a. Corruption a zung nena phoro tum kan Sawrkar hian engtinnge hma a lak zel hi i ngaihtuah ve ngai em? Ka ngaihtuah fo thin. A phoro tur a lakhawm mek niin ka hmu a. mahse, phoro tum si hian ro tak tak silo, a hul ang vel lekah hian kan Sawrkar mi leh sa Eiruk hreh miahlo te hi a chhuah ang tih ka hlau ngawt thung zu nia!
b. CMC Vellore- a Seat chungchang kan buaipuiah khan Mizoram Chief Minister khan lo tihpui lo ta se chuan, khatianga buaina kha a awm ka ring lova. Higher and Technical lamin Entrance Exam- apakhatna kha lo kawhhmuh bawk lo ta se, a buai ka ringlo bawk. Caroline- i ka lainat ngawt mai. Thlir dan a hrang thei a, Caroline-i tantu tan chuan tuna kan Mizoram Sawrkar thutlukna hi a na viau ang. Mahse, a State Quata zawnga thlirtu tan chuan a awm ve tho ang. Caroline- i ka tan a, Mizoram Sawrkar a dik ka ti!
c. Tlanchhuak mang si lova mi inbula Bike leh Motor dah hovin an ti ri vak vak zel hi ka ning lutuk. Ning tak ka ni.
d. City Bus- a Vai ho Mobile Phone hmang an au nghek thin hi ka ning. Ka chuan na-ah an au vak vak chuan, ‘Bari Bara, Vai mawngkhak’, ka lo ti ve nghek zel! Ninawm duh deuh a nia. Thenkhat phei chu an rawn chuang chauh va..’Hello..hello….Aap..’, an han ti nghal a…ninawm duh deuh a ni!
e. Kawngpui dunga Rod chhutngil hi ka ngaimawh rei ta, mahse ka la Post miah lo. Sawrkar hian a khap na a, a khap nazawng hian zawm a hlawh siloh avang hian chung dan siam zawm siloh zinga tel ve pakhat chu a ni miau mai a! Ka hmuh chang hian han khak deuh chakin duh teh thin mah ila, an lo pawr a nih chuan ka tan ‘chawibelhna’ a nihdawn avangin ka kalsan tawp zel. Mahse, ka mitmeng leh ka awmdanah chuan ka duhloh zawng a nih chu an hre thei tho vang!
Hetianga kawng dunga Rod chhutngil kan hrat chhung hian kan kawgpuite hi a tirah mam tha viau mahse, a khawkrawk leh thuai ang a, kawngchhia kan sel leh thuai dawn a ni.
