Hman ni chu ka lenna in Pakhat a Tlangval pathum hi an lo muhil bawrh bawrh mai a; chutia tlangval chhunlai a mu hnar ta bawrh bawrh chu mak ti takin ka lenna nu chu ka zawt a; “Nizanah Buhfai an siam a; an chau deuh alawm mawle” ati sam et a; Buhfai siam theih anih ngai kalo hre ngai mang si lova chiang deuh zawk a ka zawt chu a nuihza lek lek ani tih pawh a hmel atangin ka hre mai a; Buhfai siam awmze hrelova chutiang tiat tiat ka dam chu a nuihza lo ni lek in
Buhfai siam chu ti hian a hrilhfiah ta a, : Bairabi emaw Rengtekawn leh Bualpui FCI Godown(KUDAM) atang Truck Driver ten buhfai an phurh chhuah atang hian Bag tin atangin buhfai hawlh chhuakin Bag thar an siam a; an Bag thar siam zat chu hralh leh in a man chu anva kalna tur (center antia mawni 🙂 ) a lo receive tu Store Keeper or Supply Inspectorte nen khan in siam remin anva in payment vel thin ani awm e. chutiang a Truck Trip khat siam man chuan Rs 600/- te an lo hlawh thin ani awm e; zan khatah mi pathumin trip 3 vel an siam thei tlangpui anti.
Chu nu hruanghraupui mai chuan thil hi an hre zut zut khawp a, Gas,Petrol, Diesel leh Cement te lam hian siam loh a hleih hi kan nei ta mang lo a lo ni awm a! Mahni in thil siam nei chiahlo mah ila, siam chhawn dan tal kan lo thiam viau mai a! Ka ngaihtuah zui ta reng mai a, Sawrkar pawisa te pawh hi anihna tur a a thlen hma hian a buaipui tu ten an lo siam ve a, Bawnghnute pu tak ngial pawhin Phaltru a hmuh tam leh siam belh nachang a hre ve zel bawk a, Mak tak leh Rapthlak taka siamin kan awm a, Mak tak leh Rapthlak tak a thil siam pawh kan lo thiam viau e.
December 9th, 2010 at 5:23 pm
Mihring lem pawh an la siam anga ti nia!!!
…khrum