Kei tawng ziak/ziah dik lama chhuan tur reng reng nei lo mai nilo uluk em em lo hre ril bawk hek lo hi ka buai deuh tlat. Sande Sikul hi “kai” kan ti dawn nge “kal” kan ti ang. Nge a hma danin a dik ve ve thei :?:
Synod hian thuchhuah a siama “kai” tihtur te hi a lo ti reng reng em ni ? Ti lo ni ta se kan tawngah hian Synod hian thu an nei ber reng reng em? I lo sawiho teh ang u, a thiam deuh khan sentence nen thlap-in entir theih nise 
Similar Posts:
- Synod in Police ngaihdan pawm thei lo bur
- Education Reform – An Discuss Ve Tho
- Bird Flu lak atanga inven a ngai leh dawn
- Synod Pension and Provident Fund Chungchang
- Sap Ram Chiahpuam man chhuak
(Y)
June 21st, 2010 at 6:17 am
Entirna-in bul tan ila : Lawmman PAKHATNA hi Sunde Sikul kalkim/kaikim hnenah pek thin a ni.
Kal: Hei hi chu thil tih (verb) pangngai a ni.
eg. Sikul ka kal dawn. Lo kal rawh..etc.
Kai: Hei hi Sakhuana tawngkam (Kohhran deuh) atanga lak a nih a rinawm. eg. Vanram i kai dawn em? Tin, tunhma deuh khan ‘kai’ tih hi hmanlar a ni phian. Sunde skul i kai dawn em? tih-ah hian. Thangtharten kan hmang ta vak lo.
Mizo tawng tualleng (kohhran tawngkam deuh) a ni ber ang chu. Van lam kawhna thilloah chuan hmanna a van hmel.
‘Kai’ tih hian hmun hniam deuh atanga hmun sang deuh a kawk anih hmel e. Chuvangin Sunde sikul kha atir (tun hma deuh) kha chuan hmun sang leh zahawm anga ngaih anihna laiah khan ‘Sunde sikul kai’ tih tawngkam hi hman a ni ta aniang…..
Anihloh pawhin ‘chuangkai’ tih atanga laktawi te pawh a ni thei tho ang. Chuangkai = lo kal, lo leng etc…. eg. Kan In-ah lo chuangkai ve hrim hrim rawh… Motor tlan laiin an chuangkai ngai lo
Synod lamin chutiang an tihawm ka hre lo. Thumal pahnih, awmze inang a ni mai e.
eg. Tunah kaikim/kalkim lawmman sem a ni ang.
Report this comment
June 21st, 2010 at 6:34 am
Sande sikul kan kal a, Sande sikul kai kim lawmman kan la thung. Tawng upa pawn, Siang kaina/lawina run te pawh Sikul kan luhna sawi nan kan hmang a ni lawm ni.
Ka hnam hming hi Vangchhia a ni a, han sawi mai chuan Vangchhe hnam ka ni lawi si; chutiang ang deuh chu ni maiin ka hria e.
American ho pawn YES/NO tih an hmang tho nangin, dan siam tute an in hmuhkhawm chuan YES/NO aiah AYE/NAY an hmang daih thung. Chutiang ang deuh te pawh chu aniang chu, a hmanna hun leh hmun a zirin kan la hmang a ni mai lawm ni?
Report this comment
June 21st, 2010 at 7:08 am
Naupan laiin, “Sande sikul i kal ang u, mitin tan a lo ni si….” kan tih thin kha maw!
Report this comment
June 21st, 2010 at 8:10 am
Kei mimawl ngaihdan ah chuan ‘kal’ tihtur ngei ani.:-|
Report this comment
June 21st, 2010 at 8:50 am
Beginner ka nih lai atang khan Sande sikul ka kal a, Tin, Kai kim lawmman pawh intermediate ka kal theng khan, kumtin ka lo la ve tawh thin. Pathian malsawmna zarah…
Report this comment
June 21st, 2010 at 9:17 am
Sande School kal hi ka duh zawk.
Report this comment
June 21st, 2010 at 9:17 am
Sikul ka kai tan kum khan si kul kal dawn apiangin ka tap thin.
Report this comment
June 21st, 2010 at 9:20 am
ka kawmchar thing lubul ah khuai a kai a, an kal sawn leh hma a ruh ngei a ngai ani.
Report this comment
June 21st, 2010 at 9:24 am
# 1 :lol:
Report this comment
June 21st, 2010 at 9:32 am
Naupangte chuan aganwadi kha kan kal mai a, nursery leh kindergarden tih vel kha a la awm ve lo. Kan hleikang deuh ta maw tihah khan ‘Sikul pui’ kan ‘kai’ ta thin a ni. A hniam zawk atanga a sang zawka awm sawn sawinan a hman theih a, eg, lawnkai. A ni kher lo thei bawk, eg. Lehlama zuangkai.
Rual u leh zual te kha chuan kai kha an uar ve khawp, an hman pawlh ni maiin ka hria. Zo tawng a hausa e. . .
Report this comment
June 21st, 2010 at 10:00 am
Pu Pasena khan ti hian a phuah mauh bawk…A,AW,B Hla :-
“Sikul ka luh tirhin mikhual ang ka ni a,
Ka pawl min siam sakin ka hming an han ziak a;
Mak ti awm fahranin A ka han ti phawt a,
Lungleng awm tak maiin Aw ka han ti a.
B ka han sa ta a chhawn tur van vei vei nen,
Ka kawibawm min ti ngai kan tual zawl nuam tak nen;
Ban hma loh phei chuan Ch ka lam ka lam thin,
Ei tak tak si lovin D hmun ka thleng thin.
Phul emaw ka ti a E a ni awzawng lo,
F ka han kai lehin a lo Awzia ta zawk;
G ka han kai phei chuan Vai rim a nam rum rum,
Aieng awm si lovin Ng ka tih tak chu!
Hahchhiau chhuak ang maiin H ka han ti chiam a,
Zungchala kawk zelin I ka han ti chiam a;
Mal rawl teuh ang maiin ka J ka ti thel thawl mai,
K-a kal si lovin thui tak tak ka kal.
Lo zir hmasate kha L ngawt ka tum ta a,
Lum ti awm tak maiin M ka ti em awm a;
N lovin ka zir thin dangnal hunah phei chuan,
O ka ti o-o thin vawn ka tum vangin.
P ka lam apiangin ka Pu pawh ka hre thin,
R ka lam erawh chuan kan sumhmun ka hre thin;
S ka han thlen hi chuan ka saisik seih seih thin,
T ka kai chinah ka titi ta thin.
Vairal kian hun pawhin T ka ti leh dek thin,
U kianga ka awmin ka lo uang em em a;
Khuai lamte pawh zirin V ka ti vang vang thin,
Z ka lo thleng ta a ka chhiar zet zet mai.”
Report this comment
June 21st, 2010 at 10:00 am
Tunlai hian sundes skul kai tur anga kal a, skul (biak in) kai ta lo/ kawng danga peng ta an tam an ti. Kan kal chuan i kai ngei ang u. Kai/kal a hmanna a zir mai a ni e.
Report this comment
June 21st, 2010 at 10:23 am
Sande Sikul i kai ang u,
Mi tin tan a lo ni si
tih hla ka sak awr awr thin lai kha a lova rei tiah tiah tawh tak em!
Sande Sikul i KAL ang u tiin kan sa ngai lo nain, KAI leh KAL dik zawk tur ka thai lang pha lo.
Report this comment
June 21st, 2010 at 10:31 am
sunday school i kai em? in khawm ban ah tih zawk tur. i kal em tihloh tur a ni lo. i inkhawm loh chuan.
lawngtlai lam chuan an ngai pawimawh khawp zing inkhawm lo vin an kai. khi tiang khi chu i KAL em tih tur.
i awm lo a nih pawn i fa te khan sunday school in kal em ni lovin in KAI em tih tur, an kala Kai lovin an in khualtelem thei.
khual dang i zawh dawn chuan, i vengah sunday school in nei em, emaw in kal em tih pawh a dik ang. han chhuanzawm ru
Report this comment
June 21st, 2010 at 10:33 am
Sundes Skul KAI turin Biak In panin kan KAL. Sundes skul KAL kan ni. Biak In chhung kan luh/rah/chuankai chiah hian Sundes Skul KAI kan ni. KAL ringawta KAI ta lo pawh an tam. KAL kim siin, KAI kim ta lo pawh an tam. KAL kim lawmman aiin KAI kim lawmman sem hi a dik ka ti.
Report this comment
June 21st, 2010 at 10:38 am
Zirsangzela Hnamte chuan a hla-ah ti hian aphuah a :-
“Mahse in run kai ngam si lo hian e,
Ka hawi ruai ruai thin sakhmel vaiin;
Hmangaih D nunnem, chhunni zan tluanin,
Ka ngai ka ngai che, ka ngai vawng vawng che.”
Report this comment
June 21st, 2010 at 10:46 am
Hmanlaiin kan pi leh pute ‘Vai an kal’ thin..
Report this comment
June 21st, 2010 at 10:57 am
Kawlhawk hmandan #12 & 15 ka support khawp mai.
Report this comment
June 21st, 2010 at 11:19 am
#5Ku Shai, #12&15 Kawlhawk hi kei pawh ka support e.
Report this comment
June 21st, 2010 at 11:32 am
Kei pawh @kawlhawk #12&15 ka thlawp e.
Report this comment
June 21st, 2010 at 12:18 pm
Sande sikul kai turin Biak In panin kan kal.
Kai tih tawngkam hi Sande sikul kher lovah pawh a hman theih tho lawm ni. Sikul kal rual ti lova ‘Sikul kai rual’ tihte hian kan tawng hi a tihausa sawt a ni lawm ni.
Report this comment
June 21st, 2010 at 12:52 pm
Sande Sikul secretary Report i lo ngaithla ang u –
1)Vawiin Sande Sikul naupang lam 500 an kal, kallo 200
2)Puitling lam 700 an kala, kallo 300
3)puitling leh naupang belhkhawm vawiin Sande Sikul ah 1200 an kal kallo zz 500 avaia belhkhawm hming ziak zz 1700
heihi report dan dik nge ? Heti zawk hian report tur –
1)Vawiin Sande Sikul naupang lam kai 500, kai-lo 200
2)Puitling lam kai 700, kai-lo 300
3)puitling leh naupang belhkhawm vawiin Sande Sikul kai 1200 kai-lo zz 500 avaia belhkhawm hming ziak zz 1700
A dik ve ve kan ti dawn nge Kai hmanna khi a religious deuh avangin a dik zawk kan ti ang le kei misual hi ka la bo tlats
Report this comment
June 21st, 2010 at 1:05 pm
Sunday School trainer pakhat chuan ‘kai’ tih hi hman thin tur a ni e, a ti a; a dik nge phei chu ka hre lo. A dik ve ve ni berin ka hria.
Report this comment
June 21st, 2010 at 1:06 pm
A dik tak sawi a va har ve. Kan nu leh pate sawi dan chuan, “Pisa ka kai,” an ti a. “In fapa chu sikul a kai ve phak tawh em?” an ti bawk a. Tlangval ve tawh sawinaah pawh “Ralkai chin” tia sawi a ni ve a. Heng hi a inkungkaih em le? Pisa te, sikul te an kai chuan Sande Sikul pawh chu kai ve mai awm tak chu a ni.
Report this comment
June 21st, 2010 at 1:26 pm
KAI hi a sakhua bikna riau a awm chuang lo. “In runsang kai ka zuam lo…” tih lam lengzem hla thu pawh kan ngah lutuk. A chunga mi ang khian Pisa kai, School kai ect… Nula rim turin phur takin i kal a, an nu&pate lo awmin, inlengte puitling pui2 an lo neih thup a, i KAL ngei a, an run i KAI ngam ta lo ang hian…
Report this comment
June 21st, 2010 at 2:57 pm
Zephenath 1st tawhna-ah chuan a la sawi sei ber, a la sawi tha ber bawk awm e.
#2 HV, i sawi tha khawp. Kawlhawk hian a sawifiah tha bawk e
lushai_er, a A, Aw, B hla chu… Ka lung a va han tileng em ve aw…
Report this comment