GSM (Grand Society of Mizoram) in Indian Idol a tel ve thei tur a hma lain Mizo thalai te tan The Hunt show an neih chu kan hre vek a. An thutiam chu hlen ta ngeiin The Hunt show a Top Ten te chu Audition neih pui turin phai lam an rawn pan pui ta a.
Click pic for better resolution
Kolkata kha NE lam tana tih deuh mah ni se registration an chan loh avangin Mumbai lamah 4 – Zonunmawii, Sangzuali, Aldrin-a leh Joseph a te chu Pi Laltlanthangi Pachuau, GSM a an Fin Secy chuan a rawn hruai a. Mumbai thalai lam atangin Tv R Lalnunpuia’n lo buaipui in lawmthu pawh an sawi nghe nghe a.
Mahse vanduaithlak tak maiin Mizoram aiawh a Mumbai a rawn kal pali te hi Audition-ah an tling zo ta lo vek a ni. Chutih lain Kolkata lam atang erawh chuan Tini chuan beiseina a la chhawm nung zel thung a.
Kan zaithiamte pawhin mak an ti ve khawp mai. A chhan chu North East states hrang hrang atangin mi 60 vel an tel a, heng zinga pakhat mah hian audition round an pel zo ta lo a ni. Chu mai bakah Zai tura audition nei na na na kha lam tur ten an lo ti ni awm tak a ni a. Enge a chhan ni ta ang? “Kan region (Kolkata) pawna kan rawn kal vang nge?” tiin Pi Tlani hian thil awm thei ni awm tak min hrilh nghe nghe a.
Misual ZFC ho tana lungngaih thlak leh zual chu Zonunmawii phei chu Judge ho te pawh in lo zai puiin, a zai zawh tawh hnu thleng pawhin an la zai a, mah se a tling zo ta chuang lo kha a ni.
GSM chungchang hi tlem han sawi belh ta lawk i la, an thil tih hi tha ka han ti khawp a. Music lam chauh ni lo in, sports a ni emaw, arts lam a ni emaw Zofaten a hma kan sawn theih nana hma la tur ringawt mai a an han in sawm khawm thei hi lawmawm ka ti a. Chu mai bakah an thutiam, a hmun thleng thak thak mai a an rawn buiapui leh zel te hian thalai te tan kawng zau tak a in hawng ta duai ni ta berin ka hria. Engpawh nise, an tling emaw tling lo emaw, Zofaten kan zin kawnga rahbi thar, inelna huang thar kan chuang kai thei hi ka lawm hrim hrim mai!
Buai lai a nia, ka rawn update leh ang 
Similar Posts:
- Anthurium Festival – 2012
- Mumbai Mizo Freshers’ Social 2009
- Indian Idol thlannaah inthliarna a awm ngei niin Mizo zaimite’n sawi
- AOL Aizawlah
- Mizoram pawna hnazawngte tan fimkhur a tha
March 30th, 2010 at 6:27 pm
hindi hlaah kher chuan kei pawh ka huphurh. Sap hla chu ni se, india chhungah rau rau chuan kei pawh in ka zaithiam kawr ka nawt mar leh hrim hrim…
Report this comment
March 30th, 2010 at 6:27 pm
Vuak thuma thleh tur kha vuak li in an thlep aniang :roll:
Report this comment
March 30th, 2010 at 6:33 pm
@mzvision: Dar 5 khan Lengpui an rawn tum a nih chu, Leite Chhas message a rawn thleng chiah e
Pi Tlani sawi danin Zozam lam pawhin misual lam atangin news an lo hria a ni awm e.
Pi Irre zawhna ka rawn chhang hman tep tawh e
Report this comment
March 30th, 2010 at 6:53 pm
Vaivate: Va fel thin tak em, kan inhmuh veleh artui ka chhumsak ang che
Report this comment
March 30th, 2010 at 7:14 pm
VaiVa, zep ruk i neiah ka ngai tlat… hahaha…
Report this comment
March 30th, 2010 at 8:14 pm
Hindi hla maw an zuk sak? tel ve ka va chak ve … Chal chal chal mera sathi, oh mere hathi tih te ka’n bei chiam mai tur!
THE HUNT-ah chuan HUNTED an lo ni lu’ deuh bik a nih chu maw le! Tlin dawn loh rau rau chuan Lam nghek mai se, au hep hep mai se a ni mai alawm!
Leite chhas han tih hian Pu mz-a emaw ka ti tlat zel!
Report this comment
March 30th, 2010 at 8:36 pm
Hindi zir chawp chung chuan a ngaihna an awm lo hrim hrim, LPS-a The Hunt an tih laia judge fing deuh pakhat phei kha chu Indian Idol elimination round pawh vawi 2 lai paltlang theilo kha ania, Judge atang khan a fuh lo hrim hrim.
Report this comment
March 31st, 2010 at 2:52 am
An thiam emaw thiam lo emaw an zai ka la hre ve lo .Tling ve se chuan ka duh sak pui bon top .
Report this comment
March 31st, 2010 at 7:40 am
@meester: judge chang a ni lo, an hruaitu atrang pawh hian a fuh lo hrim hrim
Dik tak chuan kei pawhin Tini tan bak kha chuan chance a awm lo ka lo ti ve thin, a bik takin zo hnahthlak diktak tan phei kha chuan. englekhawle, a vawikhatna a ni a, vawi 10 kan tel hunah chuan top 20 te chu kan la thleng ve mahna. A thuhrimah Tripura nula Indian Idola a tlin tak mai vanga lo tharthawh ve hluai hi trul ber pawh ka ti love…
Report this comment
April 1st, 2010 at 3:49 pm
In comment chhiar hmasa lovin………… kei ka lo thlir ve dan chuan maww.. tini bak kha chu beisei tur an awm lau, Zonunmawii zai ka ngaihthlak hian a awm hi a flat ziah, the hunt hnu ah reng reng. Tin, NE leh east lam nilovin; kan la phak rihlo a ni zawk e. Chhuanlam zawng lovang u. ka rindan vel a ni. Tini hi lo tran hle mai ang u aw.
Report this comment
April 5th, 2010 at 12:07 pm
vai ho hi an thiltihna ah chuan profe tak zel an ni. vai zing a kum tam tak lo cheng toh chuan an hria ang. mizo chu thil re2 ah a mi mir in kan thiam thup2 lai leh ti thei kan tam rual hian kan ponlang deuh.bakah vai ho hi changkang deuh mai an nia, keini lo zuam ve ngot ang hi an ni lo. chuvangin kan zaithiam zuk telte quality leh standard in a la phak ve rih lo ah ngai mai ila chhuanlam dang zon2 hi mahni mong hlimna chauh ani e, chuvang chuan the hunt thlan danah te poh kan sukthlek ti danglam zok ila, mi quality leh khuti lamah poh zuk vorhchhuah tlak deuh zonna atan hmangin keini duh ang leh tha tih zong, duhsak zong leh zaithiam tih zong ang ringot hi khuti lam kal dan a ni lo tih te poh hriat phah nan hmang ila, tin kan 1 na phei kha cu a tling lo hi lomom zokin ka hria. nakin ah zohna te an la zoh hun ah an la chhaih kual hunah kan hnam tan a la zahthlk zok palh ang e, a ma thiam loh poh a ni lo. a brawt up na in a zir lo a ni e. a basa ngam kha ka ti reng ani. kan thiante zaithiam ve tho vaite pohin zaithiam an tih thin, kum tam tak vairam a school leh college te poh lo kal ve toh te pohin a indian idol meuh hmachhon an zuam loh lai a, zoram ah poh tu huatthu suh ah idol contest hma a silchar poh la pel lo tan chuan leh international language a english a nih chhung leh india hnam tong hindi a nih chhung a tong poimohna poh hre lo tan chuan thlen san kha beisei vak chiah ka ngai lo sa reng ani. molna hian thil hi min basa ngam tir a a tha ve tho e.
Report this comment
April 5th, 2010 at 12:24 pm
LOL a bak ka sawi peih….. audition ti turin The Hunt a tlin kher pawh a ngailo e… Hahhaha
Report this comment