Corruption tenau
Hman kum—a rei tawh viau—khan ka nu Aizawl veng pakhata kan chhungte inah a va riak a. An veng lam en that zan emaw ni, an chhi tlaivar deuh thluah a. Ka nu chuan a hek duh awm tih a sawi chuan, an pa ber chuan “Meter kal thei lovin kan siam alawm,” a ti a.
Kan nau pakhat, college lut tantirin Tribal Scholarship form a rawn hawn a. Mahse income bar a lo awm si a, a pa income-in a khum tih a hria a, a dil duh ta lova. Chhungte thenkhat, Pathian thu sawi tui fu2 thin te chuan chutia dawt sawia sum a um duh lo chu tha tih pui aiin an hau ta zawk nia.
Vawikhat dang leh, Bangalora kan awm laiin bus ah stop khat lek, Rs.5 fare pekna turah hian ka chuang a. Chuanman ka pek chu conductorin Rs.2 min pe kir a, ticket a ngai love a ti a. Mahse a hnua ka ngaihtuah chian chuan conductor nen chuan sorkar sum Rs. 5—ani’n Rs 3, keiin Rs.2—kan ei ru a lo ni reng mai.
Hetiang hian mi naranin corruption tenau kan ti a, milian leh thil ti thei deuh te’n tam tham deuh an ei ru chho zel a, kan khawtlang nun a ti chhia anih hi.
Mitin hian corruption ngaimawhin, te lua leh lian lua tih awm lovin, mahni hmun theuhvah dodal ta ila, engemaw chen tal chu in siam that theih a beisei awm dawn lo’m ni?
