Mizoram Sawrkar a Art and Culture Department hnuaia mi State Library a thawk ho hi an va Polite lo em em ve? A bik takin he ka thil tawn hi ka ngaimawh rei tawh bawk a, ka han ziak teh ang:
Dt. 18th March, 2010 / 19th March, 2010 khan State Library- ah hian lehkhabu hawh turin Chaltlang Lily Veng atangin City Bus in Rs. 10 chawiin ka kal a. Ka Card ka keng lova. Stack room- a Duty *** chuan min hawhtir duh lova. Ka beidawng chiang hle. Thinrim teuhvin ka haw a.
Dt. 21st March, 2010 Monday khan State Library- ah hian Lehkhabu hawh turin ka kal leh a. Ka Card No chu 3616 a ni nghe nghe. Mahse, Stack room- a Duty *** chu chawhnu lamah chuan a lo chhuak daih hi a lo ni a. (Ka hriat dan chuan an chhungte lampang thil ah a kal ni awm tak a ni. Sawrkar Office Hours kha chu Dar 4 Pm vel thleng ni khan ka hre si a.) Reference Room- ah lah chuan a nghaktu hmeichhia lah ‘khan kan Issue theilo’ a tibawk si a, hawh ta lo chuan ka kir leh ta ringawt mai a ni.
Dt. 24th March, 2010 Wednesday hian ka kal leh a. Ka Card ka keng duh tawh lo. Ka Card No ka hria. Mahse, a Book No ka lo hrelo!! Chuvang chuan *** bawk chuan a Dawhkan bula Games khel nuap nuap chung chuan min en he haw chungin, ‘ A book no i hria em? I hriatloh chuan nidangah lo kal mai rawh aw?’ min ti!
Ka thinrim a, awmzia a awmbawk silo…(Ka tilang duh lemlova) Mahse, ‘ Ka pu, min hria em?’ ka ti ta ngat a. A ni chuan, ‘Hria e’ min ti a. ‘Enga tinge?’ a ti a. Keichuan ‘I mizia a lo danglam tawh em a! Biak i har’, ka ti a. Ka thinrim chuan ka lehkhabu hawh tum chu a bula chhuarah ka dah a. Ka chhuak tau ta a.
Inhnuai chiah ah chuan thawktu thenkhat an thu a. Chung zinga hmeichhe pakhat chu ka hmelhriat a ni a. ‘Ka pi, ka lo lut thei ang em? Thil zawh lawk duh che ka nei a’, ka ti a. ‘Lo lut rawh, lo leng rawh’, min tih chuan ka lut ta a. ‘Ka pi, inchunga thu khi tunge?’ ka ti a. ‘ *** a nih kha. Engatinge?’ min ti a. Kei chuan, ‘A, engmah ni lemlo ve’, ka ti a. Lawmthu sawi pahin ka chhuahsan ta a ni.
State Library chauhlo, Champhai District Library- ah pawh Card ka nei. Mahse, State Library- a thawk thenkhatte anga Polite lo hi an ni lo.
Dik tak chuan mipuite vanga hlawh neia thawk thei an ni a. Sawrkar hian anmahni dawrtu te laka polite lo deuh deuh, heta a hming ka tarlan angte hi sawn vang vang mai sela, mipui hian kan duh ang kan hmuthei zawk ang. Min lo dawr dan kha ka lung a awi thei ngang lova, Chanchinbu- ah ka thiltawn hi ka han tarlang a ni e.
Tun a chinah chuan lo ching tawh suh se…
By
Member, State Library, Card No- 3616
Similar Posts:
- Library lehkhabu hawh rei
- Ka Zin Kawng – V
- Eirukna nge Thahnemngaihna?
- North Korea
- Mizoram tana ka awh
March 24th, 2010 at 9:57 pm
Ist ah chuan Library hi a mamawhtute tan a siam a ni a, customer/member te chu ngaih pawimawh hmasak ber tur an ni. Chhiartu leh member awm lo se,kha library pawh kha khar daih tur a ni a, a thawktute pawh an bang nghal chu a ni mai dawn lawm ni?
Report this comment
March 24th, 2010 at 10:01 pm
keipoh mak ka ti 2nd hle mai
Report this comment
March 24th, 2010 at 10:02 pm
A ti leh a nih chuan **** ti lo khian, a hming leh veng chiang bel bol in ziak lang tawh la, a sim mai ang!
Report this comment
March 24th, 2010 at 10:04 pm
I thinrimna chu a dik tho mai a, Librarian te pawhin thiamlohna an nei ani mahna, chutih rual chuan nang pawhin i Card kengloin dawr i tum ta tlat mai a, chutah i Card i ken tumin anlo awm remchanglo leh bawk si, Card kenglo a i kal tum chuan I Card I Card Number i hria a, Book Number i hre leh bawk silo, in in tawk lawi deuh ava ang ve.
Thiam lohna nei ve ve in intawng a ni mai lo maw?
Report this comment
March 24th, 2010 at 10:08 pm
Card keng lo a hawh chhuah theih loh chu dan anih chuan kei pawh ni ila ka hawh tir lo ang che :lol:
Report this comment
March 24th, 2010 at 10:11 pm
Van poi thin ve o..patling meuh te i ti tau leh nghal!a hming hi dah law law la,kan kal ve hunah card keng loh palh khan he librarian bok hi kan va dawr ve palh ang!akekeeke
Report this comment
March 24th, 2010 at 10:15 pm
Chhûra thawnthuah khân, “Pakhat a thiam lo va; a pakhat zàwk a sual,” tih a awm thìn em kha le? :roll: Card ken loh miau chuan, an thiam lo bik chuang lo. Librarian ni ta ila, mi dem ve mai thei a ni!
Ka mi tawnte hi in tawng ve ngai lo em ni thin le aw? Ka tawn apiang polite em em vek an ni zel si! “Ka chhungte pawh Dr LB Sailo, Kidron Valley …” tih nachang i hre lo a nih chu maw le!
Report this comment
March 24th, 2010 at 10:17 pm
Sorkar hnathawk ka ni ve a, mahse mahni Office nilo han dawr hian hrehawm fu fu tawn chang ka ngah ve mai. School Education Directorate a nu ho thenkhatte saw dawr chu an va hrehawm ve thin tak em. Hetiang dawr hrehawm em em ka tawn chang hian, kei chuan hetiang hian ka ti ve lovang tih hi ka intiam nawn leh thin.
Report this comment
March 24th, 2010 at 10:26 pm
Pu LHS, ngaihloh lamah lo ngai lo la, patling meuh lehkhabu han dah tau vel chu ka va hmu chak roh che ve
State Library chu khawiah nge a awm? Lehkhabu an nei tha em?
Report this comment
March 24th, 2010 at 10:27 pm
Card tello chuan lehkhabu a hawh theih loh tlat mai a, card keng lova lehkhabu min hawhtir tu chuan dan a bawhchhe pha tlat. Dan chu dan, bawhchhiat tum lo tlang ila tha ka ti ve mai mai. Ka lawm e
Report this comment
March 24th, 2010 at 10:30 pm
Mizo tlangval, kei ka ni ti chin, thin thawk chuan sorkar hnathawk ho an hnaa commitment an neih loh zia i rawn ‘ar mit treh khuan’ pui vak2 anih ber hi
Library chungchang a ka expe ve ah chuan rinawm lohna a nasat pauh leh an strict ni mai. JNU Lib. te khu mi rinawm lo hmuh hian min hmu emaw tih mai tur a ni; an lehkhabu 1 pawh ka chhiar malek ang tih awl deuh nia. NEHU Lib pawh khu a dang chuang law, an polite ta lo em em leh nghal.
Mz State Lib bikah hi chuan newspaper chhiarna room a mi duty te bak saw beisei saan vak chi an ni lo
Report this comment
March 24th, 2010 at 10:35 pm
a va mak ve…. complain na turah complain ta che… no offence
Report this comment
March 24th, 2010 at 10:40 pm
Thu tak deuhin kan comment tawh angem
Library a thawk ho hi an hnathawhna boruak hian culture hran a pe emaw ni chu aw tih theihna lai a awm. Kan college a kan Librarian kha, biak huphurhawm tak a ni thin, amah alo duty chuan lehkhabu hawh kan phur lo thin khawp mai.Mahse, profession hranah tun hnua kan thawhho hian biak a nuam em em thung tlat, mak ve tak chu a ni.
Report this comment
March 24th, 2010 at 10:42 pm
I huatthu suhah hawh tura in indawr tum hian mamawh i nei kim lo tlat mai a, han thinrim vak thei i ni em aw? ka ti deuh. Tin, misual ho zingah i rawn vuia a lawmawm e. An polite loh viau avang erawh hi chuan an demawm chu ka ti tho mai.
Report this comment
March 24th, 2010 at 10:45 pm
Card tel lo chuan pek theih i ni lova i thiam lo ve bawk a chumi kawngah chuan.Tin a thawktu te pawh chuan diktak in an ti tur ani a office hr ah chuan an chhuak thiang lo hrem thlak an ni .
Tin Mizoram office thawk ho hi mipui dawr tur a thawk an ni tih anhre lo nge a cer leh cer lo peon chen in an in la ngeng trhem vek mai hi chu zah na chang hre hram se sim hmak bawk se ka van ti tak em .
Report this comment
March 24th, 2010 at 10:53 pm
A polite loreng reng a nih chu,tumkhat in tih fuhloh pawh ni lo,tum thum ngawt in in dawr fu lo a ni si a.Tawngkam tha in sial a man tih te kha a hre ve lo a ni maithei a sin… Kei chu ka tran tlat che a nia :lol:
Report this comment
March 24th, 2010 at 11:00 pm
card no 3616, librarian pheikhawk kha han bun ve chhin la maw le. Lo in hre thra viau pawh ni ta u la, card tello a lehkhabu a hawh tir che chuan dan bawhchhia a ni tho tho ang..
Ka hul riau mai..
Report this comment
March 24th, 2010 at 11:02 pm
bottom line: pakhat a haihawt, pakhat a polite lo.
Report this comment
March 24th, 2010 at 11:19 pm
Ka thian, card tello khian ron kal ve ta la,ka hoh tir hauh lovang che,i thinrima i chhuak tau a nih chuan ka dem zui viau ang che,inthiamlohna pakhatmah ka nei hauh lovang le,tupon thiam min chan vek ka ring bok.i thiamlo hulhual…..
Mahse office hour ah i card kengin han kal leh teh biak tur an awmloh chuan ka lo vuipui em2 thung ang che.i hrethiam em?
Dan chu dan a ni e…..in inang chiah
Report this comment
March 24th, 2010 at 11:36 pm
I card ken loh avanga a hawhtir thei lo che hi dan a ni a, hetah hian engmah thiamthu sawi tur i nei lo. A hawhtir thei lo tu che hi fak a phu a, a mawhphurhna a hlen avangin a ngaihsan awm. Mahse, a hnua card neia i kal leh laia officer hours chhung ngeia engmah information siam lawk si lo va a chhuak ngawt erawh a dik lo hulhual thung a. A aiawh tumah a dah bawk si loh chuan ban theihna khawpa pawi a ti a ni thung. Chuvangin thuneitu sang lamah thlen ngei la, zilh ngei bawk rawh se.
Tin, dan naranin Mizorama officer nghaktu leh officea thawktu tam zawk ho khi dawr an hahthlak em em vek mai. A fel chu kutthliah tham lek an ni. Tam tak phei khi chu a dawrtute nena an in biakna hi record a, thuneitute ngaihthlaktir ka nap hial thin. Dik tak chuan hna an neih tlem zia leh an thawh rim lohzia ngaihtuaha an hlawh thatzia te hi an hre lo nge ni. Phaia an thawh chanve pawh hi an thawk lo tih theih khawpa hna tlem a ni. Mihring kan la tlem avangin tute mah khi an busy tak tak hman ngai meuh lo. Eng emaw changa miin an bawr lut lut nia kan hmuh te pawh, a hunah tak office an hawn loh vang te, hna leh tihtur an an khek a, eng eng emaw pawimawh mimal pawimawh dang an neih avanga an thawh loh inchhekkhawl vang a ni duh hle bawk. Khing ho khi scan an tul hlein ka hria.
Report this comment
March 24th, 2010 at 11:43 pm
Lily veng atang kal nawn leh vang vang si ah chuan card i keng lo lui deuh kher lai tak chu ni…zia thei lo e… :lol: … Card tellovin a hawh theih loh an tih tawh ber te chuan(a hawh theih ngai loh hrim hrim chuan ka ring eng lib ah pawh). Kei chu hlawhchhamna chance awm thei tur chuan Chaltlang khua tangin ka kal lo ang NOI
Report this comment
March 24th, 2010 at 11:45 pm
I sawi dan ah inhre tha tak in nih hmel a chu mai bak ah i kal fo anih hmel a,chutiang card theinghilh a i dil ngam chuan a hrechiang tawk che pawn ka ring.kei chuan ka pek mai che ka ring mite harsatna hriatthiam chang chu awm ang chu mawle,mi diklo anih phah ka ringlo.?induhna hmun leh hun kan hre lutuk hi a pawi ani.
Report this comment
March 24th, 2010 at 11:46 pm
Thinrimna chhan tur a awm emaw ni le? Card kenglo hnena lehkhabu hawhtir te chu librarian chuan a tih loh tawp tur a ni zawk lo maw.
Nangpawh card i kenglo a a hawhtir lo mai zawk che niin a lang.
Report this comment
March 24th, 2010 at 11:54 pm
I thiam lo chhiava a nih chu maw le! Card keng lova library atanga lehkhabu hawh tum reng reng te chu….lo hawhtir che se chuan hrem tlak an ni zawk ang.
I la titau zaw mah lehnghal a, i membership te an paihsak/suspend-sak daih lo zawk che chu lawm hle tur i niin ka hria.
An thiam lohna lai erawh chu ‘game khel nuap nuap’ tih leh, office atanga an chhuah hlana an hna lo keptu tur an insiam lo chu a nih chu. Sorkar hnathawk te pawh hi mihring ve bawk, loh theih loh vanga chhuah tul ve thei an ni a nia. Office hour-a chhuah thiang miah lo chu a ni bik lo.
Report this comment
March 24th, 2010 at 11:55 pm
A tawk!! hau tawh suh u….card a thihnghilh a a thiam loh a ni tih a hre tawh em em ang..in sawi nasa sup sup tawh bawk a. In ti zak ang!!!
Report this comment
March 24th, 2010 at 11:59 pm
Sorkar hnathawk in ti teh fo a, a chelh a chelh trek trek kan tam ber zawk!!!!
Thawh hlawh a ni lo a, nih hlawh zawk a nia, chuvangin beisei tisang lo mai ru….
Hamara Bharat Mahan ah hian ofis dawr a hahthlak ber awm e…
Report this comment
March 25th, 2010 at 12:01 am
card kenglo chuan ka hawh tir miah lo ang che.
Report this comment
March 25th, 2010 at 12:05 am
Card i kenlohna ah chuan k dem chea,Librarian pa chu a Polite lohna leh a hnathawh hun chhunga a pisa a chhuahsanna ah ka dem. Dan chu danin kal thei se kan tha tlang ani mai lom ni le?
Report this comment
March 25th, 2010 at 12:07 am
Lehkhabu i la haw rih ta chuang lo em ni?
State Library Card ngei keng la, (Champhai Card zawk i keng palh ang e) Librarian pawhin working hours-ah khawi’lo chhuak daw daw tawh lo se … titau lova i hawh theih hun her chhuak ngei turin duhsakna ka hlan a che.
Return hun dik i ngaipawimawh dawn bawk nia auuuuuuh! :lol:
Report this comment
March 25th, 2010 at 12:08 am
state library ah hian zorama ka awmlai khan ka kal ngun ve thin angrenga, a khatih hunlai kha chuan stack room nghaktu nen pawh kan inhre hman viau a, khatih laia nghaktu kha Pa Sanga ani an veng ka hrechiang tawhlo. hman deuha ka hawn khan alo la nghak a mahse min hre tawhlo, ka insawi duh lem hleilo a.. tunah pawh pa sanga tho hi ala ni maithei ani. kei chuan ka thiamlo hranlo.
state library khi ka tlawh hunlai kha chuan a lun lo thei angrenga, cool deuha thut reng chang hi an ngah thin niin ka hria. ground floor erawh a lun angrenga. Working hour a pawna chhuah chungchang ah hi chuan in judge thei bik kan awmlo maithei ani. zelthel ve hrim hrim hi chu an thiam awmloh nain, office hour chhunga chhuak ngai miahlo a hnathawk char char kum tluan hi zoramah an vang hle ang. ka kal ngunlai pawh khan ka tawng fuhlo fova ka dem em em hranlo, zoram sawrkar hnathawk dang sang chuang te aia a zel thel bikna ka hre hranlo.
heheheh!
Report this comment
March 25th, 2010 at 12:26 am
i tan a nih mai chu(h).nakin ah card kenglo a hawh i tum vang haha..
Report this comment
March 25th, 2010 at 12:48 am
Sawkar hnathawh leh biak har hi chu ani chiang alawm. mahse State Bank a hnathawk ho chu ka tawn chinah chuan an polite hlawm khawpin ka hria, a bik takin main branch a ATM card vel buaipuitu saw. Biak a nuamin a polite kher mai, mi(sual) ho hian in lo chik ve emaw chu…
Report this comment
March 25th, 2010 at 12:53 am
Buai tih vang ringawt a biak an har thin kher hi chu ka ngaihdan a ni lo khawp mai. Aizawl State Bank Main Branch Hi an buailo ngai ami? Biak an nuam tho asin, abik takin ATM Card vel buaipuitu saw….
Report this comment
March 25th, 2010 at 3:02 am
*** chu a polite lo. *** chuan a hna thawh hun laiin a hna a kalsan ringawt. *** chu a mak ve bawk lahtak a ni! :lol: Office danga polite lo ho reng reng khi chu *** vek an ni!
Report this comment
March 25th, 2010 at 3:44 am
vairam sawrkar hnathawk pawh hi dawr an har ve thei khawp mai, mizoram sawrkar hnathawk hi dawr hian a changchuan an han tawng zawi thei em em a, an mawngkua pawn a hre pha lo ang thil sawi thenkhat te hi chu
Report this comment
March 25th, 2010 at 4:55 am
hnam mawl tih takah a thei thei hi in in hmusit in in in duh khum vel anih ber hi maw. Hawihhawmna hian mizo a bikin sawrkar hnathawk zingah hian hmun a chang meuh lo ani ber. Keini awmna ram changkangah chuan library te hi han kal ila a nghaktu te hian kan luh ve leh hian “eng tin nge ka lo tanpui theih ang che” hi an lo ti nghal var a, lehkhabu hawh duh emaw,computer hmang duh emaw kan nih chuan phur em em in min seat awl leh lehkhabu min zawn pui a, lehkhabu lo awm lo palh se Library dang atanga chah kan duh leh duh loh thlengin min zawt thin ania.
Thlakhata Rs 5000-10000 hlawh hna vuan ve dek dek a mipui te in duh khum a tum hmur reng mai ho hi an van hmelchhe tak em te ka tia
Report this comment
March 25th, 2010 at 5:21 am
Adik, mizoram ka zin ve truma thil harsa ber chu Office dawr chauh pawh ani lo. Dawr kaite va dawr pawh a harsa, an lo tum deuh hmawk/hmuk. Smiling face nei reng reng hi an awm tam lo khawpa. Vaimizia kan la kan copy tawh ani maw a tihtheih aizawl khawpui bikah hian.
Aizawl ka thlen zan hian, Chaltlang touristlodge Hotel ah ka thleng ve a. An Receptionist ho an polite lo luttuk, ril tram in ka awm reng. Thil ka han Order a, Breakfast a tan chu chu ka duh ka tih leh vel ah a dang eng eng nge i duh tel em? tih pawh awm lo, “chu chu ka duha” thildang ka duh pawh sawi hma in phone an dah thla hmiah hmiah.
Ka ning tawhkhawpa a tukhnihna ah chuan, an Pu ber nitur awmtak chu ka tawhduh thu ka sawia mi an tawhtir a, thilawmdan kan sawidun, ka zin chhan, mizoram ka luhchhan chiangtak in ka hrilh hria, chu mi hnu chuan, Respect kan lo hlawhve deuha, kan duh emaw duh lo emaw an Polite leh tawh lutuk leh ka hmelmin hmuh a pianga, A pu, Ka pu, mi an ti leh nawk nawk site kha, Vai an niringawt.
Vairama, Uncle, Sir sir sir tih ang kha kan hlawh lehsi, ka nuihte a za
Report this comment
March 25th, 2010 at 5:45 am
Hetiang problem kan sawi hi India style diktak ani. Insawi thra hlawm. Heng kan sawi dan lal tirna state nitur leh sawrkar hnathawk public dawr tur ho te an polite zawk dan tura manage thiam hi kan mamawh hle reng ani. Dawhtheihna nei tlem tan chuan Mizoram sawrkar hnathawk dawr hi a hrehawm ziau ka ring. Aryana sawi hi a dikna chin a awm.
Report this comment
March 25th, 2010 at 5:54 am
MISUAL.COM a ka comment voikhatna (1)
Misual.com hi mizo website ah chuan ka tlawh zin ber a nia,Mi comment han chhiar te hi nuam ka ti thrin, Mahse tun trum chu chungchang a nih a vang in comment leh han soi belh ve tur ka nei a ve tlats mai…
2006 ah daih toh khan a nia .. Final year project(visual basic) ah Library software hi ka thrianpa nen kan thlang a, In hriat threuh ang in Library software siam tur chuan Librarian te bok an hnathawh dan kalhmang te kan zawh a ngai a, STATE LIBRARY office ah ka va kal a, ka zawt ta ngei a, min chhan dan kha tun thleng hian ka la theihnghilh lo “HRANGBANA COLLEGE IN LIBRARY SOFTWARE AN HMANG A LAWM, I DUH CHUAN VA EN MAI RAWH” ti in librarian hmeichhia thau deuh lampang (a hming chu ka se lo) chuan min lo chhang a nih chu(h).
Ka beidawng ngei mai .. chhan vak ngaihna pawh ka ve hre lo, ka chuak nghal vang2…
Enge in ngaih dan ve le ???
Report this comment
March 25th, 2010 at 6:00 am
A vawi thumnaah chuan card chu keng leh mai mai la tha tur.A games khelh chu ZUMA ani lo maw :lol:
Report this comment
March 25th, 2010 at 8:15 am
Sawrkar office dawrh naah hi chuan vai vai kan tih ho hi an fel zawk daih. SBI vela kal pawh hian an inti thei lutuk ringawt, an buai tih pawh kan hria, mahse min en mang lo vin deuh a min han chhang hi chu ka thin a rim thei lutuk, vai an fel zawk daih, vai a lo awm phawt chuan biak ka thlang zawk ziah, a thiam ang tawk a Mizo tawnga a lo tawng pawh khan min hneh zawk, min eng mang lo vin deuh ai chuan.
Pu Shaia te khua a SBI a thawk hmeichhe pakhat pawh khi a vin khawpmai SALA.. :roll:
Report this comment
March 25th, 2010 at 8:30 am
tiang office a biak har deuh te hi chu Pahnih vel han vit hlum i la, a dang hi chuan min ngaihsak duh khop a nia(jus kidding)
SBI a thok te hi chu biak nuam lo tak an ni.. christmas lai a zu(a sen chi) zuar ang mai.. in duh ve ngat zel.
Report this comment
March 25th, 2010 at 8:35 am
Mizoramah hi chuan SBI a thawk te hi an induh in biak an har ber tlangpui in ka hria, mahse ka inhauhpui maizel nia naupangsual tih takah kei chu :lol:
Report this comment
March 25th, 2010 at 9:52 am
high school leh college kal hunlai vel khan Library hi chu ka hun hman tamna ber pakhat a ni thin. Internet leh mobile vel la awm hek lo. Library a kal loh kha chuan daihnai a vah vel kha a ni leh mai bawk si a. Library thenkhat-ah lehkhabu, abik takin, magazine/journal kan hmuh duh em em kan han haichhuak a, mahse kan rawn duh ber phek midangin an lo pawtthlak hlauh mai hi chuan… a va han thinrim thlak thin tak emmmm…
Report this comment
March 25th, 2010 at 10:49 am
a tir ber ami khi chu i thiam loh liau2 niin ka hria kei chuan…keipoh ni ila card keng lova i rawn hawh dawn chuan ka lo pet chhuak tho vang che…..maherawh chu office hun chhunga engagement poh dah lem lova a chhuah san erawh khi chu a ti dik lo hul hual ani…chuan lehkhabu i hawh dawn reng2in card keng ziah tawh ang che…chuta a la ti tha duh lo che anih chuan a hmingpum leh veng nen lam i rawn tarlang dawn nia….
Report this comment
March 25th, 2010 at 11:28 am
I card ken loh chungchangah hian in inbe fuh lo deuh a ni lo maw, card keng lova hawh luih talh i tum anga, a lo ti thei der lo te hi a ni anga… i zep then em?
Mimal huatna a ni lo maw, he i mi sawi hi mi tha tak, Kohhrana inhmang tak a ni asin. Hetiangin a ti ngawt lovang han ti mai ila chuan i phuzawk angem?
A enga pawh chu nise, i thiam lo hmasa a, a thiam lo hnuhnung a, thingpui inpuiah sawm la, chuan a fel tawh mai ang. Thil kalfuh lo laklawh kal fuhtir tum chuan tlawm te hi a ngai ve a nia. Chuan i duh aia tam tam a hawhtir tawh che ka beisei
Report this comment
March 25th, 2010 at 12:16 pm
Kan sawi leh loks
Office dawr nuam leh nuam lo hi chu an hotupa ber zir leh zirloh ni te hian hriat chang ka nei. An pu te an fel chuan staff ho poh biak an nuam deuh nge2 thin.
Report this comment
March 25th, 2010 at 3:41 pm
@khiangte85 #39 MISUAL.COM a ka comment voikhatna Lo tih chhun zawmzel rawh khai, kan zar a mi(sual) a nia. Chutiang bawk in “HRANGBANA COLLEGE IN LIBRARY SOFTWARE AN HMANG A LAWM, I DUH CHUAN VA EN MAI RAWH” titu pawh nangmah vanga hlawh hmu a nih tih i hrilh hre lo nia :!:
Zoram Sawrkar leh sawrkar hnathawkte hian mipuite tan hna kan thawk a ni tih kan hriat chian a, hlawh hmutlak a Zoram kan hmangaih a, Zoram tan hna kan thawh tak tak hunah, Zoram ke chheh a fuh chho ve tran dawn chauh in ka ngai.
Report this comment
March 25th, 2010 at 5:17 pm
Dan dinglai zawmtu te hi sual an ni leu
Report this comment
March 25th, 2010 at 5:47 pm
Card chu keng ta mai la…
Report this comment
March 25th, 2010 at 7:20 pm
“HRANGBANA COLLEGE IN LIBRARY SOFTWARE AN HMANG A LAWM, I DUH CHUAN VA EN MAI RAWH” tih khi hriatthiam loh tur a awm em maw ni le? State Library-ah khan Library Software an la hmang ve lo a (hei hi fact a ni tih ka hre chiang), an hman mekna hmun an lo kawhhmuh chu an titha ngawt a lo’m maw le. Eng chiah hi nge kan mi dawrte lakah hian kan phut thin? Kan inen chian ve deuh thin a tha ang.
Ka’n ti bawk te’ng (lighter vein)…Mizorama sorkar hna thawh tur a vanzia leh a awm chhun pawh hmuh a harzia ngaihtuahin kan sorkar hnathawkte an induh viau kan tih hi chu a awm ve hliah hliah asin, mi tam tak nih ve theih loh an ni miau a!
Report this comment
March 25th, 2010 at 8:12 pm
He thu ah hi chuan ka chalrem che u.., mahse a hrim hrimah Mizorama hnathawk,a hminga office thu ho hi chu biak an har duh tlang pui,,,,, hei hi chuan sawi a hlawh ve hrim hrim…, mitha tak tak an awm karah hian a tam zawk hi chu mahni tawka kei ka ni lo in ti thei deuh thah hi an thu a lo ni awm e…,
Report this comment