Tihian ka ngaihtuah mai mai thin a. KTP leh YMA a hotu lam ten member-te hi eng tehfung hmangin nge an teh thin ang le!! Mihring kan in ang vek si lova, a then te chu zirlai te, a then hna nei tawh te, a then nitina inhlawhfa te,a then hman em em maite kan ni hlawm a. Heng pawl thiltih reng reng ah te hian mizo kan nih chuan tel tam ve duhna rilru kan nei theuhin a rinawm. Amaherawh chu kan hun hman dan a in ang vek ta silo lai tak hi ani buaithlak ta chu ni!! A tel tam nazawng hi active member (KTP deuh takin) anga member dangte leh hotu lam te pawhin kan lo chhiar thin anih chuan kan va tisual chiang lua em ka ti ve tlat.
Mi thenkhat hman lutuk, tihtur pawh awm sela mahni chhungkaw hna anih chuan ti tha peih miah lo, pawl thiltih anih erawh chuan thahnem ngai ve leh hle thung si te hi a awm theih viau dawnin ka hria. Chutah hnatlan nikhuaa kal ve ziah, a kal te zawng zawng pawh vawih khum sa sa ngam vek khawpa tlangnel, hotu lam lahin an rawn nuih sang thei vek lehnghal, mahse a hahdam pawla lo tang ziah leh lawi si, kil khata fiamthu lo thawha lo nui ta uar uar ziah te hi a awm theih leh tho mai. Thlan laihnaa kal ve si..kethiah no fai hlarha haw leh ta te pawh zu bo heklo. KTP inkhawm lah chu an hmaih tha duh derlo lehnghal!
Mi thenkhat erawh chu lehkha zira awm bo, an zirna hmun lamah pawh mi tangkai tak, mahse mahni venga awm tam theihloh avanga hnatlan ilo nikhua pawha an hmel kan hmuh tam lem loh, an lo haw chhun erawha thahnemngai taka tel thin an awm leh bawk. Mahni hna lama tulna avanga lang tam lemlo, mahse theih ang leh hman hunah chuan tel hmaih ngai miahlo te pawh an awm. Heng mi te hi an tel tamloh thin avangin mi hriat an hlawh lovin anmahni hrim hrim pawh an in thlahrung duh phian lehnghal!
Thiltih na reng reng ah mi in anglo tak tak kan han kal khawm nak nak thin hi chuan mizo nih chu a nawmzia min hriatchuah tir leh thin, mahse hnatlan nikhua te hian zu in ching nia kan hriatte hi a tlawmngai ngaia an tang ta zawk ziah mai te hi ngaihtuah fe tham a tling. A fel te ka sawiselna ni lovin sawi loh theih si lohvin a tak ngeia hmuh tur a awm reng bawk si hi a pawi ta ani!! Mi fel leh tha, ruihtheih thila fihlim, Pathian ringtu tha takte chu an awm na meuh mai, mahse an tamlo tih erawh a lang.
Han thlir ve vang vang ta ula, kohhrana tlangnel tam zawk hi chu hna ropui tak thawk lemlo an ni duh zawkin in hre ve em? Mahse an tello chuan Pathian hian a kohhran a tinung thei chuang bawk silo. Ama remruat te pawh ani ta ve ang! Nge nianga a lehkhathiam zawk leh hna zahawm thawkte zawk hi kan buai lutuka Pathian tan hun kan pe hmanlo zawk le?
Kan venga hruaitu pakhatin a thusawi ka hre reng thin..”Mihring hman deuh ai chuan hmanlo chung chunga thil rawn ti thin te hi an hmantlak zawk!” tiin pulpit tlang atang ngeiin a sawi, a dik khawpin ka hria. Active member kan tehna hi thiltih nikhuaa mi hmel kan hmuh zin leh zinloh atangin em ni le kan teh thin le?
He thil ho te hi KA VEI VE DEUH VA…Misual ho enge in thlir ve dan le?
Similar Posts:
- KUMHLUI MUAL LIAM TUR HI
- Dawn ve teh
- In tanpuina ka rawn dil
- New Year Resolution
- Thawk tha peih lo chuan hna tha thawk ve suh se!
September 25th, 2010 at 12:36 am
Ka vei ve e..
Report this comment
September 25th, 2010 at 12:43 am
Vei awm tak thil a nih hi mawle.
Ka lo vei ve ngai hauh lo mai.
Report this comment
September 25th, 2010 at 12:46 am
He thil hi chu keipawh ka vei khups mai
Report this comment
September 25th, 2010 at 12:47 am
‘kohhrana tlangnel’ tih tak hian kawh bik a nei em? Hnatlang/inkhawm….? Pathian fa dik takte chu a lian a tein kohhranah chuan an tlangnel dawn lawm ni? A bak khi chu ka thlawp e.
Report this comment
September 25th, 2010 at 12:51 am
Muante, kohhrana tlangnel nazawng hi keichu Pathian fa diktak ah ka pawm theilo. Mahni thiltih sual thupbo nan leh hmaiphihfai nana kohhrana inhmang an tam nasa si a…
Report this comment
September 25th, 2010 at 12:58 am
@muantea…kohhrana tlangnel tih chuan kohhran a inhmang tihna ni mai turah ka ngai, a sawikdan a hrang deuh mai ani e.
@chhana…i van vei har zawk ve?
Report this comment
September 25th, 2010 at 1:06 am
YMA, KTP an chak viau chuan nula/tlangval tihtur neilo, ho deuh deuh tamna veng an ni tihna an ti.
Kohhran/thalai hnatlang a,regular em em, thawk manglo, langzar deuh si hi UPA line an ti.
Report this comment
September 25th, 2010 at 1:37 am
Ka vei ve e:
Kohhran leh YMA activities tel tam na na chu active member-ah kan chhiar mai loh nak ah.
Khaw danga awm lehkha zir ang chi hi chu vengchhung thalai ten an lo lawmthiam leh thiamloh a ni mai a lawm, kan vengah chuan kum tawp te a phai lam return an lo haw hi chuan theih ang tawkah kan lo hmang thin nuam thei phian, thenkhat naupang deuh chu an sen tawn tawn a mahse an tlangnel thuai zel.
Misual pawh chuan Kohhran chu lo bel ang hmiang, bel mawlh rawh se Gunda rual belh ai chuan pathian mite hnaih chu a la hlawk reng reng ka ring tlat a ni. Buh leh leh Buh tak kan lo thliar hrang tur a ni love.
Khawtual tlangval/nula hnaropui tak thawk lo, tawng mawilo ni lo se vantlanghnuailam. kohhran chu bel mawlh rawh se, kohhran a a tel avang khan a huihphaina te, a tlinlohna te etc etc Krista avangin hliahkhuh in a awm a, alo mawi zual deuh deuh thin a ni.
Tlangval/Nula thatchhia pawh kohhranah chuan tel mawlh rawh se, kawn a nileng leng a nilum ai ai chuan a tha reng reng.
Report this comment
September 25th, 2010 at 2:03 am
Ka’n zep ve zawk te’ng
Keipawh hi Mizoramah ka tal tamlo khawp a,duh duh hunah haw theihloh bawk nen.Kum 2 ah vawikhat te ka haw hman tawk a.Inkhawm hi chu thuhran nise,hnatlan erawh hi chu inthlahrun awm ve duh khawp mai.Hmana kan thiante chu nupui/pasal neiin veng dangah min lawi san daih nen,hmelhriat neih mangloha hnatlan hi chu nuam tak2 lo…Ti ti a inruallo a ni ber mai.Keimah ang te hi awm ve tak ang maw!?
Chubakah ka hmuh ve dan chuan a kum tel in hnatlang hi kan thahnemlo tial2 niin a lang.Enge chhan ni thei ang?
Report this comment
September 25th, 2010 at 3:20 am
@Thenawmpa sawi chu a dikna lai a awm tho na a, kei chu @Ozima #8 sawi hi ka thlawp.
Kohhranah phei hi chuan a tlangnel nel leh a thawk peih peih hi mawhphurhna pek loh theih loh chang hi a awm ve fo thin reng a ni. Mi fel leh thaten hun an neih lohva an hman miau si loh chuan a fel lo leh sawisel kai deuhte pawhin mawhphurhna an lak mai loh nakah!
A reng reng thuin kohhran hi mifelte chauh awmkhawmna tur a ni lo va, keini ang misualte hlei hlei hian kohhran hi bel hnai tur kan lo ni zawk a sin! Midangte thatna lai hmu lova an tlin lohna lai hlir kan en chuan eng pawl mahin hma a sawn dawn lo va, mihring kan khawsa ho thei bawk lo vang.
Kohhran leh YMA lama inhmang tak tak, duhthu sam si lote hi kan iai viau a nih chuan MAHNI kha inhmang ve thung ila a fel mai lo maw?
Hnatlang leh thlanlaih nikhuaa fiamthu nena pawt zut zuta engmah thawk si lote hi chu kei pawh ka hmu tam ve thin! Kawng leh lamah chuan min tihlim ve a, lo awm ve mai mai ang hmiang!!
Report this comment
September 25th, 2010 at 6:00 am
Kan hnathawhna a thawkte hi Pathianni chauh inkhawm hman kan ni hlawm .Chutiang vek thawk tlang chu kan ni a kan hnathawhna ah hian eirukna,hlemhletna lam leh thatchhiatna lampang reng reng hian hmun a chang lem lo kohhran a inhmang tak tak te anglo takin kan rinawm a Pathianah kan chiang hlawm a kan lungrual bawk
Report this comment
September 25th, 2010 at 6:23 am
@10, keimah: “Kohhran leh YMA lama inhmang tak tak, duhthu sam si lote hi kan iai viau a nih chuan MAHNI kha inhmang ve thung ila a fel mai lo maw?” A dik chiah.
thenawmpa keipawh ka vei pui khawp mai che. Mahse kohhran leh khawtlanga ṭhahnem ngai tak tak tan lo chuan, eng ang pawhin awl (hna thawh tur nei lo/tih tur hre lo) mahse an inhmang peih tak tak lo.
Tin, Kohhran leh YMA hian Sawrkar hun bi hi ngai pawimawhin zah thiam bawk ila ṭha ka ti. Sawrkar office hun chhung angah te hi chuan, ṭul bik thilah lo chuan programme hi siam loh hram nithei se ṭhain ka hria.
Report this comment
September 25th, 2010 at 7:33 am
thlan laih nikhua a fai tak a haw leh thin te hian i mit ti kham duh suh se. kan la indaih vang a nia.thawk tur awm thlawt lo se chuan thlan tla phung in a thawk ve amg. mahse thlan laih na a a thawk tam pawl han nih hi chu keimahni ah hian ngaihthat hliah2na a awm thin. a lawm awm vek e.
Report this comment
September 25th, 2010 at 7:40 am
Ram leh khawvel a changkang zel a.Kohhran leh Pawl dang dang a tih khawm/ programme tam lutuk hi chu tih tlem a tha tawhin ka hria.Inkhawmte pawh hi a tam lutuk a.Kohhrana nihna nei tam zawk phei hi chu Tui vang leh Pathian biak chak hrim hrim vang ni lem lo,Upa leh mi hmaizah vang a Biakin pan hram hram kan tam lutuk a,Inchhung enkawl hman lek lovin ka phar kual a.
Nu-ho phei chu inpawm tlei tawh/fate puitling tawh chauh hi chhuak ila a tha ang..a a a ka tui lutuk dawn..
Report this comment
September 25th, 2010 at 7:48 am
Vai vai a khawnawta tel vekna chi ani lo. A tui tak tak tel sela a tawk viau mai, YMA ani emaw KTP emaw ah hian. Hetianga inhmang abikin KTP te hi chu thu hi an sawi dak thlarh zel ania, ka awt thei raps.
Pawlah hian hotu lu te laihawl te a mipui puitu te, thawhlawm lama lo tang te tha thawh tawrh lama lo inpe em em te awm theih ani. mahni phak tawk ang zel hian tel ila a tello te sita enawng lovin, a tel te pawh “an va hman em em tihtur dang a neilo em ni” tiin selna phet zawng lo ila. Khua leh tui tha nih tumin Zonunmawi erawh vawng nung zel ila.
KTP/YMA inhmang tura mi phut vak te, KTP/YMA hruaitu rel leh itsik niawm taka sawichhiat vak te hi Zonunmawi ani lo
Report this comment
September 25th, 2010 at 8:08 am
Good leadership is best determined by followership! Ka comment thiam chi vak a ni lo! A tel duh duh tan Pawl thil hi chu a ni mai!
Report this comment
September 25th, 2010 at 9:00 am
”Mihring hman deuh ai chuan hmanlo chung chunga thil rawn ti thin te hi an hmantlak zawk!” a dik tho nangin, tel tam chu active an ni hrim hrim, tel tlem active an ni theilo. Naupang zirlaibu a awm thin, “science chu a tih a tih a ni,” tih ang deuh kha a ni awm e!
Report this comment
September 25th, 2010 at 9:02 am
@dat guy…. Kepoh khtiang to kh k dinhmun nia, i thlhrun na duh lutuk , mi va be zok zok ci nh loh pei cuan ceawm duh deuh c
Report this comment
September 25th, 2010 at 9:38 am
Hman lo chung chung pawh a telve duhna rilru put kha a ropui hrim hrim. Tel thei/inhmang hman, inhmang silo, tel ve thin ziah, ati tamtu lek nih te ai chuan tel hman chang2 a thahnem ngai taka inhmang, tel loh pawh a tel ve duhna thinlung neih kha a ropui ka ti.
Report this comment
September 25th, 2010 at 10:06 am
@ozima @keimah..chuvang chu alawm ..”Mahse an tello chuan Pathian hian a kohhran a tinung thei chuang bawk silo.” ka tih, thil hi a complicate riau thin, ngaihtuah chet chet hi chuan..
@mzvision..a dik lutuk,hetiang comment hi alawm ka lo chan reng ni.
@dat_Guy @jeffreyfanai..keipawh tiang kha ka ni thin,mahse ka ni tohlo..theih anga tel tam a pawimawh ber.
@Vitamin_C i va duh bawrh bawrh ve..:-)
Report this comment
September 25th, 2010 at 10:24 am
ngaihnawm tliar tliar hlawm hle mai
Report this comment
September 25th, 2010 at 12:15 pm
Cyberthug #5 lah hian ka thusawi#4 hi a man fuh hlei thei der lo :hahaha:
keimah#10 leh mzvision#15 hi ka thlawp khawp mai.
Vitamin_C#11 sawi anga in generalise pawp pawp chi ho hi mena thlak mai chi an ni ang em? Nge khak fawk fawk mai tur :lol:
Report this comment
September 25th, 2010 at 1:04 pm
Thenawmpa thil post hi a ngaihnawm thin khawp mai. kei chu Mizote hi kan hawkdak ka ti. Rilru leh tihtakzet a thil tih duhna nei lem silova, lo tel ve ziahte hian min ti chhangchhia, hna an ti khaihlak. Punkhawm kan awlsam viau laiin tihtur tih taktaknaah kan chaklo.
Hmanlo chung chung a, mahni mawhphurhna a ni tih hria a, ngai pawimawha lo tel thinte hi an fakawmin an thawhhlawk thin. Hman em em te hi thil tih taktaknaah an rintlak loh.
Report this comment
September 25th, 2010 at 2:26 pm
Kan vei si sawichhuah nachang kan hriatloh; kan rilru kap si, her danglam dan kan baihvai na lai tak i rawn sawi fak fak a ni maw. Tha hle mai. Mahni theihna leh phak chinah theuh “perception” hi tih danglam i tum ang u hmiang.
Ka lawm e.
…khrum
Report this comment
September 25th, 2010 at 3:15 pm
Ka lo vei ruk ve reng thin i rawn post kauh e
Report this comment
September 26th, 2010 at 12:00 am
kohhrana tlangnel tam zawk hi chu hna ropui tak thawk lemlo an ni duh zawkin in hre ve em? tih hi…a dik na chen chu a awm ve bawk mai thei amaherawh chu mifing leh rem hrezawk ten a ram leh a felna zawng hmasa lo a,an mahni hna an ngaih pawimawh zawk miau chuan hnachhetete thawkte hian an tih mai loh nakah.tumah hman lutuka vanga Pathian rawngbawl hi an awm ka ringlo…”LALPA TIH HI FINNA BUL A NI” tih hi an hrechiang,.mithiam lehkha zirna lama degree nei sang tak2 te ai pawh hian a then te phei hi chu…kawng engkimah an lak tlak zawk a sin…Mihring hian engnge kan dam chhan kan nun chhan tih hi i in zawt fo ang u…
Report this comment
September 26th, 2010 at 12:05 am
@26, AMEN
Report this comment
September 26th, 2010 at 12:30 am
Khawtlanga in hmang tak tak mahni hna thulh hial khawpa in hmang mi rethei tak te an awm ve nual thin.
Zirlai rampawna awm an awmna hmunah pawh inhmang chuanglo an hawn chang pawha inhmang chuang lo .An zir zawh hnua officer eiru thei chin an nih hnua sum leh pai leh adangte hmang a thawk hlawk khawtlang hruaitu in hmang tak ang a sawi tur an awm ve leh nual bawk.
Report this comment
September 26th, 2010 at 9:09 am
Pawl hrang hrang (YMA, etc.) a inhmang tak pawh hi a pawl thiltum thleng phalo tawka inhmang hi awm ve theih a ni a, kohhran ah pawh Pathian rawngbawl si lovin, kohhran rawng zawk a lo bawl theih khawp mai. An awmdan ah chik taka en chuan an hriat hran theih khawp mai.
Report this comment