Kan nitin nunah hian mihring hian exercise hi kan mamawh khawp in ka hre ve a. Kut hnathawk leh hna hram deuh thawk te hi chuan a hranpa a exercise lak hi an mamawh vak lo pawh a ni thei. Mahse hna awmnem deuh leh thuthmun a nileng leng a khawsa thin tan chuan a tul leh zual khawp in ka ring. Office kai tan pawh hian a tul khawp ang le. Officer, mahni motor a office kai thin te pawh in an mamawh em em ang.
Exercise hi vawikhat lai kha chu ka la ve thin a. Zing dar 5 velah tho in, 2 km vel hi chu chak tak hian ka kal thin. Mahse tumkhat ka han damloh zeuh atang khan ka exercise lak thin kha min ti bahlah ta tlat mai a. A tha tih chu hre mah ila ka peih ta tlat lo mai a. A pawi tak tak a ni.
Exercise kan lak loh luat avang hi a ni thei ang em dulkiar deuh deuh te kan tam a, kan hrisel hleih theih lohna chhan hi le? Exercise lak hian hunbi a awm em le? Zing karah chauh hian Mizoramah hi chuan kan la ber thin ni hian ka hria a. Chhun hunawl lai te hian lak a pawi em, tin, zan lamah te.
