Nikum lamah khan Aizawla school lar ve taka zirtirtu pakhat chawei ah kan sawm a, naupang admission chungchang te kan zawt a. Naupang hi kum li tling chin kan admit thin a, amaherawhchu vai naupang hi chu kum thum leh a chanve te pawh hi an fel viau zel a tih a sawi kher a.
Ka ngaihtuahna a kal thuitir angreng khawp mai a. Zirtirtu kum engemaw zat tang tawh ania ka ai chuan a hre turah ka ngai si a. A thusawi hi dik ta sela enge a chhan ni ang tih ka ngaihtuah nasa mai a.
Mizo in naupang, a bik takin kum li hnuai lam, kan enkawl dan hi enfiah a insiamthat deuh a ngai ani ang a ka ti deuh a.
Naupang hi kan chhawnchhaihin kan bawl nasa deuh em ni aw ka ti. An tawngfiah loh leh kan tawngfiahlo ve a, zeldin thu deuh an sawi leh a ai uar a sawipui kan chak a, naute ang mai a duat kan ching a. Kan thianpa pakhat in ‘ka fapa kumhnih mi la tawngfiah vaklo nen kan han inbe tak tak hi chu, ka fapa zawk hian, apa eng maw i sawi? min ti fo mai’ a tih te kha min ti hrechhuak rum rum mai.
Naupang hi felfai takin bia ila, zawhna an neih te hrilhfiah peih ila, puitling deuh enkawlin enkawl ta ila anmahni tan a tha zawk anga ka ti deuh ani. School kal tan hma hauha Vai naupang tlukloh ringawt chu ka la na deuh tlat mai.
Similar Posts:
- Duat sual > Sual duat > Duat hlum!
- Nun tihlimtu – Naupangte
- Boarding School leh Naupang khuaikhem.
- Mizorama Zirna – a bul fuh lo
- Naupang pangchang hi!
February 6th, 2010 at 2:23 am
Ist ve mial teh ang.
Report this comment
February 6th, 2010 at 3:09 am
Naupang enkawl hi a har ngang zawng a nih hi. Ka thianpa fate hi an tawng a fiah lo rei khawp mai, tawng fiah lova a nu leh a pate’n an biak thin vang hi a ni ang. Inchhungah naupang biak avanga tawng fiah loh kan ching lem lova, kan fate tawng a fiah hma vek thung. Tum khat chu kan thianpa a lo leng a, tawng fiah lova kan fate a han bia chu mak ti deuhin kan fapa naupang te chuan a en kiau mai, chhan a tum miah lo.
Naupang hi duat liak liak turah ka ngai lem lo bawk, “duat…” chhunzawmna chu “…sual” a ni tlangpuiah ka ngai. “duatsual” ka hriat tam viau laiin “duatthat” erawh ka la hre lo. Chutih laiin, kan hmangaih a, an thatna tur kan duhsak a ni tih erawh lantir fo a tul ka ti thung.
Report this comment
February 6th, 2010 at 3:17 am
Ku muang, Hmeichhia ho pawh hi duat sual an aw khawp mai.
Report this comment
February 6th, 2010 at 3:19 am
I va sawi dik tak em! Mizote hian naupang kan enkawl dan hi kan cheibawl mawl a ni. Vawi khat German naupang hi enge maw mai mai ka zawt a. a hming leh India nuam a ti leh tih loh te,kal san leh mai ka tuma,a nu leh pa in aw rual thapin,i hming i sawi ve lo va min ron tia, ka zak khawp mai. Hei lo pawh British hmeiche naupang kum 3 vel kan helo ve mai mai pek a(ka hmuh fo thin an nia) ka biak duh ring in a pa in ka bulah a ron kalpuia, tawng kam khat pawn chhandan a hrilh lo reng reng. Kei ni mizo chu ni ila kan lo chhan sak leh zung zung leh awm sia.. A pa chu ngawi reng in a lo ding …mizo te nen chuan inthlau tak a ni
Report this comment
February 6th, 2010 at 3:23 am
Sawi mai ai hian naupang enkawl, mahni fate ngat phei hi chu a lo har khawp mai. Keini ang chhun leh zan sawi thei mang lova hnathawh ngai chi tan ngat phei chuan Lu hi a hai map map thei reng a ni.
Ka fa te ber kum 4 mi hi han sawi ve ta mai mai ila, tawng a zir tirh atangin a nu hian Lal Tawngtaina leh Zanin ah min veng la tih atanga thil a zirtir a ni. Kum hnih ah chuan a mahnin chaw a ei tawh a (thlauh bawlhhlawh lovin)Kum 3 ah chuan khat/hnih/thum 50 thleng leh ABC hi a sawi thiam tawh a, kum 4 ah chuan a ziak thiam tawh viau a ni. A thil bik nilo hman a duh a, ” apa/anu/a u, heihi ka hmang thei em,” a tih thin tawngkam hi a va han mawi tak em.
A aia naupang fel an tam ang tih ka hailo mahse, Pathian rawn reng a enkawl uluk chuan naupang te hi fel fai takin an enkawl len theih dawn ngei a ni tih hi a chiang khawpin ka hria.
Nu leh pa te atanga mi hmatheh/ mahni tih ai kan tih tir chin hi sim ila, fate thil zirtir pawh kan thiam sawt maithei.
Report this comment
February 6th, 2010 at 3:40 am
vlchinzah, ni khawp mai, hmeichhia hi chu thilsiam mak tak hi an lo ni takmeuh a
tihnuam leh dawhthei taka an awm hian an lo duhawm ber mai. 
Kan OT ta sa sa…
Ka hmelhriat pakhatin “an hah em mai tiin ni khat chu bazar ka han chuh ve a, bazar leh hunah chuan beisei tih hriat tak hian min han melh a, a dawt leh a lo hun meuh chuan min phut lang ngam tlat tawh zel” a ti, a dik hmel viau
Kan thianpa erawh chuan “nupuite hi tlai tin han vaw ringawt mai ila, vuak loh tlai hi chuan an hlim em em ringawt mai a ni” a ti thung.
Tak taka, kan kawppui an nih angin kutthlak tur leh vuak turah phei chuan ka ngai hauh lova, chak lo leh dawrawm zawk an nih angin hmangaih a, enkawl a, chhawmdawl turin mipa hian chakna kan nei turah ka ngai…
Naupang pawh hian (kan thupuiah :D) nupa, an nu leh pa te hi kan inhmangaih a ni tih hi hre fo rawh se.
Report this comment
February 6th, 2010 at 4:16 am
Ka nu leh pa strict-zia hi ngaihnawm-hlawkthlak a la ni zui zel ang. Heta ziah kim sen chi pawh a ni lo.
Lisping-a ka tawng ve lai pawhin, ka pa a lisping ve ngai lo, ka nu pawh a lisping thiang lo.
A tak tak, fiah khelkhawl kha thil min hrilh dan a ni mauh mai … an rualpui cheiin min chei a, an rualpui bawlin min bawl! An hriat thar apiang kan hre ve … kan inchhim tawn vek! Kan inthlim ngai lo. Lawm hunah kan lawm, harsatna an tawhah ka share-pui thiam phak lo mai pawh a!
Ka nu leh pate min enkawl dan ka chhuang. Kei erawh hi chu ka fail ve thung. Mahni fa enkawl ka thiam lo, mi fate hi chu ka kaihruai hnem viau! Mahni fa kher hi chu ka harsat, mi fate awmze neiin ka enkawl hnem thawkhat! :cry:
Report this comment
February 6th, 2010 at 4:26 am
@awmawmpuia sawi hi kei pawh ka ngaimawh fo thil a ni thin! Naupang tawng fiah lo hian tawng fiah an zirna chu an nu leh pate atangin a ni. Chutih laia an nu leh pate ber an tawng fiah loh ve nuau nuau chuan engtin teh lul nge naupang chu an tawng fiah ang?
Nu leh pa tam takin kan fate kan duat dan hi kan MAWL duat a ni ber! An thatna tura kaihhruai nan engmah ngaihdan leh tumdan mumal nei miah lo hian naupanghin a ngen apiang, a duh apiang kan tihsak ringawt thin. Heng hian an fate hi an DUAT a ni lo va, nau PANGCHANG leh NAWRH HMANG an siam mek a ni zawk. Hetianga enkawl naupangte hi chu kum 4 ah te chuan han fel viau tur an awm lo hrim hrim ang.
Report this comment
February 6th, 2010 at 6:47 am
An tawng fiahloh dan ang anga kan tawng/bia thin hi chu tha ka tilo khawp mai keipawh. Tin, chhawnchhaih nan emaw thlem nan emaw dawt kan han hrilh mai thin te hi sim a tha khawp ang.
Report this comment
February 6th, 2010 at 7:23 am
Mahni fate chu kan duatin kan hmangaih ber vekin ka ring. Duat dan dik leh tha ber tur erawh hriat a har a nih hi. Fa enkawl chungchangah hian kan thu sawi leh zilhna ai chuan nu leh pa te kan nun dan zawk hian a kaihruai nasa zawk daihin ka ring. Hre mang lo tura kan ngaih lai hian kan thilchin eng eng emaw an lo zir thiam ve tlat zel a.
Report this comment
February 6th, 2010 at 7:34 am
paei, Fa enkawl dan ah chuan Mizoram sawrkar apiang te atang hian a inzir theih ka ring.
Fa ten thil an duh leh awh em em pawh nise, an tan a tha lo tur nia kan hriat chu nu leh pa tan sawi harsa viau mahse,”aih” tih ngam fo a tha in ka hria. Tin, kan “aih” tawh hnu emaw tih tur ni a an hriata kan sawi tawh hi tih tlang ngam a pawimawh hlein ka hria. Kan remtih loh hnu an ngen chhen avanga kan pek leh si chuan, khami hnu kha chuan kan ngam tawh lo tulh2 mai dawn a ni. Ngen chhuah theih ah an ngaih tlat tawh avangin.
An rualpui tuina/infiamna chi te hi infiam pui a, thian ang maia kawmngeih leh hun neih apiang a engemaw kan tih pui chuan kan thu hi an awih in fel an zir niin ka hria. Ka fanu hian ni 5 chhungin ni engzat nge kan thawh tawh leh ni engzat nge hnathawh nan kan la mamawh hi a chhut thiam vek, kan hnathawh loh ni hi nghakhlel takin a thlir ve reng a ni.
Report this comment
February 6th, 2010 at 8:26 am
Ka pa hian kei chu min duat, fapa hmuh hmasak ka nih vang poh ni mahna, ka nuna Pathian thu 75% hi chu ka pa’n ka naupan laia min hrilh ani. Min duat ka tih hian ka awh apiang min lei ka ti lo, min leisak loh chhan min hrilh. Inchei uluk tur leh sam khuih pial than tur hian min train, ka bal ngai lo reng ani.Nupui ka neih pohin mi kawrchung hawh tur a ti tlat, “nikhat atan senso vak loh hi i inchhir lovang” a ti, a dikan ka hmu zel. Ka tleirawl sual lai zz in min provoke lo kha kapa hi a fing ka ti, thriante nena Zu kan inruk te kha hai der lo sela, tun dinhmun hi ka thlen ka ring lo. Kan zu inruk pui nu leh pate’n “chhuak rawh” an tih kan ina riak tau te kha chu tunah hian zu tihchhiat vek an ni.Kapa hian engkimah min encourage reng, “Upa in hniak tam lam zawh hi a thra an ti ngai e” a tih avanga decision ka siamfuh ka nei nual mai. Kapa min zirtir fuh lo ka tih chu “dawih zawkah trang miah suh, i pa hi ka huaisen ania nang pawh i huai tur ani” a tih kha chu a trangkai lohna ka hmu chho zel.
Kanu hi mi tur mi push reng taima over ani, Class VII ka nih atrangin thing la in ram min riah tir, thingtuah tur insuk leh istiri nawh, chhuat nawh fai/tlet leh tuichawi zawng ka kutah a dah. Chhiar chauh thiam ziak thiam si lo khan lehkha zir tura min tur nasa ber ani, zelthel hlek min man chat chat zel thrin. Achang chuan ka ning fu thrin.
Ka fate ka enkawl danah chuan ka fail nasa hle, kanu style erawh la-in ka tur nasa “zawm sen loh thuthra leh tihpuitlin sen loh idea min feed” an ti thrin. Ka tihfuh loh zinga ka kohkir theih loh chu dawhtheihna (patience) fate chunga ka nei lo lutuk kha ani. A dawtah chuan kapa in Pathian thu min hrilh ang 10% pawh ka fate ka hrilh ve lo hian nghawng thui tak a nei, pawi tak nite hian ka hre thrin. A 3-na atan fate meizial zuk loh leh kuhva eiloh keiman ka tih loh vang maiin ka sawichhe nasa mahse an hmuh turin an naupan tet lai atrangin Zu an hmuh-ah ka in va laia ka lo in thrin kha “kapa chu Zu hi i sawisel ngai miah lo” min tih nachang an hriat hnu-ah ka harhchhuak, mahse a tlai tawh.
Heng ka tawn-hriat atrang hian a thra lai leh thralo lai ah hian lesson a awm takin tiin kan inphawrh fai trep ani e
Report this comment
February 6th, 2010 at 8:51 am
Zu in sawi takah chuan kan thiannu pakhatin ‘i fa te hmuh laiin zu in suh ang che’ min ti a. Kei chuan a ruk a bathrooma in zeuh tihvel hi ka tithei thak silova. Ka inhnemna ber chu ka fapa hi kum 13 a tlin hunah chuan ‘ i Pa hian lehkha ka zir chhung zawngin mei ka zu lova, zu ka in ngai lova, nang pawh i inchawm theih hma chuan chutiang tur chuan ka beisei che’ ka ti mai ang chu tih hi ani. Tihdan tha zwk in hria em, min han advice teh u.
Report this comment
February 6th, 2010 at 8:53 am
Nghei mai la tih lam advice nilo thei hram sela
Report this comment
February 6th, 2010 at 9:18 am
Pa 1 pawh atu te a awm thin a, an tawng fiah loh ang angin a tawngfiah lo ve thin a. Pastor zingleng nen an in tawk a, “taw ne i tai dawn a”? alo ti ve thlarawk. A zak lutuk mi In ah….!
Report this comment
February 6th, 2010 at 9:26 am
Mipa naupang pakhat pawh Pa nih a peihlohna chhan ber chu, a Pa zuruih ang a ruih ve tur emaw a tihna kha a ni.
A thiante zingah keichu Pa nih ka duh lo, zuruih ka peih lo a tive tang tang thin.
Report this comment
February 6th, 2010 at 10:06 am
Heta post poh hi chhiar tel chi tho comment ho nen https://misual.life/2009/11/.....duat-hlum/
Report this comment
February 6th, 2010 at 10:09 am
Naupang in thil an zawh hian tha taka chhan tur a ni, an thil hriat tawh hi an theihngilh mai mai lova, nu leh paten an sawi hi dawt a nih leh nih loh an thliar thiam lo, aia upa sawi chu dik vek turah an ngai. An paten an lawm tur an han hawn sak a, khawia an lei nge tih an han zawt a, pa berin “Uicho mawngkuaa ka chum chhuah” tih a an han chhangte, thlawhna a rawn thlawk a an fate bulah Mama khi a khu chhuah chi an han ti ringawt a, naupang chuan chuan ka pa engthlawhna nge? Khawi ram a mi nge? tiin an zawt daih. Naupang hi an dil chhut em em, dawhtheih hram hram tur a ni.
Proverbs 22:6 Train up a child in the way he should go and when he is old he will not depart from it.
Report this comment
February 6th, 2010 at 10:13 am
Fa enkawl hi chu mahni fa neih hma hian a awl ber mai, thil thra kan hriatreng kha mahni fa han neih chiah hian apply hi a lo har khawp mai,Pastor/rawngbawltu fa sual pui2 an awm theih tho laiin, zu zuar/zu heh fa fel tak2 an awm ve leh zel si te hi ka hrethiam theilo, mahni phak tawk a thra a enkawl te pawh sual deuhah anlo chhuak ve thova, kan thran chhohna environment hi emni aw? te ka ti thrin..
Ka fapa phawk deuh kum 6 mi chuan”kei chu fa ka neih hunah chuan ka lenkual pui thrin anga,lehkha te hi zir suh u, zir su ka ti thrin ang” min ti mawle, lenkualpui tur hian hun awm heklo, zingthawh a trangin insiam,sikul kal, tlai ban veleh homework,zanah lehkhazir,saturday velah ALOHA etc.Kan education system te hi kanti nasa lutuk em aw.. ka ti deuh thrin..
Report this comment
February 6th, 2010 at 10:33 am
Post tha khawp mai. Keipawh ka ngaihtuah thin a, fanu 2 nei tawh ka ni a. Ka theih ang angin naupang psychology ziahna lehkhabu te pawh ka bih ve thin a. Mithiam hrang hrang ziak dan pawh a danglam ve zeuh zeuhin ka hria. Enkawl thiam erawh a lo har dawn khawp mai. Chutihrual a thil lang chiang tak pakhat chu a tlangpuiin Mizote hian fa enkawl hi tun aia nasa a kan ngaihtuaha tan kan lak erawh a tulin a pawimawh takzet ani.
Report this comment
February 6th, 2010 at 10:38 am
Naupang tih rak kan ching lutuk te leh bol kan ching lutuk te hi sim chi ani hmel. Vai ho in an fate antih rak vak vak hi ka hmu khat ngawtin ka hria in han sawi tak luam ah chuan.
Report this comment
February 6th, 2010 at 10:41 am
@Jennifer Lo
Inhmun lei chungchang i zawhna kha ka chhang asin nge i en tawh zawk le?
Fate enkawl tur vak ka nei ta lo timai ang, kum 20 pel vek an ni an puitlin vek leh vek loh erawh thuhran nise. Tunah chuan kan tute hi kan nupa hian kan duat em em mai, keipek lah hi ka lo trawng fiahlo leh keuh thrin, nuam ve tlat sia
Fate enkawl ah chuan dawhtheihna leh Pathian hnena trawngtrai hi a poimoh khoops, an han leikang deuha an han ngeng chho velah phei hi chuan tlawmzawk rum taka hreh loh a trul chang a tam fianrial trawngtrai chhunzawm hi a hlawk khoops.
Mobile phone-a sms emaw email emaw-a thuthra hrilh poh hi a trangkai tho ka ring, kan text tone erawh diplomatic viau selang
Report this comment
February 6th, 2010 at 10:45 am
LAIKING VRS MAN
Naupang/fate enkawl dan hi formula a tam thei hle a nih ka ring a,tihdan tha a tam viau chuan a thaber tak tak a awm lo tihna a ni fo bawk si !!.nungcha dang zingah he harsatna tawk ve hi an awm meuh lo a niang.LAIKING hi a lar ber a,mahse Laiking fate meuh pawh vakrawlai ta mai mai leh puitlinglo an awm kan hre chuang lo.Mihring bawk hi kan hlawhchham thin.
Kei ka fate an la tlangval/nula chiah lo bawk a,ka la lawm viau mai a,a tha ni a ka hriat thenkhatte :
1/Kutthlakloh:Ka hriat theih tirh a tangin nu leh pa lakah kutthlak ka la dawng ngai lova,tawngka a hauh hi tawk hleah ka ngai.Kan fate pawh nu fuih,zilh leh hauh bak chu Pa inrawlh a ngai khat hle.Tawngkama zilh leh sawi tawh chu tihtlang ngei tum hi a tha viauin ka hria.Kut thlak miah loh hi a lo theih khawp mai.
2/Khawngaihloh:Khawngaih tih lan loh a niang chu!.Mizo zingah hian khawngaih leh Hmangaih thliar hrang thiam lo nu leh Pa kan va tam em !Kan ngaihpawlh nasa a ni.Hmangaih avanga khawngaihloh ngam a ngai zing khawp mai.Hmangaih a vangin ke in school kal tir an ngai a,Hmangaih a vangin hnathawh tinreng tihtir an ngai bawk a,Hmangaih a vangin thawmhnaw mi neih ang phak tir kher loh pawh a tel ang.Khawngaihna leklam lutuk lova kan kaihhruaina lam a piangah hian hnuhma tha a nei zel zawkin ka hmu.
3/Mahni tuh rah seng:Naupang kum 6- 8 hnulam kan nih atang hian thilthleng te hi damchhung hriatreng an ni deuh vek tawh a,kum 12 vela mize tlangpui kan paih tawh hek lo.A huhova khawsak dan hi chhungkua a tanga hringnun zirlai pawimawh ber finna kan zirchhuah tur chu a ni reng a.Sikul zirlaibu hi chuan hriatna a ti pung a ni lek a,finna tak tak a pai lo.Mahni tihsual atang chauh a inzir kher lovin midang tihsual tawh atang pawh a inzir
turin ka fuih ve nasa thin.
4/Nitin chhung inkhawmnaah hian Lawmthu a mal mal te in ka hrilh fo mai.Fak leh fuihna hi a renawm loh bawk.DUATSUAL tih hi ka ngaihtuah a,duatsual aiin duat loh sual an tam awmin ka hria,duat leh khawngaih erawh ngaihpawlh lo ta ila.
5/Awmpui kan neih ve miau a vang in fate pawh an khawr deuh lo thei lo,Domestic Helper te hi hnazahawm leh kan thawh sen loh thawhpuitu tih hrilh fo an ngai,an tih ve theih rengah an tir bik lo chuan ka hria.
6/Keini kan naupan/tlangval ve hun lai chuan tiin a KEY han la sang teh mah ila ;kan thluk zawh hman hmain ngaithlatu lam an tuilo hman tawh thin si a.’Hmanlai a nih loh hi!’ :lol: :lol:
Fanau enkawl chungchangah tunlai hun ang tluka hun harsa a awm lovang.mizo chang lo pawh hnam tin lu tihaitu a ni,Tumah han indem leh thiamloh bik chi pawh a niin ka hre lo.Nitin Pathian thu atanga an kalna awm kawng zawnpuitute chauh an dingchhuak dawn an tih hi ka awih ta a…
Report this comment
February 6th, 2010 at 10:56 am
13 a zu in chungchang khi a ai tha sawi tur hria in awm lo emaw ni le, nge kei chauh hian zu ka lo in thin zawk?
Report this comment
February 6th, 2010 at 10:57 am
@darchhunval
“Keini kan naupan/tlangval ve hun lai chuan tiin a KEY han la sang teh mah ila ;kan thluk zawh hman hmain ngaithlatu lam an tuilo hman tawh thin si a.’Hmanlai a nih loh hi!’” … hei zet hi chu ka apply zing a work lo khoops, mahse fate poh hian an hunlai hi an fate lehpek-ah hian an tihtho ka ring.
Text book Dos and Donts i apply anih ber hi nang chu i awhawm bik hle mai. achang hi chuan fate development ah hian kan contri hi a hlawk tak tak angem tih inzawhlet chang ka nei fo mai. Awmpui neih avanga kan hahdam rualin lo neilo in lo tihram ta ila ti-a neih loh an life-a an chhawr tur tamtak hi a awm zawk. Awmpui neih hi chu fakna tur re re ka hre ta lo
Report this comment
February 6th, 2010 at 11:15 am
Kook,Comment 21 a naupang tihrak i sawi khi kei pawh ka vei ania. Ka nupui laizawn te rawn lengin ka fa te inti duat tak mai a an han khawihrak vel thin hi ka haw khawp thin a. Mahse nupui ngamlo tih takah ka sawi lang ngam em thin lo, buaithlak ka ti kan Mizo Society a thil thenkhat hi chu.
Report this comment
February 6th, 2010 at 11:37 am
@awmawmpuia ZU in lo mai rawh! Thawhchhuah i neih hma zawng zawng pawn i in lova, thawhchhuah neih veleh in tur i tihna a mi? I ZU-in inthiamna tur i zawn ai chuan i ZU-in pension mai rawh! Kan thenawm te nupa pawh zial an heh lutuk a, an fate tih ve atan an duh silova, an nupa in an nghei phawt tichuan an fate zial zu nghei turin an ti.
Report this comment
February 6th, 2010 at 11:41 am
Comment hi chhiar vek a chakom thrin, chhiar vek dawn chuan mit hian a tlin bawk si lo va.
Naupang enkol ah hian Mizo hi kan lo hniam em mai a, hma chu kan sawn tawh khop mai, mahse hmasawnna kawng zawh tur a la thui ltk. Naupang ngaithei lo, leng bo rawh u ti chi kha kan nia, angaihna a om lo alm.
Hnam fing hmasa hi chu kan tluk lo leh thrin, vai tluk loh hi a awl khop mai, mahse kan tluk lo leh thrin, tlawmngaih tur pawh a ni lo a, mahse tran lak phah nen erawh hman a thra.
Naupang engkawl hi Kohhran leh NGO ahte kan inzirtir a hma kan sawn ve viau, mahse hmabak a la ko hle.
Report this comment
February 6th, 2010 at 1:43 pm
Hmmmmm…..
Report this comment
February 6th, 2010 at 2:22 pm
Kan venga awm thin naupang kan sawi chhuak ve lawk. A duhawmin chhawnchhaih a nuam khawp mai a, tute pawh hian fiamthu sawiin an nuih pui vak2 thin a. A puitlin hnu pawhin a ho chho zel a zu a rui deuh reng mai lehnghal. Khatia chhaih luai2 loh khan thang lian sela chu mi pangngai fel taka a chhuah ka ring tlat.
Report this comment
February 6th, 2010 at 2:41 pm
Khawi ilo len nikhua na ah Puitlingten inkhel emaw kan en duh lai a naupang ho in cartoon ngawt mai an han en a, an nu leh pa ten an han khap hlei thei thin lo hi chuan ngaihtuahna a ti thui thin duh khawp mai.
Report this comment
February 6th, 2010 at 4:09 pm
Vawiin Evening Post ah he post hi a chhuak
Report this comment
February 6th, 2010 at 10:00 pm
Post tha khawp mai, comments a ngaihnawm bak ah a hlawk thlak hle mai !
Report this comment
February 7th, 2010 at 12:28 am
post trha tak ani.
naupang enkawl dan chungchang hi ka vei na a rei tawh a.misualah hian an la post ngai lo khawp mai.a hrim hrimah Mizo trawng a ziak naupang enkawl dan hi ka la hmu ve ngai lova.(ka hawi zau loh vang pawh a ni mahna)neih ve chu a hun tawhviauin ka hria.
Mizo tam zawk te hian naupang enkawl pawimah zia hi ka la hre chiang lo hlawm hle in ka ring.
tuna misual zing a mifel deuh deuh ho te hi.. in pa ten eng tin nge an en kawl che u tih tun ai a tam hian han sawi leh zel ula mawle.a beng var thlak e.
ka fate mipuitling taka an chhuah theih na tur hi ka tlin tawkin ka ngaihtah nasa ve thei khawp mai.
Report this comment
July 25th, 2012 at 8:54 pm
ZU zet hizawng abuaithlak anih hile Mimawl apiangah ahnathawh achak tingmai si’a RCa pawh heti fakova vakvai’a tihreh awmtuchu Zu ani ka tilo theilo, Apa hian Zu in lose lachuan, Chhungkaw hlimtakpawh ani mai thei asin chu ti’a ruireng ringawta tanchuan Fapa chhuanawm tak neih ava har duh awmve, RCa pa rilru ahchuan fa enkawl tih lam pangchu alang lohle angmaw? Pathian zarah fa pathum lai kanei vetawh a, kanin kawmngaih hlawmin, kanla hlimtlang dardar rihkhawpmai Nupui fanaute theihnghilh thakkhawpa eng tlawmngai pawlah emaw kanin hmang vakvak maithin hichu inen let nachang hriat ahun tawh fu, lomaw? Vai fate anpui tlinviau nachhan ni awm’a karinchu an fanau te theihthak khawpa, eng tlawm ngaipawl pawl ah emawni an in hman e loh ang ani mai lomaw?
Report this comment