Nagaland nationalism a vawr sang mek a, Naga hnam rilru putna thangthar zingah a lian chho mek. National Socialist Council of Nagalim – Isak-Muivah general secretary Th Muivah chuan Manipur-a Naga hnam chentamna Ukhrul district tlawh a tum a, hei hian boruak a chawk buai mek. Hetianga hmarchhaka thawm a awm mek lai hian Rajya Sabha member of parliament Mizoram bialtu Lalhmingliana chuan Arbawm awmna piang chu Mizoram a nih thu a sawi.
“Manipur pawh ni se, Burma pawh ni se, arbawm awmna apiang hi chu Mizoram a ni,” tiin Lalhmingliana chuan a sawi. Tun dinhmunah Naga hel pawl NSCN (IM) chuan Greater Nagaland din an tum a, hmarchhaka Naga mipui chenna tawh phawt chu Naga rama rin luh an tum mek a, hei hi Manipur chauh ni lo Assam chief minister Tarun Gogoi pawhin a helh hle.
Mizoram MP chuan Manipur state chhunga Zo hnahthlak chen tamna hmun chu tunhma atang tawhin Mizoram a ni tiin a sawi a, chutiang bawkin Myanmar Chin Hills-a Zo hnahthlak chenna ram chu Mizoram a nih thu a sawi. “Chin Hills chungchangah hian an member of parliament pawhin tlawh turin min sawm tawh nghe nghe,” MP chuan a ti.
Mizo National Front (MNF) Rajya Sabha MP hmasa ber hian ‘intigration’ (insuihkhawm) chu vawiin thlenga an rilrua awm a ni tih a sawi a, MNF dinchhuaktu leh chief minister hlui fam tawh Laldenga suangtuahna chu vawiin thlengin a suangtuahna a la nih thu MP hian a ti.
“Pu Denga khan Zo hnahthlak chenna tawh phawt chu Mizoram a ni a ti thin a, insuihkhawm lehna hi a thupui ber a ni, chu chu kei pawhin vawiin thlenga ka thil duh a ni,” tiin MP hian a sawi.
MP hian state thenawma Zo hnahthlak chenna tawh phawt chu Mizoram a ni tia sawi hi a hreh lo tih a sawi a, chu chu an pawl in a ngaihpawimawh a nih thu a sawi lang nghe nghe.
(source: Evening Post)
Similar Posts:
- Khampat-ah Khampat Bung
- Aizawlah Punjab National Bank hawng
- The Passive MPs from the North East
- Zawngtah
- MHIP in Dan Kalha Chet Hnial Lo?
June 7th, 2010 at 9:31 pm
A ni tak tak thei dawn mi aw :?:
Report this comment
June 7th, 2010 at 9:37 pm
Naga ho hi chuan an ramri ang chin a an ngaih hi an hauh na thei khawp mai, hmanah pawh khan Assam police leh Nagaland police kha an lo in kah tawh kha!
Mizo te pawh tun hma chuan kan pi leh pu te khan an hauh na ve em em thin, Vailen hial te pawh a awm ta a nih kha. Tunah chuan kan ramri chin pawh kan chiang lo! uih tawp.
Report this comment
June 7th, 2010 at 9:39 pm
High 5 to Pu Hminga. Mahse nang pawh hi politicians thenkhat ang deuh hian a sawi chauh hi i thiam ang a, Zo hnahthlakte in pumkhatna ang chi zawng a hma la duh miah lo i ni ang tih a hlauhawm khawp mai.
Report this comment
June 7th, 2010 at 9:40 pm
Ka awih lo mang e aw!!! Silchar ramri pawh kham fel thei lo kum 10 chuang sawrkar hian political statement mak deuh deuh hi siam siam suh se
Report this comment
June 7th, 2010 at 9:52 pm
USA a Mizo awmte khua arbawm tah se, Mizoram a ni tho dawn tihna mi???
Report this comment
June 7th, 2010 at 9:53 pm
Ka hul,soi tur pawh se ve lo……
Report this comment
June 7th, 2010 at 9:54 pm
meester, ka tah thiam asin, kalo tah ngawt dawn em ni
Report this comment
June 7th, 2010 at 9:55 pm
Ka awih palh ange a..
Report this comment
June 7th, 2010 at 9:56 pm
Arbawm hi ka hmu ngai meuh ta lo arawt erawh ka la hmu fo. Leitlangpui MI ah poh arawt chu an la hmu. Mahse arbawm hi chu kan uar ta lo hle mai sia le
Report this comment
June 7th, 2010 at 10:04 pm
HV, Naga leh Assam buai khan kap tura thu petu kha Mizo, tuna an CS ni mek Pu Lalthara ani daih. Mahse le, hetiang lampang hi ka tuina ani der lo mai
Report this comment
June 7th, 2010 at 10:08 pm
Arbawm ber kher maw? Eirukna hluarna ram apiang ti zawk sela a awihawm zawk ang.
Report this comment
June 7th, 2010 at 10:24 pm
an sorkar lai khan a sawi thawm ka hre miah lo, sorkar tlak veleh a huai vak hi a pa lo mi dawihzep, mi kuta rulkaw zen/ fuihpawrh ching mi anih ain pho chhuak mai ah ka ngai…….. ve mai mai a Pu Zawm ka ngaihsan ve teh thin che nen ka nuih i tiza ta tlat.
Hail! Pu C.L Ruala, hetiang hi chuan awm ve huah suh ang che
Report this comment
June 7th, 2010 at 10:48 pm
Thu ho tak ani ka ti, a practical lo chiang em mai. Pawl 10 kan zir lai khan WE ah arbawm min tahtir a, ka va han tah nalhlo tak. Arbawm ani tih chu a hriat ve theih hram hram ani. Tuna kan ramri chin hi huai takin humhalh ila, tin, Mizoram pawna zohnahthlakte thlavang hi hauh a tul hunah huai takin hauh bawk ila a tha ber in ka hria
Report this comment
June 7th, 2010 at 10:51 pm
@ meester # 5 : dik chiah.
Kan MP thusawi chu a, a Philosophy ava mawl teh lel lawl ve mawle. Insuihkhawm hian State Boundary rin that kher hi a demand dawn anih chuan Manipur hi sah sawm vek a ngai ang. Heti zawng lo deuha infuih theih ni se kava ti ve mawle.
Report this comment
June 7th, 2010 at 10:53 pm
Misualho ah hian HNAM politic leh PARTY politic hi kan chhawhpawlh hian ka hre thin, hnam thil anga kal tur pawh Party politic emaw ti a, kei chu tanbik ka neilo, ka neutral ti zel mai ang aw! Tin, NAGA ho pawh hi MANIPUR kawng an dang tlat mai. an va a tak em. Buai hrep ai chuan CENTRAL ho hi tlawn tuk mai ila, kei leh ka chhungte tan a tha ber. te han tingawt ila a tha ber angem le?????
Report this comment
June 7th, 2010 at 10:54 pm
an va duh am bik
Report this comment
June 7th, 2010 at 11:00 pm
#13, awmawmpuia: WE sawi takah chuan arbawm han tah a, a chhip han herh kha a har berin ka hria. Pu Thawma ka rawn a, 16-na atanga tan khan ka herh mawi ta berin ka hria.
@mzvision: Vietnam, Laos, Cambodia-ah te pawh arbawm chu a tam a ni lawm ni?
Report this comment
June 7th, 2010 at 11:12 pm
Mahni tual chhungah chuan keipui ang maiin kan huk dum dum reng mai a nih hi. A effective-na ber tur an office (RS)-ah chuan ui dawi ang maiin meikhupin a thu leh zul awm sia. Kan MP te pawh hian hei aia tha deuha hna thawh dawn hi chu hre ve tawh se! Mizoram tan hian engtak hi sawi chhuak ve hlawm tawh maw le?
Report this comment
June 7th, 2010 at 11:16 pm
A sawi lamah chuan kan politician ho hian an sawi tha thei a sin, a tak ram thleng lo tur sawi tlawr dup fo mai hi chu mipui min la ngai mawl hle tihna. An sorkar chhungin ‘arbawm’ an sawi kan hre lo, party dang pawh hetiang tho hi an ni deuh vek
Report this comment
June 7th, 2010 at 11:26 pm
Naga unaute thinlung Nationalist tlat mai hi chu ka Mizo unaute put ve atan ka awt thin ngawt mai. Eng tik niah emaw chuan keini aia dinhmun tha zawkah an la inhlangkai ngei ang a, chu chu an phu vang reng pawh a ni ang.
Mizote hi India rama cheng mihring changkang ber leh lehkhathiam ber pawh ni ila, kan Mizona kan hlauh tawh chuan engmah lo mai a ni ang. Chuvangin a ram leh a felna aia nun nawmna leh changkanna kan dah lal zawk chuan hnam boral ngei tur kan ni.
Chuvangin, thangtharte thinlungah Mizo taka changkan leh Mizo taka hmasawn hi tum ila, Mizo anga dinchhuah leh inpumkhatna tha neih hi kan cross ni mawlh se ka va ti em.
Report this comment
June 7th, 2010 at 11:35 pm
@Zorunpui: Naga angin kan tangrual ve thei lo tlat. chuvang chuan hotute tlawn thiam2 a ni mai. Hnam vei pawh ngai ka ti lem lo, Kan hotuten VAI an zu tlawn ang a, keinin an ni kan lo tlawn ve leh mai dawn a lawm. HMAN politics ah hian kan bo thui lutuk tawh. ka ngaihdan a nia aw.
Report this comment
June 7th, 2010 at 11:40 pm
He post hi ka thlawplo.. te han ti ila.. Isak muivah (Isak muivah hi pakhat emaw inlo ti ange, mi 2 anni e) te pawl hi ka thlawplo. :lol: Manipuri ho engtinnge an awm ang.. mahni hnama bias lutuk hi a thliarkar rilru in ka hria tunlaiah
Report this comment
June 7th, 2010 at 11:41 pm
‘Arbawm awmna a piang Mizoram’! a tehfung a mawl rem2 e mai kan dam khawchhuak leh dawn chuang lo!!Khawi hmun ah pawh arbawm te chu a awm ang chu!A shape,size a in ang lo mai2 a lawm!!Vai ho pawn arbawm te chu an nei ve tho!Kan ram hruaitu ho pawh hi,an nui vur2 ringawt a ,Ram changkang ah kan inchhuah lo tawp ang!
Naga-ho khian an ‘greater Nagaland’tih khi an hlawhtlin pui dawn bawk lo!Manipur ram khi chhe te pawn manipur khi a tawlh lo ang!Assam pawh a tawlh lo ang,Arrunachal pawh a tawlh lo ang,Burma pawh a tawlh hek lo ang!Damdawi rui ang mai in day dream ah an cheng mai2 a ni.Chuvang in MNF ang deuh khan,India sorkar lak ah hian,Dawl zawr in ka zawr e!!Tui(water) ang ka nem duai e.tiin intat lut sela a thra ber ang!
Report this comment
June 7th, 2010 at 11:49 pm
clap clap
Report this comment
June 7th, 2010 at 11:50 pm
Greater Mizoram sawi hi chuan hnuk a ulh nghal thei…
Report this comment
June 7th, 2010 at 11:50 pm
hnam dang chuann aram chhhann nan anun na poh a huam a…kei ni ho hiann ka ngam ve angemm??entir nan israel ho…
Report this comment
June 7th, 2010 at 11:59 pm
Ramri kham thei lo khawp kan nih hi! “Arbawm awmna apiang Mizoram” tih ai chuan “Keini hian a ruang-tuam chin, kawr dung zawh hian kan chang ang” ti ngam se! “Mizoram dil lian ber chu RIH-DIL a ni. Burma ramah a awm”. Ri chin han hung dawn tak tak ila a buai ber tur chu……
Report this comment
June 8th, 2010 at 12:50 am
chhangte_ll, #10 ka la hria alawm, a hmetpuak hmasa ber pawh a mah an tih kha![:)](https://misual.life/wp-content/plugins/smilies-themer/kopete/smile.png)
Mizo theuh2, mahni awmna ram/mahni ram tan hi kan in tih nat hleih ngawt mai.
Report this comment
June 8th, 2010 at 1:05 am
Silcharah pawh arbawm lian pui pui a tam mai Mizoramah kan MP chuan puang hmiah mai rawh se.
Kan politician te lah hian eng eng emaw hi han sawi vul chuk a nih hi.
Pu Denga pawh in an khaw hlui a tlawh tum in kan khaw tan hian mau pukhat tal ka la rawn keuh ve ang a ti kha maw.Kolasib in district an dil pawhin hmutawhah in ngai rawh u. Kan la hre reng a sin te a ti vel mai mai anih kha .Mipui lam erawh an lawm em em anih kha.
Pu Hminga chuan arbawm zawng in zinkual vel se.
Report this comment
June 8th, 2010 at 1:16 am
Greater Nagaland chu a theihloh hrim hrim.. Tute ram mah hi an la hek thei tawh lo..(tun lai dinhmunah) A aiia buaina lian chhuahna mai mai a lawm. Tuna an state ah khian lawm takin awm hle hle se a tha mai.. Keini Mizoram pawh a ni tho. Kan ram a ni thin tih hian awmzia vak a nei tawh lo. Tunah a nih tawh loh chuan a pawi vek tawh. A awmsa, ramri khamsa hi humhalh a pawimawh a ni mai.
Report this comment
June 8th, 2010 at 4:25 am
Ka chunga mi chu i thaw fuh hle mai….A dik chiah ani, kan ram zim te pawh kan enkawl theih loh laia, a aia zau lo la beisei te zawng, chhuanmang ro kan rel ani ringawt a lawm, changkan a har awm em mai…. Trawng hi hnam insuihkhawm nan chuan a pawimawh ber… kan Politician te hi Thuvuvuk mai mai sawi hian iak iak lo mai teh unnn…. Ramdang Politician te chu Ram chawikangtu leh khaidingtu an nih laiin kan Zoram POlitician ve te erawh Ram thranmawh bawk……. hihihihhhiiiiii.
Report this comment
June 8th, 2010 at 6:50 am
Pu Hminga thu chhak chhuah ve hi a logic leh a tum tak hriat a harsa khawp mai. A eng pawh chu ni se, kan thiamna leh finna, zir sanna hmangin ram zau tak dap khawpin Mizote hi inzar pharh thei ila ti zawk tur ni awm tak hian arbawm te a rawn sawi tak chu le? Mizote hian Parliament-a kan aiawh kan thawn chhuahte hi an chau rau thei thin khawp a, kan vanduai ti tawp mai ang. Han chhuanawm deuh veh vawh, debate leh Delhi tlanga networking nei tha thei deuh pakhat te mah kan la nei lova. Pu Duhawma kha a tha viau dawn a, ani lah kha ama anti defection law pass ngeiah a inawk leh hlauh si a.
Report this comment
June 8th, 2010 at 7:07 am
Hmuh theih loh leh proof na pawh awm lo Vanram pawh, rinna in luh kan tum alawm mawle, khawvel thil hi chu Nothing is impossible an tih ang deuh kha ni maiin ka hria.
Report this comment
June 8th, 2010 at 7:42 am
tiang ringawt mai chuh, mahni mawng hlimna te pawh a ang alawmle.
Report this comment
June 8th, 2010 at 7:53 am
Report this comment
June 8th, 2010 at 9:15 am
Naga nationalism hi a awhawm hran loh. India do lovin tunah chuan anmahni leh an mahni an in dova. Ao leh Angami an in ngeih lova, Sema hnam phei chu an huat rawn emaw tih tur ani. Atlangpuiin Naga thalai tam zawk hian, underground-ho hi an kham ru em em tawh zawk ani. An duh hun hunah mihausa deuhte pawisa an demand a; Hnam leh hnam, chi leh chi indo chunga nationalism rilrut put hi a awhawm hran loh khawpin ka hria.
Tunah chuan central atanga hamthatna awmve te pawh sorkar hnathawk leh politician ten an tlan hem hem mai anih hi. SC Jamir chungchangah pawh khan kan hria ang chu.
Tunhnai deuhvah inlungrual thar ta a insuihkhawm ta ang hrimin ,Naga HoHo alo ding a. Engteh ual an nih chuang loh hi maw. NAGALIM ( Greater Nagaland ) hi tuna an duh ang hian engtikahmah an hmuh arin awm lo.
Phizo-a te hunlai leh NSCN dintirh ang khan lungrual takin la kal nise chuan, mipui nawlpui support pawh hi an hmuh zawk anga.
Report this comment
June 8th, 2010 at 9:23 am
Upa ten Thuril tak ngaihtuah zui ngai an sawi thin kan hriatthiam toh loh zia a lang e,Arbawm hi Mizote ta ani. Thangthar inti fing tak2 te hian Patent dan zawng rawh u.Mizo te hi Kan pianna ram NATIONALISM ah i kir leh ang u,India ram kal phung uluk tak a i thlir chuan Kum 2050 kan thleng dawn lo.USSR dinhmun ang kha kan hmabak chu ani.INSUIHKHAWM LEH ZAI I REL ANG U>
Report this comment
June 8th, 2010 at 9:48 am
Ngati nge HISTORY hi tawp vek tawhah kan ngaih le, saphovin min awp hmain mahnia ro inrel kan ni a, chumi hnuah min awpa India-in min awp leh a, chutah talchhuah kan tumna atangin kum 44 vel awrh a liam a, ZO HISTORY hi a tawp ta emaw kan tih le! Hetianga awm kumkhua tur hi kan ni chiah em? Ngati nge NATIONALISM hi kan ngaihtuah peih tak loh. Vai emaw kan inti zo ta, ava han chhah thlak tak em!! Tih duah a chakawm…
Report this comment
June 8th, 2010 at 9:55 am
Mak ka tih chu: Ni 50 chuang tawp hei kawng chu an dang a ni tawh mai si a, engvangin nge Central lam hi an inrawlh duh tlat loh mai le? Engvangin nge an uipui tui lian thlir mai mai dawn ve teh?
Naga ho hian Mizo ten Independent kan sual hma hauh khan an lo sual tawha, hnam, chi leh chipeng hrang hrang inzawmkhawm nimahsela thu khat vua a an tan ho theih naber ni in a lang. Hei hi Central lam kan hotu te hian an hlauh phah em ni aw tih mai tur a ni. Kan ram pawh hi hei ang hian tangrual ila kan ding chhuak ngei in ka ring tlat a ni.
Report this comment
June 8th, 2010 at 9:56 am
Pu Hminga hi arbawm intahsiakah ka cho. :lol:
Report this comment
June 8th, 2010 at 10:24 am
Chuti chuan, Manipur, Bangladesh leh Burma rama Zo hnahthlakte chenna Chhin Hills, Tahan leh Khampat/ Kanan phairuam tha zawng2 chu Mizoram a lo ni tawh ang a… a va nuam dawn em!
Report this comment
June 8th, 2010 at 10:43 am
@kawlhawk: A la ni lovang tih tunge sawi thei le… Europe lam thlir ila, Unification an neih hma leh an neih hnu en khuan hun chu a duh a ni lawm ni… political boundary kher hi kan mamawh lo mai thei…
Report this comment
June 8th, 2010 at 12:08 pm
A pu Laldenga ang deuhin tawng a duham ve a ni maw! Ama sawi awmzia pawh a hre nangut emaw chu! Thu phunglung deuh deuh hi sawi mai mai teh suh se. Rajya Sabha ah saptawngin emaw hindi-in emaw engnge a sawichhuah tawh? A pu Denga ang deuhin Hmai Hnih Neia an ti ve mai tur asin. Naga ho pawhin khawiah Manipur ram la hekin “Nagalim” chu va din nek suh.
Report this comment
June 8th, 2010 at 12:16 pm
“Manipur pawh ni se, Burma pawh ni se, arbawm awmna apiang hi chu Mizoram a ni,” tiin Lalhmingliana chuan a sawi.
Opposition nih laia sawi atan chuan a inhmeh tawk fuu nii..
Report this comment
June 8th, 2010 at 1:12 pm
@ZOaTlau: I rilru tur ka hrethiam khawp mai. I ngaihdan hi a dik a lawm, Hnam movement in a nuai ve loh thangthar kan tam ta. Mahse MORALLY ASSIMILATED hi inchim ralna ralthuam ah chuan a tha ber awm mang e, Vai ngal ria te te inchim tir vak aiin ka hlau zawk.UNO lamin indigenous people policy hi kan tan chuan a tangkai ber dawn, ARBAWM hunna a la pawimawh ang.
Report this comment
June 8th, 2010 at 11:05 pm
Comments tam zawk ah hian Thangthar ten Mizo te hmalam hun kan vei loh zia alang e.Eng ang a Zir sang pawh ni la, I HNAM a RAL a,Hei hi Ka RAM ani tih tur i neih loh chuan…..Kan Sakruang Mizoram tan tih hi ngaituah zui rawh.
Report this comment
June 8th, 2010 at 11:22 pm
Hnam vei loh lam ani lo. Dan a awma, chumi baka mahni duh dan ang anga lo nawr ve ringawt, arbawm awmna ang zawnga Mizoram lo hauh kha chu a mawilo lulai deuh em alom mawle. Chu ai chuan, Politically leh Geographically hian kan Ram chin chang te hi bel ila. Khawvela awm kan la nih miau avang hian khawvel lam Dan mila KAN SAKRUANG MIZORAM hi kan hauha, kan veia, kan humhalh a tul alawm. “Mizopa-in ka ti”, tih ang chi ringawt philosophy hi chu kan kalsan a hun deuh tahw lo maw, Pu Khuangcher.
Report this comment