Urticaria hi allergy chi khat vanga mihring taksa- a bik takin vun ah vual/bawl lo awm thin hi a ni a. A chhan dik tak chiah hi hriat ni lo mahse naupang atanga puitling thleng pawhin he natna hi a kai theih a ni. He vual/bawl hi a tlangpuiin a sen rawng a ni a. Tereuhte atanga lian tak tak, bial deuh kur te pawhin taksa peng tinah a awm thliah thliah thei bawk a ni. Mi thenkhat chuan thak an ti em em a, thenkhat erawh chuan thak an hre vak lo bawk. Nettle rash emaw hives emaw pawh a hming dang sawi nan hian hman a ni bawk.
Hetianga taksa pumpui deuh thaw mai vual/bawl in a tuam chhuah chuan taksa peng thenkhat – mit (eye), kut, ke, hmai, beng leh a dang dang pawh a rawn vung chhuak thin a. Hei hi a medical term chuan Angioedema an ti a ni. Darkar sawmpahnih atanga darker 24 chhung te he taksa vual nasa tak mai hian mi a awmchilh thei a. Engemaw chang chuan amahin a reh ve leh mai bawka. A hnu lawk ah te amahin a rawn chhuak leh mai thin bawk a ni.
Urticaria hrang hrang te han sawi ila:
- Acute Urticaria: Hetah hi chuan vual/bawl te hi kar ruk (6 weeks) chhungin a reh ve leh mai thin. Ei leh in huat vang te emaw, thil rim huat vang te emaw, kan huat zawng tak engemaw khawih palh vang te emaw in a rawn awm thei a. Tin, damdawi ngeih loh vang te pawhin a awm thei bawk, a bik takin antibiotic kan tih ho ngeih loh hian a awm thei.
- Dermographism: Vual lianpui pui vunah a rawn awm a, a thak em em bawka mahse, minute 30 atanga darkar hnih/khat velah te a reh ve leh mai thin.
- Chronic Urticaria: Hei hi chu kar ruk (6 weeks) aia rei vual/bawl leh thak te dam mai lo va a awm reng chuan a benvawn tawh tih na a ni a. Mi thenkhatah chuan thla engemaw zat te an natpui a, a kum tela na te pawh an awm bawk a ni. Englai pawhin a awm reng lem lo va, a dam ve mai thin a mahse, a rawn awm leh thin a ni.
- Angioedema: Hei erawh hi chu a hlauhawm a. Mi, hetianga an awm chuan damdawiin pan pui vat a tha a ni. A chhan chu, kha an vun vual/bawl mai bakah khan an taksa peng hrang hrang te a rawn vung thin a. Thawkna dawt te pawh a vung tel thin a. Chumi avang chuan thawk te harsa an lo ti a, nunnan a hlauhthawnawm avangin medical treatment lak vat a pawimawh hlea ni.
Urticaria chu engtia lo awm nge?
Mithiamte sawi dan chuan lei leh van inkara thil awm zawng zawng te hian Urticaria natna hi mihringah a thlen thei vek a. Chutih rual chuan a langsar zual te chu kan ei leh in ah te, damdawi huat te, rannungin min sehna atang te, hnim hnah tur nei chi atang te, chemicals chi hrang hrang atang te, tui atang te leh thlan ngah/thlan in min chiah rei lutuk avang te, vawt tih lutuk avang te emaw lum tih lutuk avang te, thyroid lam fel loh avang te leh nantna dang- leukemia, lymphomas, ril cancer avangte pawhin a kai theih a. Tin, vaivut khu lutuk atang te pawhin a kai theih a, stress nasa lutuk vang te pawhin a kai theih a, thinchhe deuh/thinrim reng mai te, depression nei te avang pawhin a kai theih bawk a ni.
Heng kan sawi ho bakah hian pumpui chaklo/thalo vang te pawhin a kai theih a. Tin, strawberries te, tomato te, fanghma te, pa te, oatmeal te, wheat te, nuts te, sangha te, artui te, chocolate te, cheese, butter leh sausage eisual avang te pawhin a kai theih a ni. Thenkhatah erawh thil rim na lampang chi – perfume, deodorant, talcum powder, cosmetic powder, etc. ngeih loh avang te pawhin an kai thei bawk.
Urticaria natna lo lanchhuah dan:
Kan sawi tawh ang khan Urticaria lo lan chhuah dan chu kan taksa peng hrang hrangah, a bik takin vun ah vual lian tak tak kual ruih mai sen deuh tuk hian a rawn awm thin a, a thak em em mai bawk a ni. Phurthak nen chuan a inang lo. Chu vual nasa lutuk chuan lei te, hmui te, biang te, beng te a ti vung thei a, a hrehawm em em mai a ni. Chu mai bakah thawk zawnga ri deuh hruk hruk te, awm (chest) na te, lungphu phu rang te(heart palpitation), thawk harsa/thawhah te a siam thei bawk ani.
Eng test te nge kan tih turn i ta ang?
Acute Urticaria-ah hi chuan test hranpa lak vak a ngai lem lo va. Kan huat zawng hriatchian kha a tha ber chu a ni mai . Chronic Urticaria-ah erawh chuan thisen test chi hrang hrang neih a ngai a. Blood count te, zun leh ek test te, liver (thin) function test [LFT] neih te, kidney (kal) function test [RFT] neih te a pawimawh hle a ni. Allergy test neih pawh a tha hle. (Aizawlah hian allergy test-na hi a la awm lo a ni awm e!)
Inven dan:
I thil ei leh in emaw, i thil khawih emaw, thil rim i hriat emaw i huat ni a i hriat kha i tih loh a ngai a. Urticaria-ah hian tuilum/thil sa lampang haw chi leh thui vawt/thil vawt lampang haw chi te an awm ve leh a, fimkhur a ngai hle a ni. Ruah do te, vawksa leh bawngsa ei te, thingpui, coffee, bawnghnute in te pawh hi mithiamte chuan a huat te zingah a tel niin an ngai bawk. Chuvangin i huat ni a i inhriatna ang chi reng reng kha chu tih lo mai kha invenna tha ber a ni.
Inenkawl dan:
Urticaria vanga i taksa/vun thak lutuk tih reh/tihziaawm nan chuan Calamine/Lacto-Calamine Lotion inhnawih te pawh a tha a. Tin, antihistamine lampang damdawi ei vat te pawh a tha hle a ni. Hei hian taksa thak hrehawm lutuk tur chu engemaw chen a veng ve thei a ni.
Urticaria vanga i vual/thak chu a reh hleih theih lova i taksa te hial alo vun chuan steroids lampang damdawi te pawh ei tel a ngai thin a ni.
(damdawi lampang hi chu chipchiarin sawi lo mai ila, Skin specialist emaw Immunologist emaw pan vat a him ber).
Heng ho bakah hian mahni in lum atanga inenkawl dan tlem azawng han sawi leh bawk ila:
- Chi (salt): Chi hi 12grams vel hi tui in turah pawl hila chu chu in thin ila a ziaawm.
- Alum (white crystalline double sulfate of aluminum) leh Ochre(silica and alumina and ferric oxide): hetiang lampang tamna hnim hnah hi sawr ila chumi tui chu vual ah te hnawih ila a tha bawk.
- Rose water & Vinegar: Rose water 35ml leh Vinegar 25ml hi chawhpawl ila, kan taksa thak na laiah khan hnawih ila a tha bawk. Wood vinegar pawh hi a tha khawp mai.
- Mint: Thlai chikhat mint pawh hi 7gram leh brown sugar 25gram nen tui 175ml velah chawhpawlh ila chhuang so ila in ila a tha bawk. Hei hian thak nasa lutuk tur chu a veng ve thei bawk ani.
- Tui in tam, nikhatah 2-3 litres tal inziah pawh hi a tha khawp mai.
- Aieng: Aieng hi antioxidant leh antiinflamatory tha tak ani a. Chuvangin aieng hi a tui in emaw a powder-in emaw fian hnih vel tui ah chawhpawlh ila in thin ila a tha bawk.
Similar Posts:
- A va’n hreawm dawn tak em!
- A hua kan awm lovang chu maw!
- Khau chi hrang hrangte leh an chanchin
- Zai leh a kaihhnawih
- In leh mihring
July 28th, 2010 at 7:37 pm
hei chu ka tim oi thaw
Report this comment
July 28th, 2010 at 7:41 pm
hetiang thak doctor inentir hian rulhuthlo min chawh tel thin..rulhutpai vang hian urticaria hi awm thei ni maw, hre deuh kan awm em aw?
Report this comment
July 28th, 2010 at 7:42 pm
Ni e, rulhut vang hian a awm thei bawk. Rulhut damdawi an chawh tel ngei ngei thin
Report this comment
July 28th, 2010 at 7:43 pm
Contribution: Hereditary angioneurotic oedema is an uncommon variant of urticaria in which there is recurrent oedema not only on the skin but also on the oral,laryngeal and gastrointestinal mucosa.
Report this comment
July 28th, 2010 at 7:44 pm
engtin chiah nge rulhut vang chuan a lo awm ka van hre chak ve
Report this comment
July 28th, 2010 at 7:46 pm
in va phawi rang hlawm thrin tak em…!!!! : pawitih hmel taka in dawm kun deuh:
Report this comment
July 28th, 2010 at 7:51 pm
Bengvarthlak hle mai, thu puitling tak ani hei chu….( adangte a puitling lo e ka tihna pawh ani chuang loa)
Report this comment
July 28th, 2010 at 7:57 pm
@RenghangMan: rulhut in chronic Urticaria a thlen theih dan chu hetah hian a awm e.
https://www.e-ijd.org/article.a.....last=Godse
Report this comment
July 28th, 2010 at 7:59 pm
A va han rapthlak ang reng ve,hriatna ti zau tu tha tak a ni e.
Report this comment
July 28th, 2010 at 8:00 pm
Bonus lehlawk.. A enkawlna damdawi tha te: Antihistamine drugs-
1.Hydroxyzine(25-50 mg oral i.m)
2.ketotifen( 1-2 mg BD; Children 0.5 mg BD)
Report this comment
July 28th, 2010 at 8:01 pm
@8, thank u so so..
Report this comment
July 28th, 2010 at 8:03 pm
Hiah hrep a va chakawm!
Dermograph hi thawkkhat lai khan ka nei ve a, a vual tup reng mai a. Vunah cowboy lem hial ka siam thin maw le! Cowboy lemah chuan a thak pawl tak a ni mah na!
“Incid L” ei turin doctor pakhatin min chawh a, ka ngeih phian asin le!
Report this comment
July 28th, 2010 at 8:07 pm
midang tan pawha tangkai lehzual anih theih nan a enkawl dan tha ni a kan hriat te thawh ho zel ila tih ka rawt e
Report this comment
July 28th, 2010 at 8:21 pm
RaLtE, I thil Post chuan min va barakhaihin, hriatna ava ti zau kher ve le! Tech trek trek leh Gospel lam chauh Post turah ka lo ngai ngawt che a… Pathian zarah ka chhungte leh kei ngei paw’n kan la vei lo hlauh a, sawi belh vak tur erawh ka nei lo. Post tha tak ani… tiin ka’n tlip mai ang e.
Report this comment
July 28th, 2010 at 8:21 pm
ngei deuhte present atan a va tha don ve :lol:
Report this comment
July 28th, 2010 at 8:34 pm
Thlalak hmasa zawk ang khian hmanah ka awm twh..Ka awm hmasak ber chuan: nia sawi angin hmui ah an awm mai chu zahthlak ve kup mai..Athak si hiah rem si lo..Han tuai vak ila,a thak a reh a tuai a ngai ngun tawlh2 a,a vung lian twlh2 bwk a..Mit ko hnar luvun ah taksa pum ah sazù ah pwh awm…Damdawiin ah ka entir dawn a,hming ziahlai velin a reh hman si..!! khawimaw ka lo en .. sawi dan tur a vang khawp mai..!!!Damdawi min chawh a tuilam a hming ka hre twhlo min chawh a ti zual sauh mai.. Ahnuah a awm leh a ka hanin entir vat a..A hmuhlai ngeia vung chu..
Cetrez ni ta in ka hria Cz3 tia hriat bawk..Min chawh ka ngeih khawp mai..Rulhut damdawi min chawhtel bawk..!
A hnu ka awm leh chuan Cz3 kher lo cz tih rigawt ka ei pawn a reh tho..
Report this comment
July 28th, 2010 at 8:38 pm
Kei chuan ka nei lemlo na a, Information atan a thra ltk e. Thanks ^-||Ralte||-^
Report this comment
July 28th, 2010 at 8:45 pm
A lawmawm e. Ni e, sawi tawh ang khian anti-allergy lampang damdawi – Cetirizine, levocitirizine, fluoflexinadole te leh steroids lampang damdawi an chawh tlangpui thin, rulhut damdawi nen. Calamine lotion ho erawh hi chu chawh ve thin mahse, thisen atanga allergy a nih avang hian thak a ti nep em em lo an ti.
Tin, a thak viau chuan hiat lovin a thak na lai kha beng vak vak thin ila a tha zawk an ti bawk. A chhan chu hiah chuan kan lo hiat pilh a, kha kha a septic leh chuan a pawi thin.
Report this comment
July 28th, 2010 at 8:54 pm
Allergy hi chu ka nei rei ta khawp mai, vual lam hi chu a reh ta viau va, mahse hahchhiau lam hi a reh duh lo khawp mai.
Report this comment
July 28th, 2010 at 8:54 pm
Kum 3 dawn ka awm ngai ta lo, ka awm chang kha chuan nikhat hi a awh ngai lo a,a chhan puh tur mumal ka hrelo na in mumal deuh a a chhan ka hriat chu CHhingchhip dai hmunthra road atanga chhiahtlang dai thleng ke a kan kal/tlan ruahpuivanawn ! in min nan..Vawt lutuk vangin a rawn chhuak a..Rilru in Cz mawlh mai a awm tluk tluk ,cz ka ei ve tawp zel..! cz, ka ngeih ber mai..
Pu ^||-RaLte||-^ ka lawm e..A bengvarthlak khawp mai..I hming hi ka copy twp..! Type a buaithlak em a…. Mi dang pawh an lo awm ve fur hlawm a,Cz KA NGeihthu ka hrilh ve twp..! Nu ho tihdan iangin.. !
Report this comment
July 28th, 2010 at 8:59 pm
@Leavi Pcresn: Cz or Cz3 hi cetirizine a ni a, antihistamine a ni. allergy chi hrang hrang tan pawh a tha vek.
Mizoram ngei ah pawh he natna ang nei hi an lo awm fur maia, chuvang chuan ka rawn ziak ve ringawt mai ani.
Report this comment
July 28th, 2010 at 9:18 pm
A va tha ve! Ka fapa hi hetiang lam deuh hian a awm tawh. A awm leh thin avangin doctor ka rawna, a thisen an test a ‘a ellergy level a sang’ an ti a, eng damdawi emaw ni an chawh a, a chhuak leh ta lo
Report this comment
July 28th, 2010 at 10:04 pm
Ti daih ila,Tunlai tak chuan natna dang ka nei thunga, ka chetsualna ah hnungzang ruh 1 auh anti a,doctor ten indim leh Damdawi- (tablet) thla 1 ei min chawh a,ka ei zo vek twh a, ruh inzawm fuh zat lo ni a ka hriat hi min ti nuam lo tu leh siamrem ni hran lo va damdawi in chawh tak chiam a bikin calcium 500mg kha ni 30 pel hret kha ka ei a.. Ka ngaih a tha teh chiamlo riau..Enge maw hlekah a kham zung zung mai si a..Enge maw min rawn tur thra deuh in hre mial em..MS thrian te,pu te, u rual te , nau rual te … Pa rual te,
Report this comment
July 28th, 2010 at 10:04 pm
calamine lotion eg,linical lotion ang chi hi a damna nilouin a a thak zualpui tineptu a ni, temporary relief atan n4h ber mai chu..a vual laiah khan han hnawih ila, a thak nuai nuai chu a nep phah ve thin zu nia.
Report this comment
July 28th, 2010 at 10:16 pm
RaLtE chu i rawn thawh tha hle mai, Mizotawngin nalh leh kim takin i rawn dah thei a, i fakawm ka ti.
Kei chu Chakai ka eisual (emawni) tawh a, thaw-hah lamah a kal a, ka thawchhuak hlei thei lo a, casualty ah steroid leh antihistaminic in min chiu nghal a, a ziaawm leh ta chauh a, mangan thlak tak ani. tin, vut khu rimchhia vel hian min ti hritlang hnaptui hnarping hahchhiau nghal vak thei.
Hetiang natna vei/nei hi kan tamin ka hria, chi hrang hrangin a thawk a.
Report this comment
July 28th, 2010 at 10:17 pm
kei hi allergy ka nei nasa thin khawp mai. kolkata doctor thiam an tih em2 pawh ka rawn a. sing chuang tehmeuh ka seng chung pawhin a reh chuang eihlo. cz3 hi ka ei reng mai. engtik lai pawhin ka wallet ah ka ak reng zel. mahse Pathian in min tidam hlauh mai. TMEF evangelist pakhatin min tawngtai a. damna ka chang. kum 2 dawn chu a thak a chhuak leh ta lo
Report this comment
July 28th, 2010 at 10:29 pm
Thu bengvar thla tak a nih hi, tangkaipui tak tak tur an awm nual ang. Tupoh hi heng ang tawk thei vek akn ni si a. allergy hi chu ka nei ngai chiahlo a, mahse, Thisen hi inthlak thei anih vang nge ni, ka neih chang a awm ve leh zauh thin. Post tha tak chu ani hrim hrim mai.
Report this comment
July 28th, 2010 at 10:30 pm
Allergy vanga taksa vual/thak neih chuan daktor te damdawi min chawh bakah vitamin B/B complex ei tel a tha khawp mai. Tin, thei ei tam a tha bawk.
Report this comment
July 28th, 2010 at 10:32 pm
#23, Leavi Pcresn : Indian Spinal Injuries Centre, New Delhi hi i pan ve tawh em aw? Vasant Kunj, Sec-C a mi kha?
Report this comment
July 28th, 2010 at 10:34 pm
Kerh kerh pawh a tha ve tho em aw ?
Report this comment
July 28th, 2010 at 10:38 pm
Kerh Kerh ve lawks teh ang…Han tih tur nei ila aw…Ruah a sur duh si..OT lawks a nih kha..Misual ho..Mangtha phawt u..
Report this comment
July 28th, 2010 at 10:39 pm
Lushai, kerh kerh te chu damdawi a lawm… :lol:
Report this comment
July 28th, 2010 at 10:42 pm
#31 sailo, kerh kerh i duh chuan, mut hmain lo leng kerh kerh la… :lol:
Report this comment
July 28th, 2010 at 10:45 pm
vei deuh roh tawh ani mai lo maw…akekeke
Report this comment
July 28th, 2010 at 11:11 pm
Kerh kerh sawi hi chuan pu shaia ka hre chhuak tlat zel.
Hetiang thak, vual(a chunga mi ang a nih leh nih loh erawh ka hre lem lo)ah hian benga chinai hnawih varin a reh duh an tih ka hre ve tlat.
Report this comment
July 29th, 2010 at 1:44 am
Urticaria ah hian ka la kal ve chiah lova sawitur ka nei ve lem lo.
Report this comment
July 29th, 2010 at 1:54 am
Zarkawt ah Vanglaini ofis chung ‘Trinity’ ah Allergy doctor thiam a rawn kal thin thla tin vawi 1 emawni. (a rawn la kal thin em aw!!)
Kan thawh risk ve thruai.
Allergy hi kan hriat loh hian kan lo ngah khawp mai. Trinity ah hian ka thianpa chuan allergy test anei ve a, thil huat kha list sei deuh ah an rawn ziak dul mai a. Clinically a rawn lang chhuak pha si lo hian huat hi kan lo ngah viau ni tur ani. A ei fo thin ‘badam’ te kha alo hua a, mak tak2 ani.
Report this comment
July 29th, 2010 at 10:39 am
Debenhams, London ah jacket ka lei a ka hak apiangin ka thak vual vak thina ni 3 hnu ah ka thleng leh a a reh hmaks. Tiang allergy ah chuan doctor chawh kher pawh ngai lovin over the counter ah anti-histamine lei tur a tam mai, mum khat in 24 hrs a daih.
Report this comment
July 29th, 2010 at 1:20 pm
Heitang hian Kum 10 vel ka awm tawh, doctor pawh ka rawn nual tawh a, seterazine, alzero, stmeiz tih te leh a dang bakah Liv 52 te min chawh tawh a, a rawn awm chang a awm leh thin a, Histaglob tih in min jection tak a chin ah chuan ka zia ve viau tawh a, mahse season inthlak dawn lai vel hian ka zual leh thin..
Report this comment
December 9th, 2010 at 3:49 pm
Thla a sik a khua a vawt dawn, khawvawt tuar thei lo te tan intih lum that a tha hle ang, COLD urticaria neih palh hlauh chuan chuti hlauh.
Inthuam lum lutuk vang a thlan chhuah palh a hlauhawm, aquagenis urticaria neih palh hlauh chuan chiti hlauh bawk. Aquagenic (tui and tui related) urticaria nei te hi an khawngaihthlak khawp mai, tui avoid theih tak tak a ni si lova le.
Pu Ralte, tlai khawhnuah ka rawn comment ve e.
…khrum
Report this comment