Nithlar zawnga din apianga ţhiante’n i in X-ray a mi an tih fo mai tlangval rua ţhauh mai kei ka tan hian aw, tuilum ip, i va hlu tehlul em!! Nipui vanglai pawha rizai telloa mu thei ţhak lo, thlasik ah lek phei; ke hit theih lutuk vanga thiante mutpui duhloh tan chuan a hlu vet vet teh a nia. A ni teh taka, mahnia mut lum zawh bawk si loh a, kuah lum tur hmuh zawh bawk si loh chuan tuilum ip hi chhandamtu ţha tak a ni miau a ni.
Tuilum ip hi kum lama upa zawk leh damlo te tan chauh hian zuk ţangkai hauh lo a, kei anga ngaina fe fe in awm ve reng ang tih hi ka ring tlat! Khawnge kan in puang ta sa sa, tih tak êmah chuan phai khawlum hnuaiah pawh puan hlap tal ka dap fo ţhin reng a ni. Tuilum ip anga hnial hratlo leh min ti lum zo tur hi a thlaktu hmu tak i maw..?
Tun taka ka chenna hi lum viau mahse kan ţhenawmte banga tuilum ip sen dâng in khai bal mai hian ka lung a ti leng hle mai. Ka ngaihtuahna a hruai kual a hruai kual rauh a; ka lung em tichhe mahsuhse, tuilum ip hmuh tur van tak zia leh engvang nge ni ang tih te min ngaihtuah tir tlat mai! Hmân ti rual zawng kan la ni hauh lo na a, kan hriat ve phak chin mai pawha tuilum ip HIT theih zia te kha aw. Kan khawvel a changkang zelin; hma kan lo sawn duai duai mai zawng a lo ni zel mai. Mahni duh zat ang chiaha inchhung lum lam leh vawh lam vawn theihna khawl( air conditioner) te kan lo nei thei ta zel a, a ţangkai na lamah chuan a va ţha tehlul em.
Kan lirthei ah te lah chuan chung khawlte chu a vuah theih zel lehnghal a, pawn lam boruak kha lo lum viau pawh nise, thlan sa miahlo in; hmai mawm miah bawk lo in kan tawlh ta zel zel mai! Tunlaia tuilum ip lo la lunglen pui ve tumhrang pawh hi a mak ti duh tan chuan a mak viau ta ve ang le. Mahse tuilum ip thlakna tur hi ka la van riau mai ka ti! Ka neih zawh loh vang te pawh a ni bawk na a, phun châng nei lo a, a ţhianga han zâlpui tur lam tlakchham vang te pawh a ni ta ve ang. Engpawh nise, chu tuilum ip ral mek chuan kan khawvel lum tak zia hi min ngaihtuah tir tlat mai.
“Global warming”, ti a tlak duah ka tum lo, a hriat pawh ka hre zau hran lo, mahse a kum telin kan tawng chho zel a, khaw lum thu kan in hrilh sek mai zawng a nih hi. Mahni humhalh theih tawkte lo humhalh ve a, ngaw leh thing te pawh ngaihhlut kan zir zel erawh a ţul a ni. Kumtin maia, LO tur atana vah chin bak kâng fo mai te hian a nghawng pawizia leh ro kan chan hnem zia hi Kâ pawh hian i in hrilh tam thei i la a va ţha em. Tuilum ip hi a ţhing tawh viau a ni thei e, mahse tuilum ip lam reng theihnghilh ţhak khawpa kan khua a lum chuan kan ram humhalh turin kan changkang tawk lo tih a lang tel ve thei tlat lo’ng maw?? Tlangthar chuana, LO neih dan thlakthlengna nei thei rih lo mahila, a ţullo thlenga tih kan erawh tih reh dan ngaihtuah te hi a hun tawhin a lang.
Duhthusam ramah zawng kan cheng thei hauh lo, kan duhthusam pawh a in ang seng hek lo ang, mahse a tawk a fang, a awm a mawi chinah; kan chenna a lo ram mai lohnan tih tur zawng kan nei a ni. Beng sika ngaihtuah peih tan phei chuan sawi tur a va tam dawn tehlul em! Keizawng, tuilum ip avanga lungleng, rawn thai rang mai ka ni. Hei te mai hian kan ngaihtuahna vawikhat tal min sen tir a nih ngai chuan; a thlaktu ka hmuh hma zawng, ka tuilim ip hi duhten ka lo pawm theih phah dawn zu nia.
Similar Posts:
- Hliam enkawl dan
- La hrelo te tan
- ZOO hi ransa te tan Jail chikhat a ni
- Welcome to Reality
- Kan Mizia leh nun duh dan
April 9th, 2010 at 2:08 am
va lum ve..
Report this comment
April 9th, 2010 at 2:18 am
Khua i va han tilum kher ve e!!! Global Warming pawh hi i tihchhuah a ni hrim hrim! misual zinga lumti 2nd ka nih ve mial hi!
Mihring hi kan inang lo thei ngeimai! Tuilumip mamawh miah lo, thlasikah pawh ke hmawr khuh ngai lo kha ka nia! Ka Pi phei chuan kan unau zingah thlasika a riahpuiah min thlang thrin !
Report this comment
April 9th, 2010 at 2:24 am
Tuilum ip hi ka ngaina lo ve hranpa, lum aiin vawt lam hret nuam ti mi ka ni.
Engpawh chu nise, nimin April ni 7 2010 kha Washington, DC metro area April thla lum ber record a nih mai bakah, tun thlasik liam ta kha thlasik lum ber dawttu record a ni. Washington, DC area ah ngat phei chuan vur thli nasa ber, “worst snow storm ever” a thlen kum a ni lawi si.
Report this comment
April 9th, 2010 at 2:25 am
Ni e. Khua i ti lum khawp mai, kan khaw lamah chuan 36 vel a nia… tuilum ip chu sawi hun loh khawp mai…
Report this comment
April 9th, 2010 at 2:44 am
Keini chu a lum dawn emaw kan ti a a lum leh rih lo puansin nuam tawk a la ni
Report this comment
April 9th, 2010 at 2:48 am
Tun a ka chenna naah hian Blanket Double sina tuilum ip kuah paha Istiri chhipchhuan reng ang ka ni. A lum lutuk mah mah..
Guiness World record ah vaipa in a ham keh kha male. Thei ve khawp mai.
Report this comment
April 9th, 2010 at 3:00 am
a lum hle…….mahse…thlan dup chung pawn..kannu hi.ka kuah peih reng..vot phei se chu…amah hi tuilum ip ani mai…..:}
Report this comment
April 9th, 2010 at 3:13 am
Tuilum-ip kan kuah hleuh hleuh hi chuan hrisel lohna tlakbuak kan ni chawk. Tuilum-ip kuah fo tur chuan ka lung zuk leng hauh lo a!
Report this comment
April 9th, 2010 at 3:15 am
Mamawhlo pawl ah katel ve anga keipawh, v0in pheichu lum tak ani,alum dan kha ar0pui rapthlak zawke a, hangar ah kan awmlai in therm0meter khan 44’c zu kawk a,.!! City ah chuan 40 vel anti v0in mawlh chu..Telangana khua tih takah..Mai Tuilum ip nahi chayi e..!
Report this comment
April 9th, 2010 at 3:41 am
Tet lai khan, “tuilum ip” hi kan lam thiam loh changin TUIUM LIP kan ti, kan nui leh ngheng thin! Tui chhuanso leih luh hnu hian a chhunga boruak tihchhuah nachang hre lo chuan puar kiar peng pung hian an chhin thin.
A chhunga boruak tichhuakin, a chhinna herh ngheh ngei tur a ni a, a chhinna washer/gasket a tha ngei a ni tih hriat nan a letlingin kan thing pharh pharh a, tui tling a far thli-thlawr fai a. Puan nemin tuilum ip chu kan tuam a, a mamawhte kan kuah lumtir thin.
Mizoram chhim kil lutuka ka zin tumin, tuilum ip mamawh khawpin ka khawsik ka tlun a, Aizawl thlengin bottle chhunga tui sa chhun luh ka kuah thung, a daih chuan a tui ka paih a, chawlhna hmun thar apiangah tui chhuansat ka thuntir zel a.
Aizawl ka thlenin Civilian Hospital-ah min dah nghal tawp!
Report this comment
April 9th, 2010 at 4:04 am
Hetiang hi a bengvar thlak khawp mai https://www.secretservice.gov/index.shtml
Report this comment
April 9th, 2010 at 4:07 am
Khua avan lum em.
Report this comment
April 9th, 2010 at 5:51 am
Anuam tawk chiah,tuilum ip pawm lovin :lol:
Report this comment
April 9th, 2010 at 6:29 am
Tuilum ip chuan lung a va tileng ve a.khaw vawh deuh laia puak te hi nuam viau tur asin….
Report this comment
April 9th, 2010 at 7:43 am
Malaria khawsik ltun hlarh hlarh a tuilum ip han kuah hi zia khoops, mahse thaw a lo sat erawhin kan duh leh lo. Thlasik lai hian ka nu leh pa tar lam tan hian an tlawh turin kan siamsak thrin.
Tuilum ip atranga Global warming leh lo hal chungchang leng vekah hian tlangval ria cher thriuh threuh luck zia pawh sawi awih anih hmel
Report this comment
April 9th, 2010 at 9:03 am
@lalthinawrh..Tuilum ip i van ngaina ve..
Report this comment
April 9th, 2010 at 9:37 am
Hmanah zing class kan kal laiin tulum ip hi bag ah ka ak tel thrin thlasik lai chuan tih chi lutuk
Report this comment