Tun tum chu kan hming sak dan lam hi i han sawi ve teh reng ang. A lo la na duh tan laknat viau pawh kan phal anga, mahse, nguntak erawh chuan inngaihtuah hlawm ila a tha ang.
Tunlai kan Zoramah sap hming pu kan tam ta viau mai. Hei hi thuziakmite leh Mizo tam takte’n an vei a, an sawi thin a, mahse, nau piang thar chuan an nei ta deuh zel mai. Sap ngaihsanna atanga lo chhuak ngei a ni ang. Sap kan ngaisang viau mai hi a awm viau a, mahse, ngaihsan chintawk kan neih a hun ta khawp mai. Kan ram leh hnam min zawng chhuakin, thingbul lungbul bia, ramhuai tlawn lungawi tuma inthawi thinte kha Nazareth tlangval hmaah min bawhkhuptir a.
Mi hrang sahrang hmaa zam ngai lote aia pasaltha awm chuang lova kan hriat lai khan Krista hminga tuarte tluka pasaltha an awm chuang lo a ni tih min hrilhhria pawh ni mai lovin a rinin min rintir a. Pialrala faisa ringa nun tum kha, vanrama Beramno talh hnu fak tum thah mai kan lo ni ta. Chu mai a la ni lo, thing leh mau hmanga sak in- a cheng thin kha, in ropui leh maksak tak tak chhungah kan cheng ta a.
Ngaisang awm reng pawh kan ni e. Mahse vawiin thleng maia vun var satliah kan ngaisang viau mai leh Aizawl khawpuia an rawn chuanchhuah chang te a, ngaisang tih hriat ngawih ngawiha kan lo thlir chiam chiam mai thinte hi sim a hun a, sap an nih vanga thil engkim hria leh turu ta viau mai tura kan ngai thla ngawt thin te hi sim ila a lawmawm ngawt ang. Engtikah nge kan zawlpui ena kan en ve theih ang aw ?
Kan ngaihsan luat vangin kan fate hming bulah pawh sap hming ngat kan sa ta a. Hei hi changkanna-ah kan ngai em ni ? Kan ngai a nih chuan kan tisual chhiava tihna a ni ang. Mi ropui leh ngaihsanawm chu vun rawng atangin kan teh tur a ni lovang a, chetzia leh nunphung atang zawka teh tur a ni ang. Mizo hnam hian kan nihna hi chhawmnung chho zel ila kan ti takzet a nih chuan kan fate hming atan hian sap hming hi i sa tawh lo teh ang u.
He thu ka han sawi hian Roman Catholic-te’n a, mithianghlim hming an tawm thin hi chu rinna lam thil a nih avangin kan sawisel thei lovanga, mahse, a mipui nawlpuiin kan hming bula sap hming kan dah ve ngawt thin hi chu sim hmak ila a duhawm ngawt mai. Hetianga kan kal chhoh zel chuan engtik ni-ah emaw chuan vai hming te pawh hi kan la insak-sak hlawm anga, sap hming nena chawhpawlh nuaihin John Kumar Rualkhuma te pawh kan la inti hial lovang tih tunge sawi thei ?
Tin, kan hming ziak dan hi a mak ta niaih nuaih khawp mai. Mizo hming ni si, Mizo tawnga lam rik theih hauh loh a tam ta khawp mai. Keini ang thil pronounce lama chak vak lo tan phei chuan a buaithlak lu hrat a ni ta. Heng zingah hian hnam hming kan ziak dan hi a ni bik leh zual. ‘Bawihtlung’ tih mai turah khan ‘Boitlung’ kan han ti a, ‘Kawlni’ aiah ‘Colney’ te kan ti ta a !! Mak deuh asin. Mizotawngin han lam dawn teh le..i buai nak mai ang.
Mizo tawng-ah hian ‘aw’ kan nei a, tin ‘o’ kan nei bawk a, mahse, ‘o’ hi saptawnga ‘o’ ang hian kan lam rik ngai loh avangin englaimahin ‘aw’ nen hian a intluk ngai lo reng reng. Chuti anih avang chuan ‘Boitlung’ tih hi Zotawng lam dik takin han lam dawn ta la, i lei hawl kual danah i buai ve nak mai ang, a rawn richhuak chu nasa lo tak a ni.
Mizo tawnga “aw” kan nei hi kan hawrawp tiropuitu pakhat a ni a; “aw” hmanna tur ngei ngei a “o” hman tlat mai hi turu ta riau leh changkang ta riauva hriatna hi piansualna chikhat anih loh vek pawhin chiangkuanlohna chhinchhiahna chu a ni ngat ang. Kan hriat tur chu : Kan hnam hminga saptawng alphabet kan telh thin hi changkanna a ni lo reng reng tih hi a ni. Choak arawn chang tawn ang lek nihna a ni. Mizo hming diktak mai ziakchhuak tur tawk hi chuan kan mizo hawrawp te hian an tlin tawkin ka hria.
Mizo hming hi a dan dik takah chuan noun a nih miau avangin ziak zawm tur a ni a, mahse, ram pawna kan kal emaw, hna kan zawnna-ah emaw, dilna lehkha-ah te ‘First name’ ‘Middle name’ ‘Last name’ te an lo tih hran thin avangin kan ziak hran ta thin a. Hei hi chu kan sawisel phak a awm hauh lo mai. Remchan zawkna vang a ni satliah mai lova, a tihngaihna dang a awm miau loh vang a ni a, kan dem thei lovang. Amaherawhchu Mizo thiltihkhawm leh eng ilo nikhuaah an hming hi kan lo ziahzawm emaw changin sawisel lem lo sela mifing leh Mizo diktak an nihna an humhim thei thin ang.
Thil pakhat sawilan hmaih hauh lo tur a awm a, chu chu kan hming kan pu zo lo, kan chawi zo lo ka tih tak fo thin leh mi thenkhat ten, ‘A hming chu Lalhmangaiha a ni a, sakhua lam reng reng a ngaihsak si lo’, tih vel te, ‘ A hming chu Lalrinawma a ni a, a dawhehin a rintlak loh nasa mai si a’ ti te-a tute emaw kan sawisel thin leh kan hming sakdan kan sawisel thin erawh hi chu a tha lo hlein ka hria. Kristianna-in Zoram a han chiah tak tak hnuah hian kan hming sakdanah Pathian hming chawi lam pang ‘Lal’ emaw ‘Vanlal’ emaw kan telh ta thin a, hei hian keimahni mihring lam ai mahin kan Pathian rinawmna te, hlutna te, ropuina te kan chawi tlangpui thin a, insawselsak chiam chiam chi chu a ni chiah lovang.
Tihtak emah chuan, Zakapa pawn za a kap kher lovang, a pu emaw a pa emaw khan a kap a ni mai thei. Sapbela pawh Zorama piang leh seiliana, sap bula khawsak chu sawi loh, sap hmu hauh lova thlanmuala vui liam te pawh a ni ve thei tho. Amaherawhchu a pa emaw , an chhungkhat tuemaw chuan sap an lo bel tawh a ni mahna. Hetiang hi kan hming sakdan a nih miau avangin, ‘A hming a pu zo lo ngawt mai, chuti khati..’ ti-a, insel chiam chiam mai hi chu sim daih-ah a duhawm ngawt mai.
Tin, tunlai mi tam tak zingah Sap tihdan entawna hmeichhia ni si, mahni pate emaw pasalte hming emaw chhawm an awm ta nawk mai. Hmeichhe hming tawpah ‘a’ a awm ta fur mai a, hming ziak atang ringawt chuan hmeichhia nge mipa niang aw ti-a ngaihtuah tham a awm ta nawk mai. A pawi hlein ka hria. Sawi tawh angin sap hming invuah dante kan lak chiam chiam hian chhete mahin hma kan sawn phah lova, Mizo mi tam zawk hian kan hming an chhiarin an hmui an ner sak sak zel a ni tih hi hrechiang ila a tha ang.
Khawi hmunah pawh awm ila, kan hnam hming sakdan te hi kan chhawmnun a pawimawh a, kan Mizo identity hi khawi hmunah pawh awm ila kan phumbo mai thiang lo.Mizo chu Mizo-ah lungawiin, Mizo chu Mizo-ah kan lawm tur a ni; thih thlenga Mizo ni tura siam kan ni si.
Similar Posts:
- Ka ngaihtuah mai mai a..
- Mizo hming ziak dan hi!
- Mizo hi hnam hming a ni lo
- Middle Name/Hming Lai: Hming Pathum I Nei Ve Em?
- Ka Rilru A NaThin…
Ka Pu hmingchawiin McChalbuanga inti zawk ila a ziaawm zawk maithei ani 
April 30th, 2010 at 1:54 pm
Ka la chhiar zo lo na a, tunlai khawvel ah chuan First Name + Last Name neih te poh a tulna chen a awm ve tohin ka hria.
Report this comment
April 30th, 2010 at 2:00 pm
Sap hming nei kan ngaisang a, mahse Sonju, Ashok, Sunil, etc., erawh kan ei lo khawp ang chu.
Report this comment
April 30th, 2010 at 2:01 pm
John Kumar Rualkhuma te Margaret Geeta Lianzuali kan la awm nawk ang.
Report this comment
April 30th, 2010 at 2:08 pm
coolsoul09 tih te hi a bawn e
misual hmingah pawh tiang tawng deuh vek hi nilawmni kan hman :lol:
Report this comment
April 30th, 2010 at 2:12 pm
Hetiang hi ka ngaimawh.
Jonathan L. Hnamte
Michael R. Chhakchhuak
Jennifer L. Hmar
Benjamin L. Hauhnar
etc. etc.
A dazat ka ti.
Report this comment
April 30th, 2010 at 2:22 pm
Ni e!
Report this comment
April 30th, 2010 at 2:22 pm
Mak thei deuh ania. Margaret Zama hi hmeichhia ni daih an ti mole!!!!
Report this comment
April 30th, 2010 at 2:25 pm
Lal Thanhawla. Last name aduh chuan Sailo dahve mai se.
Report this comment
April 30th, 2010 at 2:25 pm
clanz, khaih² mimal hming an sawi lung² ngai lo…an lo misual ve takin an zak a nge sin
Report this comment
April 30th, 2010 at 2:36 pm
kei ve chuh…hehe… ka pa zirlai thiante pahnih, Vai leh Sap ten hming min rawn pek ve a ni hlauh mai… :twisted:
Report this comment
April 30th, 2010 at 2:37 pm
Sap hming hi kan ngaihsan hrim hrim vang aimahin christened
name (abikin Roman Catholic Kohhranah) vanga sap hming pu kan ni hlawm fur ang.
Mizo hming chu a sei emaw, a tawi emaw ziahzawm vek tur tih kan zir thin lai khan FIRST NAME: MIDDLE NAME : LAST NAME filled up kan la tam vak lo a nih hmel!
Tunah phei chuan kan hming tawpah kan Pa te hming a telloh chuan Visa lamah pawh zawhna atam viau a ni lawm ni?
A post tu ngei pawh hi James a in ti :?:
Hming chu duh duh phuah a pawi em ni? Mimal zalennaah ka ngai mai………
Report this comment
April 30th, 2010 at 2:39 pm
Elizabeth Bela
LOL!
Hmingah hian ngaihdan zau tak ka nei nangin khitianga hmeichhe hming tawpa mipa hming dah khi a tenawm ka ti. Kan fir duh rau rau anih chuan Mizo hming leh hnam hming chiah hi hmingah phuah ila, hnamdang hming hrim hrim, en tirnan kristian hming Catholic hovina an hmang thin te hi sim hmaks sela. Mahse Chuti anih lova keini chu kan Kristian hming ania sawisel chi anilovang an ti anih chuan sap ngaihsan vanga sap hming an nu leh pa tena an phuahsak te pawh sawisel chi ani bik lo.
MZP hruaitu zingah pawh khan Mizo hnam Punte tih aia POONTE in ti te, COLNEY in ti te an awm thin kha!
Report this comment
April 30th, 2010 at 2:44 pm
keipawh poonte, cylo, colney tih vel hi ka lawm vak lo. Mahse a pu tu in a duh a nih chuan a thra tho…mi lawmna ah lawm tum loh tur an tih kha
Report this comment
April 30th, 2010 at 2:45 pm
Sap hming? tute hming ber nge ni ta ang le? English hmanna ram ti dawn ila, chutiang ram pakhat chu kan ni ve miau sia.
Hming bulah hetiang hming lo bet hi chu kei ka neilo na in ka la ngai zam viau zawk, Kei ka ngaimawh ber chu mizo hming saka hming ropui leh mawi entirnan Hrang.., Ngur.. etc thring tihna nei kan awm tlat thin hi ka ngaimawh.
Report this comment
April 30th, 2010 at 2:52 pm
Mizoram pawn han chhuah chiah hian nupa pawh surname inang lo chu a buaithlak chang a awm zeuh zeuh! Hetiang vangte pawh hi a ni mahna, Mizo hmeichhe thenkhatin an pasalte hnam hming an tawm mai thinna chhan! Khawsakna hmun leh huna zirin inngaihhnathiam chin neih pawh a tha mai thei.
Kei, ka fate hmingah hian Sap hming han telh vel hi ka phurna zawng tak a ni lem lo bakah, han phuah ve pawh ni ila a awmzia pawh kan hre phak leh lo ang a, Christened Name tih te phei chu ka la bo deuh deuh! Chuvangin, Mizo hming hi a tawk tiu teu viauin ka hria!
Report this comment
April 30th, 2010 at 2:53 pm
Sap hmingah hian Christian hming leh Mingo hming pangai satliah hi thil dang daih ani e.
Report this comment
April 30th, 2010 at 2:55 pm
coolsoul, i thu ziah hi ka pawm thlap.
frost, #5 hi ania sin, middle name nei pawh hian, a vengva chin chuan an middle name initial hi an ziak lang kher ngailo asin.
Mizo hming phuah dana ka ngaimawh tawp theih loh pakhat chu, # 12 a Aryan sawi ang khi a ni. Mizo ah hian mahni pa hming last name a hmang kan awm ta zeuh zeuh mai, hei hi Mizo ah chuan tih chi miah lovah ka ngai. Zohnahthlak, a bik takin tunlai Mizoram a khawsa te hian hming tawpah mipa leh hmeichhe hming ti danglam tu, “a” leh “i” kan nei tlat.
Chuvangin, pa te last name ang kan la chhawng (copy) dawn rau rau a nih chuan an hnam hming eg: Kawlni, Hauhnar, Zawngte etc hman mai hi min min nuihna tur pakhat tih bona a ni ngei ang.
Report this comment
April 30th, 2010 at 2:55 pm
@blackmagicwoman #9, tak2 ni mo ka ti deuh a….alo nih tak2 chuan….very sorry apologies!!!
Report this comment
April 30th, 2010 at 2:56 pm
Chhangte II chu Lady Gaga i ngaisang sia i fapa hmingah Alejandro L Chhangte i ti mai ngah
Report this comment
April 30th, 2010 at 2:58 pm
Sap hming neih te chu tha deuh asin in ngaihtuah chiang lo mai mai a nih kha…
Vai ram ah lehkha kan zir ve lai chuan sap hming nei ve lo kan thian thenkhat te kha vai ho in an hming kha an dang-li mil in an han ko risk ve tawp thin mai a,eg:thanmawii – tanmawaii,fakzuali – f**kjolly :lol:,hmingmawii – mingmawaii etc etc…mi pakhat in a koh tawh chuan kha hming kha a vairam awm chhung a a hming chu a lo ni ta reng mai thin!nalh lo duh mai mai tak a ni!
Keini sap hming nei tel te hi chuan hetiang harsatna hi kan hre ve ngai lem lo
Report this comment
April 30th, 2010 at 2:58 pm
hming chu duh duh phuah a pawi na em em ka hre hran lo reng2. Mimal zalenna niin ka hria. Sap ngaihsan vanga an lo phuah a nih pawn an ngaisang miau a.. an phuah ni mai lawm.
hei misual.com ah pawh funny te, badboy te, wonderboy te, winning te, flying te, pimpom te, blackmagicwoman te, tam lutuk. sap an ngaisan vang a ni hrim2 ang. :lol: NOI
Report this comment
April 30th, 2010 at 3:08 pm
Lasi_pitar sawi ang hian, vai ho hian kan hming hi an lam thiam lo thei ngawt mai. Keini in an hming kan lam thiam fak fak nen! Kan school kal laia Duhawma tih kha mak an ti thei mawle.. ‘du ha wa ma’ an ti thin
Report this comment
April 30th, 2010 at 3:10 pm
Hming hi fimkhur ngai tak ani,keipawh hmingbulah C ka dah a,phaiah hna ka thawh tirh ah C lampum a dah angai si(verification atan) ka hrilh ve mai a,mahse proof na min han dilzui chu tihngaihna vang deuh asin…engkimah C hlir ka lo dah bawk si,fimkhur chu ngai deuh ani….
Report this comment
April 30th, 2010 at 3:15 pm
bmw, #22, an ni chuan lam zir zel mai teh se, an lam thiam thin vak loh avanga hnamdang hming lo put ve kher zel hi kan mawhphurhna a ni lo. Japanese, Indian, Middle East ho pawn an tih ngai loh hi mahi hnam hming siam dan pangai hi chawimawi a zuah hram2 a tha ka ti, sakhuana lam anih ngawt loh chuan.
Henry tih pawh hi innu leh pa ten ka hming chawia an phuah sak che u ni lemlo ho kha chuan pu ve lemlo mah ula pawi ka tilo khawp mai, inti kawmawn
(fiamthu :lol: )hairehai
Report this comment
April 30th, 2010 at 3:17 pm
hming phuah lama hi chuan ngaihdan ka nei zau ve khop mai….sap hming put tih vel ai chuan mizo hming dik tak a ziah dan tur ang nilova ziah a awmzia thleng a ti danglam vek hi ka ngaimawh zawk…sap hming chu nie thatna mual tam ve ania..Vai ho hian ka hming hi an lam thiam lo ltk hi ka thinrim tep thin….a chang chuan ka chhang peih lo vel thin male heheh……hnam hming lamtawi hming bula dah ho hi chuan a buaithlak chu an la ti deuh zel zawng a nih hi…chuan pasal te hming chhawm hi ka ngaithei bau lo bawk….mizo kan unique na a bo….hming tawpa i leh a kan unique chhawm nun zawk ngai chu niin ka hria kei chuan…
Report this comment
April 30th, 2010 at 3:18 pm
Kei pawh ka hming hi mizo nilo thiante hian lamrik dik an thiam lo. Hlua tih kha Haluwa/Lua tih ang ten min ko mai a, nuam duh vak lo. Hming koh awl deuh neih ve ka duh fo thin.
chuvangin fate hmingah chuan lam nuam pangngai phuah vek ka duh.
Report this comment
April 30th, 2010 at 3:19 pm
Sydney of Aryan, Fanu ka neih hun hunah nangmah hrereng chungin Sydney so-so Chhangte ka phuah ang
Report this comment
April 30th, 2010 at 3:27 pm
Chhangte, sydney tih chu a nalh phian chu a!
Celebs ho angin fate hi khaw hming phuah vel mai mai tur…paris, dakota, brooklyn, etc 
Thei hming te pawh an awm nawk kha…peaches, apple tih ang reng. Tak a, micheal m sailo pawn a fa hmingah brooklyn a tih tak kha mawle.
Report this comment
April 30th, 2010 at 3:37 pm
Ka fate hmingah chuan Sap hming a tello phawt mai a,chu mai ni lovin kan chhungkhat laina zingah pawh hian Sap hming ang reng nei hi an awm pawh ka hre miahlo,bakah nupui pasal atan pawh sap rimnam nei an awm ka hre miah lo bawk.Tumkhat pawh IAS senior officer pakhat hian Mizo hnam hming awmzia leh Gender thliar hran dan hi kan thiannu pakhat a zawt a,ani lah chuan awlsam fahran hian Mipa hming tawpah chuan’a’ a awm anga, hmeichhe hming tawpah ve thung chuan’i’ a awm ang,awlsam takin i hre hrang thei ang a ti mai a.Nidangah chuan chupa chuan Rochila Saiawi hnen atang hian eng lehkha emawni hi a dawng a,a chanchin an sawi chuan”He nu(she) hian enge sawi a tum? tiin zawhna a siam a,hmeichhia ni lovin mipa a nih thu kan han sawi nual hnu pawhin “A hming hi hmeichhe hming a ni” tiin a tang kawh ta tlat mai a,a source ngaihtuah chuan a tidik ve pah reng mai.
Report this comment
April 30th, 2010 at 3:41 pm
keini mizo tan chuan sap hming nei lo tan ti deuh kher teh ang….kan first name hi kan official name zawk ani tih hi sawi a tha a sin..hnam dang chuan last name hi an hmang in ka hria chuan a buai lo mai ang….heheh
Report this comment
April 30th, 2010 at 3:53 pm
@coolsoul.. james ini bawk sia.. sap i ngaisang tihna ni maw??
Report this comment
April 30th, 2010 at 3:56 pm
gothica, James kha a Kristian hming a ni e, kan chhan sak mai ange.
Report this comment
April 30th, 2010 at 4:02 pm
Hmingtawpa ‘a’ leh ‘i’ kan nei hrang hi kan inchhuan fona a ni. Kol-a kan zirlai pawhin Mizo hming tawpa ‘a’ awm chu mipa, ‘i’ awm chu hmeichhia tih kan sawi hian tha an ti hle thin. Sailo hming tawpah ‘a’ a va awm si lo ve, an tih chuan Sailo chu hming ni lo, hnam hming mai a nih thu kan sawi a, Bengali ho hriatthiam danin ‘title’ a ni kan ti mai thin.
Kristian hming a nih avanga sap hming put kher hi tul ka ti lo.
Rev. Lalpianga fanu chu Rebecca-i nilo-in Rebeki a ni tawp.
Rev. Darkhuma fanu pawh Rakili Zote a ni mai. Rachael a ni lo.
Kan zaithiam lar, Pastor fapa Isak Malsawmtluanga pawh hi Isaac a ni lo a, zaithiam tho Johan-a pawh hi John zuk ni lo a! Mizo takin bible hming a put theih a, kan pastorte hi an lo fakawm hle ka ti.
Hming thenkhat hi chu kan lam sap lutuk ve hrim hrim bawk. M.M. Jakob te pawhkha AIR chuan MM Gaeikop ti ang deuhin an lam thin. Juda hming Peter tih te pawh hi Piiiiter ti tlat hi an awm bawk. Kristian hming a ni kan tih chuan Piiiter nilo-in Peter ni mai awm tak a ni. A hming putu hmasa ho hian an lam piiiter vak ka ring lo.
Hming thekhat Colney te, matric-ah ka ti colney tawh si a, Kawlni a rem tawh lo tih hi ka pawm chiah lo. Laloo Prasad Yadav pawhin Lalu Prasad Yadav tiin a thlak mai.
Hming phuahtu hian zalenna tam tak chu an nei ngei mai. Mahse mahni hnam kalphung pela hming nei ho hi chu an inti ‘engemaw’ vang a ni mai.
Pate hming chhawm kan tum a nih pawhin hmeichhia-in ‘i’ chhawm se, Margaret Ch. Zami, mipa a nih chuan Ch. Zama pawh a nih theih tho bawk ang.
Dawr hming leh company hming te erawh a company leh a dawra zir ni mai se.
Report this comment
April 30th, 2010 at 4:07 pm
Tute emaw Hnam ina Hopingson, Morning Glory, First Born, Jollyson etc etc an tih ngawt ai chuan Mizo Saphming tamtak hi a mawi zawk daih :lol:
Report this comment
April 30th, 2010 at 4:11 pm
Rcafanai, Kristian hming tih awmzia hi i man chiahlo nge aw?
chhangte_ll, Chhangte te pawh hi “Shangti” ti a ziak te pawh an la awm mai tur asin hahahah Hauhnar thenkhat chuan Hanner an inti, Kawlni lah in Colney, Zawngte lah in Jongte hairehai
Lal Thanhawla tih hi enge a awmzia le?
Report this comment
April 30th, 2010 at 4:19 pm
Kristian na min pe tu te chu Sap ho te an ni..keichu sap ho hi ka ngaisang..ngaisang lo anga lan tum talh ho pawh hian a ruk tak chuan an ngaisang ve tho .. a whole sale a ngaihsan ka tihna erawh a ni laww..
Sap hming neih pawh hi keichu a nuam ka ti.
Report this comment
April 30th, 2010 at 4:29 pm
Fanu ka neih ve hunah….
ALICIA SILVERSTONE VANLALNGURVUANI CHAWNGTHU OF AGARTALA
ka ti ang!
Report this comment
April 30th, 2010 at 4:43 pm
Hming hi khawvel a thil pawimawh tawp ani a mihrign hming nei lo kan awm awm lo ve.
Mizo te pawh hian zoram mai ni loin khawvel kan dap ve ta a.Kan hming phuah chungchang ah pawh ram dang han kal pawh a buai vak lo tur a kan phuah pawh a ngai ve toh tho in ka hria.
Hming bul a sap hming kan tih mai te bak ah last name a hnam kan dah pawh hi tha ve khat chu a ni a.Chu ai mah chuan last name ah hian chhungkua hming (family name) neih hran hi kei tul in ka hre leh tlat pek nia.
A chhanchu Mizo te hian hming hi kan ngah vak lo ni tur ani veng khat ah hian hming in ang hi an tam duh khawp mai.
Kan naupanlai kan class ah hming inang 3 kan awm kan teacher te an buai thei rap.
Tum khat chu zoram pawnah kan thiante zingah hmingtawp a pachuah dah 4 ngawt an awm a kan hotu te leh kan thian hnam dang te chuan chhungkua same family ah an ngai tlat .An lo in chhung ikhaw si lova.
Mizoram ah pawh mihring kan la pung zel dawn a sap hming nei hnam hming in ang hi an tam tawh phian in ka ring bawk.entirnan John Lalrammawia Ralte tih hmingpui zawng hi kalkhawm tur ti ta se Association din tham an awm hial mai thei a sin.
Last name chu ka sawi ang in duh ang phuah mai ni se pa te hming tawp emaw eg John Lalrammawia Duhsak.
Report this comment
April 30th, 2010 at 4:43 pm
@frost, Samantha Vawmkapi Fox and Chawngthu ti leh la a nau zawk chu
Report this comment
April 30th, 2010 at 4:49 pm
Tih thin dan a ni mai a,kan hotu leh mithiam hmasa ten hming ziah zawm tur an tih vang a ziak zawm mai kan nih hmel.Mi thenkhat ten an hming an ziak hrang duh a nih chuan a tha tho in ka hria,an hming a ni miau a…
Report this comment
April 30th, 2010 at 4:54 pm
Kan mihausa tu leh fa te an chhungkua kan sawi na te hi han en chhin ta ilang .An tu leh fa te kan sawi na ber chu P &sons te,Hauva &sons etc kan ti mai a.An chhungkua hming ah kan ngai mai tawh anih hi.
Pu Pachhunga tu leh thla te hian an chhungkua hmingah Pachhung te lo hmang ta se chuan eg Lalrinsanga Pachhung.
Lalrinsanga tih a P& sons te tih a sawi kual leh duah ai chuan hriatan awl duh deuh hmel te ka lo ti ve vel mai mai anih chu.
Report this comment
April 30th, 2010 at 5:14 pm
Gothica hi..insawifiah a ngai ziah mai
Thanks Henry
Mahse, ka lo chhunzawm hram ange. James tih hi ka baptismal name a ni a. Catholic sakhuana vuantu ka nih avangin mithianghlim hming min tawmtir a, kohhran tradition-a bet tlat a ni. A tobul lam chu sawi kual lo mai ang ..sakhuana a ni e tih khan duhtawk ta mai ila..(Mizo hming sakdan a tikhawlo tih pawh ka pawm tho bawk)
Saphming invuah vel hi kan ngaizam dawn a nih pawhin, mizo hming ngei mai, zotawnga chhiar hleihtheih lohva ziak hi chu ngaizam lo hram ila ka ti ngawt mai. colbert> inti tralh tralh te pawh hi “Kawlbat” a ni a, a tobul phei chu “Zang kawlbat” maw le
Colbert inti kha chuan duh leh lo la na mai teh u..laknat kan phal ka tih lawk kha.
Report this comment
April 30th, 2010 at 5:20 pm
“Tu nge i hming?”
“Bert-a”
“I hming pum?”
“Lai Bert-a” :lol: :lol:
Report this comment
April 30th, 2010 at 5:23 pm
Tlangval: tunge i hming?
Nula: Beti
Tlangval: i hming a van mawi ve, i hmel ang mai…! :razz: i hming pum teh?
Nula: Khengbeti
Tlangval : :evil:
Report this comment
April 30th, 2010 at 5:45 pm
@coolsoul.. my apologies.. critisize duh vang ani miahlo ania. Nia Catholic chuan an nei veka, mahse Protestant tan pawh a pawi vak dawn em ni le. Tunlai khawvelah ramdangah te lehkha kan zirin hna kan thawka, hming tlanglawn (sap hming) chu a lam pawh hnamdang tan a awlsam phian lo maw te ka ti mai2 a (sap hming ka nei chuang miahlo ania)
@Pu HV thanks for answering
Report this comment
April 30th, 2010 at 5:49 pm
what’s in a name? kei chuan sap, vai, mizo hming ka nei… :evil:
Report this comment
April 30th, 2010 at 5:50 pm
Keini chhung chuan Mizo hming chauh kan nei,
Report this comment
April 30th, 2010 at 6:01 pm
Sap hming kan tih na zawng hi hebrai leh Greek tawng atanga lak a tam ve maia. Hming tawite mahse awmze tha tak leh sei kimchang tak nei site a awm bawk. Chutiang avangte chuan hnam dang ngaihsan em em thil ni chuang lova hmang ve ta mai sap zingah pawh an awm nual. Sap hming nei lo sap ngaisang uchuak tak pawh an awm tho ka ring. Sap hming (hnam dang hming) put chhan hi tam tak a awm thei. Sap hming chu ka nei lo nanga mi hming sawisel kher chu tul ka ti lova a sawt bawk lo ka ti.
Lal Isua sap hming chu Jesus, a vai hming Jisu, a hebrai hming Joshua, a Greek hming yesu.
Report this comment
April 30th, 2010 at 6:06 pm
First name=hming pangngai (Lalthara)
Lastname/Surname=hnam hming(Khiangte) ni in ka hria. Surname/lastname hi chu sap, vai, eng hnamah pawh a common thin chhungkuaah chuan. Chuan mizo hming dik takah chuan middle name a awm ngai meuh lo, sap hming a pu te a nih loh chuan.
Report this comment
April 30th, 2010 at 6:08 pm
@shailendra i vai hming hi nalh ka ti ber :lol:
@sony #47 keini po mizo hming chauh kan nei a, a mawi2 ka thlang ve top mei hei :lol:
Report this comment