Zu hi kohhran in a vei a, mi tamtak chuan KS thlengin kan vei a, an tel lovin mihring hi kan awm theilo ni tur a ni an rem thei chuang der lo. Eng tik khaw tikah mah an rem chuang in ka ring bawklo. Khawvel ram tin a trang USA kal chak hi maktaduai tel teh meuh an awm.
Chung zingah chuan Zofate pawh kan bang lo. India ram atanga USA kal hi mi tam zawkin kan duh ang. Chutiang ah chuan kan Lai/Tiddim lam unau te ang hian inpuih hi kan in peih ve tur a ni. Pathian thu zir tur anga kal a, awm hlen lui ang chi hi chu i sim ang u. Kristian kan nih na nen a in mil lova, nakin zel ah pawh midang Bible zir/Pathian thu zir duh tak tak an awm hun ah an tan kawng kan tih pin sak ang tih a hlauhawm. Mizo te hi hmai chhana in sawisel hreh mi kan ni, hnunglam atrang erawh chuan in sawi sep sep ching, mi rel kan hmang leh lawi fu!
Ka hriat sual loh chuan Mizo day ilo ah te hian Mizo society of America hian Mizo thalai te USA kal chance siamin an theih ang tawk tawk in Mizoram atangain an sponsor thla ve ta zeuh zeuh. Chung ah te chuan thu intiam kam tirin, program a zawh hun ah leh an visa a tawp hma in haw leh ngei tura ngen an ni.
Chung ngenna te chu zah lovin an bi bo kual a, Mizo dang awm hmasa te US immigration laka an mualpho dan tur leh nidang/kum danga Mizo thalai dang te lo kal tur kawng an hnawhpin sak theih tur an ngaihtuah duh lo lui thin. An visa a tawp hmaa an haw chuan visa dil leh hian an pelo ngailo tlangpui tih pawh an hailo, mahse, verkvekna leh rilru bawlhhlawh na in mahni hnampui dang te tan akawng khar phui sak pawh hreh lovin an awm hlen lui ta thin a ni.
Hetiang hi nakin kan unau dangte tan a thil pawi thei tak tur a nih avangin Mizo te hi kan nunah hian zahawmna hi alang pawn hmuh theihin awm ve thin se ka van ti tak em. Mizo dang ten hmai chhana an sawisel loh vang mai khan thil thiang a ni lova, thil mawi pawh a ni heklo.
USA,Canada,Europe ah kan kal duh a nih chuan Thai-ah a nih loh leh Malaysia lamah in theh thla ve mai se.UNHCR-ah hei…ka chu ti…ka kha ti…va ti ve se.kum khat hnih an nghah chuan an thawn chhuak ve nawl nawl mai ang.
Hmaikawr a Pathian thlalak hmang lovin Aryan ang in fing thiam deuhin ti ve mai hlawm se.pawisa naya khat te pawh sen tul lo leh nghal.sum sen chu sawi loh thlatin thawh loh hlawh anla la zui.
