Tunlai thalai, media chi hrang hrangin a a len leh vawrhho te hian kan ngaihsan zawngte an chak reng rengin kan awm a. Kan style reng a dang ta mai. Mizo hnam nih zah puia hnam dang ngaisang a dah sang zawk tute hian hnam an phatsan a ni. Hemi avang hian kan culture hian dal lam a pan zel a, tlawmngaihna leh aia upa zahna a bo tial tial a, engkim mai hi sumin kan teh ta a ni mai lo maw?
Kan Mizo identity pawh hi sum hmang hian kan la in lei hlawm ang ti nia. Eng nge i ngaih dan le? Roreltute atang lah hian “kan ti ang” / “chuti chuan a sawi” tih vel bak hi news-ah chhuah tur an nei lo. A kawng bo zawng leh hlet chhuah lo zawngin kan rorel khawl pawh hi a kal lo maw? Chutih rual rual chuan Sawrkar mi rawihte hlawh a pung thur thur mai bawk si. Aw, mi rethei, in hlawhfate hlawh hi pung ve thur thur se ka va ti em!
Sports lamah writers- hovin an han sawi vul chuk a, sum tlem nen, Stadium pakhat pawh nei lo tan thlen san vak ngaihna a awm lo, Sport facilities reng kan nei chhe mai. Engtia tih chi nge maw ni le? Kan ram kan chhuan em em“Kan tlang kan ram a hring a mawi” kan tih kur hlut thin hi “Kan tlang kan ram a khaw ro” kan ti mai ang tih a hlauhawm ta. Tu nge a mawh phur ang le unau?
