‘Khuangchera Puk’ hi Mizorama Puk hmingthang ber a nih loh vek pawhin a lar ber pawl chu a ni awm e. Ailawng khaw chhung, kawngthlangah tuikhur hnunga awm a ni. He Puk hi Puk pangngai ang ni lovin a lut tawh te chuan an hria ang a, chhung hi lung khawkrawk a ni a, luh pawh a harsa hle a ni. A changin hmun zimte-ah zangthal zawnga luh te a ngai a, a chang leh a zau huau bawk a.
Tlema sa tha deuh tan chuan luh pawh a harsa hle a ni. A thui zawng hi meter 119 a ni a, chho zawngin kaw chhova, a chhak kawngpui chhakah a chhuak ta a ni. Mi chak pangngai chuan reilo te chungin an lut chhuak zung zung a, minute 20 vel chauh hun hmang te pawh an awm. Keini luh ve hun kha chuan sikul naupang nen kan nih avangin darkar 1 vel hun kan hmangin ka hria.
Isaac Zoliana, Reiek khaw pa chuan hetiang hian Khuangchera Puk- a ti a hming vuah a nih dan a ziak. “Reiek khaw daiah hian Puk a awm a, tuihna tha tak a lo luang chhuak bawk a. Reiek khaw pa ho inhnial tawp thei lo, an thu satel lu chu –he puk hi a mual lehlam tawpa kawrah hian a kaw tlang, tih leh a kaw tlang lo, tih a ni a.
Khuangchera chuan an khaw pa ho inhnialna tawp thei lo chu fiah a duh ta a. Meichher, chher sarih a siam a, pukah chuan a meichher chhi chuan a lut ta a. Chher ruk a keng bawk a, a lut zel a, a laihawl vel a thlen chuan a kua chu a zim ta hle mai a. Bawkvaka kal a ngai ta a. A meichher te chu a kalsan vek a, bawkvakin thim zingah a kal zel a. A beidawng lek lek tawh a.Lungpui lawn kai ngai deuh hi a va thleng a. Chu mi a lawn kai hnu lawk chuan eng de re re hi a hmu ta a.
Rei lo teah pawnah a chhuak thei ta a. Reiek paho inhnialna thu satel lu chu a tawp ta. He Puk hi leiverh sei tak a ang zawk a. Meter 119 chu a luh tlang tak avangin a hming chawiin ‘Khuangchera Puk’ tih hming hi a put phah ta a ni.” (Isaac Zoliana, Reiek Tlang I chuan ang aw, Aizawl, 2009, pp.88-89.).
He Puk hi tunah chuan Sawrkar thuhnuaiah awmin Art & Culture Department in ‘Mizoram Ancient Monuments and Archaeological Sites and Remains Act, 2001’hmangin a humhalh tawh a ni.
A luhna Gate tak hi chu kum 2006 Directorate of Sports & Youth Services Department in an siam a ni thung.
Similar Posts:
- Pasaltha Khuangchera lungphun
- Reiek tlang humhalh
- Mizoram khua ber kai thenkhat te
- Commonwealth Games Meichher (Queen’s Baton)
- Zawngte leh Satel
July 23rd, 2010 at 5:06 pm
Ka kal ve tawh a. Ek pawh ka rap pherh trep. Eng neih thrat loh chuan bo a hlauhawm khawp mai. Kan chhiar leh lawk… :lol:
Report this comment
July 23rd, 2010 at 5:07 pm
puk hlauhawm hmel roh e
Report this comment
July 23rd, 2010 at 5:18 pm
haha kan luh ve ngei tawh kha
Report this comment
July 23rd, 2010 at 5:29 pm
Lung a van tileng vele. Tun hma chuan high sikul hrang2 te hi kumtin deuh thaw hian Vaipuanpho ah base camp neiin, ‘rotation trekking’ kan neih pui thin. Chuung kan tih pah chuan Khuangchera puk hi kan luh chhuah pui ziah thin kha ania.
Report this comment
July 23rd, 2010 at 5:41 pm
lunglen thlak khawp mai..class 7 nih kumin ka lut chhuak ve dap tawh..aizawl atangin ke ngat in, puanthuak in ak bawk..kap in nawp bawk..lunglen thlak teh e….
Report this comment
July 23rd, 2010 at 6:13 pm
Ti nge Gate hi an siam? an khar thin a mi? Hei hi protected site ani tih in tar se a tawk mai lo mi?
Report this comment
July 23rd, 2010 at 6:28 pm
ka la lut lova, luh pawh ka chak lemlo..mahse, dangdai ve a, tha ve hrim hrim.
Report this comment
July 23rd, 2010 at 6:39 pm
Thlalak khi ka duh tawk e, a chiang viau in ka hria, a hmingput chhan pawh a ropui ka ti.
Report this comment
July 23rd, 2010 at 6:45 pm
Kan kal ve tum kha chuan kan thiante pathum kha an lut hmasa a. Kan thianpa pakhat kha tap pur in a rawn chhuak a ni awm e. Eng an neih kha a lai laklawhah a battery a down ta sia. Thim zingah an rawn in haichhuak niin. Eng neihloh chuan a beidawnthlak an ti ve khawp mai. Han luh ve kan chak tehreng nen eng kan nei ta silo a. poi tak2 ni
Report this comment
July 23rd, 2010 at 6:45 pm
Kan kal ve tum kha chuan kan thiante pathum kha an lut hmasa a. Kan thianpa pakhat kha tap pur in a rawn chhuak a ni awm e. Eng an neih kha a lai laklawhah a battery a down ta sia. Thim zingah an rawn in haichhuak niin. Eng neihloh chuan a beidawnthlak an ti ve khawp mai. Han luh ve kan chak tehreng nen eng kan nei ta silo a. poi tak2 ni
Report this comment
July 23rd, 2010 at 6:56 pm
Hmanah gate an siam hma hian kan thian ho kan kal a. Fur lai a ni sia a chhung a nal duh khawp mai. A tira luh chiah hian kham deuh reuh, awlsam taka lawn hleih theih loh a awm thin a. Tunah chuan an ti danglam tawh an tia, tak tak a nih chuan a ho duh viau ang. A ngai ngaia dah/humhalh hi Mizo te hian kan la thiam tawk lo thin.
Tuna gate an siam hi a that viau laiin a hnawk ka ti. Puk hmaa thla lak pawh a nalh thei tawh lo. A ‘natural’-na a bo tep alawm. A kaw lehlamah em kha chuan gate an siam lem lovang chu maw…
Report this comment
July 23rd, 2010 at 7:48 pm
ekhai, kei chu ka lut ve don lo hrim2. hetiang lampang hi chu k trih deuh tlat, a luhna kua leh chhuahna kha han ping thut mai se, a chhungah han tang qeng mai ila a nuihzatthlakloh viau ang.
Report this comment
July 23rd, 2010 at 8:10 pm
malsawmliana@ Ka hriat dan nen a inang hauh lo mai. Ka hriat dan chuan:
‘Khuangchera hi miin an uma; tuna kan thupui pukah hian ‘thih leh thih’ tiin a lut a; a chhuah leh chuan an lo thah dawn tho tho a vangin a kal zela. A tawpah pawn a kal thlenga; tichuan tha takin a tlanbo ta a ni’ tiin.
Tumkhat ka lut chhuak tawha; tumkhat a luhna leh a chhuahnaah hian tlem ve ve ka lut tawh bawk. Lut ve nih hrim hrim hi a ropuia; luh nawn erawh ka peih thak lo.
Aizawl atang phei chuan a hla lova; hnamro a nih avangin kal ve ngei chu a tha khawp mai. Ka mi(sual) puite ka sawm che u a ni e.
Report this comment
July 23rd, 2010 at 8:42 pm
ka la kal lo, ka kal chak ……funny ganga dhaba i ngai em?
Report this comment
July 23rd, 2010 at 8:56 pm
# Chhana , i hriat dan hi ka vawikhat hriatna ani ve thung. E he …..PU Malsawmliana chu, i lecture ngaihthlak leh te pawh a chakawm ta hle mai, Lung iva ti leng vung vung ve aw. I thlalak i rawn daha a thra hle mai, ka insawi lo mai ang,…. hahahhahaha.
Report this comment
July 23rd, 2010 at 9:03 pm
Tawi te ka lut ve a, ka chemte ui em em ka thlauh bo tep. Meichher chhit a ngai a, mipa 2 leh hmeichhe paruk kan ni a, 1978 kha a ni tawh a. 2004 velah ka kal leh a. A kawngka thingtuai a ni thung a. A lo danglam ta viau mai. Thlalak pawhin lung hlui a ko kir khawp mai! Isaac Zoliana hi Dr HL Malsawma u a ni a, Matric kan exam tlang vek.
Report this comment
July 23rd, 2010 at 9:31 pm
Ka la lut lova ka la hmulo heng te hi a lawm mi(sual)dawt kawm Ka lo hlawkpuina.
An sign board tar khi a aia tha zawk leh felfai deuh zawkin a tar thei lawm ni.
Report this comment
July 23rd, 2010 at 9:58 pm
tlawh chak ve ngei mai…. tlawh ve theih dan tur min lo ngaihtuah pui teh un……
Report this comment
July 23rd, 2010 at 10:25 pm
Puk luh chu thaw a ipik duh em mai
Kan hnam pasaltha hming chawia puk awm hi thinlung takin ka ngai hlu. Khawi maw lai Bak puk tih leh ringawt thin ai chuan a hming hian min ko hle mai.
Chawngchilhi pukah ka lut tawh. Luh a har vak lo. :lol: A bula Rulpui kua-ah erawh luh a har hmel khawp mai.
Pic-a puk luh tum niawm takte Dress khi a puk luh Dress lo mange ka ti mai mai. Nula iptepui ak khi ka duh.
Report this comment
July 23rd, 2010 at 10:54 pm
13
chhana # I hriat dan khi keipawh ka hriat vawikhatna a ni
tlat.
Report this comment
July 23rd, 2010 at 11:04 pm
Gate khian ati natural lo khawopmai… thrasiama se no neihna a step an siam ang vel ani.. :lol: heng tehi mipui attract na emaw anti ngawt thrina, mahse Natural beauty ti dubli tu ani thrin. lolzzz
Thil thra ti duhve si, tih dan thiam vak silo hovin kan thil hlui an modernise angchi hi a trulin ka hrelo ve mai mai
Report this comment
July 24th, 2010 at 1:05 am
Puk kua(hole) te kha an lo verh belh leh mai mai ange aw..he2
Report this comment
July 24th, 2010 at 1:37 am
Ka comment vat theihloh aiah coment tho te’ng.. A puk humhalh dan,a kawngka he thir dah kher khi a trulna ka va hre lo ve aw, a min tur a ve deuh ik si lo, thlalak a tang en tan hliahtu mai a nih bakah.. thasiama seno neihna sawisak ang vel a thilhlui enkawl dan/cheidan thiamlo art&culture deptt. kan nei hi a vanduai thlak ka ti takzet zet..Gate angrenga siam lo hian zau zawkin hung se hmuh hahdam zawng hian le..
Report this comment
July 24th, 2010 at 8:30 am
Reiek ka kal zin tawh teh lul nen he puk hi ka la lut miah lo niaa… a awna pawh ka la hrelo re2….
Report this comment
July 24th, 2010 at 11:27 am
Post hlu tak a nih hi!
Report this comment
July 24th, 2010 at 11:28 am
Kan kal ve trum khan kan lut ta lo mai, gate bulah hian thla kan la, ruah a sur trepa a tlai tawh sia a ‘DEN’ ve tlat… rul a awm duh hmel ka ti…
Report this comment
July 24th, 2010 at 3:16 pm
A gate hi siamkher tul ka va ti lo em? A hlutna a tichhe vekin ka hria. Kan pipute hmun hlui hi kan khawih nasa mah mah lo maw? Tuna mite pawh hi thenkhat sum siamna tha tak bak a nih ka ring lo!
Report this comment