Kan tui emaw tui lo emaw, tlem azawng chhiar belh leh ang aw. A hlawkpui a mual mual kan awm mial mai thei asin!
1. ENGE/ENG NGE: Mi tam takin ‘enge’ tiin kan ziak mai thin a. Mahse, ‘eng nge’ ti-a ziak zawk tur a ni.
2. ENGEMAW/ENG EMAW: Hei pawh hi ‘engemaw’ tih hi a dik lova, ‘eng emaw’ ti-a ziak thin tur a ni.
3. ‘NGE’ tih reng reng hi a hma thu-ah bet lo se, a dik zaih mai. Chhiar pawh a nuam bawk.
4. A VANG CHU/ A CHHAN CHU: Mi tam takin thu an sawi leh ziakah hian ‘Ruah a sur avangin kan kal thei ta lova, a vang chu, nihliap kan nei lova’ tiin an sawi thin. Hetiang reng rengah hian, sap tawnga ‘because of’ emaw ‘due to’ emaw hi mizo tawngah chuan ‘ a chhan chu’ tih a ni thin. ‘A vang chu’ tih ‘a chhan chu’ aiawha kan hman hian tawnghmang dik lo a ni.
Tawng reng reng hi inthlakdanglam (evolve) tur a ni tih hi ka pawm a. Mahse, ziak zawm leh zawm loh turah hi chuan inthlakdanglam lo se, a fuh zawkin ka hria.
Similar Posts:
- Zo tawng ziakdan tlem
- Mizo tawng ziakdan tlem (trinity)
- Ka thianpa ve thung…. :-)
- Ka Lawm A Ni 21
- Police te tihdan hi Rorelna dik a ni em?
(Y)
June 8th, 2010 at 1:06 am
zorunpui, Mizo tawng hi ka thiam ang hian i thiam ve em? Nulat/tlangval hnu a tawng pai ka hmuh te hi, tul dan a zirin an aia pai pawn ka tawng thiam.
:evil: tra la la la la
Report this comment
June 8th, 2010 at 1:08 am
@Zorunpuia, Pu James Dokhuma kha chuan mizo tawng hi a thiam a ni tawp mai. Tawngkauchheh a thiam viau a sin. ‘Bar Thla Eng’ tih te kha lo chhiar tum ta la..
Tin, Pu Jimmy L. Chhangte khan lehkhabu a ziak a,(Thamral lo Mitthla tih a ni ‘Lingering Memories’) a ngaihnawm khawp mai. Saptawng a thiamzia a langchiang khawp mai. Zo tawngah pawh ani khan Sabereka Khuangkaih a enkawl lai vel khan a thawhhlawk hman khawp mai.
C.Thuamluaia thuziak zingah chuan ‘Sialton Official’ kha a lar a, a that pawh a tha. Mahse, ngaihnawm ka tih ber mai leh ka ngainat em em chu, ‘Engtin Awm Ta Zel Ang Maw?’ tih kha a ni..a suangtuahna han that turu mai mai zia kha awww..
Vanneihtluanga hi tuna mizo damlai zingah chuan mizo tawng thiam ber pawla ka ngaih a ni.
Report this comment
June 8th, 2010 at 1:11 am
@evergreen ; @funny tan fiamthu ka’n thawh mei mei a nih kha! :lol:
Report this comment
June 8th, 2010 at 1:11 am
Vanneihtluanga hi chu a Mizo tawng thiam ai mah hian a tawngkam thiam hi a larpui ni hian ka hria..
Report this comment
June 8th, 2010 at 1:14 am
coolsoul09: Vanneihtluanga magazine, Lengzem tih ah hian Mizo tawng tilovin Mizotawng tiin thenkhatin(thenkhat mai pawh nilo, hemi word hman a tulna ka ka chhiar fuh apiangin niin k hre ber) an ziak thin tlata ka hriat chu.. han Google teh I duh leh..
Jimmy L Chhangte ziah “Thamral lo Mitthla” kha mizotawng lehkhabu ka chhiar tawh ah ala chhah bera, ka nin ber ani e. hairehai.. ning miahlova ka lehkhabu chhiar chhuah hi an tamlo asin aw.. lolzzzz
Report this comment
June 8th, 2010 at 1:18 am
Jimmy L Chhangte boral hma lutuk kha a uihawm ngawt mai.
Report this comment
June 8th, 2010 at 1:22 am
@coolsoul…Jimmy L.Chhangte lehkhabu ziah “Thamral lo Mitthla” tih kha ka chhiar chak ve hle mai, ka hriatna a rei tawh viau nain ka la chhiar tlat lo..A thupui hming “Thamral lo Mitthla” tih khi ka mit thla thina, ka rilruah hian a la thamral thei tlat lo, lung a kuai nghal tawp a ni ber mai.Haw velah lei ve tur a ni. Lei tur a la awm em ang chu maw!
James Dokhum chu, “Ka thu hretu” Fountain pen a ziah kha ka la hre reng mai, kan zir ve tlauh tlauh thin. “Tumpang sial nge Saichhingpui?”kha kha a ngaihnawm ka ti leh em em bawk.
SIALTON OFFICIAL mawlh mai hi, Misual-ah hian eng tin emaw nia sawi ho dan awm se ka va ti em! Min hneh ngawih ngawih a ni ber mai. “Engtin awm zel ta maw?” ka la chhiar lo, LEITLANG DINGDI,PU HANGA LEILET, ZORAM NIPUI, etc.. a ngaihnawm hlawm khawp mai Pu C.Thuamluia kut chhuak ho hi.
Report this comment
June 8th, 2010 at 9:33 am
Tumpang sial nge Saichhingpuii? ni loin Tumpang chal nge Saithangpuii? tih a ni zawk. Tumpang nge chal Saithangpuii???
Mi thuziak tha in tihte khi a tha hlawm khawp mai.
Ka hmuh dan chuan “Engtin Awm Ta Zel Ang Maw?’ tih hi Louis L’Amour a cowboy thawnthu ang deuh a ni a, a thawnthu a ropui ang hu-in a tawp a ho.
James Dokhuma tawngkauchheh hi a nalh thlawt e:
Siak nei kal, khawichhur hmet tuvu hluah hluah awm hmelpu, etc, te hi ka lawm tlat.
Lalzuithanga ziak, “Phira leh Ngurthanpari” tih pawh hi a tawp dan duhthu a sam lo khawp mai.
ZIAK leh ZIAH:
Pu R. Vanlawma kha ‘Ziak” chauh duh a ni.
M.A.L. hian ziak modifed form atan ziah hi an pawm tawh.
“Funny milem ziak lai hmel chu chhe ve tak a ni” kan tih chuan Funny kha milem a ziah laiin a chhe ve hle.
“Funny milem ziah lai hmel chu chhe ve tak a ni” kan tih chuan hnial rual lohin Funny aiin a milem ziah kha hmelchhia chu a ni zawk tih kan hre thei.
Vanneihtluanga hi Mizotawng thiam berah pawm chi a ni lo. Intawklawi pawh a hre lo.Champhai leh Aizawl kawng zim avanga motor inpel hlei thei lo kha intawklawi emaw a ti tlat.Thuthluai thlum chu a thiam. Hmangchang pawh a hria.
In lo chik ve emaw, Vanglaini ediotrial-ah hian ‘v’ kan hmanna tam tak— lovin, lova, lohva, lohvah, tih vela ‘v’ hi a rawn paih vek thin. A tilawmawm ka ti khawp.
Report this comment
June 8th, 2010 at 10:11 am
82
Diktea_Pa: mi(sual)-te tleng phak, ” THLENG PHAK” tih tur a ni lo maw…..ve khauh mai a..(ai a hre zawk correct ve khauh na chance…fimkhur rawh u…ka lo thlir vang vang a nga, a tisual sual chu ka lo khawng keuh zel dawn che u a nia. Helm.
Report this comment
June 8th, 2010 at 10:21 am
@mr.Duhlova sawwwli, tihsual palh. Mahse, ai a hre zawk i tih zingah ka tel lo kei chu.
Report this comment
June 8th, 2010 at 10:44 am
Mi thil ziak chauh in chik a, mahni ziak khi chik ve tho ula,
82
Diktea_pa # “po’n ” ..’pawh in’ tih kaih tawi a nih vangin, “paw’n” a ni ang chu.
90
Zephenath # Lalthiamhlima “Lalthianghlima” a ni zawk lo maw ?
98
Zorunpuia # ..hmang dik thin ‘lutun’ kha a ni a. “lutuk” a nih hmel zawk e.
In tu-ru hlawm hle mai, keini’n ngaihnawm ti a kan chhiarliam mai mai kha, an tihsual lai inlo hre chet chet zel mai a, eng mit nge in neih bik aw…misual sualna ti famkimtu Misual diktak inlo ni e…in lawm e.
A bengvar thlak hle na a…Mizo, thu leh hla a kan mi chhuanawm (chhuanvawr)te kan khel deuh mah mah em aw..in hre zawk tho ang a…helm.
Report this comment
June 8th, 2010 at 12:07 pm
RC-a, inhnial dawn chuan maw..inhnial theih tak a ni. I rawn tarlan atang hian ziak tih hi ziah tiha thlak ve a that chang chu a awm tih a lang chiang hle-in ka hria. A lawmawm e.
‘V’ Sapdanga’n a ban avang maia i lo lawm ve viau mai chu a..haha..
Read this : Pawisa nei loa, Bangalore kal loa, inkhelh theih bawk si loha, loa feh zawng a hahthlak a ni.
And this : Pawisa nei lova, Bangalore kal lova, inkhelh theih bawk si lohva, lova feh zawng a hahthlak a ni.
Kei chuan a pahnihna hi ka la duh zawk tlat. Love it.:) A lam a nuam a, a flow pawh a tha zawk.
Report this comment
June 8th, 2010 at 12:38 pm
112 coulsoul09: ‘v’ hi Pu Sapdanga’n a rawn ban hi a lawmawmna chu heihian v tel lo pawha chhiar dik mipuite a zirtir a ni, kan tih than hunah chuan tuna i han sawi pahnihna anga lam ri chung si khian a pakhatna anga ziak khi kan la duh em emin ka ring tlat.
Hemi chungchangah hian James Dokhuma kha ka zawt tawh a, ani pawh khan ‘v’ dah loh kha dik a ti zawk tlat nia. Mahse kan lo tih than tawh avangin v hi chu dah zel phawt ila, kan dah a nih rau rau chuan a hmaa mi nen inzawm ngei se, tihkha a duhdan a ni. Lova, love, etc.
Mahse hmun tam takah kan zawm lo a, ‘a che mawi lo lo va, a uang lo va,’ tih te a ni tlat si hian min chhiar diktir phah chuang lem lo. Chu mai ni lo-in Pu K.C. Lalvunga essay ka han tarlan atang khian ‘bo e’ tih tur ‘bo ve’ a tih tlat khian awmze hrang a nei ta a, Chuvangin a awmze dik phawk chhuak tur zawka ziah zel mai hi a tha zawk dawn lo’m ni?
‘Lo em ni’ tih tur kha ‘lo vem ni’ tihte an rawn ziak a, ‘vem’ hi a awm ngai em? eng nge a nih? eng tihna nge?
Kei chuan ‘Ka lawm e’ tiha ziaha ‘ka law me’ tia lam rik mai hi ka duh dan zu ni ve tlat ia.
Zotawng ziak zawm sia Mizotawng zawm lo tura kan ngai tlat pawh hi Chanchinthar (noun) tih Chanchin thar (noun + adj)dah tum tlat Vanneihtluanga Zonet ang chauh a ni. Hetiang anih te chuan Lushai pawh kan zawm thei nang. Lu chu hnam, shai chu sawm tihna a ni si a, Lu shai tiin kan ziak dawn em ni ang?
Taka lehlin thu/hla te an rawn ziak nual hlawm a. James Lianmawia’n ‘Battle Cry’ a lehlin kha lehlin mawi ka tih ber a la ni.
Report this comment
June 8th, 2010 at 12:55 pm
@mr.Duhlova @111 #100-na leh #103-na khi en chiang ta che!
Report this comment
June 8th, 2010 at 1:30 pm
RC, chanchinthar tih hi noun+adj a nih angin ziak zawm loh awm tak a ni reng a ni…
Hengte hi han en ta la : chanchin hlui, chanchin ngaihnawm, chanchin rapthlak…chanchin thar tih hi kan ziak zawm dawn rau rau chuan, hengte pawh hi zawm vek law law awm tak i ti ve lo maw?
“Ka lawm e” tihah hian ‘v’ a awm lo. ‘V’ ban chungchang alawm kan sawi. ‘V’ hian tawng a timawi ka ti a, Bible lama an ziakdan anga, a hrang nalha va dah hi tha ka ti miah lo bawk. A hma-a thu-ah bet mai sela, a lam pawh a nuam bawk. ‘Ka law me’ tiha ziak hi ka la hmu lem lova, ‘Ka lawm me’ ti trut trut hi ka la hmu lo bawk…
Report this comment
June 8th, 2010 at 2:32 pm
In va han tilawmawm em. Ka nin ve chu “Niin” tih electronic media hoin an uar lutuk hi a ni. “Kei misual tak hi ka nuin suala min pai ka ‘niin’ pianpui thatna reng nei lo ka ‘niin’ beidawnthlak tak ka ni inti ta ila niin tih hi ka hmang rim lutuk deuh lo ang maw? Sentence zawm nana ‘niin’tih hman kual vak hi radio leh TV lama thawk hote hian sim deuh teh se.
Report this comment
June 8th, 2010 at 3:45 pm
Vanneihtluanga chu ka la zirtir kim hman rih lo a nih kha … :lol:
Report this comment
June 8th, 2010 at 5:33 pm
Chanchinthar(news)hi chuan chanchin thar te, chanchin hlauhawm te, chanchin rapthlak te, chanchin ngaihnawm te hi a huap theih vek a vangin Chanchinthar (noun) a lo ni ta a ni. TV programme ami hi chu Chanchinthar tih a dik zawkin ka hre ve tlat. Chanchin thar hi chuan thil thleng (events/incident) awmsaa a latest development kah akawk a ni.
Motor a accident a, thi 4 an awm a, chanchinthar(news) a ni, motor accident chungchangah chanchin thar ber chu 6 an thi tawh tih a ni ti ta ila, ziak zawm kher a ngai lemlo ang.
coolsoul, ‘v’ khi i duhsak lua deuh lo maw? ‘v’ a nih avanga ziah dan kalphung pangai aia dang lama ziah tum tlat tur em ni dawn?
Report this comment
June 8th, 2010 at 5:51 pm
RC, i sawi hi a dik zawk hmel tlat:) Ka inhnuk dawk e.(inhnukdawk) tih zawk tur em maw ni le?
Report this comment
June 9th, 2010 at 1:45 pm
V telh chungchang a JF-a lekhathawn hi ka rawn tarlang ange.
To
The Editor,
“Remna Arsi”
Ka Pu,
Mi thenkhat keimah ang bawka Zotawng lama intifet peih leh ngiaunger deuhte hian ka thu ziak reng reng a; “fo ang”, “lo e”, “Laldailoa” tih tur niawma an ngaih a “fo vang”, “lo ve”, “Laldailova” ti a “V” ka rawn telh thla zen hi ngaimawhin min khengin min khak fak fak fo va. Hetianga “V” zeh hi kan Zosapte’n min zirtir leh min tihtir a ni a; hemi chungchangah ngat hi chuan Zosapte remhriatna hi za-a-zain ka thlawp zan mai.
‘Kan Zosapte remhriatna’ ka tia mi kha? An rem hriatna pawh a ni bik chiah lo, khawvel hnam pui zawkte’n a an lo tih thin dan zawk a ni mah. “Vowel” thiang lamrik hran harsat dan an hria a; chumi pumpelh dan kawng chu an dap an dap a; “Consonant hmaa the tih pawh vowel hmaah chuan ‘thee’ anga lamrik ziah tur; ‘a ‘pawh pawh hi ‘an’ tih zel tur. ‘Y’ leh ‘U’ kum (-oo-) hmaah erawh chuan a tul lo,” ti tein dan fel tak an lo siam tawh a. George Bernard Shaw-a chungchang (tihdan leh thurin)sawi nana a hming chawia adjective an chher pawh ‘Shaw-ian’ tih chuan a vowel ri double khan lamrik a harsa deuh dawn e an tih vangin ‘Shavian’ hi an ti ta then mai a. Chutiang bawk chuan ‘Nehru-ian’ ti lovin ‘Nehruvian’ an ti zel mai a nih hi. Dictionary pawh han melh ngat chhin teh u.
Kei chuan hetianga hnampui zawk lo chin dan kumkhua hi chhawm ve mai ka rawt e.Hawrawp hi tawngri chhinchhiahna ‘Symbol’ mai a nih avangin tawnga ri tel tawh phawt chu kan ziak tel zel mai tur a ni lo vem ni?
I rintlak,
J.F.Laldailova
Report this comment
September 19th, 2010 at 1:19 pm
Hei pawh a thupui khi ‘ziahdan’ tihtur ani e.
Report this comment