MZP Gen.Hqrs. Aizawl President hova Tlabunga zirlai titha chawimawina hun hmanga kal ten hnamdang pakhat kut an thlak niawma sawi a nih avangin Inrinni zan khan MZP leh Lunglei Congress thalai inkarah buaina a chhuak a, kut inthlak an awm nawk, hliam na erawh an awm lo. Thudawnnain a sawi danin Zirtawpni zing dar 10 vel khan MZP Gen.Hqrs. leh Dist-a hruaitute chuan Tlabung Cong. Block Vice President Nepal Kanti Dey chu kut an thlak nia sawi a ni a, he thil thleng avang hian Nepal-a hi Tlabung Damdawiinah dahluh a ni a, Tlabung P/S-ah FIR thehluh a ni.
Police hnena FIR thehluh bawhzui hian Tlabung Police te chuan Tlabung MZP hruaitu pahnih an man nghal. Hetihlai hian kut inthlaknaa tel nia sawi MZP Gen. Hqrs hruaitute chu Inrinni khan Lungleiah lo chhovin, hemi tlai hian Lunglei MZP President LB.Chhunga te Inah chaw an ei a, an chaweina hmun atanga an chhuak chiah chu Congress thalai nia hriatte chuan lo dangin thil awmzia an zawtfiah a, MZP President VL.Kroshnehzova chu kut an thlak nghal bawk a, hei bakah hian an zaithiam hruaite chuanna motor chu kal sawn phal lovin an dang a, he motor darthlalang hi tihchhiat a ni.
He buaina thleng avang hian Police te an inrawlh vat a, MZP hruai-tute chu P/S-ah hruaiin man zui nghal an ni. Addl. DC pahnih FJ. Liantluanga, T. Lalduhawma, leh Addl. SP Rex Zarzoliana te chuan buaina chhuah avang hian Cong. hruaitute chu meeting neihpui nghalin buaina tihreh dan tur an sawipui.
Chhiar zawm duh tan : http://vulmawi-daily.blogspot.com/
