Hman zan chu tihtur a awmlo bawka, website vel ka enkuala, chanchinbu ka enkual thuak thuaka, ka thil hmuh pakhat chu mak ka ti ngei mai! Hmeichhe tleirawl hre tantir rual tam takin an THIANGHLIMNA an bialpate hnena an hlan tawh thu ka hmu kha mak ka tiin, ngaihtuah a ngai ka ti.
Kan fate an la ni lo bawka sawitheih engmah ka nei lo naa. Duh duh sawitheihna erawh ka neih ve tho vangin kan sawiin, kan sel teh ang. Ngaihdan pawh a phir ngawt ang tih chu ka hmu lawk sa e.
Pathianin mihringte hi inpawla, inthlahpung a, khawvel luahkhat turin min siam a. Chu inthlahpun nana inpawlna kan hman dan tur erawh a duh uluk hle thung. Mipa leh hmeichhia pumkhat nih hnuah an inpawl anga, chi an thlah tur a ni a. Tunlaiah erawh zawng he sex hi thalaiah a va hluar ta em! Enge a chhan ni ang le?
1. Nu leh pa:
A hmasa berah chuan nu leh pate thiamloh vang a ni ka ti. Fate nungchang pawh ngaihtuah hman lova sûm um, mahni inchhung aia khawlai siamthat hmasak tum, fate aia mi fate siamthat zawk tum nu leh pa kan va tam em. Inchhung uap lum lova chhuahsan reng fa chu ngatinge a chetsualloh tehlul ang. Thu tha dawng turin an nu leh paten an hrilh hman hek lo le.
Ka ngaihdan kan sawiteh ang. MHIP hi.. hmeichhe pawl bik a ni tih kan hre theuh ang. He pawl hi pawl tullo tawpkhawkah kei chuan ka ngai. Pawl ai chuan inchhungkhur ngaihtuahna zawng zawng an rilruah awm se, fate uap tlat se, jail hi a awm teuh a ngai lo ngei ang! Mahni inchhung aia pawl an ngaihtuah zawk chhung chu hmeichhe ho an dingchhuak chuanglo ang!
2. Thalai/ Tleirawl/ Rawlthar:
Mahnia ngaihtuahna nei ve awm tak si, hetiang Pathian huatzawng tak tih duhna rilrupu Kristian inti hi eng kristian nge an nih tiin ka ngaihtuah thin. Vawikhatmah Pathian thu ngaithla lo chu nise thuhran, an ngaithla vek tawh awm si a. Kan biak hi kan chianglo em a ni e.
He sex hi a ril zia hreawm fu si lehkhathiam tam tak phuar an ngai mai thin hi zawng a hahthlak a ni e. Nawmchen duhluat vangin kan thianghlimna kan hralh a, a tawpah a nghawng tur zo lovin mahni thanga inkhai pawh kan awm tawh ang. Kan tam telh telh bawk ang. Hawh u, thalaite u.. mi ram angin la nung lo ila, mizoram Chhura thlahte nundan awm takin khawvel changkanna rualin nung ang u.
3. Khawtlang nunphung hi:
Patling ram hmangaihtu inti te hian thalaite hi vei ve se ka ti thin. Hlimna zawngin an tlan a, chu an thil zawn chu sualah an hmu ta thin a nih hi. Khap burna dan an siam hnan thalaite chu a thlakna tur intihhlimna dang an siamsak leh tak si loh avangin kil tin kil tangah an zawnga, an hmuhtheih ang ang an khawih ta mai thin. Zu khap loh vangin sex thalai zingah a nep phah ang ka ti lo, intihhlimna thianghlimtak si thalaite ngaihtuahsak se, khawilai hmun kil kar a maw a an len aia hmun langsar, hlim taka an awmtheihna tur hmun, an inkawm hlim theihdan tur ngaihtuah se a tlem phah ka ring ka ti a ni e.
Thalaite u, he ram hi pi leh pute khan sex avanga tlukchhiattir phal chu nise keini hian he ram hi kan chang tawh kher lovang. He ram leh hnam hi rilru zawng zawngin vei ila. Khawvel hriatah mi 300 lekin spartan hnam an pholan theih chuan tlawm ve ngailo Ropuiliani te, hlauh neilo Khuangchera thlahte hian kan thei ve dawn lawmni?
Sex hi a ril zia hre tharin inngaizawng ila, he ram dinchhuah theihnan nupui pasal nei teh ang u. He ram hi siamtha turin “ANI” tiin mi i kawk a..i kawhlohna zawng i pharchhuahlam kut zungtang khan a kawk che a sin..
April 6th, 2011 at 2:30 pm
sex@109 na ka ni mo…lo nuam bok aniang..oh sorry! aniang nilo in a ni….soi tur ka hre lo kei chu ka tling toh bawk si lo a…
“vIrGiNiTy Is nOt A dIGnItY, iT’S a LaCk Of OpPoRtUnItY” .
kha zong kha ni e….ka lawm e 🙂