Tunhnai khan chanchinbu leh media hrang hrangah MHIP in Gutkha (Tiranga tia hriat lar) do an tum thu kan hmu a. MHIP thil tum hi kan Mizo thalaiten Gutkha an hman nasatzia leh a nghawng ngaihtuah chuan thil tihawm tak a ni.
Amaherawhchu kan ti teh ang, Gutkha ringawt do lo hian Tobacco products dang pawh hi do law law se khawtlang hrisel nan hmasawnna a nih a rinawm. Meizu thin ten lo haw lo se, Zial zuk hi Gutkha ai chuan Mizoramah hian kan thihpui tam zawk daih in ka ring. MHIP ho hian an pasal te zial zu do ngam lova, an fate Gutkha ei an do si a nih chuan Tobacco product theuh theuh a nih avangin a inhmeh lo riau in ka hria.
Kan CM nupui hian helamah chuan a tuipui khawp ang. Ka ngaihdan ka rawn thawh ve a ni e.
