Hmangaihna hi hlimna vawrtawp atanga lungngaihna ruama min hruailuttu thil tha tak a ni ti ila mi tam tak chuan kei zawlnei ni miahlo thusawi an pawm tam ve a ni ngei ang. Nie, he nulat tlangval inhmangaihna hian nunna hial pawh a la thei a nih hi tiro u. Hmangaihna avanga rilruna ngawih ngawih tawh te hi inhmukhawm ta ila mual a kûr dawn hial ang! Kha ka thil tawn ve khan tun thleng hian min la nghawng a sin.
Chung chhawrhthlapui hming chhal meuh a,
Rinawm reng tura in tiam khan
Khawian nge maw i tuan tak le?
Pualleng thlangtla ang lo ni che a
Thla khi mihring tan hian a lo va pawimawh ngai em. Thla a han en uar mai hi chuan awm thiam a har hial thin. Inngaizawng induh tak takte pawn khi thla khi inhriatrengnan an inchah thin a nih hi. Keini pahnih pawh khi thla eng hnuaiah khian kumkhuaa rinawm reng turin rinawmna biahthu kan inhlana, hmundangah min kalsan a nih kha. Ka ngaih thin zia che leh ka thlakhlelh zia che i hriat ka ring a, ka rawn phone danah che khan ka duh zia che leh ka rinawm zia pawh i hre ngei ang.
Mahse nangchuan a hnu lawkah i number i thlak a, chhui leh zawn pawh theih tawhloh turin i hnathawhna hmuhah khan i reh ta vang vang a nih kha. Kha i thiltih vanga ka rilru nat dan leh hrehawmna ka tawrhdan kha ka rilru ang chiah vawikhat chiah min put pui la, i hrethiam anga, min khawngaih ve ngawt ang. A na a sin..
Kan sul i hnu fan chang hian aw
I thar leh thin dawn lungrukah
Thinlainain chhunni zankhua
Ka hmangliam derthiam nang vangin
Rilru na leh baihvai takin, hnemtu ngaia ka vahvaih dan zawng zawng kha hre ta la chuan ka lam ilo hawileh hialin ka ring a sin. Ka rilru hah lutuk tih thawl tumin ka han lengkuala, hmana kan lendunna hmun kha hmuhloh theih a ni si lo. Kan awmdan leh kan hlim thin zia kha ka han ngaihtuah leta, ka tawrh kha na ka ti a sin. Lungngaihnain min tlakbuak a, hlimni hi ka tawn leh pawh ka ring tawh lo. Dik tak chu nausen an han lawma an nui ka hmuh te hian ka haw thin a sin! Ka tawrh kha a na em a ni. Mi inngaizawng an han infiam ka hmuh te hian keichuan min awhchikah ka ngai a, ka ngei thin. Nangmah vang vek a ni. Ka lo tawng che hi khawvela ka thil tawn tha lo ber a ni a sin.
Thu tin ril kan sam dunlai te(?)
Hmangaihna par zu dawn duna
Kan inlawm lai a chuai zo ta
Tiamthu sut hmang derthiam nang vang.
Kan hlimlaini kha han ngaihtuahlet leh teh. Kan inthlahlela, kan inngaia, kan inbe reng thin a nih kha. Khatih hunlai khan khawvela mi hlimber leh vannei ber ka niin ka inhre thin. Tumah midang ka rilruah an leng ngai lova, midang lakah khan ka mit takngial pawh a uire ngai lo a sin. Khatiang khawpa inngaina kha chu engtikah emaw chuan chhungkaw tha deuh kan la din ka ring tlat a, kha hun tur kha ka mitthla thin. Tunah zawng kha hun kha ka tan chuan lungngaihna chirhdupa min hnuklut zualtu a ni a sin. Nangmah vang vek a ni.
I tiamthu hre tu chhawrhthlapui
A eng ruai e piallei mawi an
Chhaithar belin i liam ta maw?
Luaithlinula min tiam zawngte kha aw
Dawnkir leh rawh derthiam mi u
Thla a rawn eng leh ta! Ka lunglen tizualtu mai a ni a, rilru na min thlen a sin. Hmanah khan i kal hreh lutuk i mittui tla kha khi thla eng hnuaiah khian ka hruk sak che a, ka hnem che a nih kha. Tap chungin ka tan rinawm reng tura min tiam chungin min rawn kuah a, i hmuiah ka fawp a nih kha. Hreh takin i kal a nih kha. Tunah chuan ngaihzawng thar neiin hlim takin i awm a, kei erawh ka lungngai si. Khi thla a rawn eng a, kan nunhlui kha ngaihtuah kir ve hram teh aw…
Similar Posts:
- Valentine’s Day Vangin i buai a mi?
- A lanna tlang dang atangin
- Mipa leh Hmeichhia
- Hmangaihna Ka Ngen ani
- Pute u, kan rilru a na thin a sin!
hairehai 
September 15th, 2010 at 4:01 pm
Ana hle mei
ka lawm e
–LVK
Report this comment
September 15th, 2010 at 4:03 pm
result ni dawn maw tia…..
Report this comment
September 15th, 2010 at 4:03 pm
ana a nih hi
Report this comment
September 15th, 2010 at 4:04 pm
heihi pakhatna chu niang a
Report this comment
September 15th, 2010 at 4:07 pm
Dam Dam…A na em a nih khi…
Report this comment
September 15th, 2010 at 4:18 pm
Keizawng nulat tlangval hmangaihna ai chuan laisuih hi ka la lawm tlat mai.
Report this comment
September 15th, 2010 at 4:26 pm
A na kher mai. ka Kezungpui a Mar zot a lawm male
Report this comment
September 15th, 2010 at 4:28 pm
feikibara in chhun ang vela ni maw i tan chuan, i demawm lem loh e
Report this comment
September 15th, 2010 at 4:40 pm
#7, tunlai eksar lo deuh a, tukin chu ka kaihza tha a chat, ka then sawng sawng mai
:lol:
Thla eng hi a lo lunglen thlak viau ni ngei tur a ni. Virginia khaw pakhat, Mizo pa ngei mai pawh alo pastor tawh naah chuan an khuaah streeet light dah an duhlo, a awmlo tawp. Hetia an tih chhan hi thlaeng an duh zawk vang a ni awm e. Ziak thiam khawp mai i thawnthu chu.
Report this comment
September 15th, 2010 at 4:46 pm
Aw ana, ana emai.. I hmangaihna min hlanve hi…
Report this comment
September 15th, 2010 at 4:57 pm
Pu Lalhmingliana Saiawi’an “Duhlohte nena khuangchawi ai chuan, la duh tho turte nena khuangchawi a tha zawk e” tih lam hawi deuha a ziak ka chhiar tawh a.
Nulat tlangval laia in hmangaih leh induh ngawih ngawih, inneih hnu a, “Ka rin ang ilo nilo” inti hi tam tak sawi tur an awm an ti. Hmangaihna kan tih hi engah nge a innghah chiah le ? Hmel-ah, pian-ah,sum leh paiah etc.. etc.. ?
Report this comment
September 15th, 2010 at 4:57 pm
a na xawng anih hi mawle,tiang hunah hi chuan no 1 han lem sak ila a reh ve my. lol
Report this comment
September 15th, 2010 at 4:58 pm
Ka avatar khi ka thlak ve si a, lo lang ve ringawt hmelchhe deuh khi…het sala !!
Report this comment
September 15th, 2010 at 5:07 pm
a na hle anih tak khi
Report this comment
September 15th, 2010 at 5:15 pm
Walk zo thlantlak nen a va han Na vawng vawng tak em ve aw..’A NA ASIN KA DAWNTHARTE, I TANGNEMA KA BEILAI KHAN,HMANGAIHNA RINAWM CHU HLANIN,MIN PAWM VE A,PUANANG HNAWLIN I LIAM TA SI’ ka`n tih chocolate ve vak chu le…
Report this comment
September 15th, 2010 at 5:27 pm
Chemzum a in vih hi a na khawp bawk mai!Thla eng tih vel hi chuan lung a ti leng pha lo hrim2. . :lol:
Report this comment
September 15th, 2010 at 5:30 pm
Coconut kunga lawn a,tilmu wheel a hmana tawlh thlak pawh hi ana khawp mai an ti he2…
Report this comment
September 15th, 2010 at 5:35 pm
Ava tha ve awwwww…. ka buai a ni e ka buai… ka misual hman lo eeeeeeeeeeeee
Report this comment
September 15th, 2010 at 5:44 pm
road roller in chil tir te pawh hi ana a sin
Report this comment
September 15th, 2010 at 6:03 pm
Vawi li (4) vel ka na ve tawh..lolz..
Report this comment
September 15th, 2010 at 6:07 pm
A na maw, khawilai maw? hehe dam rawh se. Tikhan a ZIAAWM NEP deuh em. :smile:
…khrum
Report this comment
September 15th, 2010 at 6:12 pm
Na lo teih teih…
Report this comment
September 15th, 2010 at 6:15 pm
Na awm vawn vawn ve aw! Lo dam tawh rawh se.
Report this comment
September 15th, 2010 at 6:31 pm
Khawvel ani tlat sia le mahni hamthatna um theuh theuh kanni si a,mahse ana thin zawng anih hi .Aw ana.. Ana emmai
Report this comment
September 15th, 2010 at 7:23 pm
A la na lo ka ti.
Report this comment
September 15th, 2010 at 7:38 pm
A lo nih tak hi :smile:
Ka lo hlawkpui daih chu – helamah hian ‘awhthik’ kan ti a, awhfik/awhsik tia hmang an tam bawk. Ka la hriat ngai loh ‘awhchik’ i rawn hmang hi typing mistake a nih loh chuan tawng lamah ka hriatna a belhchhah e, ka lawm khawp mai.
Report this comment
September 15th, 2010 at 10:43 pm
Hei chu a theih ngilh ka lo tum toh min hriat chhuah tir leh tlats mai. A va na vawng vawng tak em ve…
Report this comment
September 15th, 2010 at 11:08 pm
“Aw Hmangaihna ka ta’n a na lua” tih hla kha kan han la mai dawn em ni?
Report this comment
December 10th, 2011 at 8:33 pm
” Aw hmangaihna khawvel entu, kalvari tlang thing kraws chungah “
Report this comment