Tun laiin doctor rawn man san thu hi media-ah kan chhiar tam hle a. Sorkar-a thawk doctor-te’n Non-practising Allowance la chunga inentirna an hawng hi chu, an tih deuh theuh a nih avangin, sawi vak pawhin a sawt chuang lo mai thei. Inentir man an tipung thut erawh hi chu sawi fe tham chu a ni. Mizoramah hian thil man kan pun ve hian vawi-leh-khatah kan tipung nasa ta lutuk thin a, hriatthiam a harsa deuh thin. Aizawl-a parking fee an tihpun pawh kha kan la hria ang a.
Tuna doctor-te’n inentir man an tihpun pawh hian a let tawpin an tipung a, Rs. 100 atangin Rs. 150-ah pawh pun se za-a sawmnga-a pung a ni a, sang tak a ni, za-a za-a tihpun thut mai te phei hi chu a rapthlak deuh lo maw? Hman deuh tawh khan Calcutta (a la nih laiin)-ah bus chuan man hi stand khatah 5 paise-in an tipung a, mipui lungawi lovin bus te an hal hluah hluah mai!
Leh lam ngaihtuah chuan doctor te hian anmahni pan turin tumah an tilui thei lo a, an tilui bawk hek lo. Mipuiin kan mamawh changin kan pan a ni mai a. Keimahni duhthua pan na na na an inchhiar zat chu kan chawi mai tur a ni a tih ve theih bawk ang.
A nih loh vek chuan man chawi loa pan theih an nihna hmuna pan mai tur a ni. Chubakah Rs. 200 hi a tam lutuk reng em ni? Thil dang man pawh a san tawh em hi maw! Ka awmna hmunah hian doctor rawn man hi Rs. 5600 vel a ni a. Doctor senior, Professor chin phei chu Rs. 7050 vel an inchhiar. Chutiang ngaihtuah chuan Rs. 200 an lo inchhiar chu nep te a tih theih awm e.
‘Health Minister pawhin tam a ti lutuk a, CM a sawipui dawn’ tih ri te pawh a awm a. Hetiang a nih hi chuan doctor-te’n NPA la chunga private clinic an nei hi official-in an recognize tihna a ni thei ang em? Phoro tur zinga tel a ni lo’m ni? Sawiho peih kan awm chuan sawiho ila.
Similar Posts:
- Doctor te hi an duham ta lutuk a ni em?
- Doctor hmeichhia aiin doctor mipa
- Health Department-ah Promotion Buai?
- MHIP Sub-Hqrs. in Doctor Chetdan Duh Loh Vangin Thuchhuah Siam
- Mizoram Doctor – An rintlak em?
(Y)
September 16th, 2010 at 4:35 am
@ hlatekhua,
post hlu tak a ni. Hei hian ngawng leh rah tha chhuah ngei se. Doctor rawn man thar hi kan ram mipui mimir dinhmun en chuan a ‘TO’ lua deuh chu a ni. Doc. tam tak fel leh tha tak tak, hah pawh sawi thei lova mite tana inpe, harsa zawkte phei chu rawn man pawh la duhlo an awm a nia!
OPD -a inentir hi ‘ a mi’ a zirin a dang a ni mai thei e, tam zawk ah chuan damlo te uluk taka enna hman a awm meuhlo a ni mai thei; ‘damdawi ziah zung zung’ hi en dan tlanglawn a ni. Chutiang a inentir chu damlo na tuar tan chuan lung a awi har deuh ang, chuan, nei leh nei lovin clinic pan a tul thin.
Kan Doctor chhuanawm tak tak te hian, kan ram leh hnam, mipui nawlpui dinhmun hrethiamin an rate hi tihniam leh thei teh sela aw!
Report this comment
September 16th, 2010 at 6:32 am
Heti a nih chuan hna dang thawk ho eg: labourer, electrician, plumber, mistiri, etc ho hian 100% in an hlawh ti sang ve se a tha ang. Doctor em chu tluk lo mah se an pawimawh ve tho alawm.
Result hriat a va chakawm tawh ve…
Report this comment
September 16th, 2010 at 6:50 am
Doctorte chuan an damlote ei hlum thak mahse pawi anti nang
Report this comment
September 16th, 2010 at 7:06 am
@ Patriot, chutianga chawimawi phu an awm chuan i chawimawi mawlh ang u. LONCY-a i ti mi kha, a va’ ngaihsan awm ve!
Report this comment
September 16th, 2010 at 7:17 am
Inentirna man Rs 200-a tihsan a ni hi tunhnaia sawrkar hnathawkte hlawh rawn sang ta hluai vang a nih ngei a rinawm a. Sawrkara thawk chunga pvt. clinic hawng zingah inentir man tisang an awm ve phei chuan a double ‘ble-in enjoyment to food a nih ber chu
An tisang talh a nih pawhin sawrkar hnathawk leh an family-te tan chauh tisang mai rawh se. Sawrkar hnathawk ve lote lakluh a pung ve vak lo tih hi hre reng rawh se.
Kan state economy-ah hian sawrkar hna hi kan industry neih len ber a nih miau avangin an hlawh san leh san loh hian nghawng a nei lian ber a. Chuvangin, inentir man an tihsan chhan chu engvang pawh lo ni se, vawi leh khata 100% tawpa a sang thut hi chu mipui tham lohna lian ber a ni tawp. Tin, hlawh pun vanga thil dang man a sang a nih pawha a sang hmasa lo ber tur zinga mi niin ka hria. Chu ai chuan casual labour-te hlawh hian san phah hmasa ber ve rawh se. Rs 150 atangin Rs 200 talah.
Inentir man an tisang duh a nih pawhin 10-20% bak chuan vawi khatah sang suh se. Zawi zawiin kum tinin emaw tisang tal zawk rawh se (ka thu mah mah em?).
Report this comment
September 16th, 2010 at 7:28 am
Thenkhatin pawisa nei lo tan OPD a awm tho a lawm, in ti a. A dik thawkhat. Mahse, OPD leh pvt. clinic-a thukhawp daktawr zingah OPD leh pvt. clinic-a an mizia inthlau tak tak sawi tur an awm nual. Ka experience ve pakhat pawh, a hming ka sawi chak khawp mai, a clinic-a pan thinte zingah tha lo ti tu an awm vak pawh ka hre lo. Mahse, Civil Hospital-a nauneihna ward-ah kan hmelhriatte kan kan tumin ka hre fuh tawh a lawm. A sual tawp. Damlote a vin zek zel. Thil pawh an zawt ngam mang lo. A tawngkam hman chiah chiah pawh ka lo quote chhuak thei ang.
Report this comment
September 16th, 2010 at 7:34 am
Funny-a’n hmeichhe daktawr in duh chungchang a sawi pawh khi a dik khawpin ka hria. An zavaiin ka tihna ni loin, St. Paul’s-a ka kalpui ve thin hmeichhe zingah a hminga junior daktawr an nih tak vanga induh fe fe an awm nual. Min hre ngai miah lo emaw tih tur hial an ni thin. Ka ngaisang teh chiam bik lo. Mahse, fel tak tak an awm teuh tho.
Report this comment
September 16th, 2010 at 7:52 am
@lalhratla: Doctor induh chu sawi loh, nurse te lehzel an lo induh thin hi a huatthlalaawm ka ti. A senior ho phei chu biak pawh hi ka be peih tha lo thin. Fel deuh deuh chu an awm tho nain…
Report this comment
September 16th, 2010 at 8:01 am
In thusawi zawng zawng kha engatanmah an ngai lovang ee :evil:
An duham hliam hliam em, khua poh an hmu tawh lo.
An thawhna hospital-a an che tenawm kher zel hi ania ngeiawm zual, an private clinic rilruk ranin tu pawh an dawr emaw tih tur.
AW LALPA, an thawhrah man hi an damchhung ngeiin tuar tir mawlh ang che, Amen :evil:
Report this comment
September 16th, 2010 at 8:08 am
Thil pakhat leh lawk, private clinic hawng ho hian an damdawi chawh thin hi anmahni damdawi dawr/an clinic hnuaia damdawi dawra an neih kher an chawh tlangpui. Coincidence? Hehe
Report this comment
September 16th, 2010 at 8:13 am
@Tetea, a dik chiang bal. Mahse, a thlawna thuttirtute an duhsak letvena a ni mai. Mahse, a dawrate pawhin company rintlak deuh siam damdawi hlir hi kawl thei tal se. Tam tak phei chu reputed companies-ho products pawh ni lem lo. A MRP sang tak tak, profit margin pawh sang tak tak an nih thin ka ring a lawm le.
Report this comment
September 16th, 2010 at 9:16 am
Doctor leh Ukil sumdawn dan hi chu ka rap. :evil:
Report this comment
September 16th, 2010 at 9:39 am
Trul lo pui2 test to tak2 intih tir treuh hi chu kei pawh ka ngei deuh thrin,(a trul loh tak2 leh tak2 loh hi kan hreve chiah bok silova
)
Lehlam zawng a thlir chuan, +2 thra tak a pass hnuah kum 6 zenzawn anzir hnuah specialist turin kum 3 dang anzir leh a, an insengso nasa bok a, anthiam man an trawngkam 2/1 lek anlo hralh poh an hriatthiam awm, MAHSE engmah zirlo, A,AW,B.. pawh thiam ngai miahlo a motor/tape/TV etc chhe siam thiam,Chukchu umchhuah man mai2ah pawh cheng tamtak min bill thrin a, anhnathawh han enpui chuan a ho thei ve si….a thlawn chuan anti phal bik miahlo..hetiang ngaihtuah chuan Doctor/ukil te fee lak hi chu a awm ka ti, mahse an hun senral/an hnathawh phutawk deuh hi la ve se..
Report this comment
September 16th, 2010 at 10:16 am
Kan natna leh dam lohna te tihdam chak a min enkawl duh ngawih ngawih vanga inzir kha an ni bik chiahlo bawk a; kan pawisate Sawrkar pawisate an duh avang a; in zir kha anive bawk a; hriatthiam chin tawk neihve angai anih hi.
Tawngtai dam thei hi pung hluai se; dam tak tak thei bawk ila Doctor ho hi hawi lawl lawl se atha ang
Report this comment
September 16th, 2010 at 10:25 am
Minute2 lek chhungin Rs.100 ka chawi ve zan tawh. Min en chhung kha a rei silo a, min tlawm kan ring ringawt pek a. Hriat loh ve theih haih2 khawp mai. A duhna hmun bik ami damdawi min leitir a tum a, hmun dangah ka zawng lui hram a sin le. :lol:
Report this comment
September 16th, 2010 at 10:34 am
Cheng 200 a inentir ngam lo ho kha chuan in damloh hunah inentir duh lovin strike mai rawh u.
Report this comment
September 16th, 2010 at 11:20 am
Kura, damlo tan Rs 200 chawi a nat laiin, Doctor tan Rs 100 lo lak hi a natna awm reng ka hre lo.
Report this comment
September 16th, 2010 at 11:34 am
Doctor nih ve hi ka chak…zing kharah mi 20 ka en anga…. 20 x 200 = Rs 4000 ka hlawh anga..tlai lamah mi 30 ka en leh anga … 30 x 200 = Rs 6000…ni tin Rs 10,000 ka lalut anga..chuan Sawrkarah ka hlawh cheng sing tel ka la leh bawkv anga..inrinni ah private hospitalah mi ka zai leh anga..Rs sang fe chu kan hlawh leh anga….awi awi..ka nupui chu sum ka chhiar tir ringawt ang..ka fate an lo fel phei chuan van ram ani ringawt ang..he he
Report this comment
September 16th, 2010 at 11:38 am
@Kura, kan doctor-te hian an dinhmun an hriatchian tluk zetin economics-a demand and supply theory hi an hrechiang a, an nunpui a, an hawp bawk a, an chawm bawk a, an hmang sual lui a nih ber dawn hi
An nihna erawh an hrechiang mawlh si lo.
Report this comment
September 16th, 2010 at 11:40 am
He topic chu a la hot zel a ni maw. Daktawr hi zir vek mai ang u.
Report this comment
September 16th, 2010 at 12:10 pm
Doctor te hian inentirna man hi rate mumal tak an neih piah lamah hian Price discrimination hi kalpui ta se. A neipa leh hausa deuh emaw natna a zirten pawisa hi la ta se a fuh mai thei.
Doctor thenkhat, “Kan natna pawh kan sawi zawh hmain damdawi chawhna lehkha a ziak zo der..” an tih ang chiah chuan Rs. 200/- chu a to mai thei a ni.
Report this comment
September 16th, 2010 at 2:44 pm
Cheng 200 chu a sang lu deuh chu a nih hi!
Report this comment
September 16th, 2010 at 5:17 pm
Pu MZ-a khan Kolkata-ah khan Rs. 300/- chawiin a mawng a zuk phen zuai tawh a mi kha. Hahaha.. :lol: mawng phen man a to e. Doctor hi chuan sum an la hnem thin ngawt ang. :twisted:
Report this comment
September 16th, 2010 at 5:21 pm
Mihring nawlpui pawisa thawh chhuah atanga ka chhut ve dan mai2 chuan, Rs. 20 mi pakhat ah zel nise a tawk ka ti. A tlem an tih leh thawh chhuah zat azirin ti to mai sela
Report this comment
September 16th, 2010 at 5:31 pm
Kan thianpa pawhin a natna a han sawi tan a,a sawi zawh hma khan doctor khan damdawi a lo chawh zo hman der chu niin. A ngaihdan a ni lo lutuk khan pawisa a pe duh lo a, buaithlak ve duh tak chu a ni. A tawpah eng tin tin emaw kan tilungawi thei ta hram.
Rs 100 kha a tawk tiu teu viau lo maw ni le. An tipung a nih pawhin a let thawk chu a tam lulai deuh a ni e. Natna azir te hian a lak theih loh emaw ni le…
Report this comment
September 16th, 2010 at 5:34 pm
# 124: “A tlem an tih leh thawh chhuah zat azirin ti to mai sela”
Hei hi a lawm price discrimation-a ka sawi chu,.. Pu Hv… Kan ram rethei ah chuan kan afford tawk a niang.
Report this comment
September 16th, 2010 at 5:48 pm
Doctor ka ni lo naa natna thenkhat hi chu dam lovin a sawi dan atangin eng natna nge tih a hriat ruak theih a nih hmel, tithang chuan damdawi an ziak nghal mawlh mawlh thei thin reng a ni.
Mizo rilru nen chuan an inmil vak lo. Doctor pan tawh vek chuan min han en se, stethoscope-in min han ngaithla vang vang se, min han dap deuh nauh nauh se kan ngaih a tha deuh nge nge thin. Rilru hi a pawimawh ve tlat. Chubakah hun an hman rei deuh chuan pawisa nen pawh inphu zawk deuhin a ngaih ve theih bawk a.
Thawhchhuah zat azira en man intuk chu a har duh viau ang. Income certificate lem a tam leh awm nasa si!
Report this comment
September 16th, 2010 at 6:13 pm
Natna tamtak hi, hmun ngaia lo practice rei tawh tan chuan a prevalence leh incidence leh endemicity hria in hetia damlo an han insawi mai hian a hriat zung zung theih a ni. Mechanic hnena kan kal a, ‘ka motor hi …. “,han tih a an hre zung zung ang mai hian. Chuvang chuan Dortor senior tawh tan chuan, “an sawi zawh hma hma…” tih ang khi chu thil awmthei a ni anga, diagnosis dik pawh a tamber zawk a ni ngei ang. Nimahsela han khawih a, han chhut keuh keuh a, han ngaihthlak vang vang a, marphu han deh dap dap hi chuan rilru zawng a lung a awi ve ngei ang le.
…khrum
Report this comment
September 16th, 2010 at 7:49 pm
Zoram mipui te hi tanrual a ngai ani.. Natna liantham ah deuh phei chuan kan Aizawl doctor te kan ring ngam tawh loa, phai lamah a rang a rangin kan tlan phe vawn vawn fo chu a nih tawh si hi maw oo.
Rang em em in min en zung zunga (ka natna a na lo a ni chek aniang chu), midang tamtak an ‘clinic’ ah an la thu fur bawk. Damdawi min chawhna lehkha ka en a, kan chhiar thei lo ngei a, hlau leh khur chungin damdawi ei dan kan zawt leha..hmanhmawh em em in min hrilh. Poilo ‘clinic hnuaia’ damdawi zuartu ten an chhiar thei tho tiin kan chhuk a, chhuk pahin midang damlo la awm zat kan chhiar paha, hun ka en a..
Formula:
No. of Damlo X 100 = $$$$$
$$$$$ X 20days = $$$$$$$
Ka formula update a lo ngai tawh reng mai..100 to 200!!!
Mathe ka thiam loh nen ka van lawm lo tak em..Clinic ka hal mai dawn haha
Report this comment