia kan târlang phawt ang. Zalenna hi eng chiah nge a nih a? Eng chiah nge a huam? Zalenna hi amah ringawt chuan a awm thei lova, neitu / changtu / hmangtu an awm a ngai a ni. A neitu chu thil tam tak a ni thei âwm e, hetiangin sikul zalên, ram zalên kan tih reng reng hian sikul, ram etc. te hi chu anmahni hian tih zalen chawp an ngai chuang tawh lo a.
Keini tih zalen leh len loh theih a ni hek lo. Amaherawhchu, ram chhunga cheng mihring, sikul chhunga awm mihringte hi kan zalên thin lo zawk a ni lo maw?
Khawvel hnam zetin leh hnam hrang hrangte hian kan zalenna min dâltu hi kan ngai thei lo a, chu chu kawng hrang hrangin tihbo, nuaibo kan tum a, nunna tamtak te pawh kan chân phah rêng a. Chutiang khawpa mihringte tâna pawimawh nunna hial thâpa kan lei ngam zalenna chu enge anih fakau le…
Zalenna kan tih chuan mahni chhungrila kan châk leh kan duh zâwng ram dânin a phal chin si dâltu leh tibuaitu awm miah lova kan hman, kan nun chhuahpui theih hi a ni ber awm e. Chhungkaw inrelbawl dan chhunga zalen taka awm thiamna hi a ni bawk thei ang. Midang tana hnawksak khawpa kan zalenna kan hman erawh chu a dik lo tawp ang.
Sâp hoin “Be yourself” an tih fo, keimahnia keimahni, mahni nihphung diktak, inthup leh inzep, insum kârna awm miah lova mahni nih ang anga lanchhuah tawp mai chu keini mizote ah chuan beisei lo ta ila. Kan ei châk pawh “Ka châk love” kan duh zâwng pawh “Ka duh love” titlat thin mahni chhungrila châk leh duh pawh a nih ang anga tilang ngam lo, hnam dawi zep, hnam zalên lo tak kan ni.
Chhiatni thatni sakhuana lamah pawh “Miin min dem lutuk ang” tih vâng ringawtin kan han ti ve hram hram a, ka peih lo anih chuan ka taksa a nia duh leh kal malek ang hmiang. Tuma sawisel theih pawh va ni suh.
Kan Society chuan kar khatah zan thum leh chawlhni nileng inkhawm turin min beisei ang a, chumi tithalo te chu rual pawllo chhuahin min chhuah a, Mitthi lumen, khawhar in kal, thlanlaih nikhua chuan Mizo,Kristian,tlangval ve si tiin min phût ang. Zirlai nge ka nih zilhlai, mihring nge ka nih mithing tih pawh ngaihtuah miah lovin kan society chuan min phut ang.
Dân leh dûn lama kan zalenna lam chu thu hran ni se, rilru lama kan zalen loh zia hi in târlang leh teh ang. Pulpit tlângah ngei pawh hian mahni rilru a awm Pathian min pâwlna ngeite pawh hi kan sawichhuak ngam loa, Upate leh mipuite tâna ngaihthlak nuam tur hi sawichhuah kan duh zawk a ni.
Khawtlâng leh kohhran lamah pawh hian mi min ngaihdan tur kan thlir peih em em a. Tha leh dik nia kan hriat ang ah pawh kan ding ngam thin lo, Pawl hruaitu tur thlan leh hun ngaihtuah chung rengin midang pawisawi hlau takin kan awm thin.
Zalenna tak tak kan hriat hunah chuan ‘a zalenna alâwm, duh leh rui ang hmiang, a duh duhin a awm thiang alawm’ kan ti tawh ang. Tlangvalin duh duh a rim tawh ang a, duh leh vengchhak, vengthlang, hmeithai zuzuar fa pawh a rim tawh mai ang. Duh leh a sam a ti phir anga, achang leh a ti buang ang a, kekawr ngum lang pawh a ha tawh mai ang.
Ka rilru a awm, ka châk zâwng ang takin ka nun chu a che vel tawh ang. Chutah Learning by doing tih chu kan theme pawimawh tak a ni tawh ang a, tuman ti rawh! ti suh! min ti tawh lo anga, aduh an insual anga, aduh an rui anga, aduh an inkhawm anga, aduh in sex an hmang anga, chutiang chuan it’s my life tiin kan phe nuaih nuaih tawh mai dâwn a ni. Hmâna Gandhi-a te, Nehru-a ten harsa taka an beih, nunna tamtak châna an hlawhchhuah zalenna chu kei ber emaw intiin kan chil phuan bawrh bawrh tawh mai dawn a ni.
Zalenna hi apuma kan neih ngam hunah leh kan hman ngam hunah kan nih ang takin kan khawtlâng nun hi a lang chhuak tawh ang a. Zu khap duhlo em em te pawh khan tute hmaizah vâng nilovin khap loh langsar takin kan duh ngam tawh ang. Thildik leh tha a zalên loa inhre tlat, thil dikloa huaisen taka zalên leh ngam si te pawn kan zalenna chu dik takin kan hmang tawh ang.
A zalenna alâwm, ama taksa alâwm, keini buaipui leh zilh a ngai love tiin mizo hnam anga kan mualpho anih paw’n keini kan fihlim chuan a tawk kan ti tawh mai ang. Chutih hunah chuan ka ka-ah lut thiang loa awm tawh lo anga, keimah avangin midang buai a ngai tawh hek lovang. Chu zalenna chuan min eichhia anih paw’n zalennain a eichhiat chuan amahin a tuar tlawk tlawk tawh mai ang. Nu leh pa rilru a hah anga, khum manto in mut a ti tui chuang hek lo ang. Tlangvâlte hnapui ber pakhat tur chu thlanlaih a ni tawh mai ang chu!
Chutih hunah chuan mi min ngaihdan tur te, thenawm khawvengte min ngaihdan tur pawh dâwn tawh lovin keimah chu keimah ka ni tawh ang a. Zalên ka ni ta ka ti ve thei tawh ang a, he hringnun hi zalen takin kan hmachhawn tawh mai dâwn a ni.
Zalen ka ni ta ka tih avangin he leia ka chenpui te tana hnawksaka ka awm kher chu thil tul ber a ni lovang. Zalen ka tum lutuk avâng erawh chuan nun beidawnna, engmah lo maiah ka chhuak leh lawi si anga, ngui takin he khawvel ah hian ka khawsa ve ta zâwk mai ang em le?
February 5th, 2010 at 7:02 pm
va sei duah ve!! tu mah hi zalen kan awm lo e…he lei khuavel/khawvel ah hian!
Report this comment
February 5th, 2010 at 7:03 pm
chhiar chhuah vek chuan min lo 2nd khalh palh ang e..
Report this comment
February 5th, 2010 at 7:12 pm
@pu Shailendra i 2nd hman ani maw a sei hi chu mi coment atrang hian lo komen ve mai i lang a ni mai
tute nge zalen chu tute nge za len lo chu.
Khua a vawt ngei mai degre 4 a ni e. Tuikuk kawrlum a sen ka ha kerh 2 mai.
Zalena chu dan hnuai ah anih avang in midang te tan a hmawksak thei tur in tumah in zalenna an nei thei lo.
Report this comment
February 5th, 2010 at 7:17 pm
Zalen kan nih rual hian mi poisoi te leh dan khap kan tihluih chuan hrem kan tawk keuh thei thung. Mahse mi hmaizah vanga inkhawm te hnatlan te thlanlaih te JAC vela tel te hi chu voluntary ani. Tumah tihluih thian chu ani hauh silo.
Zalenna erawh a hmansual theih anih avangin, ram leh hnam chhiatna hial a thleng thei. USA ah chuan an zalenna hi a ngai poimoh hle mai, naupang duh loh chung tirh leh tihluih tir ang te hi child sbuse an ti daih. Naupang intoys a khalh melh melh lai ka mobile phone kha min lo pe teh tih kha ‘sorry am busy” an tih tlat chuan HV te ho hi chuan an zah thrin.
Zalenna hi optimize chu a ngai khoops, mahse puitlinna kawng poimoh tak zawng ani. Chutih rualin mi private life poh zah thiam a trul hle bawk ang.
Zawlbuk rorel atranga District council tunah state kan ni ta, dan thra kan mamawh a zawm poh kan zawm a trul, chutih rualin misual hrem lova an inngaidam mai mai hian serious crime a ti poilo zo. A ngaidam tu khan dan a bawhchhia a a hrelo dertu khan a bawhchhe bawk.
Zalenna hi hman sual theih anih hi hriatreng a poimoh hle, rualin, mite tana harsatna thlen lo zawnga kan awm a trul hle ang. Switzerland lama an tihdan thra pawh khoimo post berah chuan kan thai lan toh kha. kala han zawng chhuak anga a link ka han dah keuh mai ang chu auh
ka lawme
Report this comment
February 5th, 2010 at 7:22 pm
va ziak tha reuh e. a thalai ruih mai a. i nick hi zalena tiin thlak law law la
mahse tunlai mi, “zalen” inti ho hi zalenna hmang thiamlo leh inthlahdah, kekawr ha fual thlawn, computer games thiam deuh, lehkhazir peihlo, lerh deuh, inlama hnathawk peih silo, sam ti phira khawlaia leng zuar zuar an tam viau maithei asin
Report this comment
February 5th, 2010 at 7:29 pm
Mitin hian zalen lohna lai kan nei theuh awm e, khawi lai lai ah emaw chuan.Ti ve tawp teh ang. 1st talo rau rau..!
Report this comment
February 5th, 2010 at 8:02 pm
Zalen-na hian sorkar a ti chak loin, hnam ati thruanawp thei. Zalen-na hmanthiam hi a zira zir fè tham a awm. Ka zalen-na hi ka thenawmpa nun ti hreawmtu a ni ang tih ka hlau!
Report this comment
February 5th, 2010 at 8:25 pm
‘Mi A pawh a ngawih reng chuan mifing a chhiar a ni’ tih ang deuh hian awm hle hle a fing a ngaih ve mai theih turte pawh hi;trul lova freedom chang chawi a pharvar kuala tha chuang sen a tam duh khawps.!!.
IPC&CrPC hre lo leh magistrate la hmachhawn miah lova hlim taka damchhung hmang mi tamtakte hian “its’my life.my right &freedom” an ti ve fo chuang lova.An tan DAN chu awm bawk mahse Dan in a ti buai ve hek lo;khawsak hona atana pawimawh ber ber te hi chhungkaw sorkar a tanga zirchuah tur a ngaih leh beisei a ni.Kan pipute khan he Zalenna hi an man chiang a,an nun pawh a zalen reng a ni.
Mihringin kan neih hlu ber zing a pahnih- duh duh a vah vel theihna leh chhungkhat laina te bul hnai a awm theihna te hi khuahkhirh sak an nih hian zalenna hloh an ni deuh ta bik a.Hei hi thil tisual hremna a tan a jail /prison hman a nih na chhan pawh hi a ni awm e.
Report this comment
February 5th, 2010 at 9:10 pm
‘Kan ei châk pawh “Ka châk love” kan duh zâwng pawh “Ka duh love”’
Helai tak hi buaithlak ve khawp mai. A na em, nachhawkna ka va la dawn em ni tiha, na lo e an tih tlat chuan a na lo tak tak nge na tih hriat a har khawp mai. Tin, thingpui thlum nge i duh a hang han tiha, aaa kan in dawn em ni, i siam dawn chuan a enga pawh tia min chhan hian ka buai thei phian bawk,kan la Zalen lo aniang e
Mi mitmei ven hi thratna lai a tam viau rualin mi zawng zawng mitmei erawh ven sen ani bawk si lo.
Report this comment
February 5th, 2010 at 9:17 pm
i zalen vek tawh ang u!
Report this comment
February 5th, 2010 at 9:25 pm
@Irre : Ka lennaah, “A thlum nge —a hâng?” tiin min zawt a, “A al,” ka ti jeih, thingpui an rawn siam al hmaks. Ka in zo thei tho! My pride —my freedom of speech and choice!
Report this comment
February 5th, 2010 at 9:35 pm
Pu Chawnghilh: Pride literally swallowed eh? :roll:
Report this comment
February 5th, 2010 at 9:37 pm
Pride and Sodium Chloride literally gulped down! :cry:
Report this comment
February 5th, 2010 at 9:47 pm
Zalen….Ka upa tawlh tawlh a, ka zalen loh zia hi ka hre thuk tawlh tawlh mai a :?:
Report this comment
February 5th, 2010 at 10:52 pm
A sei bawk a kan chhiar ve hram teh ang.
Report this comment
February 5th, 2010 at 11:51 pm
funny #5 hi Zalena ti a a thlak hma in Hlawndo ah han thlak phawt sela mawle
NOI
Report this comment
February 6th, 2010 at 2:24 am
Pi_Irre; kei chu lo leng ila chuan, thingpui i duh em ti la , a thlumin aw kati var ang ka duh anih chuan
ka duhlo anih chuan ka duhlo kati mai dawn sia. in zep hi ka peih velo. ka zahloh a chinah hian ka tlai phian hehehe
Report this comment
February 6th, 2010 at 2:26 am
Pu HV i birthday ni ah i bo rei lutuka, kan wish tha peih tohlo trep che lawm le. nge i bday ah court ah i in lan zek zek emawnile
NOI
Report this comment
February 6th, 2010 at 3:33 am
funny, ka mu mawle, ka hnathawk bang thatchhia, mu chungin TV ka en a, kalo muhil daih alawm. Kan nun wish tura milo call pawh ka hre lo, voice msg a lo dah tawp
Report this comment
February 6th, 2010 at 6:23 am
Mickey Hlondo, you are confused!
“Midang tana hnawksak khawpa kan zalenna kan hman erawh chu a dik lo tawp ang” i ti sauh sauh a,amaherawhchu zalen i sawifiahna hi han en leh ta ila:
“tuman ti rawh! ti suh! min ti tawh lo anga, aduh an insual anga, aduh an rui anga, aduh an inkhawm anga, aduh in sex an hmang anga, chutiang chuan it’s my life tiin kan phe nuaih nuaih tawh mai dâwn a ni”. Hetiang khawtlang leh ram hi ram zalen ai mahin ram buai, dan leh dun awm lohna ram a ang zawk lo maw?
Mihring hi Pathian siam kan nih a chian em emna chu engkim mai hian kalhmang leh dan a nei vek a, mihringte phei chu min kaihruaitu dan engemaw kan mamawh leh zual a sin! Mihring hi a huhova cheng chi kan nih avangin midangter nena cheng ho tur chuan dan leh ramri fel taka kham a tul thin. Chhungkua pawh inkaihhruaina dan mumal nei lo chhungkua chu a buai nuaih mai a, chhungkaw nuam a ni ngai lo. Hetiang hre thiam lo leh hre tha duh lo ho hi a lawm ram leh khawtlang tana mi hnawksak ni thin chu!
Kan pian tirh ata “Keimah ka ni”, “It’s my life” kan ti thei hlei nem! Nuten min enkawl avang chauha seilian leh dam khaw chhuak kan ni. Tunlaia thalai tam tak, “It’s my life” ti ve khar khar thinte pawh hi an nu leh paten eitur leh silhfen pe thin lo se chu saruaka riltama thi sawn mai mai tur tam tak an ni lo’ng maw? Ka puitlin hnu pawhin midangte mamawh loh lai kan nei lo. Dam loh nikhuaah te, chhiatni thatniah te hian a chiang leh zual! Kan upa deuh deuh a, midang kan mamawhna a nasa leh telh telh a, kan tar kun hun thlengin chu chu thil awmzia a ni! Adama hun lai atangin a la danglam chuang lo!
Tunlai thalai thenkhat, thawka phita “Kan zalen lo” tia iak iak thinte hi an duh duh ti turin han zalen teh se…thla khat pawh daih lo tur an tam ang!!Thenkhat zu in chak, in tur nei silo ho zu khapna dan hnawk tia insawh insawh hote hi mahni hmasial, ram leh hnam pumpui leh midangte hmakhua thlir aia anmahni chak zawng leh duh zawng chauh dah pawimawh thinte an ni chawkin ka hmu.
A tawp berah chuan e Mickey, I article i conclude dan khian i confused zia a tarlang chiang khawp mai:
“Zalen ka tum lutuk avâng erawh chuan nun beidawnna, engmah lo maiah ka chhuak leh lawi si anga, ngui takin he khawvel ah hian ka khawsa ve ta zâwk mai ang em le?”
Report this comment
February 6th, 2010 at 1:13 pm
Engkim tih ka tan a thiang, mahse engkim tih ka tan a tha kher lo.
Report this comment