Hman deuh- Jan 2010 leh February 2010 inkar vel khan Pu Lallianchhuanga Sailo, Hnahlan chu Champhai leh Hnahlan inkarah Tripper nen a Bike khalh an insu a. Thichhawnga a let chu Champhai Civil Hospital- ah dahluh a ni a. Thisen a hloh hnem hle. Pu Lallianchhuanga Sailo hian thisen a hloh hnem ka tih tawh kha. Mahse, Champhai Civil Hospital- ah hian Blood Bank a awm thralo nge, thisen pakhatte pawh pek a nilo. Chuvang chuan tun thleng hian a hriselna-in a tawrh phah a ni.
Kawng lehlamah chuan Champhai Civil Hospital- a thawkte hi an fakawm viau rualin Damlo enkawlna kawngah an hnufual deuh em ni aw, a tihtheih. Damlo thisen hloh hnem lutuk thisen pek pawh an tumlo kha a mak a. Tlai khaw hnuah hian ka han sawilang ve duh a ni e. Champhai Civil Hospital- a thawkte tih hmingchhiat tumna ngawr ngawr a ni lo tih minlo hriatsak bawk teh u.
– Hmingtea Sailo.
Similar Posts:
- Civil Hospital compound ah basketball court
- Hnahlan khua
- Chanmari West Br YMA in NGO Thisen pe tam Record siam
- Doctor hmeichhia aiin doctor mipa
- Civil Hospital Cheina tur Rs. vbc 6.50 a bo
February 26th, 2010 at 9:36 pm
Hman deuh ti lovin, tun hnai lawk ti zawk la. Thisen hloh hnem i sawi zo chiah a, sawi nawn lehin ‘ka tih tawh kha’ i ti leh a. Ka’n ham strict der mai mai.
Sawi ru le, ka hawng e.
Report this comment
February 26th, 2010 at 9:39 pm
A nih tak chu a! Van zia lo ve. Emergency a ngaihsak ngai te ngaihsak tawk loh vang hian, thubuai pawh ram thenkhatah chuan a awm fo reng a ni. Tlawmngai thisenpe, an tam thei viau in ka hresia, chutia thisen pek maitur an han nei lo chu an buai ve dawn nih chu. Damdawiina thawktu ten rawn sawi ve sela, thu lai a hriattheih chauh vin ka ring. Awnlam neisa tun a, sawi hi chuan……kan sawisel leh vak vak mai dawn a.
Report this comment
February 26th, 2010 at 9:41 pm
Thisen pek leh pek loh chungchangah chuan a hmun a doctor enkawl tute ngaihdan bak chu lo belhchhah a har mai thei.Mahse khi mi thuziak a tang a ka lo ngaihdan siam ve chu hei hi a ni.
1/ Accident lian tham thichhawng meuh a dam chhuak chu a lawmpui awm hle mai.Ram changkang berah pawh Road traffic Accident hi an thihpui tam teh a sin le.Tun thleng a a hriselna in a tawrh phah tih khi thil dang a sawh khawloh deuh vang a ni zawk ang em ?.Thisen lo hlauh hnem deuh pawh nise a thar hlak insiam nan thla hnihkhat bak a ngai lo an tih kha.
2/ Thisen pek hrim hrim hi nun chhan nan tak tak leh a tul tawp ah lo chuan doctor ho hlei hlei hi pek loh hram duh an ni awm e,’Thisen Unit 2 tal mamawh lo chu pek loh tur’an ti thin.Thisen chhuak zel tur an control theih vangin Thisen pek a risk tam tak pumpelh tir an tum a ni mahna.(Tin,Jehova Witness kohhran ho phei chuan thisen pek an duh lo bur nghe nghe )
3/ Champhai hospital khi Aiz& Lunglei tih lohah chuan District hospital changtlung ber a ni hial ang.Surgeon pawh an nei tha,Thawktu dang pawh an fel viau a ni lawm ni?
Report this comment
February 26th, 2010 at 9:47 pm
paeia khan han sawi fiah sela a tha lawm ni
Report this comment
February 26th, 2010 at 9:47 pm
Hetiang case ang deuh tho hi ka nau nupui nikum april thlaa hospitala a boral khan kan chungah a thleng tawh a,a tuartu tan chuan ana duh khawp mai..
Report this comment
February 26th, 2010 at 9:50 pm
vawikhat chu ka thiantha ber pakhat in naupang kum 14 vel Bike in a su a. “A na em?” a tia, “na lo, engtin mah ka awm lo” a ti ve mai a. A in beng fai sawk sawk a, a infiam zui ve leh ta mai a. Ni 3 vel liam hnuah chuan, chu naupang chhungte chu ka thianpate inah an lo kal a “In fapa in, kan fapa bikein a lo su a, tunhi a tho thei derlo, a zawi vek” an rawn tita chu! Kan barakhaih ngang mai. Ka thianpa chuan, “ka sut laiin engtin mah aawm si loh” a tih pawh in, “tun a a zawi vek, a thu harh lo law law, engtin nge mawhphurhna in la thei dawn em? thubuai neihhi kan duh miah lova” an ti ta deuh deuh.
Chuthu lo chu tiin, naupang chu damdawiinah kan va phur phei a. Doctor hnen ah kimchang takin, Accident ni nen, engtia Accident nge tih thleng, chipchiar tawkin kan hrilh. Naupang pawh chuan, a awmdan, na a tih dan thleng a sawi ve a…..!
A tawp ah, damdawi result a rawn chhuak chu
“KUA THA LO” zawi, tho harh peih lo a lo nia.
Ngei awm ang reng.. :razz:
Lawmawm zawk nge :?:
Mawng dawk zawt khawp in lo su nge ni dawn…. :roll:
Report this comment
February 26th, 2010 at 9:53 pm
“Damlo thisen hloh hnem lutuk thisen pek pawh an tumlo kha a mak a.” tih hi, doctor ni awm takin a ziak tu hian inenkawl dan a van hreawm ve mawle.
Ka bawhvak theih tirh atanga ka thian kawm, a thih dawn tep khan thisen ahlauh hnem khawp mai mahse, thisen a pek theih miah loh… doctor ka ni lova ka sawizawm lovang. Hetiang hi a ni ve e erawh ka ti hauhlo ania.
Report this comment
February 26th, 2010 at 9:55 pm
Jaspi, ka thianpa Machawia pawh Assam Rifle hoin kan kawng kal lai an kap thal tawp a. A rawn tho chhuak leh, ” na lo teih tuih mange,” a ti.A chal kiangah silai mu a lut a, a bek ah a chhuak leh a, a thluak ah a thisen zam a lo chat a ni awm a, a hnu ah a thi tho.
Report this comment
February 26th, 2010 at 10:05 pm
Thisen pek loh vanga a torhphahna chu ka ring deuh tho..kum upa lam toh tancuan..thinsen thar insiam lehnan thla hnihkhat bak…antih hichu mizo pa tih takah ka ngaingam vaklo..e.g ah i kan rila rah gei te thisen tlachhamin awm sela,thla khat velah i pagai mai ag” knti duh om teuh lo.pek gei2 atha ber…
Kan dak duah teh ang..Hospital leh damlo cugcag kan soita sa2 chu..kan nau pakhat Chhim lamah Malaria in ana a,.Lawngtlai ah blood an test a,a hrik anhmu silo..a zual deuh2 a,boral maitur dinhmun ah kn ding toh.lunglei ah kn phur pheia,Malaria PF le PV anlo hmuta mai si a..khol that loh vangnge a..thawktu te thiamtok loh vang.?
Alo chang deuh a,Phai ah in enkol turin aron kala,..Malaria damdawi te chu lei pawh angailo M department atagin atrul ag2 hmuhtur alo awm veka free vekin..Doctor leh thoktu ten phurtak in hoihhom takin enkol damloh hlau takin anlo buaipui zung2 ta sia.mak ati em2 mai..alawm em2 bok..Mizoram ka demna nilo sela..Phaia damdoi agte treatment free ahmuh agte kha zoramah ka hre ngailo” ati kha mak kati ema ka thai rang ta duah anih hi.
Report this comment
February 26th, 2010 at 10:08 pm
Azl civil hospital ah pawh ka pa khawsik tlun kha malaria hrik an hmu miah lova, Greenwood ah a thianpa a va entir chu, “an hmulo a maw, i thisen akhat tlat alawm,” a ti heu mai.
Mak tih dang leh chu, tinge Mizoram Xray hi typical Indian cities ah hian an pawm lem loh hi aw?
Mizoram doctor te ka fak lehna thung chu, an hmanraw neih that loh vang nge niang, natna hi an hrre thei phian, enkawl dan tur te pawh. US ah chuan inkhin (law suit) a tam avang hian khawl in a hrilh loh chuan mi natna hi an sawi dawt ngamlo ni berin alang. Chuvangin, min an khin loh nan an zir thiam sa pawh an excercise thei thinlo niin ka hria.
Report this comment
February 26th, 2010 at 10:16 pm
In sawi luai luai bawk a, ka han tuihnih ve leh teh reng ang!
Doctor senior tak zawng a ni (a hming sawi lo mai ang), doctor dang pa 3 nen, damlo kum 63 a upa, pumpui pan an paih dawn a. Damdawi lampang hi ka hre lo khawp mai a. Inzeipui ah hian damdawi chi 2 an chiu thin ni ngei tur a ni. Damlo taksa leh thahrui (muscle) control na (che thei lo tur a siam na) leh, na hriat lohna (hnim/chiu hlumna ni lo) an chiu thin ni awm a nia. An hmanhmawhin nahriatlohna kha an theihnghilh a lehhh! Damdawi pakhat zawk in an chiu tawh si a, damlo chu che thei tawh si lova, tawng pawh tawng thei tawh si lo va. A pum an han zei a, a ril pan an han hlep hlawk hlawk chu,..”zang a fawk lo ngei e” a tia. Pa fiamthu duh tak a nia…A na ngang a niang.! Ka tawng thei silo, chethei bawk si lo, an duh duh lai bakchehin an chep thla leh hlawk hlawk hian ka hria, a tia…! Pa thatak a nia, Court a khing te kha a duh lova! “an tih luih a ni lova, pawi an ti ve tho vang” zuk ti thei tlat pek a.
Chu doctor chu ka thianpa lehnghal mole…!
A zan ka mu miah lo a ti, pawi ka ti lutuk leh ka hmaizah lutuk hi, a mahai ka hreawm tihna a nep bik lo vang a ti ve hlawl mai a.
A chang chuan inhriatthiam tawnna hi kan mamawh ve thin nia hriatna pawh ka neih phah hial…!
Pu.H.V thianpa ang em em chuan tuar chhel lo :razz:
Report this comment
February 26th, 2010 at 10:48 pm
Krista thisen hlu tak chhuak chu
Ka tan a hlu ve ta … —McLead
Group tin pe thei thisen hi damna ropui ber a tling.
A hminga YMA hruaitute zinga ka awm ve laiin, thisen dil chhuak thiam pawl ka ni ve a ni awm e … hla te khuaa mi, tanpui leh chhawmdawl ngai reng rengah chuan Blood Bank-ho hian ka Phone Number hi an hre ve khawp mai! Kan veng nula leh tlangvalte kha an tlawmngai thei hle thin bawk. An rawn ngenin an hlawhchham ngai lo.
Tum khat, ka chhungte ngawih ngawih, thisen pek ngai a awm ta! Chumi atan chuan Veng chhung nula leh tlangval ka ngen ngam lo thung—mahni tanghma atan chuan ka lo dawizep zakzum khawp mai!
Mahse, ka theihnghilh tawh hauh loh turin, nau anga ka en, thian anga ka en tho chuan phal takin a rawn pe ta a. Ka lawmna hi a va han sang tak em! Kei lahin ka pek dawnin, emergency thilah kan blood group a lo inang bawk si lo. Mi dang ta han puk dawnin Blood Bank a ruah lai a lo ni ve bawk si!
Champhai pawhin hma a sawn belh zel ang, an nula leh tlangvalte pawh an Champhai buh thar ngei ei leh bar an ni a, Zo nun mawi a la par vulna ramah, thawkkhat lesson thar tur hi chu a rawn inchhawp thar ve zel a nia. Chhungkhat laina neihna rama thisen inpek tur a awm lo erawh hi chu, vuivaina tham a tling thei.
Motorcyclist zu-ruiin ka pi malpui a su tliak a. Tuirial atanga Vairam kan pan dawnin Wg Cdr J. Lalhmingliana’n ka pi chu wheelchair-in a nawr ta ngat a. A ropui hi ka ti mai mai khawp a. Ka ziak lai pawh hian ka mittui a la parawl thei! Keini chhungin kan phu lo teh mai asin!
Phai Damdawi Inah ka awmpui hrep tawh a, thisen pek a ngaihin phai vai engemaw zat, ka pi blood group ang neite atangin tangkain kan lei, thisen man leh nghah (waiting charge) man a to duh khawp.
Chutih laia Medical student Dr Liana (tuna Falkawn vela awm, a nupui doctor tho ni ta te) ka fak hle. Chet than lohnaa Doctor zirlai or Doctor puitling tawhten min finchhuah kha a lo pawimawhin —a lo tangkai hle bawk. Kan inkawmngeih ta deuh a niang, zan tin hian kan special ward-ah ka titi ngaithla tur hian an rawn lut ta ziah bawk a … kan nihlawh phah lehzual!
Champhai pawhin Doctor fel, Nurse fel an haihchham bikin ka ring lo. Next patient could be blessed.
Spanish-ho pawhin, “lawng a pil hnuah a pil chhan hriatchhuah a ni,” an ti a, lawng dang tan an inbuatsaih fel at tawh mai thin!
Mizoram Hospital ka len luhna reng rengah mi vuivaina ang ture hi ka tawng ve ngai lo, mi nihlawh tak hi chu ka ni hrim hrim. An mi duhsakna tura eng ka nih loh tehchai vei nen!
Report this comment
February 26th, 2010 at 11:56 pm
A chhan tak hriat a chak awm kher mai!! I hriat chak ang chiah hian kan hre chak ve luttuk!!
Chuvangin naktuk lamah doctor te ho hnenah chuan mi(sual) a ka thian ten thisen in pek lohna chhan kha an hre ve chak luttuk a, min lo hrilh thei a ngem? va ti teh!!!
Chuan a chhan chiang tak a i hriat hnuah i rawn sawi leh ngei2 dawn nia!!
Report this comment
February 27th, 2010 at 12:02 am
Champhai damdawi in khi hla ti mah2, emergency thil-ah phei chuan kal chhung a rei tlat. Outdoor nen khan ala in hlat viau em aw??
@Jaspi sawipa khi Mizopa pa tha tak a ni tih a chiang e. Mizote hi a chang chuan in hriatthiamna kan ngah lutuk hi a tha lo, @Jaspi sawi pa te khian han khing ngei se, kan doctorte pawh an fimkhur sawt ang. Kan doctor te hian phairama mi refer hi an hreh lutuk pawh hi kan ngaimawh tlat kei chuan. Kan nau pakhat pawh an enkawl dam thei lo, a chang leh a rawn vung a, a chang leh a ban a phar thei lo, a nih loh leh a hmai chanve te hi a rawn sawi thin, a natna tak an hre bawk silo, an enkawl dam thei bawk silo, a tawrhna kum tel ni tawh bawk si, phai lama refer kan dil a ngai an ti bawk silo, kan beidawng chuan phai lamah an lo enkawl a, a x-ray leh damdawi ei vel an en chuan phai lam doctor te an nui tawp, a bul atangin kan in enkawl tha vek a, thla thum dawn lai kan in enkawl hnu chuan a dam hmak mai. Doctor chuan in vannei khawp mai a vung leh hmaisawi a reh thei hi min lo ti. Kan lo kal har tep zawk a lo nia.
Kan doctor te hian natna a zira enkawlna tha an neih loh emaw, an natna an hriat chhuah theih loh chuan phai lam refer hi hreh suh se, tlawmah la suh se hei hi ka ngen ngawih2 a ni.
Engngati nge kan damdawiin tih changtlunna tur pawisa tamtak kha an lo eiruk ngam zawk a? Mirethei tamtak te thi se an ti a mi? Pawisa khati zozai khan an chatuan hlimna a thlen awm silo, phai lama inenkawl man a hautak si a, damlo tam zawk hi phai lam kal thei lo anni tih an hre reng awm si a, kha pawisa khan thisen engzat nge a lei theih ang le? Rilru a va na ve :cry:
Report this comment
February 27th, 2010 at 2:53 am
CM bial kum 10 chhung a nia, blood bank-te chu awm that awm tak. Blood bank awm nge awm lo tih finfiah la, a awm a nih chuan a thawkte thiam loh kan ti thei awm e. MZR Civil hospital re2 ah hian thil tha beisei tur a tlem
Report this comment
February 27th, 2010 at 4:22 am
Thisen chhuak hnem tih ringawt hi Thisen pek ngei ngei tur tihna a ni lo! Thisen chhuak chu a hmasa berin thisen pek lam ni lovin a thisen chhuak mek kha an tihtawp phawt a ngai. Chuta an titawp thei a, damlo kha a dinhmun a hlauhthawnawm tawh lo a nih chuan leh a Haemoglobin level a that chuan thisen pek loh a him zawk! Thisen inpek atanga Hepatitis, HIV, Malaria, tih vel inpek tel hi thil awm thei a nia.
Tun thlenga a hriselnain a tuar anga sawi hi thisen an pek loh vang ni lovin a Acccident nghawng zawk kha a nih hmel!
Damdawiina thawkte hi (Champhai CH tiamin) an famkim hauh lo vang. Amaherawhchu, Mizo mipuite hi a chang chuan thil hi kan inti hre mah mah thin em aw ka ti…mahni ngaihdan hi thu dik niawm taka lo sawi ve tawp tawp hi Damdawi chungchangah phei chuan a dik lem lo thei.
Report this comment
February 27th, 2010 at 4:36 am
@Keimah ina a comment hi chu dik turah ngai hmak ang. A aia thiam leh hria misual zingah kan tam loh hmel em mai.
Report this comment
February 27th, 2010 at 4:38 am
#keimah
i sawi hi keipawh ka ngaihdan a ni. Kei ni Mizo te hi damdawi in chawh kan hmang tlat. Sawitu awm chuan awih tu lah awm ve zel. Khawilam hmun kilkhawr deuh ah emaw, nula han mutpui ila, zawh hnuah “rai loh na” tih chuan, tlangsam bul vel pawh an thial nuap naup zel an ti
Report this comment
February 27th, 2010 at 4:42 am
@Jaspi : I sawi awmzia hi ka man pha lo, i mutpui dawn khan “tlangsam zikno derdep deuh kuai trang trangin a trang tlat,” i tihna a ni zawk lo maw?
Report this comment
February 27th, 2010 at 4:45 am
ka hre bik lo….
ni awm tak a nia! Mahse, ka chhiarah chuan tlangsam bul vel an thial nuap naup jel an ti mai sia. A ngai ngai in ka rawn hlui cheu ni hmiang…!
Report this comment
February 27th, 2010 at 6:00 am
@caribou & Jaspi, min support a, ka lawm e!
Report this comment
February 27th, 2010 at 7:07 am
@Keimah: I thiam hle tih ka hria alawm.
Report this comment
February 27th, 2010 at 10:00 am
Kolkata ah kan awm laiin emergency in kan nau pakhat hian zaipui a tuar a, thisen a mamawh hnem ngang mai a, pe thei zawng zawng kan in dap kim chhuak hle tawh a ni. Mangang taka kan awm laiin leh beidawng a tukhum thak lo pui kan hiah tawh laiin Aizawl atangin college pakhat excursion kal hi Delhi atangin an rawn thleng ta huk mai a, an hruaitupa lecturer viak tha tak ho chuan kan mamawh aia tam daih min pe ta anih chu mawle, tun thleng hian anni ho vang khan kan nau hi a la dam a, sorkar officer hna duhawm tak a chelh tawh nghe nghe asin, kan lawm tak zet zet asin.
Kan tana remchanna siam zung zung tu chuta an lecturer chu tun thleng hian khawlaia inhmuh remchan pawhin zah taka be lovin ka kalpel thei lo, a laka kan lawmna hi a nasa em em a, kan tana Lal Isua thisen hlutzia te thlengin min hriatthar tir thin zu nia.
Report this comment
February 27th, 2010 at 10:09 am
greater,
Keipawh, 2004 khan New Delhi ah mahni a awme tilo chuan zai ka ngai ta roh pek a, zai tih ah serious pawh anilo mahse, ka ke leh kut che thei miah lova phuar/cher khawng tlat ka ni (staple 200+ a chilh ka ni :P).
Delhi Mizo te han tlawmngaih dan em em kha, Mizo nih nawmna a ni chiang khawp mai. Min bual a, chaw leh ei tur engkim mai engmah beisei lovin min buaipui ta vek maia. Chuta chhapah, mi fel tak in luah ho te chuan an in luah ah min hruai lut ta hial a, mak tih a awl lek lek zawk mai.
Lalhmangaihi (Melthum) hmanni a pasal nei ta te thian za ho leh midang min buaipui tu zawng2 te kha ka hre reng a, ka theihnghilh tawh ngai lovang. Puih theih ve na ka neih chuan ka hreh lo ngawt ang le. Ka lawm e, ka ti nawn leh bawk e.
Ka OT em em lovang chu maw
Report this comment
February 27th, 2010 at 10:39 am
@keimah. kei pawh in ka support che…
Report this comment
February 27th, 2010 at 10:51 am
Pu shai, i zan vak na nge?
Mizote hi thisen pek kawngah hian kan fakawm takzetin ka hria! Hetianga hmel hriat sa pawh ni lote tan thisen ui miah lova kan han pe thin hi a MIzoin a Kristian em emin ka hre thin! I chhunzawm zel ang u!
Report this comment
February 27th, 2010 at 11:13 am
keimah te tunge sapawrt lovang le
Report this comment
February 27th, 2010 at 11:23 am
Kei pawh pu keimah (Dr) sawi khi ka thlwp e. Vawiin chu ka sual hman dawn lo tlat zanlam kerh kerh zawhah rawn OT chiam ila ni mai.
Report this comment
February 27th, 2010 at 11:39 am
@keimah sawi khi kei pawn ka support e.
Report this comment
February 27th, 2010 at 12:16 pm
@kanidar, sawi lo mah la min support tih ka hre hrim hrim!! KFC member ruhkawl ka ni ve tlat a!!
Tun weekend chu nau awm a ngai lo em ni i rawn misual ve hman zawk? 
Report this comment
February 27th, 2010 at 12:20 pm
Pu HV leh kawlhawk te hi Weekend kerh kerh hun a nih leh tak vang em ni in happy hmel riau!!
Kei pawh kar leh chhung chu Meeting tih vel mai maiin ka misual hman dawn lo tlat! Khua a har lawk!!
Report this comment
February 27th, 2010 at 12:21 pm
keimah, Cliff Richard zai ka en vel a ni hairehai
Hetiang rual nih atanga kalo ngaihthlak ve thin tawh https://i45.tinypic.com/2ug2zhz.jpg
Nizan naupang sut te kha an dam hlawm em i hre mial lo maw, ka rilru ah an awm reng mai.
Report this comment
February 27th, 2010 at 2:33 pm
SORKAR HNATHOK DOCTOR te Hian an eiru Nasa…..i awih emo oih lo emo..Sorkar hnuai a thok Doctor te hian Private Clinic an hawng/siam thianglo..private hospital ah poh an thok kop thianglo bawk..Mizoram a kn doctor (GOVT servant) ho tam zok khi cuan private clinic an hong a, khi2 corruption a ni. cuvag cuan sorkat doctor private clinic nei i hmuh or i hriat cuan an EIRU tihna…
Report this comment
February 27th, 2010 at 3:50 pm
@keimah sawi a nih chuan THIK HE SAP a ni mai. :smile:
Report this comment
March 19th, 2010 at 5:10 pm
Hei chu ka lo chhiar ve chiah a, @4 HV, he thil thleng leh damlo hi ka lo hre ve miah lo, ka zinbo hlan pawh ani mai thei.
Report this comment