mi(sual).com

Hmeichhia leh chakaiin sakhua an nei lo tih te, hmeichhe finin tuikhur ral a kai lo tih te, hmeichhia leh pal chhia chu thlak theih ti tein kan thlahtute khan an lo sawi thin a. Hmeichhe tan chuan huatthlala tur deuh chu a ni tak naa, mahse,an nundan han en rawh kha chuan hmeichhiate kha an pawimawh hle thung a ni. Hmeichhiate khawtlang tan an pawimawhna in thlir ho dawn teh ang.

Pathianin mihringte hi inthlahpunga,khawvel luahkhat turin thu min pe a, chumi tihhlawhtling tur chuan hmeichhiate hi an pawimawh em em a ni. Kei ngei pawh nu chhul atanga lo keu in hnute tuia chawmlen ka ni si a.

Kan Mizo nunhluiah kir daih teh ang u. Hmanlai kan pi leh pute hunlaia nulate kha khawtlang tan an pawimawh em em a. Pasaltha an ngaisanga, tlangval tinreng khan nula lama tlaknat an duh avangin pasaltha nih tumin theihtawp an chhuah a. Kha an theihna zawng zawng khawtlang tana an hman khan nula lamah an tla na a, chumai ni lovin nulain an ngaihsan zawng a dik avangin khawtlang inrelbawlna pawh a tha em em a ni.

Hun a lo kal zela, sipai ngaihsanna lamah kan nulaten thahnem an ngai leh ta a. Khatih hunlai na na na kha chuan sipai tan chuan nula rim kha a nuam awm thin mang e. An thuam famkim inbel chung ngeia an han rim kha chuan khawtual tlangval naran tan chu beisei tur a chaurau ve ngawtin ka ring. Sipai boot nen kailawn an han rah rik rap rap kha chuan nula tan khan kha baka ngahhlelhawm a awm tawh dawn mi? – India sorkar duhlai a rawn leng dawn tlat.

Sipai thlarau an reh a. Khawkhat nula mipain an mawnga an ben taih tawh kha chuan nula tan khan kha tluka dawn nuam kha a awm kher lovang – DRIVER a ni tlat. Ni e, kan nulate khan driver an ngaisang leh ta. Ngaihsan tur pawh an hre zozai ta khawp mai.

Mizorama thil pawitak mai chu damdawi rui thin kan awm hi a ni awm e. Tlemlai deuh khan kan nulate hian damdawi addict kut vung lek luk an ngaisang an ti tlat. Chu chu hriain thenkhat chuan khuai an inzuktir thin te an ti leh zel a. Hethil hi a tak tak a nih chuan keia ngaihdanah chuan hmeichhe finin tuikhur ral a kai lo an tih hi dik ka ti tlat.

Tunhnai deuh khan nula leh bike an sawizawm leh tlat mai. Ni e, khawvel a lo changkang chho zela, an ngaihsan pawh a changkang ta khawp mai. Bike nei an han ngaihsan chinah chuan ‘chawmhlawm bike a’ a rawn tam tan ta a. Kan nulate lahchuan engtia an neih nge an ngaihtuah tawh lo. Chawmhlawm bike ah chuan chuangin khawpui chungah intithei takin an tlankual vel thin a nih kha.

Tunlaiah chuan ROTHANGPUIA an ngaisang ni ta berin ka hria. Engtianga an neih nge? Enge thawh a neih? Lo innei ta ila engtinnge ei kan zawn ang tihlam hi kan ngaihtuah phak tlat lo. Hawh u,hmeichhiate u i harh ang u.

Hetianga ka rawn sawina chhan hi kan nulate ngaihsan lam lam hi kan tlangvalte kalna lam a ni tih a tilanga. Chuvangin kan nulate hian an ngaihsan zawng hi thlakin ram leh hnam tana tha tur..midik,rinawm leh taima, nakina mi hlawhtlingtura rilru ngaituahna nei mi ngaisangin ram leh khawtlang hi siamtha se ka tih vang a ni e.

Similar Posts:

• Bike-a Nula Phurh Kekawrte lang hi
• Khawtlang leh Kohhrana hruaitu nikawp te
• Bike 2 rutu man
• Aw Nula, lo dawn ve teh!
• Zoram din chhuah nan Zohnahthlak lanu

Recent Posts:

• Hmangaih CFL
• MIZO SAKHAW BIAK DÂN LEH A TOBUL ~ 2
• Burma-ah ka zin Part – III
• Mizo Technical Graduates (Architects)
• Hmangaihna 131

This entry was posted on Wednesday, September 1st, 2010 at 12:30 pm and is filed under Mizo Society & Culture, Mizoram. You can follow any responses to this entry through the RSS 2.0 feed. You can leave a response, or trackback from your own site.