Genesis 2:18-23 kan chhiar chuan Pathianin mihring a mah chauha a awm tha a tih loh a vanga a kawppui awm mi hmeichhia a siam thu leh chu hmeichhia chu mipa taksa a tanga lak chhuah ngei a nih a vanga, Adama`n hmeichhia a lo vuah tak thu kan hmu.
Mipa kawppui tura rannung dang a siam sa a tanga thlang lo a, a kawppui awm mi hmeichhia a lo siam sak hi a va lawm awm em. He hmeichhia hian mipa taksa a tanga lak chhuah anih angin mipa nunah pawimawh na thuk tak a nei a, a tel lo chuan mipa hi a famkim lo a, a zahawm tur angin a awm thei lo ani.
Inchhung khurah ngei pawh nu ber a hlim tawh chuan pa ber a hlim a, fate thlengin an hlim a, chhungkua a hlim thin ani. Nu ber zing kar a tanga a tih tauh ngat ngat tawh chuan inchhungkhurah lungngaihna chhumpui a zing thin.
Mipa kawppui tura siam hmeichhia anih miau avangin mipa nun ah a hlu em em a, mipa chuan a ngaihsan zawnga awm a chak a, a thil duh tih pui tlin sak a chak thin. Mipa nunah an pawimawh em avang hian mipa, a duh zawng tak hmeichhia hmu tawh chuan thil dang zawng aiin a thlang thin.
Khawvela a hunlaia ram ropui ber, ram ni tlaseng lova rorel mai tur in a lal thutthleng aiin hmeichhia, a duh zawng tak nena dam chhung hun hman a thlan zawk te, Lal fanu hmeltha Helen vanga Troy ho leh Spartan ho indona ropui te hian hmeichhe ropui zia an puang chhuak a.
Chu mai ni lovin mipa, miropui tak tak hmeichhia a vanga an tlak chhiat te, mi naran leh mihnuaihnung ve tak pawh a kawppui hmeichhia a vanga lo ding chhuak ta te chanchin tam tak te hian mipa tan hmeichhia an pawimawh zia a ti lang chiang hle ani.
Heti taka mipa tana pawimawh an nih avang hian khawtlang nunah leh ram in rel bawlna kawngah pawh dinhmun pawimawh tak an chelh ani. Kan mizo chanchin ah pawh han chhui ila, kan nula ten driver an ngaihsan lai chuan tlangval zawng zawngin driver a tan an chak a, motor khalh thiam nih an chak thin. Chumi hnuah kan nula ten sipai an han ngaisang leh a, mizo tlangval tam tak sipai ah an lut ruih ruih mai anih kha.
Khaile zohnahthlak lanu te u, khuavang note ang maia duhawm, in seih zawnga mizo tlangval tuiralna in nihna kha hre rengin, Zoram in kal a siam lai hian dinhmun pawimawh tak in chelh a, Zoram in kawng dik a zawh leh zawh loh in kut ah a awm e. Inngaihsan zawng leh in suk thlek na lam lam in mizo tlangval te hmakhua tur a hril a ni.
Engmah ti peih lo, mi thatchhia, chhungte thawh chhuah a inchei, chhungte chawmhlawm hmanga in la lian satliah te, nu leh pa ten an ei ruk nasat a vanga bike leh lirthei hrang hrang te nena nuam tawl thin ho te in ngaihsan vaih chuan mizo tlangvalte hi piangsualah in chhuah ngei ang le.
Chutih hun chu Zoram tluk chhiat hun a ni anga, hnam anga zoram borual hun ani ngei ang le. Chuvangin zo lanu te u, mizo tlangval, mi tum ruh, mahni ngeia din chhuah tum, eng hna pawh pawh thawk se rinawm leh dik tak a thawk a hlawh tlin tum mi ngei mai hi thangchhuah puan sin tir ula, tawlhloh puan han hlan teh u, chutih hunah chuan mizo tlang val chuan fuih leh chuan a ngai tawh lo, nangmah a vang khan theihtawp chhuahin a nuam a hreawm ah pawh hlawh tlin tumin a bei mai ang.
Corruption kan vei a, do tur kan ti, a hluar tual tual. MLTP act hmangin zu kan khap, kan beidawng chu a ni ti tih tawh e. Zohnahthlak lanu han che ve teh u le. Pasal a tan chuan ‘kei chuan eiru ve ngai lo tur, eirukna in ro a relna chhungkua a mi ni lo, zu leh ruihtheih thil danga buai lo tur mi, mahni ke a din tum ngei, nupui fanau chawm zo ngei tur ka duh in tih tlat a, chutiang mi chu in ngaihsan tlat zawngin do buai do buai ngai lo hian kan tlangval te hi an fihlim anga, chutih hunah chuan eiruk hmang te pawh an zak tawh ang a, kan tlangval val ten thatchhiat an ngam hauh lo ang le.
A tawp berah chuan zohnahthlak lanu te u,Women empowerment tuipui hran pa ngai lo hian Pathian hian power mak tak, mipa te hneh theih riau na power a pek che u hi a tha zawngin han hmang ula, mizo tlangval rualte hi taima, mahni hnathawha rinawm leh dinchhuah tum mi, Pathian tihmi ah han chher chhuak teh u. Chutih hunah chuan Mizoram hi zahawm takin a ding chhuak dawn ani
Behind every successful man, there’s a woman
Similar Posts:
- Mipa Vs Hmeichhia
- Ti ve teh ang
- Nula senior…
- 5 Compliments Every Woman Loves To Hear
- Kan mipa te hi boycott ang u!
August 4th, 2011 at 5:44 pm
Ka first duh angem aw…
Report this comment
August 4th, 2011 at 5:46 pm
yes
Report this comment
August 4th, 2011 at 5:49 pm
Zoram dinchhuah nan chuan ‘Solfa leh Kungfu’ a tha ber ani lawm ni
Report this comment
August 4th, 2011 at 5:55 pm
good post…
Report this comment
August 4th, 2011 at 6:10 pm
“A duhzawng tak hmeichhia hmu tawh chuan, thil dang zawng aiin a thlang thin” A va han tha thuai thuai em. Nia, Nulate thlek leh ngaihsan lam lam hi, kan bawh lam tur anih hmel e.
Report this comment
August 4th, 2011 at 6:25 pm
mipate chuan hmeichhiate chu kan bawh huam huam mai a nih hi…a va han ropui em? Ram leh hnam a boral chuan zuahin kan awm bik dawn si lo..
Report this comment
August 4th, 2011 at 6:30 pm
A khai….va tha ve hei chu.
Report this comment
August 4th, 2011 at 6:33 pm
Ka hul mang e.
Report this comment
August 4th, 2011 at 6:39 pm
Heihi hemi theme song atan ka thlang e:
Zohnahthlak Lanu — Lalsangluaia Renthlei
https://www.youtube.com/watch?v=pOTtwiYQd_k
1. Ami zaleng ten an hril lanu
Sakhmel lengtin khum sensiari
Kimtlang mawi hluan bahsam lengsiau
Thangvan pawl riai iang e chhingmit mawi
I kianban hringnun a dam diai e.
2. Chhemdam thli iang tawrhhar i zunzam hian
Hrualhrui ang tanga min vuan e
Val lungmawl lairil thawi dam thin tu
Nirei chamin chunnu chang teh la
Senlai nau iang min chawi nang che!
Thlang sappui lanu ka thlang nem le
Thlang-kawr-vai lanu ka ngai billo
Lianchhiari sakhmel ianga zozam parmawite
Zohnahthlak lanu, nang ngei ka thlang ber che.
3. Dawn lungruk ai sam an aw lungrun
I par lawm val zawng lo hnai e.
Sumtual kaiin duhthu leng samin,
Dawn an nuam hnuntui iang i par zun,
Sawi tam tlang rel dawn zolo hian.
4. Der thiam anka biahthu zawng e
Pawm hian i mawi ve lul love
Ka tawn an hum sual tui ang dam se
Mal tin chawiin kan zoram ngeian
Chung khuanu hualin vul reng rawh.
Report this comment
August 4th, 2011 at 6:49 pm
I thu laimu chu a dik ka ti e…
Report this comment
August 4th, 2011 at 7:11 pm
Ram leh hnam tan hi chuan..mahni awmhmun leh eizawnna theuhah hian dik leh fel taka awm in, nun tum ila….
Report this comment
August 4th, 2011 at 8:05 pm
Kungfu leh solfa thiam hi kan nula te hian han ngaisang ta se…
Report this comment
August 4th, 2011 at 8:05 pm
Kungfu leh solfa thiam hi kan nula te hian han ngaisang ta se…
Report this comment
August 4th, 2011 at 8:07 pm
A va ho e, lo luh bawdawl le
Report this comment
August 4th, 2011 at 8:08 pm
A va ho lehzel e, dawbawl
Report this comment
August 4th, 2011 at 8:11 pm
Dik ka ti khawp mai..post thra hle mai a.
Report this comment
August 4th, 2011 at 8:20 pm
ka chhiar hman rih tlat lo. (my apology doc) post tha tak a ni (ka ring)
Report this comment
August 4th, 2011 at 9:56 pm
@9 Pu HV, i hla rawn thlan hi, kan va han sa nasa thin tak mai mai.Zohnahthlak lanu power hian mizoram hi a ding chhuak em ang chu maw
Report this comment
August 4th, 2011 at 10:18 pm
Behind every successful man,
there’s a woman
but, the truth is, women choose only the successful man
Kungfu leh Solfa kha a pawimawh ka la ti.
Report this comment
August 4th, 2011 at 10:27 pm
Post ziah dan te i thiam ve ani mo?!great post from doc!Report this comment
August 4th, 2011 at 10:35 pm
doc_lib #18 rilru chhungril…ka thinlung atangin ka ngaithla thin
Report this comment
August 4th, 2011 at 10:45 pm
Hmeichheho khan han chhang liam liam se la…
Report this comment
August 4th, 2011 at 10:53 pm
Mizo valrual zingah hmeichhe power chauh ringa dinchhuah tum kan pung mai ang tih a va hlauhawm ve.
Report this comment
August 5th, 2011 at 11:39 am
Hmeichhia tihte chu Adama phuah ani hlei nem , Mizo Mipa ho phuah a lom
Report this comment
August 5th, 2011 at 11:43 am
Hmeichhiate chuan Mipa fel, nupui fanau chawmthei an duh lutuk, Pastor ho luck zia atang hian chhut mai teh u. Mipo hi an lehkhazir lai atangi han taima se, India ram Competition level ah te hian lang zak zak se, nupui fanua chawmthei han ni fur maise, Hmeichhe ho chuan nuam an ti lutuk ang.
Report this comment
August 5th, 2011 at 12:21 pm
htlau, tunah chuan pastor luck lai kha a pel leh tawh zawk. Mipa confi, reliable deuh an duh tawh zawk.
Hmeithai an ding chhuak a, parawl an ho tlangpui. Zirna leh sumdawnna, sorkar hna leh exam hrang hrangah hmeichhia kan tluk lo telh telh. Mipa ten tan lak kan ngai. Bike chak deuha khal ringawt hi ram dinchhuahna a ni lo.
Kungfu leh Solfa hi a pawimawh jokes
Report this comment
August 5th, 2011 at 10:35 pm
Rempy te ang hian min han fuih tak tak se chu vana arsi lak poh kan huam mai ang chu maw le
Report this comment
August 6th, 2011 at 2:36 pm
Lianchhiari sakhmel iang zozam par mawi te, zo hnahthlak lanu nang ngei ka thlang ber che, zahpui awm loh, zah kai ve si, hnam dang hmaa zam ngai lo zo nula Tlawm ve lo Lalnu Ropuiliani iang hi an awm ngei ang le!
Ka thlang ber che ZO LANU HMELTHA. za leng zawng zingah………………
Report this comment