(Ka post hmasa zawk chhiar theih tura a lo lang kha ka phur lutuk deuh nge ni, hei hi ka post thiam lo leh ta pek a. Aw mi tlawktlaw tak hi chu ka va han ni em! Mahse khawnge in ti leh poh teh ang hmiang, he thu hi ka thiante inneih Bulletin a ka tarlan tawh a ni a ka mi5ual pui te tan chhungkaw hlimna a lo thlen palh tak hlau in a lawmawm dawn em in ka hria)
Billy Graham-a chuan, “Thihna in min then thlengin hmangaiha inenkawl tura thu kan tiamlai ai mahin tunah (kum kumtam tak) kan induhna leh in hmangaihna chuan san lam a pan mek a ni”, a ti a. Nupa a han insiam hnu-ah hian inhmangaihna hi pung tual tual awm tak a nih laiin, Mizote hian kan thiam tawk lo fo thin.
Kan inngaihzawn lai chuan a tui tha tha kan inhlui a, tawngkam nem leh no tak tak kan in fah mawlh mawlh thin a, a lawmawm e. Chutianga inhmangaihna thu nem tak a infah mial mial thin kha nupa a kan han insiam hnu-ah hian uar zual sauh awm tak, zahah kan la a maw ni, hmangaih thu han in fah zui mial mial hi kan tam lo hle awm e. Mi dang thlir lovin nangmah kha han inngaihtuah chhin teh. I pasal kha ‘ka hmangaih che’ i tih hnuhnun ber kha engtik nge ? Anih leh I nupui kha ‘Ka duh tak zet che a, i tel lova tlaini len hi har ka ti’ i la ti fo em?
Hairehai....
