YMA Platinum Jubilee puala Lengkhawm Zai Intihsiak kharna leh lawmman semna chu vawiin dar 2:30pm khan Vanapa Hall-ah hman a ni. CYMA leh Art & Culture department te buatsaih YMA Platinum Jubilee puala Lengkhawm Zai Intihsiakah hian hla pathum (3) – “An va hlu em thil nung tinreng”, “Edenhlui hi ka hnuchhawn ram a ni” leh “Hnam ka len nuam mang e” tih hla te hmangin intihsiak a ni a. YMA branch 41 atangin member 1828 lai he intihsiakah hian an tel a. Hetiang hi lawmman dawngtute chu an ni:
1-na Ramthar Veng Branch ——- Trophy + Certificate + Rs. 20,000
2-na Ramhlun South Branch ——-Certificate + Rs. 15,000
3-na Tuikual North Branch ——- Certificate + Rs. 10,000
4-na Tuithiang Branch ——-Certificate + Rs. 5,000
5-na Bungkawn Branch ——- Certificate + Rs. 5,000
6-na Chawnpui Branch ——-Certificate + Rs. 5,000
7-na Rawpuichhip Branch ——- Certificate + Rs. 5,000
8-na Tuikual South Branch ——- Certificate + Rs. 5,000
9-na Chhinga Veng Branch ——-Certificate + Rs. 5,000
10-na Edenthar Branch ——-Certificate + Rs. 5,000
Member kal tam lawmman hi chi hnih siam a ni a, Member kal tam ber lawmman chu Tuikual North Branch-in an la a, member 105 an kal a ni. Percentage-a laka kal tam ber chu Tuivamit Branch an ni a, member 436 awmin intihsiakah hiam member 76 (17.43%) an kal a ni. Member kal tam ber branch te hian lawmmanah certificate leh Rs. 1500 an dawng.
Hla hril thiam ber lawmman chu Ruthi Lalrinawmi, Tlangnuam Branch-in a dawng a. Khuangpu thiam ber lawmman chu Lalrinzuala leh Lalruatfela Sailo, Tuithiang Branch te’n an dawng a ni. Mimala lawmman dawngtute hian Certificate leh Rs. 500 an dawng a ni.
Similar Posts:
- CKTP Top 3 Films
- Chaltlang Bial KTP Conference
- Chanmari West Br YMA in NGO Thisen pe tam Record siam
- Faina lawmman dawngtute
- Municipal Council Inthlan Results!
August 29th, 2010 at 4:45 am
Lengkhawmah hian kei pawh nuam ka ti thei ltk… Khuang te ka vua thina mahse ka kut a kham hma thei ltk.
Report this comment
August 29th, 2010 at 4:48 am
“ka awm khawhar changin” tih hla hi ka duhber thin lengkhawm hla ah chuan. 9mm chuh va hma nge tlai zawk
Report this comment
August 29th, 2010 at 5:11 am
kan veng an zaithiam nen o. An lang ve lo tlat mai!! Sala.. Thilfel hlel deuh chu a om ani!
:fiamthu:
Report this comment
August 29th, 2010 at 5:20 am
Xingibera #2 Keima timing ah chuan ka hma zawk a nih hmel…
Ka experience ve mai mai chu: Kan lenkhawm laiin pa pakhat kha a lam rui deuh tawh a ni ang. Lam rui te insawh nat tur venga ding hual zinga nula pakhat hnute ah a kiuin a run chhu pawp maia, nat chu a nat hmel vak lo mahse a nula kha a lawm hmel lo khop mai, a en zui char2…lol
Report this comment
August 29th, 2010 at 5:26 am
An va ti tha hlawm vele
Report this comment
August 29th, 2010 at 7:43 am
Zai intihsiak hi kan uar mah mah lo maw? Participant te hi zaithiamsa vek an ni a, branch in a tangkaipuina ka hre lo tlat…
Report this comment
August 29th, 2010 at 9:29 am
Intihsiakna a thiam tak, mahse a sakna hmun tur khawhar in leh lenkhawmna ina sa tha leh peih silo, ho ka ti lutuk.
Report this comment
August 29th, 2010 at 12:27 pm
Ka lawmpui hlawm e.
Report this comment
August 29th, 2010 at 4:32 pm
Zir chhung leh inpuahchahna a hautak ang hu-in lawmman a tlem ka la ti fan. Lehpekah chuan sing5 tal ni rawh se! Rawtna leh ngaihdan mai mai…
Report this comment
August 29th, 2010 at 4:41 pm
Lengkhawm zaiah hian hmar lam hi chhim lam hian kan tluk lo deuhvin ka lo hre ve thin. Khuang hniha zai kan duh har deuh vang pawh a ni mai thei.
Report this comment
August 30th, 2010 at 12:24 am
Congrats @ Ramthar Veng leh a tel zawng zawngte.
Report this comment
August 30th, 2010 at 1:53 pm
“Lengkhawm zai” hi kan Mizo Hla Original diktak an nih avangin an hlu hle in ka lo hre ve a, Mahse mitthi lumen zanah pawh Solfa zai hian a luahlan zo mai dawn ta niin a lang.
Hetiang intihsiakna hi a that ve na chu “Hnam ka len nuam mang e” tih hla te hi, sa chhuak thei thangthar kan neih belh leh ta teuh phawt chu a nia.
Kawlhawk sawi ang hian lawmmante erawh an beitham deuh a nih khi.
Report this comment