Ka thlâ a hrâng (chhunzawmna)

September 9th, 2010 11:25 pm by TuaiSialA

Ka khum chu ceiling-ah a lo inkhai a nih chu mawle!

Chhuat atanga ceiling hi ft. 10 vêla sâng a nih avângin mihring tih a ni lo tih chu ka hre chiang kher mai. Ka chhuak leh a. Inchungpa chuan a hmaa hetianga a awm ngai leh ngai loh min zâwt a, kei chuan a hma zân leh zân hmasa lama thil thleng zawng zawng te, kêl bê te pawh kha ka tih a nih lohzia te ka han hrilh chuan mak a ti ve hle a ni.

“Engpawh ni se, kan in lamah chaw lo ei chho phawt la, chutah chuan tih dân tur kan ngaihtuah dâwn nia,” a ti a. Khum pawh a ngai ngaia kalsanin kan chho ta a. Chaw ei khamah chuan class kal tura insiam tumin ka chhuk leh a, pindanah chuan hlau chung chungin ka’n lût leh dák dâk a, ka thil hmuh chuan min tiphu nasa kher mai. Khum kha a lo inkhai tawh lo va, a pângngai thlapa lo awmin khum inkhainaah tak chuan ka pheikhawk hi a lo inkhai nel nel mai a!

Hetiang ringawt mai chu tiin ka thawmhnawte nen ka insawn chhuak ta a ni.

A hnua an sawi leh dân chuan ka in luahna chhûngah chuan bungrua hi a lo awm rum zêl a ni âwm e. (Bungrua ka lachhuak vek tawh ka tih kha). A kawt tlângbanah chuan nihliap tharlâm tak tak a lo inkhai that zêl bawk nen, a darhzau ta zêl a. Tuman an hrechhuak thei lêm lo va. Police an duty a, tumah an man thei chuang si lo, a awm awmin an awmtîr ta a.

Inneitu leh a thenawma mi te paw’n ngaiah an nei ta vêl mai mai a ni.

Zankhat chu intihuaisen luiin ka in luahna hluiah chuan ka va kal a, kawngka pawh a lo inkalh lêm lo va. A chhûnga ka’n luh nâk chuan bungbel hlîrin a lo khat a. Bungbêl chu zankhuain ka thiar a, a tûk atangin dâwr ruak ka zawng ta a. Chutiang chuan zantin ka thiar a, pâwn lamah lah nihliap a lo inkhai that zêl bawk a, ceiling-ah pheikhawk tharlâm ber ber lo inkhai tiar thin bawk nen. Zantinin ka thiar ta hiau hiau a. Dâwr ka siam a. Ka hausakpui ta a ni.

Kum hnih a liam ta. Chu thlahrâng pawh chu a la awm zui zêl ni âwm tak a ni. Bungrua vêl chu lâk ngai lovin sumdawnna lian tham tak ka din tawh a, ka duh tâwk êm êm a.

‘A lunglênthlâk e’ tiin zankhat chu ka va kal mai mai a. Mi rethei tanpui nana hman tur tiin bungrua tlêm a zâwng hawn ka tum bawk a. Ka va lût a. Bungrua la lovin a ken awlsam zâwk, pheikhawk chu ka la a. Ka’n chhuak leh chiah chu man ka ni ta a ni!

39 Responses to “Ka thlâ a hrâng (chhunzawmna)”

1
Ozima Says:
September 9th, 2010 at 11:28 pm
uiiii
2
Devil18 Says:
September 9th, 2010 at 11:30 pm
an man ta nge nge e. . .

He he
3
teteak Says:
September 9th, 2010 at 11:31 pm
hahahaha ka nuih hawk chu Dawr rawktu lian i lo ni reng a ni maw?
4
sisen Says:
September 9th, 2010 at 11:31 pm
A tawp dan chu a ho leh si e
5
RL Says:
September 9th, 2010 at 11:35 pm
hlauhom loh teih2 ngei mai
6
Uaiizzz Says:
September 9th, 2010 at 11:35 pm
Uiiiii Haaaa….. a tawp dan hi ka ngaihdan ani lo. I ti tawp ho deuh mah mah.. Mahse a ngaihnawm tho e.
7
Ultraviolet Says:
September 9th, 2010 at 11:37 pm
Khum ceiling a inkhai tih atang khian ka nui nghal…rawn chhunzawm leh nghal law2 la thra ang,
8
VaiVa Says:
September 9th, 2010 at 11:39 pm
Thlahrang in ti ziah a, zanreiah phei chuan vaiho hi ka thlamuanpui vak si lo va. Rukru i lo ni hlauh chu a zia e
9
lushai_er Says:
September 9th, 2010 at 11:46 pm
Ha ha ha Ka nui nasa mai!

Thutak deuhin ka chhiar hman a………..
10
lachua Says:
September 9th, 2010 at 11:48 pm
chhiar hma hian han comment zaih ila a fuh duh phian.
11
gothica Says:
September 9th, 2010 at 11:52 pm
uuuiiiiiiihhhaaaaaa ka va han hlau iam iam…. part 2 hi a nuihzathlak ka ti NOI
12
lalmi5ualpa Says:
September 9th, 2010 at 11:53 pm
Mr. TS, a tak tak a ni lo maw
13
Ultraviolet Says:
September 9th, 2010 at 11:55 pm
Lehlam thlahrang nen chuan inang lo vee..
14
chhana Says:
September 9th, 2010 at 11:55 pm
A tawp dan mai mai chuh…
15
littlerascal Says:
September 9th, 2010 at 11:58 pm
Chhe mai mai mange
16
Lalbuaia Says:
September 9th, 2010 at 11:58 pm
mr.ts i lo hrang chuan eng tinnge kan in kawm tak ang,,hehe. .misual ziangah hian k ngai che che sin le. .huh
17
Benny Says:
September 10th, 2010 at 12:02 am
A lo nih tak khi! Mahse, a ngaihnawm tho tho. A thawnthu-ah min chentir hle. Tha fu ni.
18
littlerascal Says:
September 10th, 2010 at 12:03 am
Hmana khawchhak lam thil ruk hrat an tih kha i lo ni reng a ni lo maw???
19
gothica Says:
September 10th, 2010 at 12:04 am
@Ultraviolet… lolzzz
20
Ultraviolet Says:
September 10th, 2010 at 12:06 am
lehlam thlahrang kan chhiar a, kan meng kawk kawk a, ti lam kan han chhiar leh a kan harh tulh tulh.
21
sihal Says:
September 10th, 2010 at 12:10 am
engtikah nge gothic lamin an rawn chhunzawm ve ang aw
22
khumchikthei Says:
September 10th, 2010 at 12:18 am
panhnah ruk atang kelah, chuan bungbel, chuan khum chuan pheikhawk, rukru progressive tak i lo nih hi mawle,

…khrum

MangKHRUM, vai-bye u le.
23
PimPom Says:
September 10th, 2010 at 12:26 am
Mr. TS mai mai chu leh.lolzzzz. A hlauhawm em mai mu daih teh ag.. :lol: :lol:
24
khumchikthei Says:
September 10th, 2010 at 12:26 am
Ku TS thil pakhat; concrete building ground floorah khan i awm sia, technical takin ceiling i nei thei lo, :smile:
Ka lawm e.
…khrum
25
Wolf Says:
September 10th, 2010 at 1:30 am
BOKHAI!!! ka va duh ve e,hetiang thlahrang hi…in kawl chhawk ila…lol
26
RempY_sciSsoR Says:
September 10th, 2010 at 1:48 am
hei zet chu ka hlauhpui ve ngei mai…thlahrang lam hi film kan en hnemin thonthu ph kn gaithla hnem a, heicu a tak ngei mai..thau ah min man tlat..kel khama zuang thla ta poh kha..awi..a thi ngei awm sia..a thih cuan a hrang ve ngei…ka soizom ngam toh lo, keimai chiahin k wm tlat
27
caribou Says:
September 10th, 2010 at 4:20 am
A va hrang rapthlak ve. Nupa tuak khat pawh kha, an pa ber a thi a. A thla a hrang chiam mai a. In riak pawh an rei lo. Inriak zinga pakhat erawh a riak chhunzawm zel a, thla 2 a ral a, an innei daih. Thlahrang a tawp hmak bawk.
28
Maisek Says:
September 10th, 2010 at 7:00 am
A van mak ve!
29
tarmita Says:
September 10th, 2010 at 9:51 am
A ‘thla’ aiin AMAH a hrang a nih hi!
30
badboy Says:
September 10th, 2010 at 9:58 am
thlahrang hi rawn lut reng su, in ninawm
31
Hrephrupa Says:
September 10th, 2010 at 10:16 am
@Mr. TSA,I hausa tawh tho sia i in bail chuak leh mai ang chu ti raw? Interim bail a mawni te kha i ngaih ven thei ang chu…
32
Tetea Says:
September 10th, 2010 at 10:48 am
Ka thil tawn ka han hrilh ve dawn che emawni le…
33
aduhi Says:
September 10th, 2010 at 12:04 pm
TS-a thla hran ve dan chu leh!

Mahse a ngaihnawm e, a dangdai a. Fiction ah pawh love story hliiir lo deuh te chhiar hi a nuam ve a.
34
Maroz Says:
September 10th, 2010 at 12:59 pm
Khaw pakhat ah thlanmual ah hian HMAWNG kung lianpui TRIHBAI AWM TAK mai hi a awm a A HRANG VELLLLL AAAAA…..
35
blackmagicwoman Says:
September 10th, 2010 at 1:39 pm
Rukru sawi takah chuan thil ka hre chhuak zawk mai. Zonet ( LPS pawh a ni maithei, kan pawt lova, ka hre lo) vela sap film mizo trawnga an dub thin hi, hollywood a film neitute hneh atangin official permission an lak ka ring bik lo….mahse a dub tu ten ‘ he film, mizo trawnga lehlin hi a siamtute hriat lova chhuah leh write phal a ni lo’ tih chu an tar ve ngei! ‘kan thil ruk hi, in ruk chhawn chuan in chungah action kan la lang’ tih ang vel a ni!
Lal Mr, i story phuah hi a dangdai reuh khawp mai. I thiam zek!
36
Mr. TSA Says:
September 10th, 2010 at 8:07 pm
Ka lawm em em e.
37
Liandova Says:
January 7th, 2011 at 10:40 pm
Ngaihnawm deuha chhiar ka tum a, alo va ho leh lawi si ve o he he
38
H.Vangchhia Says:
January 7th, 2011 at 10:46 pm
Mi huaisen ni lo mah ila, thlahrang kher hi chu hlauh ngaihna ka hrelo a ni. Ti ngawt ila ka la hmuh veloh vang te pawh a ni mahna, hmu ilang chuan ka hlau phirsir viau maithei bawk a!
39
TuaiSialA Says:
January 7th, 2011 at 10:53 pm
Ka u Liandova pawh a rawn lang ve leh ta!