Mizoram hi han en ta ila, pawl tam tak an pianga. Thiltum hrang hrang neiin an kala, thenkhat chu ram leh hnam tana pawl tangkai tak anni a, thenkhat erawh mahni tanghma hai nan chauhin an ding niin a lang. Awle, kan rama pawl lian leh huhang pawh ngah deuh ho hi han bihchiang teh ang u.
1. YMA: YMA hi kan rama pawl awm zingah chuan a lian lawr lak a. He pawl hi zofate tana pawl tha tak a ni. A motto pawh ‘tanpui ngaite tanpui’ tih a nih hi. He pawl hi kan Mizo nunphung chhawmnung zeltu an nih avangin Mizote tan an hlu em em a ni.
Tunlaiah erawh kan kaldan a dang ta deuh erawh a pawi a nih hi. Kan pi pute nunhlui chhawm nung zel tura kan ngaih laiin kan hnam zai 2 min pawngsual saktu kha he YMA hi anni lawmni? Pawl thianghlim bera ka ngaih chu kan CYMA secretary ni laiin politics min luhsan bawk. An hnuaia mite lahin nunna lo la bawk si. Hawh u, YMA member te hian i siamtha leh ang u.
2. MHIP: Hmeichhe lam huang a nih vangin eng emaw hlekah thawm an nei ve vat thin. Hmeichhiate dikna chanvo humhalh tura pawl ding a ni a. Tangkai pawh an tangkaipui ve ang tih a hriattheih. Hmeichhe awmkhawm an nih avangin thu leh hla pawh an ngah.
Mahse tizawng hian thlir teh ang. Inchhung enkawltu ber tura ngaihin pawl a buaipui tlat chuan fate an ngaihtuahawm a. Zilhloh fa kan pung telh telh a nih hi. Mahni inchhung aia khawtlang tana inhmang nasaa, fate ngaihtuah hman si lo hi chu chunglam mi pawh a lawm ka ring vak lo. MHIP memberte hian inchhung uap lum se hmeichhia chuan hma an sawm zawk ka ring.
3. MZP: Zirlai ho an nih avangin sorkar pawhin a hlau deuh niin a lang. Mizo thalaite pawl neih zingah chuan a lian ber awm e. Mithiam an awm ve nawk avangin pawl pawhin hma a sawn hle a ni.
He pawl hi vai sum ringa pawl ding ti tein an sawi thin. Politics a luh duh chuan MZP a inhman a tha ti tein an sawi bawk a. Ram tana thiltha tih chu an nei ve tho awm e. Mahse, mipui lawm an hlawh vak lo erawh hi chuan ngaihtuah a tithui a. Keichuan pawl tha niah ka ngai lo. Mi tawngkam ka hriatdan hian kan khar teh ang,”ka pu, thiltha kan duh a nih chuan MZP lo inrawlh lo hram rawh se”.
Khing khi keia hmuhdan a ni a. Nangni enge inhmuh ve dan le?
