from raltemesa@gmail.com
Rawngbàwlnaa kan hman tangkài êm em sound system leh musical instrument-te hi, kan hman uar ang ái leh, tlin tâwk bâk áia man to kan hman thin ngaihtuah hian, a lo ri chhuak hian hmá a sâwn lo ka ti ve thin!! Kan neih ang ang tha tak leh uluk taka hman ái chuan, a man to apiang hman leh neih kan tum emaw tih mai tùrin hmasâwn kan tum niin a lang a, a pawi ngawt mai.
Sap mithiam pakhat sawi ka la hriat vè reng chu, “Biak in-a sound system hman a ngaihna chhan chu, Pathian kan biakna leh chàwimàwina rî, hêng – thusawi te, zái te, mipui zai hruaina hmanruate hi inkhawm ho zawng zawngte’n fiah fai leh hahdam taka Biak In chhung khawi hmun atang pawha kan hriat theihna tur a ni” a tih hi a ni a.
Tunlai Mizorama kan Biak In tam zawk a sound/musical system kan hman duh dan leh tihhmasawn kan tum dan hi chuan a pawimawhna tak aiin TV leh internet lama kan hmuh thin Concert-type Sound installation anga chantir kan tum hi a ang ka ti thin. Kohhran leh Thalai pawl-a Sound leh Music lama tui tam zawkte zingah hian sound re-inforcement chungchang zir thui leh tuichilh, Public Address System pangngai leh Concert-type Sound Re-inforcement thliar hrang lo hi kan lo la thahnem fu em aw a tih theih.
Hei mai hi a la ni lo, kan hmanraw neih ang ang hi, Ahuja System a ni emaw, YAMAHA System a ni emaw, eng hmanrua leh eng company pawh ni se, thiam nal taka a nih dan tur ang thlapa hman tum ai chuan, “Chu mite chuan chutiang chu an nei, tuak ve ang u” tih lamah hian kan kal thui mah mah ni te’n ka hre ve thin.
Hman deuhah khan kan Kohhran (Presbyterian Kohhran, Bethlehem Veng, Aizawl) Biak Ina kan Sound System a that tawk tawh loh avangin hmanraw thar leia thuam that kan tum a. Heti lama experience nei tha tak kan thianpa Chanmari venga mi kan han rawn chuan, beisei ai daiha tlawmin kan sound system chu kan thuam tha thei ta tlat mai. Cheng nuai tel seng tura kan inrin laiin, ani chuan kan hmanraw neihte zinga a la hmantlakte chu hnualsuat lovin, a mil tur leh a pui turin hmanraw tlem-a-zawng lei tur min kawhhmuh a, cheng sing riat vel chauh sengin Keyboard, Drums, Bass guitar, adt. pawh duh tawka hman theihin kan inthuam tha ta mai a, kan va lawm tak em!! A hman dan min han zirtir nghal bawk a, a thiamin an tih chuan rimawi, zai, thusawi engkim mai kha fiah fai tha tak, hahdam takin engkim a hriat theih ta.
Musical instrument mawlh mai te hi… Biak ina zai hruaina, a tawi zawngin “trung rut-na” tur chauha electronic keyboard/piano man to, nuai chuang man hman kan han duh tlat te hi Kohhran mipui sum thawhkhawm atanga lei atan chuan a uiawm thin ka ti! Thenkhatin “Korg ngat lo chu” tiin soundtrack siamna atan liau liaua siam sequencing keyboard (workstation)-te kan hûng thul!! Kan hman ngai miah loh tur (a chhunga inbilh tel si) kan lei tel teuh tih ngaihtuah miah lovin kan upate kan bum a, “A man to nge nge a tha!” tih chang chawiin! A hahthlak, inngaihtuah harh a hun takzet.
Pathian zarah India ram khawpui lian tak taka Biak In lian tak takahte ka inkhawm kual ve nual tawh a, electronic keyboard emaw piano emaw, man tlawm tak zel chauh a ni an hman thin ni! Mittui tla zawih zawiha Pathian fakin an zaipui tho. A tumtu-in an thiam a, mahni in-show na atana hmang lovin, thinlung leh tihtakzeta Pathian fak chungin an tum a, zai a hruai mai a ni, bengchheng siam lovin!
Mizoram-a Biak In zai hruaina atan hian, keyboard bik sawi ta ila, Rs. 10,000/- bawr man, Touch Response awm, octave nga nei a nih chuan a tawk thawkhat khawp mai. A manah leh a brand-ah i buai tawh lo vang u. A pawimawh zawk – a tum thiam lamah hian hmasawn tum ila; a bulthum atanga solfa nena zirin tan i la zawk tawh ang u. C-key-a hla zawng zawng tum (play) kan tum chhung chuan hma kan sawn lo vang! Mizo Lengkhawm hla pawh key inmil thlapa rem (accompany) dan a awm asin! Sawi tur a va tam em!
Hmanraw tha neih chu a hlu, a hmangtu-in a hman thiam erawh a pawimawh ber.
Similar Posts:
- Tech Expert-ho min pui ru
- Planet Shaker ten Tedim ah rawngbawlna nei
- A ngaihna hria in awm mial em ?
- Open letter to Rev Vanlalzuata by M. Lalmanzuala
- Remkimi album ka lei ve a
July 22nd, 2010 at 1:52 pm
a pahnih in a pawimawh ve ve :lol:
China thufingah chuan mi thatchhia chu a hmanrua nen an inhau reng zel anti, dik fu in ka ring
Report this comment
July 22nd, 2010 at 1:57 pm
Hmanraw tha a pawimawh angbawkin ahmangtu thiam leh tuina a pawimawh in ka hrit.
Report this comment
July 22nd, 2010 at 2:01 pm
Ka thil vei zawng tak i rawn sawi a, a lawm awm hle mai. Belh duh ka neih chu, mipui beng te pawh hi hetiang lama thiam in ti te hian an ti piangsual zo tawh a, sound tha tak ai chuan a ring leh thum leh sin em em te hi tha emaw an ti tlat tawh. Tawng zawnga ‘s’ lo ri te pawh hi ‘sibilance’ an ti a, a awm tlem thei ang ber tur engineer ten siam an tum laiin, kei ni chuan tawng/ zai zawnga a rik ‘s’ chhak chhak lo chuan kan ngaih a tha lo tlat.
Lengkhawm zai instrument a rem chiam erawh hi chu ka ngaina lem lo, khuang hnih a tawk hle in ka hria.
Report this comment
July 22nd, 2010 at 2:10 pm
Sawi leh ziaka dah tam a pawimawh hle mai. In Kohhranah leh hmun hrang hrangahte sawidarh chi a nih hi. News paper-ah te chhuah tir ta bawk la. A hre tur diktakin an hriat nan. Keinite chuan kawngro kan su ve awm silova.
Report this comment
July 22nd, 2010 at 2:22 pm
mahni neih ang chhun chhun hman thiam a pawimawh. Mi in ‘atom bomb’ min rawn pe ngawt sela, a tih puah dan pawh ka hre lek lo ang e… :lol:
Report this comment
July 22nd, 2010 at 2:28 pm
Thiam a pawimawh a, neih that theih chuan nei that chu duhthusam a ni e
Report this comment
July 22nd, 2010 at 2:38 pm
Rangkachak hi, rangkachak a ni tih ka hriat loh chuan ka nularim khan lo awrh tuar mahse, enge ka tan sawt ang. A mal a tihno phah chuanglo sim sim.
Report this comment
July 22nd, 2010 at 2:41 pm
Pakht zk c0h khi 0mze neil0 a ni, a kh0iz0k nge p0im0h tih p0h 0mze neil0 th0.
Report this comment
July 22nd, 2010 at 2:50 pm
zeines, o je tog i ron hmag ta my mi le… :lol:
Report this comment
July 22nd, 2010 at 2:52 pm
Hmanraw tha nge a hmangtu thiam pawimawh?
July 22nd, 2010 1:49 pm by raltemesa
Baptizo nge Rantizo?
July 22nd, 2010 12:49 pm by Mapuia07
Artui nge upa arpui?
July 22nd, 2010 12:04 am by mi_sual
In inthurual chu ni emlo maw?
Report this comment
July 22nd, 2010 at 2:52 pm
Vai ramah khuan AHUJA / Roxy PA system an hmang thiam khawp mai. Hmana KORG Show-ah khan ‘model tha lo’ ni a an sawi kha Sap pain a’n tum mai chuh, ‘a lo tha lutuk ringawt’. Mizo rilruah chuan ‘a tha ber emaw a thar ber chi’ hi kan awt / duh nghat ringawt a. Kan mil tawk lam kan ngaihtuah lo thin. Kan thil neih tha pui pui hi an nihna ang hu-in kan hmang thiam lo a nih ber hi…
Report this comment
July 22nd, 2010 at 2:55 pm
@raltemesa, i post tha kher mai. I sawi zawng zawng khi dik ka ti vek mai. Hmanraw to tak tak, a awmzia leh a hman dan hre fumfe si lova kan kawl tawl mai mai hi a va tam em! Biakin thenkhatah phei chuan Electronic Keyboard to tak tak an hung a, an han tum ri erawh c huan zai a tinuam lo mai ni lovin a tibuai zawk fo thin. Tlema Solfa te lo hmelhriat ve liam luam tan phei chuan an tum dik loh engemaw hian rilru a la peng roh a, inkhawm boruak a tichhe zawk fo mai. Nu hoin “Halleluiah” an lo tih laiin keinin “Chu lai chu chumi key chu han hmang zauh zawk se aw” tih lam kan lo ngaihtuah daih a!
Report this comment
July 22nd, 2010 at 5:13 pm
A hmangtu a pawimawh jokes lo maw ? A hmangtu awm lo chuan hmanrua te chu an hnawksak mai mai ang a.
Report this comment
July 22nd, 2010 at 5:35 pm
@raltemesa-Amen
Report this comment
July 22nd, 2010 at 5:41 pm
music lam hi chu sawi tur ka van viau mai.mahse heihi chu veiawm khawp mai,a khawi zawk zawk pawh hi inkhawm nuam taka hruai tur chuan a pawimawh ve ve a ni.e khai vengpa nge nge rawn post tha e
Report this comment
July 22nd, 2010 at 7:33 pm
I rawn ziak tha khawp mai. Kohhran ( abikin Thalai Pawl-te ) kan inenchian a ngai tawh hle. Kumtir ruahman committee a kan target chu; sound system tha, keyboard tha neih–ani ta fur. Thlarau bo engzat nge Lalpa ke bulah kan hruai ang tih lam chu, ka ha se !
Kum 2000 KTP General Confe, Zemabawk-ah pawh khan; hlimna an tlak tak tak chuan, khuang hnih bawkin; rem lo zetin, Mithianghlimte lenna tih hla te pawh kan chum chilh leh tho. Khami tum tho kha ni ta in ka hria. Dr.Ramdinthara leh a pawlte, zaipawl uniform pawh ha lova, nung em em a rawn zai tak kha !! Mi hmangaihna ropui — tih kha an sa nghe nghe in ka hria. Kha hla rawn lar takna pawh kha ani hial em.
Report this comment
July 22nd, 2010 at 10:13 pm
thil dangah kan tehkhin ve ang e: college kan kal laiin kan/min zirtirtu pakhat chuan lehkhabute hi ka nei tha lo tia lunghnur mai lovin kan neih chhun hi tha takin zir ila kan hlawk pui em em tho tiin min hrilh a dikna chen awm tlatin ka hria
Report this comment
July 23rd, 2010 at 3:50 pm
Kan THIL neih ang ang hi hman thiam a va pawimawh tak emmmm…
Report this comment
July 23rd, 2010 at 11:35 pm
Vei si, sawi thiam si loh min lo veipuitu engemawzat in awm a, a aia chiang leh tha zawkin han sawi ve teh u’n! Thanks guys!
Report this comment