Kumin 2010 Chapchar Kut lawmna naktuk a neih tur leh naktipa Cheraw kan a Guinness World Record siam tura inbuatsaihna chuan a vawr tawp a thleng ta. London khawpui atang a Guinness World Record rawn endiktu tur Adjudicator Pi Lucia Sinigaliesi pawhin Aizawl a rawn thleng tawh a. Ramchhung leh ram pawn atangin chhimtu mikhual pawimawh ho pawhin Aizawl an rawn lut kim hlawm tawh a ni.
Cheraw kan a Guinness World Record siam turin naktip March ni 12,2010 chhun dar 12 atangin Sipai Lammual leh kawngpui dung Chanmari atanga Skulpui kawn thlengin Cheraw kan a ni ang a. Hemi atan a inbuatsaihna pawh engkim zawhfel a ni ta a; a kaltluan chuan khawvel hriatah Cheraw kan tam leh pui ber a chhinchhiah kan ni dawn a ni. Hemi atan hian khawpui chhung nula leh tlangval bakah ramchhung hmun hrang hrang atangin lamthiam mi singchuang fe an fuankhawm tawh a ni.
Naktukah hian Chapchar Kut lawmna Sipai Lammual ah chawhma dar 10:30 atangin tan a ni ang a; Kut thlengtu Pu PC.Zoram Sangliana, Minister Art & Culture a ni ang a, Kut Pa atan Pu Lal Thanhawla, Chief Minister a ni ang. In lawmna thu Pu Lalchungnunga President, Central YMA in a sawi ang a; hunserh Bishop Stephen Rotluangan a hmang thung ang a. Nilengin Programme hlimawm taka hman a ni zui ang.
Ramdang a phochhuah tham turin Documentary Film siam a ni dawn a, thla la turin chunglam atanga hman tur Helicopter pawh tihfel a ni tawh a. Hemi ni hian lammual chhungah ruatbikte nilo chu thla la tura veivah a rem dawn lova, mahni thuthmun atanga lak mai tur a ni ang.
Tlailam dar 4 ah Adjudicator in Result a puang ang a, Guinness World Record kan siam theih chuan Certificate hi Pu P.C. Zoram Sangliana, Minister in Mizoram aiawhin a dawng ang a. Rithei zawng zawng nen lawm tur a ni a; Adjudicator in Press Conference a nei zui nghal ang.
Similar Posts:
- Cheraw Kan world record siam dawn?
- Mizo traditional dance Cheraw aims to enter Guinness
- Thlalak Lian dang leh
- World Record hming tur hi
- Cheraw World Record (A Zialo Laite)
hairehai
March 11th, 2010 at 12:57 am
An tam tham dawn si a, a hmuhnawm khawp ang le. Mizo rilru diktak pu te rawt chhuah ni se chu ka ti fan.
Report this comment
March 11th, 2010 at 4:31 am
#46 Samuelapa
Mizovin Zawlbuk kan tih thin kha khawvel hriatah chuan Bachelors’ Dormitory tih a ni a”
Kan hriatdan a inpersan ang reng. keichuan Zawlbuk ka la ti char char. Chu chu engnge an tih chuah vin, a chhan ka sawi fiah. Tin, kan upa Ph.D research ah khan, a supervisor in inhnam tawng diktak hmang rawh a ti hmiah. Zawkbuk a tia, a hrilhfiahna a ziak leh mai. Khawvel hriat hi engnge? Khawvel hriat kan tih fo hi engnge? Cheraw Kan chungchang ah nise, “khawvel hriat kan nih theihna tur a nih te chuan, a hming mai mai” kan ti tlat thin. Heh huh hlawm hian…(tang lutuk em O :roll: )
Cheraw Kan, (Bamboo dance chikhat) a ni mai. Cheraw tak hi paih a ngai lo. Cheraw hi 1st zawk tur a nia,….
Zofate zingah Cheraw tih word hi a bo ang tih na chu ni lovin,..!
World Record siam erawh ka support lutuk tlat,..an fakawm.!
Report this comment
March 11th, 2010 at 4:49 am
an fak awm ngawt mai kei chu ni i la ka peih lo viau ang… an fak awm na rawh e
Report this comment
March 11th, 2010 at 5:56 am
Guinness Book-a phek pakhatah inchi thum awh velin kan chanchin tlem leh picture thenkhat lai deuh chauh a awm ve tawh ang a; copy engzat meuh nge Mizoram hian a lei ve tak ang aw?
Mizoram-a lehkhabu 1,000 copies an hralh theih ngai lohna ram a ni. Kohhran thil chu inbel luih a ngaih aleiah copy hralh a tam phah a.
Copy 500 thuak hi State Library-a bel ral tum fan fan vek Author intite chenna ram a ni a; a bak copy 600 bel ralna hi zawn fe a ngai tlangpui —chu chu kan ram mipuite leh lehkhabu chungchang a ni. Mizo tawng kan chhiar thiam pawh kan lei duh mang raih lo va. He Saptawng bu phek khat kan chanchin lang ve zauh tur hi eng ang taka hlut tur nge kan nih ang aw tih hi a hriat chakawm khawp mai!
Cowboy bu kan chhiar duh em em pawh thler hnuanga inhawh lawr kan nihna kha a la rei hran chuang lo … mi ram hian World record-a min break lohna tura tawngtai rual a ngai ta ber mai!
Report this comment
March 11th, 2010 at 6:22 am
A hming vela kan buai hi chu thuhran nise, heti em a Zirna School leh YMA lamin tel an chak hi hriatthiam a harsa ka ti. Zawlbuk thlaktu chu Zirna In kan ti a, YMA lamin a sir atangin Zawlbuk theology kha alo chhem nung bawk kan ti a, kan chhuang em em. Mahse, traditional dance anihna ang anga vawng nungtu tur zok Zirna In leh YMA te’n heti taka tel an chak hi a mak ngawt mai.
Report this comment
March 11th, 2010 at 6:23 am
He thu hi chu ka van hne tawh tak. Mizo tawng/hnam tih dazatna hi kan phu pui hlawm em em mai a ni hi maw.
@HV & JASPI kan ngaihdan a inang hlawm e.
Report this comment
March 11th, 2010 at 8:01 am
Azl. awm manah dam chuan ka tel ve dawn chiang!
Report this comment
March 11th, 2010 at 9:39 am
Misual.comer zawng2 te Chapchar Kut hman nuam u. Kut sa ei tui ule
Report this comment
March 11th, 2010 at 10:17 am
Cheraw tih aia Bamboo dance tia a hming thlak hi ka support miah lo, Mizo zingah chuan an thlak theih ka ring kumkhua lo bawk. Kan Aizawl khawpui hi Vaiho chuan Aijal an ti, keini chuan Aizawl kan ti reng.
Cheraw tih hmang hian world record siam dawn ta ila, heti taka inhuaikhawm hi a ngai miah lo vang, mi 10 vel lek pawhin kan se, record a ni nghal hrim hrim ang. A chhan chu hnam dangin cheraw an neih ve miau loh avangin.
Report this comment
March 11th, 2010 at 10:22 am
Cheraw world record chu kumtin! Chapchar kut apiangin Vai sipai lammual ah an record siam sa an break chho char2 lawm ni?
Report this comment
March 11th, 2010 at 10:22 am
pu shai: nia rawn haw remchanah kala en dan kala ngaihtuah ang. i kuhva ei sen huam chu ania ka hmuh chak ber. :lol:
Report this comment
March 11th, 2010 at 10:25 am
funny, tunah hian panhnah atanga a chinai thianfai lai ka mitthla thei :lol:
Report this comment
March 11th, 2010 at 10:31 am
@samuelapa, a nih leh khawvel eng hnamin nge Bamboo Dance tih hmingpu lam nei a? Mizo-in Cheraw kan tih ang hian hnam dang pawn hming hran an nei ve vek a, Bamboo Dance tih chauh ko hi sawi tur in hre meuh ang em maw?
Filipino chuan Bayanihan an ti a, Sabah(Malaysia) chuan Anggalang Magunatip an ti a, chutiangzelin hnam dang ho pawn hming hran an nei deuh vek a, Bamboo Dance tih hmingpu hi min hrilh thei la chuan a lawmawm viau ang.
Report this comment
March 11th, 2010 at 10:34 am
pu HV: pu shaia hi kuhva a heh sia a Ha hi alo kuh deuh va zawk aniang a :lol:
Report this comment
March 11th, 2010 at 10:39 am
@chepahakhata: Ni reng e, anmahni hnam hming phuah ang theuh kha a dang vek, bamboo dance hi a khaikhawmna a ni, tiin an hrilhfiah mawlh mawlh reng a lawm. Filipino ho hian Bayanihan tih hming pu-in world record siam tum se, an thei bik chuang lo vang.
Youtube-a ka upload ho pawh hi kei chuan Cheraw tih vekin ka dah, bamboo dance tih hi a hrilhfiahnaah ka ngai.
https://www.youtube.com/watch?v=ArbDqtcJZHI
https://www.youtube.com/watch?v=0W7Bne-JwF4
Cheraw dance is believed to have originated way back in the 1st century A.D., while the Mizos were somewhere in the Yunan Province of China, before migrating to the Chin Hills in the 13th Century A.D., and eventually to the present Mizoram state of India. Some tribes living in South East Asia have similar dance forms in one style or the other with different names.
Report this comment
March 11th, 2010 at 10:46 am
Filipino ho hian Bayanihan ti a an kohna hmun apiangah hian in elin Bayanihan ah chauh hian world record awlsam takin an siam thei ngei ang.
Mi hnamin a ang deuh an neih avangin khaikhawmna kan neih tir kher tur ah pawh kei chu ka ngailo. Paite, Lusei, Hmar, Mara, Ralte etc khaikhawm nan Mizo tih kan hman vang emaw a khaikhawmna hnam hrang hrang lam ah keinin English hming chawi a kan lo siam ve ngawt hi kan tih theih a nilo.
Zawlbuk te kha midang sawi ang kha a ni, Zawlbuk a ni renga sawifiah nan Bachelors dormatory tih a ni mai. Cheraw erawh chu sawi fiah nan ni lovin, a hmingah hman an tum a nih hi. Mizo ka ni inti chuan kan do turah ka ngai.
Western lam, Salsa, Waltz, ECS, WCS, lindyhop, hustle, shag, jive, balboa, merengue, rumba, tango, mambo, samba, paso doble etc te hi inzul vek an ni ve khaikhawmna an neih tir kher lo, an hming hran theuh an puttir mai.
Western lama awm te an lam a in zul a, eastern lam a awmte kan lam engemaw chenah a in zul a ni ve ringawt, lam hrang hlak an ni e.
Report this comment
March 11th, 2010 at 10:59 am
samuelapa, i video rawn dah chu in kawmthlang kawngpui a ni maw, lung a tileng vawng2 e.
Pakhat zawk hi in in bawr vel ni awm tak a ni.
Report this comment
March 11th, 2010 at 11:06 am
Kantluang Cheraw nge Buhzaai Cheraw an hman dawn @Xaia te pic lo nghak fan fan phawt teh ang.
Report this comment
March 11th, 2010 at 11:08 am
@samuelpa, cheraw kan hi inel/intihsiak nan te pawh an hmang thin a, cheraw kan hian world record chu a siam thei teh meuh mai. Chutiangzelin hnam dang ho mau/rua khawng a lam ho pawh an manni lam khan world record chu an siam thei teh meuh mai. Pu HV-a sawi ang hian a hmingah Bamboo Dance tih hi chu kei zawng ka pawm zam thei ngang lo. A khaikawm nan tuin nge Bamboo dance ti a? Engtik khan nge nemngheh a nih a? Sap ho koh ang a piang hi kan pawm zam zel dawn a nih chuan, khawvel hnamtawng tam tak leh thil hming a bo tial tial ang. Hnam tawng leh nunphung kan hmangaih a nih ngai chuan Sap ho tih vang ngawt a, lo pawm ve ngawt tur niin ka hre lo.
Cheraw hi ka hriat dan chuan Bu-10 a awmin ka hria a, thenkhat chuan chawhpawl ten an kan thin.
Hei pawh hi chawhpawlh niin ka hria https://www.youtube.com/watch?v=N8RnC7YrsVo
Report this comment
March 11th, 2010 at 11:14 am
@chepahakhata Sawi sawi hian awmzia a nei tawh chuang lo. Ka sawi tawh ang khan Hnam-zia-rang, Guinness World Record siam duh vang a hralh duh chuan hralh mai mai teh se, kei leh ka chhungte hi chuan Bamboo Dance kan ti ngai lo ang, CHERAW a ni tlat.
Report this comment
March 11th, 2010 at 11:21 am
Thla ka lak hman hmel loh,tun tum chu,Pu shailendra’n Fish eye lens hmangin a rawn chhawp chhuak ang chu :!: A ni hi Misual Photographer a World Record siam turah beisei phawt mai ila :lol:
Report this comment
March 11th, 2010 at 2:30 pm
Ngaihdan a inang lo a ni ber e. Cheraw/Bamboo dance tih vela kan lo buai ve viau lai hian a tel tumte chu inbuatsaihin an buai ve viau bawk. Hetih lai hian ngaihsak map lo, enga tan maha ngai lo an tam em em bawk. Mipui an thuhmun fo thei lo, tih ang vel kha kan ni e. Ngaihdan hrang2 hriat hi a bengvarthlak ka ti, a tha lawm, a dik a lawm, tih mawl tawp zel hi chu a tha hauh lo. Cheraw bakah kan Mizo nunphung humhalhna tur thil dang tam tak a awm bawk tih hriat tlan erawh a tha. Bamboo Dance tih hming chawia world record siam vang hian kan Mizona a dal phah lo ang a, Cheraw hi Cheraw a la ni reng bawk ang.
@HV: Pu. J. Lianchungnunga in kawt vel a nih hi. In vengah pawh nizanah an kan luih luih mai. Minister P.C. Zoramsanglianan a fang kual bawk. Nizan vid hi chu digital cam-a ka lak mai mai, rei lo teah a battery a zo daih leh nghal.
Report this comment
March 11th, 2010 at 3:30 pm
CHAPCHAR KUT COMMENT: Doordharshan Kendra (DDK) Aizawl kaltlangin Aizawla chapchar kut hmanna chu Live in ka lo thlir ve reng a, mizote hmasawnna tam tak a lang. DDK Channel Commentator-te kha duhthusam ram chu thleng zolo mahse, an zahpuiawm loh hle mai. Ngaihthlak a nuamin boruak an ti zangkhai thiam hle mai.
Chutihrual chuan kan mizo ziathiamte hian Live Telecast kan ngam loh zia a lang chiang khawp mai. Tun thlenga ka en chinah chuan Mizo Idol Lalchhanchhuaha leh Tomy L. Pachuau te tihloh kha chu an zai leh music kha a in chord thlawtlo. a flat tlangpui hlawm. Beng a kham tlat. Mizo zaimi ten tanlak a ngaih zia a lang a ni.
Tin, Kut hmanna hmun Aizawl Sipai Lammual kha kha ti em em a khu lo tur khan buatsaih theih anih ngei a rinawm, hriselna atan a that loh hmel khawp mai. Vaivut khu kha engtik lai mai pawhin a awm mup mup reng ringawt mai a lawm le.
Report this comment
March 11th, 2010 at 3:44 pm
CHAPCHAR KUT COMMENT: Tunah mai khan Fredy Nightmare ropui takin an che e. Mit leh beng a tlai ngei mai. Hmeichhe Band ‘APPLE BAND’ ten zai hla an rawn thlawh ve leh dawn e.
Report this comment
March 11th, 2010 at 3:56 pm
CHAPCHAR KUT COMMENT: A va han khu tehreng em, chhum chhah tak zing chuai ang mai hi a ni e. Visibility – >20 mt. Khawvelah a khu ber ang
Khu em em lova lammuala thil tih ve theih hun hi a va nghahhlelhawm tak em. A khuk em em loh leh a diak em em a, a manganthlak teh zawng a nih hi :cool:
Report this comment
March 11th, 2010 at 3:59 pm
CHAPCHAR KUT COMMENT: @ As_Khiangte: A hmun lamah awm chuan Pic lam te pawh hi rawn thawh rem chang em? TV kaltlangin a ni ka lo tel ve.
RKa Bawihtlung a zai lam e, hla collection nen a rawn zuang lam e.
Report this comment
March 11th, 2010 at 4:03 pm
@CHAPCHAR KUT COMMENT:@ Pimpom kei pawh TV ah tho mole, Shailendra a rawn che leh mai ang. Apple Band chu an che thra thruai2 hle mai, an drummer kha…
Report this comment
March 11th, 2010 at 4:08 pm
CHAPCHAR KUT COMMENT: @As_Khiangte: Mai mai a, keima ta tur a nih kha Apple Band drummer kha chu, cute lutuk tlat.
RKa pawh a che tha khawp a lawm ti raw.
Chai lam an tan mek e. Tel ve a chakawm, mahse, a khu lutuk a ka haw daih a lawm maw le.
Report this comment
March 11th, 2010 at 4:13 pm
CHAPCHAR KUT COMMENT: Cheih….na..na..na..na…chai rawwwww… cheih.
Report this comment
March 11th, 2010 at 4:14 pm
CHAPCHAR KUT COMMENT: @PimPom: a boruak vet vet bawka chet thrat a awl alom. Drummer chu a cute si zei bawk si, a vuak dan style te kha ka duh tlat, tumah ka kian dawn lo rengs.. :twisted:
Mizo kut i hriat pakhat tal sawi rawh: Chapchari kut :lol:
Report this comment
March 11th, 2010 at 4:23 pm
CHAPCHAR KUT COMMENT: A tawp dawn hnai ta. Kan thianho in hei kan awm a, TV rualin kan lo chheih ve mai dawn e.
Kan kut pui neih chhun(Ti tawh mai ang) hi hlut viau angin kan insawi hlawm a, kan lo hlut lem hlawm lo a ang ka ti. Pic, leh Post pawh hemi pual hian a awm nual ka lo beisei a!! Beisei ang reng rengin thil a thlenglo mai!!!!!!!!
Kei chuan kan hnam nena inkaihhnawih thilte hi ka ngaihlu chuavangin kan han chheih ve phawt tawh ang e. a nih phawt u.
Report this comment
March 11th, 2010 at 4:28 pm
Bayanihan… ti in world siam a theih loh vang in.. Bamboo Dance ti in philipino ho cuan world record siam antum ve kher em le??
kan hnam zia kan pho chuak te poh ani mahna..!??
nge ni shillong world record siam kha an awt ve.. kha lah kha an break sak hngal deuh mai khan ka hria a..
a that leh thatloh lamah chuan ngaihdan ka neilo.. Cultural prog. etc hi chu eng hnam ta poh hi ka ning vek mai ..!
Report this comment
March 12th, 2010 at 4:00 am
Ram dangah kan awm ve khanglang a, Cheraw hi live-in kan hmu ve thei ang em?
Ka fanu pawhin Cheraw a kan ve dawn tlat!
Min hrilh thei in awm chuan, ka lawm hle ang, helamah kan lo tlaivar thak mai ang.
“Bamboo Dance” tia hnam hrang hrang (khawchhak lamho) pawhin an lo nei ve vek mai chu a mak ka ti! INCREDIBLE to some extent! Anmahni hnam tawng den den pawhin an lo nei hauh lo tihna chu a ni lovang chu maw?
Ka awih loh chin hi chu ‘awih lo ve hmak chawnghilh’ ka nih hi! :twisted:
Report this comment