KA INTIHLUM VE MAI DAWN
He thuziak hi ka thianpa, C. Vanlalnunzira 
(1989 – 2009) tan ka hlan e.
A samte chu a thur bem bum a, a en ngai a en reng a, a biangah mittui a luang nguai nguai a, a tho thut a, hruihrual a zawng a, a hmu si lo. Ama kawnghren ngei chu a la a. A rilru chuan, “KA INTIHLUM VE MAI DAWN,” tiin GARAGE lam chu hmanhmawh takin a pan ta a….
A KHUHHAWNNA :
Hlim te, hausak te, hlawhtlin te duhin he planet-ah hian hringnun kan zir a, Mahse, khawvelin min pek erawh beidawnna mai a ni. Chu beidawnnain mihring a hneh tawh chuan beiseina hi enge maw a nih tawh chuan le….?
KA THIANPA KHA : Ka thianpa khan kum 2009, August ni 21-ah Ropuina Ram min kalsan a. “vanram a kal dawn lo” tih chu mite min hrilh dan a ni mai si. A va beidawnthlak tak em! “Bible-ah khawi laiah tak nge a awm?” tia ka zawh lahin tumahin min chhang thei bawk si lo. Mi hrang hrang ka zawt kual zel a, a chhanna awm chhun chu “Ka va hre bik lo ve” tih a ni zel a. Mahni theih tawk tawkin Bible chu ka keu ka keu a, mahse, kei pawh chuan ka hmu bik chuang lo. Eng tin nge ka tih tak ang….
SEMINAR-AH :
Chutia rilru nuam lo tak chunga ka awm mek lai chuan, vanneihthlak takin kan Br. KTP-te chuan ‘Mahni intihhlum chungchangah’ Seminar an buatsaih a. Dr. C. Hrekikma’n hun min rawn hman pui a, a hlawkthlak hle.
Mipui tana zawhna hun an hawn veleh chuan, “Mahni intihlum te hian vanram an kal dawn lo tih Bible-ah khawi bung leh chang-ah nge a awm?” tiin ka zawt ve ta rawih mai a. Dr. Hrekima chuan, “hei hi chu kan kohhran hruaitute chhan chi a ni.” tiin a thu leh ta mai a. Kohhran hruaitute pawh chu an inenkual a, sawi ngam a lawi an awm lo nge tumah lah chuan ding ta’nge an ti loa, a tawpah kan KTP hruaitu pakhat chu a lo ding a. I Johana 3:15 “Tupawh a unau hua chu tualthat a ni : tualthattu tumah chatuana nunna pai reng reng an awm lo tih in hre si a.” tih thu hi a rawn chhiar a, “Mahni intihlumte hi vanramah an kal dawn lo,” tih a rawn sawi bawk a.
BIBLE-IN TUALTHAT A TIH HI :
Bible-in tualthat a tih zingah hian ‘mahni intihlum’ te hi a dah tel ve lo niin a lang. He thu ka ziah dawn hian Bible-ah ka zawng kual a, ka hmu mai lo tlat. Computer-a zawnawlna atanga han zawn meuh pawhin a awm tlat lo. Numbers 35 : 16 -17 “Amaherawhchu, thir hmanga mi a bei a, a thih chuan tualthat a ni a: tualthat chu tihhlum ngei tur a ni. Tin, thi khawpa lunga mi a chhuta a thih chuan tualthat a ni a, tualthat chu tih hlum ngei tur a ni. Tin, thi khawpa mi thinga a vuak a, a thih chuan tualthat a ni a, tualthat chu tihlum ngei tur a ni.” tiin. Bible-in ‘tualthat’ a tih hi chuan midang nunna laksak hi a kawk ber ni awmin a lang. Mahni nunna la hi tualthatah a chhiar tel ve lo emaw chu aw….
THIH DAWN TAK TAKAH :
Tun thlenga ka la buaina chu “Mahni intihlum vanramah an kal lo ang,” tih hi Bible-ah khawi bung leh changah mah ka la hmu lo. Krawsa khenbeh ve pawh khan, “Isu, i ram i thlen hunah min hre reng ang che,” (Luka 23:42) a ti a. Isuan, “vawiinah hian ka hnenah paradis-ah i awm ve ang,” a ti mai a ni. A pianthar hman kan hre lo. Mahse, Paradis-ah Isuan a hruai ve tlat! An thih dawn second-ah Pathian nena an inkar tumahin kan hriatpui lo.
KAN HRIAT DAN HI :
Mi zawng zawng deuh thaw hian ‘mahni intihlum’ chu vanrama kal lo tur vekah kan ngai. Nu leh pa leh kohhran pawhin min zirtir dan a ni. Zuk leh hmuam hi nunna atan a tha lo tih hre reng chunga titen cancer an vei a, an thihpui a, vanrama kai turah kan ngai a, mahni inthatah kan ngai lo thung. Zawi muanga mahni inthat chu an ni ve tho mai lo’ng maw? Tihian Bible chuan a ti mai, “Amaherawhchu, mi dawih te, ring lo te, tenawm te, tualthat te, inngaih ching te, dawithiam te, milem bia te, dawthei zawng zawngte chan tur chu mei leh kata kang dilah chuan a awm ang, chu chu thih hnihna a ni,” (Thupuan 21 : 18). Inngaih ching, dawthei te pawh hi la run ve bawk ila mawle! Ni a chhuah chuan ni a chhuak vek thin ang hian khai rual a tha kan ti em?
A TUAR TE TAN :
A tuartute chhungkaw tan hian a na em em a ni tih kan hriat tel a tha khawp. An zah tawh nak a laia hmaichhanah hre ber niawm fahrana “mahni intihlum vanramah an kal dawn lo,” tih bawl bawl te hi chin loh atan a duhawm hle. Vanram an kal dawn leh dawn loh hi lei mihringte hian kan sawi thei lo. Pa chiahin a hria a ni. Nang leh keia thu hi a ni lo chiang khawp mai… Shaala…!
A HMAWR BAWKNA :
Mahni intihlum te vanram an kai dawn leh dawn loh chu eng pawh lo ni se. Pathian leh anmahni inkar thu a ni. Kan chhungkuaah pawh thleng ve thei tho a ni tih hi hre reng ila, hetiang tuar an lo awm a nih pawhin i hmusit lo ang u. Thihna dang chu thihna tho mah nise a zia zia a la awm. Mahni intihlum kher hi chu a zahthlak a, a hrehawm a, a na ngawih ngawih a ni. Kan velah intihhlum tum an awm chuan ven leh tanpui hi kan tih theih sang ber a ni a. A tuar chhungte hnem hi a kristian em em bawk a ni.
“Nimahsela, in zingah tuman tualthattu a nih avangin emaw, rukru a nih avangin emaw, thil tisualtu a nih avangin emaw, mi dangte thiltih relsaktu a nih avangin emaw tuar suh se. (I Petera 4:15)
Similar Posts:
- ‘Tualthat’ vs ‘Ralthat’
- Zawhna Pathum (3) han chhang teh le.
- Resurrection
- Vanram fan thu leh Thih thlamuanna
- Suicide ah pawm ve dawn lo
September 20th, 2010 at 9:31 pm
Nakina chhiar ah…
Report this comment
September 20th, 2010 at 9:44 pm
Sorkar dan leh Lal Isua zirtirna an ngaihfin thin vang ani. Mosia dan Israel mite tana 3000 BC an zamte kha Internet age 2010 AD ah zawm tur emaw la ti lah tam (Isua chuan rilru nangmah i in hmangaih aia i vengte i hmangaih chuan Thusawm Pek zawng zawng automatic in i zawm, a tih kha). Mi sawi zen zen loh pakhat leh chu Isua khan MKH (gay.homosexual) ho vawi khat mah a dem thu an ziak lo.
Report this comment
September 20th, 2010 at 9:46 pm
title atang chuan tu emaw suicide note kan chhiar dawn emaw ka lo ti hman a ! Phew ..! Nilo hlauh e.
Report this comment
September 20th, 2010 at 9:54 pm
I nunna kha ita anilo. Nangmah siamtu Pathian ta zawk ani. Chuvangin nangma thua i nunna i la anih chuan midang nunna la i ni a, tualthat tho i ni.. A danglam love…
Report this comment
September 20th, 2010 at 9:58 pm
A sei deuh na chu ka chhiar chhuak dap, ziak tha hle mai.
Report this comment
September 20th, 2010 at 9:59 pm
#4cyberthug, soi hi ka ring mai..
Report this comment
September 20th, 2010 at 10:01 pm
Hmanni chu Rev.Dr.Vanlalnghaka, Shillong, speaker-a hmangin Inawhhlum chungchang a sawi a, a manhla kher mai. Khami zana inawhhlum tum nula 1 lo inkhawm ve pawh khan a pianthar phahin a thiltum a pamtul der a nih kha!
Report this comment
September 20th, 2010 at 10:06 pm
@ CFL Khami tum khan ka inkhawm ve… a ngaihnawm khawp mai! Ka ngaihdan chiah a la ni zui. Hmanni a Zarkawt(?) putar inawkhlum pawh kha Vanram a kai ngei ka ring a ti tlat mai ani chuan. Mahni intihlum thin te hi rilru natna nei an ni a, chu chu kan hriatthiam a ngaiin kei pawn ka hria. Cancer, TB, etc te ang tho a natna chi khatah ka ngai.
Report this comment
September 20th, 2010 at 10:27 pm
Mahni in tihlum te hi an huaisen a, an dawihzep bawk
Report this comment
September 20th, 2010 at 10:30 pm
I Johana 3:15 “ Tualthattu tumah chatuana nunna pai reng reng an awm lo tih in hre si a.”
Report this comment
September 20th, 2010 at 10:30 pm
@cfl leh alchemist, Rev. Dr. chuan engtin nge a sawi a?min han hrilh ve ula maw le Shillong lama rawn inkhawm ve hman ta lo te hi..
Report this comment
September 20th, 2010 at 10:31 pm
Keini thih hlauvin kum tin medical check up neih bakah misual (tak tak) dan nan electric fence leh burglar alarm kan install. Life insurance nen. Chutih kara mahni thihni lo advance tum chu a zialo hle mai.
Report this comment
September 20th, 2010 at 10:34 pm
I post tha kher mai. Ngaihdan i’n sawi luih2 teh ang u.
Ka ngaihdan : Miin vanram a kai dawn leh dawn loh thuah tuman sawi theih kan nei lo. Mithianghlim tak ni a kan ngaihte, misual tawpthang ni a kan hriat thinte nen hian Vanramah emaw hremhmunah emaw kan la intawk khawm raih2 ang. Mahni theuhah kan inchian ber, chu nun thuruk chu midangten min hriatpui hauhlo.
“Vanramah a kal ang, a kal lovang” ti a inhnial hi inhnialna atthlak a ni. ‘Bible in a sawi alawm’ tih liam puat piahlamah thilsual tituin Pathian ngaihdamna a chan leh chan loh kan hre phak lo. Mahni intihlum te nun thuruk poh kan hre miah lo. Vanram kal an awm anga, kal lote pawh an awm ve thovang.
Report this comment
September 20th, 2010 at 10:47 pm
@ 11 MizoGooner… Sawi mai sen a ni lo, ka phur tak thut leh post puitling ka rawn ziak zawk dawn nia. A thra khawp mai. Intihhlum that loh zia te, beiseina a awm zel thu te a sawi mai bakah mahni intihlum duh khawp a awmte hian rilru natna an vei a ni tih kan hriatthiam a tul tih lam a ni.
13 a SeynMizo sawi hi a dik a ni. Mahni intihlum ten vanram an kai lovang kan han ti ngawt zel hi chu a fuh chiah lo deuh. Pathian chu engkim chunga roreltu leh ro la rel zel tu tur a ni a, a thu thu a ni.
Mahni intihlum duh te hi rilru buai chang nei, natna chikhat, enkawl thiam chuan dam thei an ni tih hi kan pawm thiam a hun tawh in ka hria. Mipangngai tak anga lang pawh rilru lam a no tak te an lo ni thei. Inhriatthiam tawn hi kan mamawh chu a ni! Siam leh din kan nih dan hi a lo inang lo em a ni..
Report this comment
September 20th, 2010 at 10:52 pm
a tir a i sawi khi a tak tak ni ta se, ngatinge i chhan mai loh aw? Inawhhlum tum anih chuan umzui mai awm!!
Keichu chuti khati chu a ni e, ka ti ve ngam lo hauh mai.. Pathian roreltu a ni a, a rorel dan tur ka lo sawi risk ngamlo.
CHUAN COMMENT NO.1 KHI A CHE THRING LEH TA. I BANSAN ANG U, I BANSAN ANG U.
Report this comment
September 20th, 2010 at 11:00 pm
Mickey, i post hian ngaihtuahna a tithui khawp mai a! Kumin phei chu Mizo mahni intihlum an tam tawh si a, he issue hi a relevant hle mai a.
Kei pawh hian tun hma chuan mahni intihlum chu vanram kai lo tur vekah ka lo dah thin a. Mahse tunah chuan ka rilru a danglam ta riau mai. Mahni nunna la hi Bible-in tualthat a tih nen a inang lo. Mahni intihhlum hi sawimawi chi chu a ni hauh lo nain mahni mahni intihlum zawng zawng hi hremhmunah an kal vek ka ring kher lo. Helamah hian Bible hi a ngawi riau leh nghal a, mahse chhandamna hi chu Pathian leh mimal inkar tak meuh a niin ka hria a, vanram kai tur leh tur lo hi lo sawi ve zuah zuah chi a ni miah lo. Pathian ngaihtuahna leh kan ngaihtuahna hi a inang lo em a,kan ngaih ang ngawt hian thil hi a thleng miah lovang mawle.
Pu Nghaka thusawi ka la hriatreng pakhat chu, vanramah thil mak pahnih kan hmu dawn; kan rin loh deuh deuh kan hmu teuh ang; tin, kan rin deuh deuh kan hmu lo teuh bawk ang.
Keima mimalah chuan ka nun min kaihruai fo tu chu Bill Gaither-a hla ‘Because He lives’ tih kha a ni. “Because He lives, I can face tomorrow, because He lives, all fear is gone; because I know who holds the future, life is worth living just because He lives” tih hi. Pathian nen chuan nun hian awmzia a nei a, hringnun hi nun man a awm a, kan hmalam hun pawh hre vektu a nih avangin leh min hruaitu a nih avangin mahni intihlum lova A tana hringnun hman zel erawh hi chu ka conviction a ni.
Mahni intihlum zawng zawng erawh hremhmuna an kal ka ring lem chuang lo, vanram thlen huna congratulate mawlh mawlh tur hi engemawzat chu an awm ngei ang……
Thui leh khawp maiiiiiii…………..
Report this comment
September 20th, 2010 at 11:20 pm
Eee… Inlo inti hlum tak tak ang e… :lol:
Report this comment
September 20th, 2010 at 11:21 pm
Vanram an kai leh kai loh chu keia sawi ve theih a ni lo tlat mai.
Report this comment
September 20th, 2010 at 11:22 pm
Seynmizo sawi khi kei pawh ka thlawp e.
Tu te nge vanram kal anga, tu te nge vanram kal lovang ? A ni chu mihringte remruat dan leh duh angin A kal fo lo a, Ama remruat dan leh duh angin A kal thin. A remruat dan chu kan duh dan a ni fo thin lo. A rorel dan hi keini mihringte hian kan hre fiah thiam vek thin lo bawk.
Tute nge vanram kal ang ? Lal, ram neitu chauhin A hria.
Report this comment
September 20th, 2010 at 11:22 pm
He subject-ah hian He Link hi a chhiar tlak khawp mai. Chhiar duh tan…
https://bible.com/bibleanswers_result.php?id=228
Report this comment
September 20th, 2010 at 11:26 pm
Mahni inthat chuan a thlarau a that ani, tih lam te pawh a awm lo maw?
Report this comment
September 20th, 2010 at 11:30 pm
He topic chu a controversial dawn khawp mai a.
Report this comment
September 20th, 2010 at 11:40 pm
@kawnga; A prove nana risk han lak chi ziazang a ni mang bawk si lova……
Report this comment
September 20th, 2010 at 11:53 pm
Ngaihdan a awm a, a dikna erawh he luikam atang hian tumah chiang erawh kan awm si lo.
Ka sawi ve duh chu Pathian aia duhtui, Vanram gatekeeper niawm hrim a ham strict hi kan tam teh a nia
Report this comment
September 21st, 2010 at 12:18 am
Intihlum te hi mi huaisen nge an nih mi dawihzep??.. tih hi ka ngaihtuah ve mai mai fo thin. An ni thei ve ve in ka hria.
Nunna chhanhim nan a kan sum leh pai, tha leh zung mai bakah thisen chhuak khawp hial a kan lo beih ve tawhna te ngaihtuah chuan intihlum te hi chu an ngeiawm lek lek thin.
Report this comment
September 21st, 2010 at 12:28 am
Kan thian pakhat in “Pastor ho hi an tha ber mai, OD a thi pawh, suicide commit pawh ni se Pathian hnenah an thawn chho hmiah hmiah a, an tihtur diktak an ti a, Pathian in a lo rel tawh mai ang chu” a tih ka hre chhuak zawk!.
Pathian hi fin khalh thei reng kan awm si lo a, A kutah a rel turah hian kan lo buai ve leh chiam thin!.
Report this comment
September 21st, 2010 at 1:38 am
Hmanah kan chai hrep tawh.Vanram leh chatuan nunna hi Lal Isua RINNA avang chauh a chan theih ani.Chanloh theih dan chu RINLOHNA chiah ani leh bawk. Ringtu chaurau ve tak, mahni inthat a awm theih tehmeuh mai.
Natna(mental illness) ani. Tih tak tak ah chuan Adam thlah mihringte hi damvar kan awm reng reng lo. Eden sual kan tih pawh hi natna inthlahchhawng ani zawk. Chu natna chu kan thihpui vek dawn bawk. ‘Sual ka nei lo’ i tih chuan ‘ka thi ve thei lo’ i tihna tluk ani. Kan thih theih avang hian chu natna chu kan vei a, chu sual chu kan pai vek bawk tihna ani nghal bawk. HIV+ te hi kan han thinhrik a,tenawmte kan han ti a, SIV+ vek kanni reng si a.(Snake Infected Virus)
Emotional imbalance ani bawk. Psychologist Carl Jung chuan “Mi zawng zawng hi tlem in ka a deuh chhalh vek’ alo ti. Tah chang i nei em? Thinrim chang i nei em? Nuih vak vak chang i nei em? Lunglen deuh chang i nei em? Nin deuh chang i nei em? I nei anih chuan i emotion kha a in balance reng biklo tihna anih chu. A extreme vaih chuan inthah, tualthah ani mai.
Kei chu khawvel eng hmachhawn ngamloh chu huaisenna ah ka ngai thei lo. Mahse suicide zawng zawng hi dawizep vang ani lo.eg. Kamikaze te,Hara-Kiri,suicide terrorism.
A tawp ber ah chuan spiritual context atanga thlir chuan thlarau sual hnathawh ani.A tul chuan ka rawn sawi zau ang. A sei dawn lutuk.
Report this comment
September 21st, 2010 at 2:47 am
Chhiar hmain lawks- Ngai lo, in ti hlum re re suh.I tel lovin khawvel hi nuam deuhin kan lo hmang mai tur a nia…
Report this comment
September 21st, 2010 at 2:51 am
@ 26 ainawni chu kan nick a va inang deuh ve- mahse kei chu ‘ainawn’ chauh ka nia.’i’ a tel ve lo hlauh a nih hi.
Report this comment
September 21st, 2010 at 3:13 am
“Tih tak meuhvin, tih tak meuhvin ka hrilh a che u, tupawh ka thu hriaa mi tirtu ring chuan, chatuan nunna a nei tawh, thiam lohvin a awm lo va, thihna ata a chhuak a, nunnaah a lut ta zawk a ni.” (Jn. 5:24).
Report this comment
September 21st, 2010 at 6:56 am
Pu James Dokhuma kha a namai lo takzet, mahni inthat an vuinaah tawngtai turin an sawm a. A’n chham lawn tak tak phei chu Pathian tan pawh a ngaihnawm tham phian awm e.
“Aw Lalpa, hei kan tlangvala hian nangmah a ngai em em thin che a. I hnen thleng tur hian ama nunna takngial pawh a zah zo tawh lo va, i kiang thlahlel em em a ni a …” te a ti vel!
Report this comment
September 21st, 2010 at 7:21 am
A duh hi chu intihlum ang hmiang. An thlarau erawh a rethei dawn mang e… Chu chu ani e han tih fak tur ka hrelo nain mahni nunna la hi chu vanram an kai ka ringlo bur…
Report this comment
September 21st, 2010 at 7:32 am
Kum 10 kal ta khan thih chak ngawih ngawihna rilru ka lo pu ve tawh a, a hrehawm khawp mai. Intihlum te hi mi dawizep leh selfish ka ti lo thei lo. An nupui fanau te, nu leh pa te an ngaihtuah lo a. An hrehawmna leh harsatna chauh an ngaihtuah a. Pathianin a ngaidam dawn em ni?
Report this comment
September 21st, 2010 at 11:10 am
Mihring nunna la hi ni lawm ni tualthat kan tih chu ka ti mai2…Chuti anih chuan mahni nunna la pawh chu tualthat tho chu a nih mai hmel kei angaih ve dan chuan…
Amaherawhchu an chhungte hriat tur emaw an bulah emaw vanram a kai lovang ti a sawi2 erawh chu khawvel a thil tul lo ber ka tihte zing a mi ani…
Report this comment
September 21st, 2010 at 11:20 am
Inti hlum daih rawh. One less mouth on the welfare.
Report this comment
September 21st, 2010 at 2:39 pm
ilo intihlum tak2 angeo mickey..Mi(sual) ten i post kan la thlahlel ania :lol:
Report this comment
September 21st, 2010 at 2:56 pm
Tha hle mai………..
Report this comment
September 21st, 2010 at 3:06 pm
Mickey Hlondo Article i post tha hle mai,mi zawng zawng ngaihdan a in chen vek kher, kei chu mahni intihlum zawng zawngte hi depession an neih vang anih vek ka ring kher lo, a thente chu an mahni a sual setana hnathawk a nih a rinawm, setana chuan kan nunna a chhe thei ang bera lak hi a duh dan a ni si a,miin natna a neih avanga depession a nei a nih chuan siamtu kutah dah mai ang, i in hnial buai lovang u. Kohhran hruaitu kal hmasa te kha chuan mahni intihlum hi an pawm thei ngai lo a ni kha, Pathianin Nunna hlu tak mai min siam sak hi kan nawm kan maka kan tih tawp ngawt mai hi kei chu a siamtu hian a rem tih ka ring thei lo. mahni in tihlum an lo tlem zel theihna atan Kohhran tinte hian pathian duhdan a nih loh na hi in zirtir tam a tul zawk lomaw ? A sawimam zawnga kan kal zel chuan mahni intihlum an punng zel mai ang tih pawh hlauhawm tak a ni.
Report this comment
September 21st, 2010 at 3:15 pm
hlua thusawi chu like na button omse ka va ti e…
Report this comment
September 21st, 2010 at 6:07 pm
“Only God knows” miin mihring pangai rilru pu pha toh loin rilru tih at in an awm poh ani thei a(rilru lam buaina).An chan tur chu Pathian chiah in a hria e!!!!!!
Report this comment