Kan ram Buai (1966-1986) kha ka chhut neuh neuh hian ngaihtuah tur a tam ka ti khawp mai. Hengte hi lo ngaihtuah chhin ve teh u:- (He thu hi political party mal sawichhiat tumna rilru-a ziak a ni lo)
1) Pu Laldenga khan Mizoramin Independence kan hmuh kha a ring tak tak angem le?
2) Lo ring tak tak ta se a lo a awm.
3) Ring tak tak lova ama pum puar nan-a ti a nih chuan Mizo-te thisen luang zozai leh kan nula leh nute pawngsual tawrhnate, in leh lo chan ta zawng zawngte ka chhui kir leh hian ka rilru a na fo thin. MNF Party kan la sorkar tir duh leh nghal phei kha chuan Mizote rilru that zia a tarlangin ka hria.
4) Ram kha buai ta lo se Mizoram, kan ram hian tun aiin hma a sawn nge kan rin-a hma a sawn loh.
Enge kan ngaihdan ni hlawm le.
Similar Posts:
- Zoramthanga’n Pastor thih dan chhui a cho
- Zoram hi kan pawngsual em ni????
- Congress hi ka vote tawh ngai dawn lo a ni.
- MIZORAM HEALTH CARE SCHEME MAWLH MAI HI
- Thalaite nghahfak – Mualpui stadium
May 10th, 2010 at 7:13 pm
@awmawmpuia, Ram buai lo se chu ngaihthah kan nih reng ka ring. Ngaihthat kan nih vang a ram pawh buai reng a nia.
Report this comment
May 10th, 2010 at 7:52 pm
Buai lo ila state poh kan la ni lo ang Karbi Anglong ang vel khu kan la ni ang.
Kan buai tluantling lo erawh fuh ka ti lo khoops. Achhan chu kan nin hlawm vang loeh nihna it vang te poh ani thei ang.
Rambuai laia tuartu zz ka tawrhpui zangnadawmna a beitham ltk hi a dik ka ti thei lo
Tunah hian thralai te hian RAM hi kan vei angai a tluchhe mek si a
Tunge tungding dawn tumah dang an awmlo thralaite tranlak a ngai tak zet zet
Report this comment
May 10th, 2010 at 7:57 pm
Thlirna tlang dang a tang ve thung in aw… Manipur, Meghalaya, Nagaland, Tripura te kan thlir chuan Mawari sumdawng in bu an phuar nghet lutuk tawh, “leilung fa te tan hma thar lak har khawp in an nek chep tawh e” an ti. Amaherawhchu kan ram han thlir ve ta i la, Distribution & Retail Business ho chu Mizo/Leilung fate kutah a awm deuh vek a tih loh theih loh ang, Zarkawt a Bama leh Dawrpui biakin bula Choudhury and Sons leh Aizawl Mosque bula muslim dawr tih mai loh te saw chu hmuh tur an vang awm mange aw??? He tiang lamah hian keini aia hnam fing zawk in hma an rawn la tur kha MNF movement khan a lo dang nasa hle a tih loh theih loh. Inchim ral na chi khat ah min hum nasa lutuk ka ti lo thei lo
Report this comment
May 10th, 2010 at 8:12 pm
Buai lo mah ila state chu kan ni tho lo’ng maw? ILP chu a hring chhuak ngei mai a, mahse ILP ngai khawp ram chen beha min siamtu hi BUAI vang kha a ni ve tho lo maw?
@ abikin 52&53,In comment a ngaihnawm; ngaituahna a ti thui khawp mai.
Report this comment
May 10th, 2010 at 8:13 pm
@53,maawma dik khawp mai. Mahse kan tuarna nen khan a inphutawk em aw tih erawhchu inhnialna tawp theilo ani dawn ani.
Report this comment
May 10th, 2010 at 8:24 pm
kei chu….hetiangah ka ngaihtuahna ka seng buai peih lo ve….. tunlai kan ram dinhmun leh nakin tur sawiho ka chak zawk eee…
thil kal tawh chu thil kal tawh ni mai teh se
Report this comment
May 10th, 2010 at 8:26 pm
Puii, thil kal tawh hi present leh future vision establish-na tur awm chhun a ni thei lo’ng maw?
Report this comment
May 10th, 2010 at 8:47 pm
jvc nia, mahse i thu rawn chhawp chhuah 2na leh 3na hi mawle min ti hel deuh zep lovah chuan…
Report this comment
May 10th, 2010 at 8:59 pm
A tha, rilru pawrh ngam tur. Right to expression (?) kan nei a ni lawm ni khah.
2na-khatiang ram eng resuorce mah nei lo kha independence a ring a nih chuan ngaihdan finthlak tak a ni lovah ka ngai a.
3na-Ring si lova khatiang taka tuarna ruama kan ram min hnuklut a nih chuan … ngaihtuah ve mah teh…
Tu history mah a ni lova, keimahni history ngei a ni a, ngaihthah ngawt chi pawh a ni lo.
Report this comment
May 10th, 2010 at 9:00 pm
Puii hi chhiat loh hmel eeee !
Report this comment
May 10th, 2010 at 9:03 pm
Laldenga hi chu Hitler-a pate nimaiin ka hria. :lol:
lak nat awihloh ti ang u aw.
Report this comment
May 10th, 2010 at 9:09 pm
kei chu independent nih hi ka la duh reng mai…
MNF an lo haw hma lutuk hi a pawi ka la ti reh thei lo
Report this comment
May 10th, 2010 at 9:10 pm
MNF thusawi hrim2 hi chu ‘MEN’- ah ka thlak ta,an daw heh e mai!Party dang pawh hi eng ruai an ni chuang bawk lo!An in khing tawk tiu teu viau ah ka ngai,damte a ka awm a nih pawh in vote ka thlak tawh bawk lo ang.Politician ho ah hian ka bei a dawng fithla ta thrak e!
Report this comment
May 10th, 2010 at 9:11 pm
Hey Taikhery @60, min bawl suh auh… bawl chi ka ni lo ve auh
Report this comment
May 10th, 2010 at 9:13 pm
@Puii: ka bol hauh lo che auh. hmeichhia i ni tak2 em o tih ka ngaihtuah mek a ni :!:
Report this comment
May 10th, 2010 at 9:14 pm
Kei poh independent ah hian ka tuihal a ni
Report this comment
May 10th, 2010 at 9:21 pm
tunah hian India sawrkar hian min han Independent tir ta thut mai sela.. engtintak nge kan awmang aw..
INdependent duh ho khan han chhang teh u
Report this comment
May 10th, 2010 at 9:50 pm
@funny kan ropui lo teh ang chu aw
Report this comment
May 10th, 2010 at 10:13 pm
kangaih dan leh lehkhabu hrang hrang kachhiar ve a tang chuan pu laldenga a khan independent tak takturin zoram hruai kha a tumlo a hna a tanga sum leh pai eirukvanga chawlh tir a nihvang vang khan sorkhar lam a chawlhtir tu te chung a engtia a maw a hmalak a tumvang a tam dopawl kha a din a khatihlai khan zoramah tampui a thleng bawksi a mipuite kha eileh bar tur ngaih tuah in kan rilrukha a mangang tak zet zet a kha tam dopawl kha a dintu pu laldenga tumloh hawi zawng independen hawilam khan an kaltamai sia talchhuak ngamtawh bawksiloin independen sual ang khan alangta mai mai niin kahria anthuin zirtir then khatte khachu awihawmlo pawhniloin nuihza siamnan a tawkvel a ni. DARKAR 24 CHHUNG HNAM PUAN ZAR KANZAR CHUAN INDEPENDEN KAN NIMAI INDIA SAWRKHAR IN MINRAWN TI BUAIMAHSE U.N.O IN MINTANPUIANG TIHANGRENG VEL KHAN MIPUITE A KAIHRUAI DAN AIA INDEPENDEN TAK TAKKHACHU A RILRUAH A LANG HLAWL LO
Report this comment
May 10th, 2010 at 10:30 pm
Mizoram buai vang pawh ni kher chuang lovin, heng thil pahnih ka hmuh ve ve ngei hi lo khai khin chhin ve mah teh u.
Gangtok Sikkim kan zin tuma ka thil hmuh. Bengali tlagval Siliguri mi hian Sikkimese tlangval (Kuli) hi Gangtok bazar lunlai ah a hau hrep a, a beng vel, tumah in an chhan ngam lo. Hmanni lawk khan Gangtok atanga kan inleng bulah chuan ka lo sawi leh chhin mai mai a, “tunah pawh a la ni reng a lawm” a ti.
Aizawl a ka hmuh ve thung: Hman deuh khan Pa pakhat khulhman tih hriat reng reng hi bazar phei ah Nor lutuk in a rawn bawk vak, a la chatthla em lo, mahse a kal hlei thei tawh lo bawk vak titih in a kal, kawng sir ah a let reng tawh. Silchar Bengali tlangval lo phei khan a ten deuh a niang kawng sir lam hawiin chil a chhak pharh2 mai, Khulhman a ngaih dan a ni lo deuh a niang,thei leh thei lo in a au let leh. A chil chhak kha a chhar tir leh ngat.
Sikkim hi Mizoram ang chiah a tlangram, a bul thut a Siliguri nen a in ram ri ve tho an ni. Mizoram leh Silchar ang vel hi an ni.
Tunge mahni ram ngei ah huai zawk in tih le?
Report this comment
May 10th, 2010 at 11:07 pm
‘Man’ awm ve aw!!…one question.. tin nge chil chhak an ‘chhar’ leh? :lol:
Report this comment
May 10th, 2010 at 11:13 pm
A chilchhak hi a darh deuh awm si a, engzat percent vel nge a chhar leh theih ang? 10 marks.
Report this comment
May 10th, 2010 at 11:17 pm
a hip lut leh aniang or a liak fai aniang
Report this comment
May 11th, 2010 at 12:03 am
Zalenna sual chhuak i la chuan Pu Denga kha Junta ve hrim hrim ang!
Tlasik kawng a arsi awm zawng2 zat hrevektu, Mizoram lung hnuai a chakai tawmru zawng zawng hrevektu hian a rorelnaah hian min telh ve si lova, a rel tawh sa ah hian lungawi mai i la…!
Chuvangin ka misualpui duhtakte u, keiin dal deuh deuh a ka in ang hian in ve thin ta che u! Tichuan an chil chhak 99.99% hi an liak fai dawn nia!
Maawma chu an nu’n oh an pa’n a phal chuan Bengali ai a phakar Kerelites ho chanchin a la hrilh leh dawn che u a nia!
Report this comment
May 11th, 2010 at 1:37 am
Rambuai khan thatna tam tak a thlen lai in thatlohna tam tak a thlen bawk.
Hnam sipai ten tih tak zet a zalenna an sual lai in hotu ten an hamthatna tur chiah an lo khel thung ni ber in ka hria.
Report this comment
May 11th, 2010 at 7:15 am
pu laldenga kha a zahawm khawp mai…ram buai avanga a tawrh ang kha 1/10 pawh tuar ve phakin ka inring lo…pawi ta ber zawk chu…a hre chiangte sawi danin indipden min lo sualpui lo kha a ni…sualin min sual chhuah pui se zawng HNAM PA a chhal tlak ani tehmeuh ang le ti r’u…
Report this comment
May 11th, 2010 at 7:28 am
1. A hun lai boruak han thlir let chuan Pu Denga khan Independence theih a inring tak tak niin a lang.
2. @jvc, Pu Denga te angin ram an hmangaihna thinlung kha i pawh pha lo bakah, ram buai tirh lai vel boruak hre pha turin i naupang deuh a, “a lo a awm” i ti mai a niin ka hria. Pu Denga kha a a lo khawp mai.
3.Pu Laldenga leh a ho Mizo sipaite khan anmahni pum puar nan mai ram hnuaiah, thih pawh huama hrehawm tinreng an tuar peih ka ring lo! Hnam hmangaihtu Mizo thalai tamtakten an NUNNA hial hlana an rammutna kha tun hnua mahni tap lum atanga sawi nep tumtu reng reng hi mi a leh dawn tawi in ni zawkin ka hria!
4. Ram buai kha tawk lo ila chuan Pu mzvision sawi ang chiah hi kan nih ka ring!
@funny & Fonz, tunah hian Independence ta thut ila chuti takin kan buai lo vang. Han independence chiah ila chuan MIZO hnam rilru leh mahni hnam hmangaihna kan chhar chhuak leh nghal ang a, kan dingchhuak em em ang. Israel ho pawh an independence tirh te chuan engmah an ni hlei nem!
(MNF ka ni miah lo a nia aw! MIZO dik takin kan thlir dan tur nia ka hriat angin ka ziak mai a ni e!)
Report this comment
May 11th, 2010 at 11:19 am
#69 @ S dala…”a hna a tanga sum leh pai eirukvanga chawlh tir a nihvang vang khan sorkhar lam a chawlhtir tu te chung a engtia a maw a hmalak a tumvang a tam dopawl kha a din a “…..
Pu Denga kha eirukna avanga a hna atanga chawlh tir anih thu leh a chawlhtirtute chunga engtia a maw hmalak a tum vanga tam do pawl kha a din i rawn tih hi ka lo la hre ve ngai lova…a evidence i nei thei m…nge i rinthu..nge tuemaw thusawi i rawn sawi chhawng aw…nakin thleng a inhnialna awm thei anih avangin hriat chian ka van chak em aw………….
Report this comment
May 11th, 2010 at 12:09 pm
@jvc, Pu Laldenga kha a at leh at loh chu ka hre lova, mahse “ama pum puar nan” mai mai chuan a tih ka ring lo.
Ram buai kha chu hmu pha ve chiah lo mah ila lehkhabu tha tak tak atangin an thil tawn leh an chanchin tlangpui ka hriat ve phah a. An “pum puar nan” ramhnuaiah, eitur pawh nei tha fumfe lovin an rammut peih hi ka ring lo.
I thil thlir dan hi sap ho chuan “with the benefit of hindsight” an ti a. Tunah chuan engkim mai kha a tha leh tha lo lai kan sawi thei. Mahse a hun lai chuan thil engmah kha a chiang lo. Pu Laldenga kha economist ropui a ni lo, Mizoram tana tha ber tur pawh a hre kher lovang. Mahse a hun laia Mizote tam (tram) tuar nasa lutuk leh India ram sawrkar laka lungawilo tur ngaihtuah khan independence sual kha thil awm lo lutuk a ni bik hleinem. A thuhrimah Pu Laldenga chauh kha hruaitu a ni bik lova, minister post etc tam tak an siam ve asin.
Tun hnua i ngaihtuah hian ‘ho’ i ti maithei a, mahse a hun lai kha chuan thil ho a ni lova, mi A emaw i tih khan state nihna min neih tir a, Northeast hnam dang ho ang lo takin vaiin min chiahpiah loh phah asin.
Ni e, Mizo nunna tam tak kan chan ngei alawm. Mahse i point #4-a i rawn ziah hi ka rawn chhang ang – Ram Buai kha awm ta lo se hma chu kan sawn zawk MAHNA, mahse chu hmasawnna i suangtuah chu hnam dang vai ho kutah a awm ang. Engtin nge ka hriat theih? State dang ho hi en ta che. Northeast chu sawi loh, Orissa te, Chhatisgarh te ringawt atang hian han ngaihtuah ta che. Vai sumdawng ho leh ‘industrialist’ hovin a native tribal people ho an luahlan hneh zia hi! An state chu mineral production-ah chuan an sang alawm. Mahse an tribal people ho khu keini ai fe in an la intodelh lo zawk.
Taikheri sawi Pu R.Zamawia ziak ‘Zofate Zinkawngah Zalenna Mei a Mit Tur a Ni Lo’ khi a tha khawp mai. I la chhiar lo anih chuan chhiar ngei ngei turin ka recommend a che. Ram Buai chanchin ziahna ka chhiar tawhah chuan a la tha ber. Bakah Mizo history hrim hrim zir nan a tha.
Ka tum aia tam ka’n ziah tak duah chuh!
Report this comment
May 11th, 2010 at 12:14 pm
@ Pu HV, khi lehkhabu khi alawm hman deuh va Aizawl bomb tih vel kan sawi tuma ka recommend che chu. Mizo history pawh a in ziah nual. Book of the Year a ni tih ka lo hre lo reng reng…
Report this comment
May 11th, 2010 at 1:23 pm
Ka ngaihdan ka sawi chiah lo. Ka sawi ber chu “ta se” atangin, “a lo nih chuan” tiin ka assumption ka rawn chhawp chhuak a ni.
Pu Laldenga kha Clerk hna atanga ban ang chuan sawi ka hre teuh tawh mai (verbal-in).
Tin, statehood hi buai lo mah ila kan neih tho ka ring.
Enge kan buai avanga hnamdang laka kan him in chhal kher na chhan hi le? Nagalandte, Manipurte pawh an communal feeling tun thlengin an la buai phah a, Manipur PLA ho pheu chuan independent an la sual reng, mahse eng an nih phah lovin vai chimral an ni nasa zawk.
Kei chuan, thui tak chu rambuai hrin chhuah ni mahse, vai laka inlak hranna rilru hi chu kan vai loh em avang hian kan nei ve hrim hrim. Khing hnamdang in sawi hote khi chu an prone hrim hrim. an hla pawh vai tak, an zei pawh vai takah ka ngai.
Pu Laldenga khan independent kha ring tak tak lo ni ta se enge a argument chu ni ta ang? 24 hours Flag zar maw?
A enga lai tak kha nge kan independent thei ni a a hriat lai chu. A hrim hrimah independent thei a in ngai khawpa fing si khan India power a underestimate deuh a lo nih dawn kha.
Independent a ring lo a nih chuan kan tawrhna khan eng rah tak tak nge a chhuah chiah… a in lei zo ka ti chiah lo.
Han sawi zel teh u.
Report this comment
May 11th, 2010 at 2:24 pm
jvc : A tir atang khan i rawn puakchhuah tum hi a ho ka ti nghal a… ka rin ang ngeiin…a Ho ta zel a ni ber e…(minlo hre thiam la).
Mahni hunlai theuh theuhah, Pu Laldenga (RIP) kha ram sawi-nghing thei, Mizo thalai dan pawna hruai chhuak vek a, hruai lut leh thlap thei a nia…mipui nawlpuiin an zui leh rinna an nghah ngamna a ni ve a, po ropui ve tak chu a ni…..ngaihsan awmna lam ah chuan “ngaihsan tham a tling”.
Mahse Mizote hi, mifing thah, tumah in ngaisang duh bik maplo theuh kan ni si a le…..buai lai kha chuan Para (Indian best army) ho ai khan MNF te kha chu kan ngaisang let feeeeeeeeeeee.
Independent ta ila, India nena kan relation a that fe loh chuan, Silchar kalnan pawh visa i mamawh ang.
Rambuai avang khan hnamdang (vai-chhe ho)an rawn huangtau ngamlo….MNF ho kha an hlauhawm em….tunah chuan a dang ta…
Independent sual pawh a State min pe tawk a nih chuan, sual lo phei ila chu….UT pawh kan la ni ngut lo mai thei.
Report this comment
May 12th, 2010 at 12:03 am
Comment #77: lol :lol:
Lo Independent ta ila kan intundin dantur roadmap ah hian ka lost top. Kan state thenawmte ngaihtuah phei chuan.. I cannot be pro-independent Mizoram, i dont think any educated person is..
Things are much more complicated when we look at it closer than when we have a glimpse of it.. That’s what even the present politics is..
Report this comment