Sual hi enge? Sual hi engtin nge kan teh? Khawvel mit hmuh a Sual tamtak hi Pathian mit hmuhah hian Sual a ni ve em? Khawvel mihring piang tawh zingah hian Sual leh Sual lo teh thei khawp a mi dik an piang tawh em? Thenkhat tan a Sual hi thenkhat tan chuan thil tha a ni ve thei tho. Entirnan Dawt Var kan tih ang te hi. Midang hum nan Dawt Var kan sawi a, mahse a lehlam tan chuan Sual a ni, lehlam tan thiltha ni mahse. Kristiante tan hian Dawt Var kan tih hi sawi a thiang em?
Keini Kristian in ti te bik tan. Sual te leh Sual lian a awm em? Sual a nih leh nih loh hi engtin nge kan en thin? Sual ngaihdam theih loh a awm em? Zu hi sual a ni em? Zuk leh hmuam hi Sual a ni em? Porn Movie en hi Sual a ni em? Midang hum nan a Dawt sawi hi Sual a ni tho em? Thil Sual ti kan in tih hian tu chungah nge thiamloh kan in chantir? Mihring chungah nge Pathian hmaah? Sual ni a ngai reng chungin kan ti lui ngai em?
Awle, vawiinah hian Sual leh Sual lo chungchang ka sawi dawnlo a. Ka ngaih ve dan ka rawn share dawn a ni. Khawvel mihring piang tawh zingah hian mi dik, mi famkim, Sual leh Sual lo judge thei khawp a mi tha famkim an pian ka la hrelo a, chuvang chuan Sual leh Sual lo chungchang hi chu Chunglam nen a endik chi ni in ka hria, kan mihring pui te hnen a thiam inchan chawp tir tum loin.
Keini Mizo te hi Kristian State kan in ti a, Ringtu hnam kan in ti a midang ai pawh hian kan in dah chungnung zawk viau thin a. Kristian kan in ti ta sa sa Kristian nun dan tur i zir ang u hmiang. Khawi a tang nge Kristian nun dan tur chu kan hriat theih ang? Zu, Zuk leh Hmuam, Porn Movie te hi Sual chu an ni ka ti miahlo, mahse Sual an nilo pawh ka ti chuang lo. Amaherawh chu Ruihtheih Thil lak a fihlim Kristian nge Zu ngawl vei Kristian i rin zawk ang? Pastor Zu heh tak thu sawi hi rilrem takin i ngaihthlak sak theih ang em?
Sual leh Sual lo kan in teh na tur chu pakhat chauh kan nei, chu chu Isua Krista a ni. Amah hi Lal leh Chhandamtu a kan pawm chuan Kristian kan ni a, tihtur pakhat kan nei bawk. A hnung zui, Amahin entawn tur min hnutchhiah kha kan nitin nunah hian kan in teh fo a tul a ni. Kan Role Model tur a ni a, chumi avang chuan, Isua kha ni ta se engtin nge a tih ang, engtin nge a tih thin tih hi kan nitin nunah hian i apply ang u. Chhiartu zawng zawng te Lalpa’n malsawm che u rawh se. Ka lawm e.
Similar Posts:
- KAN VA HAN BUAITHLAK TAK EM
- Aizawl pawnah pawh porn
- Dawt var Pathian huat loh a awm theih in ring em?
- Mi Pangngai Isua
- Simna
(Y)
March 25th, 2010 at 4:35 am
I Johana 3:4
II Thessalonika 2:7
Johana 7:23
Rom 6:23
chhiar ve teh u. DAWT VAR chungchangah chuan WHITE LIE by Walter T. Rea hi ngaihnawm bengvarthlak a tling.
Sual man chu THIHNA tih Bible-ah kan hmu leh a, sual man hi FIXED PRICE a ni chiang khawp a; concession leh rebate a la awm chhin ngai lo va, a awm dawn bawk hek lo. Chatuana Nung chunga inrawh tih lam a ni lo.
Report this comment
March 25th, 2010 at 4:49 am
Zawhna a tam emai. Hman veleh a mal te te in “Bible-in min hrilh/zirtir dan” rawn post ka tum ange.
Report this comment
March 25th, 2010 at 5:11 am
Ka hming ‘neiliana’ tih pawh hi ngai loh lama ngaih chuan sual a ni theih ve tho a sin.
Report this comment
March 25th, 2010 at 5:17 am
Sual hi a define tute’n sual an tih hi sual chu ani mai. Keiin sual ka tih hi sual ti lo an awm laiin thra tho ka tih hi sual lo ti an awm.
Mahni kohran in sual an tih hi ka lo reduce ve keuh keima thu-thu-in, mahse dik chu ka ti ber lemlo. Keimah nen inmil tawk deuha ka ngaih ang hian ka khawsa ve tawp mai.
Sualte leh lian hi awm-ah ka ngai. Sawrkar dan ah pawh a awm tho, a hrem dan nep leh nasa tak pek
Report this comment
March 25th, 2010 at 5:25 am
What is ‘sin’ in the holy Bible may not be Crime in Cr. PC
Report this comment
March 25th, 2010 at 5:26 am
Zawhna ava tam ve.I reh vung vung a, tha deuh i rawn post hlawl mai ka ti.Mi(sual) tlawhtute zingah pawh hian mifel kan awm lovang a.. :lol:
Report this comment
March 25th, 2010 at 7:09 am
Bible chuan sual chu Dan bawhchhiatna a ti, hei hian a sawifiah tawk viauin ka hria.
Report this comment
March 25th, 2010 at 7:26 am
Thihpui khawp sual a awm a. thih pui khawp nilo sual a awm bawk. Kan Bible thu thianghlim in a ti.
Report this comment
March 25th, 2010 at 9:11 am
Sual om kher2 hi cu tha ve riau mi(sual) tel lovin mitha anih theih don c lova.! Sual nih inhriat veleh ‘k thovanga k pa hnenah k kal te ang’ t mai tr.
Report this comment
March 25th, 2010 at 9:24 am
Alejendro, I va rawn hlap tha piap piap ve le! Sunday tuka chhuak atan a itawm hle mai…ka’n ti dawna, Pathian thu hi chu Sunday-ah pawh day loah pawh atam thei ang ber chhiar hi a tha ber e.
Report this comment
March 25th, 2010 at 9:38 am
Bible kha chhiar la rawn rawh u : tu ngaihdan leh rin danmah lak angai lo Bible in ahrilh fiah thei vek ang che u
Report this comment
March 25th, 2010 at 9:39 am
Ngaihtuah chian a ngai reng a ni,he mi thu hi chu.Pathian min hlat tir tu a piang kha ka tan chuan sual a ni mai awm e.
Vice,crime leh sin te hi sap ho chuan an nei hrang fir fer a, a Girik leh Hebrai hian eng tin tak then ve maw?
Report this comment
March 25th, 2010 at 10:03 am
ka hming chu kan tlar 5 law law ang e. Sual a ni em lo ang chu maw…
Report this comment
March 25th, 2010 at 10:06 am
Misual ho hian sual hi buaipui awm reng kan ni.
Original Sin leh Thil Sual Tih awm zia te hi han sawiho ila maw le.
Report this comment
March 25th, 2010 at 10:08 am
mizo te hi chu ka hmuh ve dan chuan lang thei sual hi kan vei tawk viau a mahse a lang thei lo lam sual (Pathian leh keimahni chauh in a kan hriat theih chi) lampang hi kan vei lo ve thung.
Ruihtheih thil, Dawtsawi, rukruk, tualthah, inbum, etc ang ‘sual’ ah hi chuan kan fihlim viau. Kan kohhran, khawtlang, leh politician te pawh an fihlim, mahse a pawn lam atang a lang thei lo sual ah erawh hi chuan kan fihlim zan lo deuh. Exampul, Eiruk, itsikna, mi rel, chapo, mi hmuhsih, Sum hmangaihna, etc. Hetiang lampang sual ah hi chuan kan ram leh kohhran hruaitu tamtak te hi an fail ve teuh thung. Chu2 mipui tamtak hian kan hre ve kur sia a chang chuan a buaithlak thrin chu anih hi. lol
Report this comment
March 25th, 2010 at 10:15 am
“ka hming chu kan tlar 5 law law ang e.”
Inthlahrung re re suh, Ku Shai.
Thlahtute atanga sual saa piang kan nih avanga sual, keimahnia bet tlat chungchang leh Dan a awm avanga sual lo langsar ta leh kan tihsual chawp chungchang hi chu sawi tur a tam thei khawp ang. Sual tur saa piang emaw tha tura piang te hi awm theiin kan ring em? Bible zirmi zingah pawh Ruat lawk theology ring leh ring lo an awm ve tho.
Report this comment
March 25th, 2010 at 10:19 am
Khawlohna a dinin ka awm, Ka nun sualin min pai bawk a, Ka thratna ve ber lah chu pawnchhe hnangkhai ang lek bawk a nih chuan….”Misual thi tur ka lo ni” tih hi ka thlang e .
Sual hi chi hnih : 1.Thihpui tham sual 2. Ngaihdam theih sual
a awm an ti a ni lawm ni kha?
Ngaih melh pawh uire a nih chuan ‘khal’ deuh deuh hi an tam si a…..Hockey Khellai Thlalak pawh kan bih ngur ngur zel a nia(h) keini zawng he lamah hian rin kan duap deuh zawng a ni e………Thriante U…….
Report this comment
March 25th, 2010 at 10:27 am
Mihring mahni mita khanchhuk cu hmu c lovin mi mita hmolh te tak te cu engah nge i hmuh ni.’ Mahni lam theuh i in enfel hmasa ang u, mi(sual) fans nih ringot poh pathian hnaihna dal tu ani cuan a sual to sa reng a ni.
Report this comment
March 25th, 2010 at 10:55 am
Sual hi teh thiam a har mang e. Keima ngaihdan mai maiah chuan…
1. Zu in hi sual a ni lo: Chaw ei tui nan no 2 vel tlaiah in ta ila, rui lovin. Ka chaw ei a tihtui bak engmah keimahah danglamna thlen lo sela.
2. Zu in hi sual a ni: Zu ka in avanga ka chhia leh tha hriatnaah danglamna tha lo – thinurna, hurna, àn chehna, pawisak neih lohna, chapona, intihveina, thil sual tia inhriat tlatna, etc… ka nei a nih chuan.
Hetiang hi a ni mai! Sap zinga zu in mi 80% velin in dan an thiam laiin Mizo zu in mi 99% vel hi chuan in dan kan thiam lo niin ka hria. Chutih lai chuan, “Zu hi chu in thiam chuan a tha,” tih tawngkam cheh hnem ber kan ni lawi si awm e!
Report this comment
March 25th, 2010 at 10:59 am
In sual hlawm e mai
Hehehe tak takin, han ziah vak ka tum nang a mahse a thui lutuk dawn a, a zawhna ho zawng chauh ka rawn ziak ta a nih hi. Khimi zawng zawng chhanna chu Bible han bih tam deuh ula in fiah kuar kuar mai ang. Ka lawm e.
Report this comment
March 25th, 2010 at 11:22 am
Lal Isuan Engnga tinge ‘tha’ min tih? Tha chu pakhat chauh a awm atih kha. Sual te hi zuk ‘sim’ vak tum chi pawh ani lo, Pathian zia kan neih tam poh leh Setana zia kha chu a nek chhuak mai dawn alawm. Hrilh fiah tum vak pawh hian sawtna a nei chuang lovang ka ring.
Report this comment
March 25th, 2010 at 4:28 pm
Tehna tha tak Pathianin ‘feeling’hmanga min pek hian teh ta ila a fuh tlangpui turah ka ngai. Guilty feeling nei chung renga kan tilui anih chuan a dik lo turah ka ngai. Pathian ngaihdan erawh chu he lei ram atang hian hriat zawh vek tum loh law law chi.
Report this comment
March 25th, 2010 at 5:16 pm
Pathian duh loh zawng a khawsa chu Pathian laka sual, Ram dan zawm lo tu chu kha ram lakah khan a sual a ni a, khawtlang dan zawmlo tu chu khawtlang lakah a sual a ni anga, mimal laka sual chu kha mimal lakah khan a sual a ni mai lawm ni?
Report this comment
September 13th, 2010 at 8:40 pm
SUAL HRILHFIAHNA: THIL ADIKLO TIH KAN HRIAT RENG CHUNGA KAN TIH LUIH HI, LEH THIL THA TIH KAN HRIAT RENG KAN TIH LOH HI. Sual zawng zawng hi a in tluk tlang vek lo christian in zirtirna ah chuan, he hi lo en teh le……….Proverbs 6:16-19 (King James Version)
16These six things doth the LORD hate: yea, seven are an abomination unto him:
17A proud look, a lying tongue, and hands that shed innocent blood,
18An heart that deviseth wicked imaginations, feet that be swift in running to mischief,
19A false witness that speaketh lies, and he that soweth discord among brethren.
Report this comment