Nizan ka mutheilo chu hla ka han ngaithla kual a, he hla hi ka hmu fuh hlauh mai a. Ka ngaithlaa, ka rilru a khawih khawp mai. He hnam, mizo hnam insuihkhawmna tura hla tha tak pawh niin ka hria. A phuahtu rilru ang hi pu ta vek ila hnam bo hi kan awm kher lo mai thei. Pu Zorampela ‘Duhaisam’ chu duh thu i han sam chhunzawm teh ang u le..
Chaktiang kawl rawnah leng mah ila,
I sakhming sawi reng kan bang thei si lo;
Ka pian ka seilenna ram tiin,
Dawn lungrukah nghilhni i awm theilo.
Ni e, chhinglung chhuak zofate inpui chu he kan chen mekna ram, Mizoram hi a ni. He ram lo hi chu ramdang mizote hian ka ram tihtur kan neilo. Chu ram chu a ni zofate himna kulhpui chu. Khi hla chang khi en teh ang u. Pu Zorampela kha mizorama piang leh seilian a ni a. Eng emaw avangin khawchhak lam kan unaute awmna lamah an awm a. Mahse he ram, mizoram erawh a hre reng thin a ni.
Kan ram kan hnam lo san zelna turin,
Ka nun ka neih ka chakna zawng hlanin;
Lungngaih mangan buaina leng vel te,
I tan hlimten ka lo dodai zel thin.
Kan ram thatna tur duhin an thian an finnate an hmang a, an neih thil zawng zawng te leh an nun hial pawh an hlan phal a ni. Ka ngaihtuah mai mai thin- he rama cheng ram hmangaihtu inti tam tak ai hian ram hi an rawn hmangaih zawk angem aw? ka ti thin. Zoram thatna tur a nih chu theihtawp chhuah an huam em em a ni.
Mahse vangkhua let a fan leh ni chuan,
I chhunga lungduh naufa leng zawngten;
Khawchhak mi tia min selin,
Sirah damten puan ang min lo hnawl e.
He lai chang hian ka thinlung a deng na kher mai. Khing kan unaute khian zofate inpuiah chuan rawn lenluh an chak a, an rawn leng lut a. Keini he rama lo cheng te chu PAWIH tiin kan lo hmusit thin a maw? Sualna zawng zawng chu ‘pawih ho’ tiin kan puh thin. Tihian ngaihtuah teh ang u. Khaw tinah hian kal ila zuin hi an awm ve ziah thin. Chuvangin misual vek anni bik lo.
Anni chuan mizo anni tih an chianga, hnam bo an inti ve lo. Mizo dik tak an nih vangin he ram hi rawn hmuh ve an chak a. An rawn kal tum chuan kan unaute tia dawng sawng lovin PAWIH tiin kan hmusit thin a nih hi. Hawh u, i harh ang u, unau an inhmusit ngai love!
Aw a na tuarthiam zawng a har,
Hrilh ka hai lunglam ka lo vai;
I tan ka tuarna leh hlim nite,
Zantiang tawnmang mawl mai an chang zo ta.
Mo thar a in hmasa zawkah leng se, a unaute chuan ‘mi mo mai mai’ lo ti ta se a nat dan tur chu inhrethiam mai awm e. Ni e, he rama hlim taka rawn zin tumin an rawn kal a. Keini, he ram lo luah tute chuan kan lo hmusit thin a nih hi. Hawh u, he hnam hmangaihtu dik tak te hi hmusit lovang u. Hetianga unau rilru intihnat sak thin hi dinchhuah a har a sin.
Ram tin, kil tina zofate zawng hian,
Suihlung ruala thinlung hmunkhat puin;
Hmangaihnaa insuihkhawm zel hi,
Kei ka lungkham leh duhaisam a ni.
A phuahtu nen hian kan rilru a va inang em! He hnam, mizo hnam hi hnam tlem te kan ni a. Mahse lungrual tak kan awm a, kan insuihkhawm chuan khawvel hriatah kan hnam hi kan pholang dawn a ni. Ngaihtuah teh ang u.. chi bing inlakhranna hi kan ram hmelma lian ber a nih hi. Rilru hmunkhat puin insuihkhawm ila hnam ropui kan ni dawn a ni.
Aw zoram ka ngai em a che,
Nang lo chuan lawm a kim thei lo;
Dar ang tawn lehni her chhuak thuai se,
Thinlai dam ten len ve maw ka nuam e….
he hla chang hi kan unau hmundanga awm te tan ka hlan e!
Similar Posts:
- Aw Zoram, harh rawh; harh lul rawh!
- Khampat-ah Khampat Bung
- “Zomi Namni” Mizoram a chhiatna rawn thlentu tur
- UK Zofate
- Ka coat of many colors ve chu!
October 21st, 2010 at 7:27 am
Pawih-ho ti leh hnama la chhiang lo ten a hnuaia mi hi lo chhiar chiang leh hlawm teh u.. :lol:
Memoranda : Mizo Union, 1947
MEMORANDUM SUBMITTED TO HIS MAJESTY�S GOVERNMENT, GOVERNMENT OF INDIA AND ITS CONSTITUENT ASSEMBLY THROUGH THE ADVISORY SUB-COMMITTEE BY THE MIZO UNION
(helai para chauh hi dah mai ang..)
THE PEOPLE AND THE LAND
The Mizos are a numerous family of tribes, closely knitted together by common tradition, custom, culture, mode of living, language and rites. They are spread over a wider area extending far beyond Manipur State, Cachar, Tripura State, Chittagong Hill Tracts and Burma contiguous with the boundaries of the present Lushai-Hills District which was carved out arbitrarily for administrative purpose.
The Mizo people have been known under different names. They were wrongly identified as Kukis during the time of Lord Warren Hastings when Administrator of Chittagong sought help of the British against the Kuki raiders, and it continued to be applied to the whole group until 1871 when it was supplanted by the term Lushai as a result of the active and prominent part taken by the Lushai, sub-tribe of Mizo race, against the British Expedition known as the First Lushai Expedition. The present Lushai-Hills District was thus curved out of the Mizoland for administrative convenience and the Mizo people living within the District came to be known as Lushais while the other Mizos left out of the Lushai Hills District and annexed to the surrounding Districts, continued to be known as Kuki without their consent. However, the solidarity of the Mizo people as a race and a distinct block is testified by the name of places, mountains, and ranges of the Lushai Hills, Cachar, Manipur, Tripura, Chittagong Hill Tracts, Burma, known and called after the names of them. Shakespeare, Stevenson, Liangkhaia, Shaw, Kingdonward and Kim of the Statesman are some of the authorities on this.
The Mizos have nothing in common with the plains nor with the Naga or Manipuri, etc. They are distinct block. The areas now under their occupation are mostly hilly except the eastern portion of Cachar district extending to the Barial range in the North Cachar Hills. Wherever they go and wherever they are, they carry with them their primitive customs, cultures and mode of living in its purest origin, always calling and identifying themselves as Mizo.
The nomenclature of the word �KUKI�was and is known to the Mizos; it was a name merely given to them by the neighbouring foreigners.
Again, it was wrong that the word Lushai should be used as covering all the Mizo tribes since it is misrending of the Lusei, only sub-tribe of the Mizo race. Hence though perhaps, not originally intended, it has created a division. Only the word �Mizo� stand for the whole group of them all : Lusei, Hmar, Ralte, Paite, Zo, Darlawng, Kawm, Pawi, Thado, Chiru, Aimol, Khawl, Tarau, Anal, Puram, Tikhup, Vaiphei, Lakher, Langrawng, Chawrai; Bawng, Baite, Mualthuam, Kaihpen, Pangkhua, Tlangau, Hrangkhawl, Bawmzo, Miria, Dawn, Kumi, Khiangte, Khiang, Pangte, Khawlhring, Chawngthu, Vanchiau, Chawhte, Ngente, Renthlei, Hnamte, Tlau, Pautu, Pawite, Vangchhia, Zawngte, Fanai, etc, all closely related to one another culturally, socially, economically and physically thus forming a distinct ethnical units.
Report this comment
October 21st, 2010 at 7:33 am
Zephenath chu a hriat danah hian memorandum thehluttu te zingah a tel ve a ni hrim hrim.
OT loh nan, post tha tak a ni.
Duhthu sam ngai lo mi chu a chung a pik e; thlahlel a nei si lova.
Report this comment
October 21st, 2010 at 7:47 am
Zorampela pa hi Sailam a piang, Khawbung a seilian a ni a. Zorampela hi Lusei thlah . Tochhawng hnam a ni.
Report this comment
October 21st, 2010 at 7:48 am
“.Only the word �Mizo� stand for the whole group of them all : Lusei, Hmar, Ralte, Paite, Zo, Darlawng, Kawm, Pawi, Thado, Chiru, Aimol, Khawl, Tarau, Anal, Puram, Tikhup, Vaiphei, Lakher, Langrawng, Chawrai; Bawng, Baite, Mualthuam, Kaihpen, Pangkhua, Tlangau, Hrangkhawl, Bawmzo, Miria, Dawn, Kumi, Khiangte, Khiang, Pangte, Khawlhring, Chawngthu, Vanchiau, Chawhte, Ngente, Renthlei, Hnamte, Tlau, Pautu, Pawite, Vangchhia, Zawngte, Fanai, etc, all closely related to one another culturally, socially, economically and physically thus forming a distinct ethnical units. :.
Helai mi hi han Point out ve mai maita i la Topic nen khian Pawih Ho tih zawngah khian ” Pangkhua, Tlangau, Bawmzo , Dawn, Khiangte, Khawlhring, Canchiau, Ngente, Tlau, “.pawite tih hi an awm lo, an ziahsual ani ang”. Fanai etc khi Pawih ho topic nen in miltur in Pawi Ang chhunga awm an nia, Pawi/pawih tia an dah a ngai ang. Research baitute leh he “.Memoranda : Mizo Union, 1947″. lo ziaktu te hian an tisual hle ani ang. Any comments are accepted and ready to response.:P
Report this comment
October 21st, 2010 at 7:50 am
@ Tetea, Zeph chu memorandum thehluttu chu a ni chiang mai! keipawh ka ringhlel!
Report this comment
October 21st, 2010 at 8:03 am
“.Ni e, chhinglung chhuak zofate inpui chu he kan chen mekna ram, Mizoram hi a ni. He ram lo hi chu ramdang mizote hian ka ram tihtur kan neilo. Chu ram chu a ni zofate himna kulhpui chu. Khi hla chang khi en teh ang u. Pu Zorampela kha mizorama piang leh seilian a ni a. Eng emaw avangin khawchhak lam kan unaute awmna lamah an awm a. Mahse he ram, mizoram erawh a hre reng thin a ni.”.
Tiang ah in ziah hian ka helh deuh tlat thrin, Zofate/Laifate kan tih hian Mizoram chiah hi kan ramtia chhaltheihlohna ni awmtak anga in ziah ziah hian History lam kan chhiar kan chhiar chuan ka Helh lailinglet thin. A chhan Zofate/Laifate etc, Zohnahtlak te tia in Chhalte hian, Mizoram chiah loh pawh ram kan nei ani ti in han ziak zau zawk u la ka va ti thrin em. A chhan chi hrang hrang a awm, kan pi leh pu te’n kan ram tia an lo chhal tawh na chin, Chindrwin lui kiang a trangin, Chittagong, Manipur state ah tlem a zawng leh Kachar/Kacar ram thenkhat thleng khuan Zohnahthlak te hian legally in kan ram ani tia kan Claim theih anih nge beiseina nen ka rawn tuihnuih ve mai mai.
Report this comment
October 21st, 2010 at 8:51 am
keipwh…
Report this comment
October 21st, 2010 at 8:59 am
#6 kan ram tia chhal ka hre tlat lo. An thlang tlakna kawng mai chauh a ni lo maw? Ngaihtuah chiang teh!
Report this comment
October 21st, 2010 at 9:10 am
@Tetea & Maisek: Min lo ringhlel ve mai2 teh u.. :roll: (#1 khi Mizo hnam sawi apianga han tarlan turin ka rawn paste tawp a nih khi…. post hmasa lamah pawh an hrat viau kha maw… hehhee)
Report this comment
October 21st, 2010 at 9:15 am
#8 Keimah Thingtlangpa Says: “.#6 kan ram tia chhal ka hre tlat lo. An thlang tlakna kawng mai chauh a ni lo maw? Ngaihtuah chiang teh! “.
I ngaihtuah chiang chhinteh ang Kanram tia an chhannal i la hriat loh chuan chi peng hrang hrangten an ziah te chhiar zaudeuh la ta ziaktu tamtakte’n he ram hi kan ram ani tia chhaltute zohnahtlak zinga lehkha thiam tamtak te ziah i chhiar thei ang. Tunlai google engine thra tawhtak ah hian han search kual la Chindrwin lam chho, Chin State a chheng Zohnahthlak, Chittagong a zohnahthlak, manipur state threnkhata zohnahthlak, Kachar lam a Zohnahtlak chhengten an chentawh na chin reng reng a awmten an chenna ram chu kan leilungani ti in an ziak deuh vek ang. Tuna Mizoram state aia lian zawk, Chin Hills, Burma ram te en chhoh zel in khilairam khi kan pi leh pu te ram, an pian leh murna hmasa, leh thlang lo tlakna chhoh zelna mizoram leh a thlang te thleng a lehkha ziah kan chhiar tam a ngai hle awm e. Pu. L.Keivoma’n Zoram ka tih chuan mizoram chauh hi a huamlo kan zohnahtlak zawng2 te chenna len kanram tia kan chhal theihna hi Zoram chu ka ti e tih ang khan. :.
Report this comment
October 21st, 2010 at 9:27 am
Ka lawm e. Kan ti leh hram teh ang. Map en ta ila.. mizoram tih hi mizo te ram nghet chu a ni a. Khing kan pi leh pute thlang lo tlakna khi chu mi ram vek a ni lo maw? Nge mi ram kan ram kan ti ve zawk dawn? Mi nupui mi zinga ‘ka nupui a nih hi’ ti pawh kan va ang awm ve..
Report this comment
October 21st, 2010 at 9:39 am
# Keimah Thingtlangpa says : “.Map en ta ila.. mizoram tih hi mizo te ram nghet chu a ni a. Khing kan pi leh pute thlang lo tlakna khi chu mi ram vek a ni lo maw? Nge mi ram kan ram kan ti ve zawk dawn? Mi nupui mi zinga ‘ka nupui a nih hi’ ti pawh kan va ang awm ve..”.
He laite hi han chhang dawn teh ang kan hriatve dan in, a hmasa a i comments ang kha Mizo tribes peng hrang hrangte i ranw tarlan a tranga mizo Union ho vin mizo tia an ziahzinga Tribes chi peng hrang hrange an ziahsual dan ka comments a trang khan a lang thei mai awm e. Khang ho zawng zawng kha Mizo or Chin, zomi tia kan chhal anihsi chuan tuna Mizoram hi kan ram anie an tihhma in Chindrwin lui kiang a trang a kan pi leh pu ten an lo chentawh na a trang in kanram anie ti in zohnahtlak tamtak chhak lam a awm ten Kawl ho kut hnuai a kung chung or Burma Military kuthnuaia awm chung khian kan ram anie, he ram hian Democracy a hmuh hun ah chuan he lairamri a trang hian kan ram aniti in kan la let ang tiin nunna tam tak seng in tunthleng in humhalh tum in thisen nen nuna chantam tak an awm. Chu ramchu Mizo tia in chhaltawh a piang chuan kanram ani ti in Legally in International Law commission on ethnic Issue hnuai ah kan Rights humalhna tur in danleh dun an duangfel diamtawha chu a bawhzui duhtan kawng a lo in hawng reng tawh a lo ni der mai. Tunah Burma ramah election neitur in an in buatseihmekna’n Burma/myanmar ram a sipai sorgar ten an constitution ansiam rammipuite leh International, ram hrang hrang ten an pawmpui theihlohna hnuaia inthlanna an siamtum khi keini zohnahtlakte tan chuan rilrunat na ngawt2 ani. Democracy tak in in thlangta se, chhaklam zohnahtlakte chenna ram leilung en in keini zohnahtlak zawng2 ten hmasawnna tur leh kan in todelh theihna tur kawng, ram, chhaklam zohnahthlak ten kanram anitia an chhal leh an humhalhtlat naram ah khian a lo zuk awm reng ania. Minu kan chhuhsak ni lo vin kan Nupuite , mipa dang or hnamdang ten chhuhsak mi an lo tum reng zawk a lo zuk nia.
Report this comment
October 21st, 2010 at 9:50 am
‘Khawchhak atangin thiltha a lo chhuak lovang, Ni chauh lo chu,’ tih a nih kha. Chuvangin khawchhak lam a kan unau, Mizo inti lui tlat ho khi i hlau ang u. An fel poh leh an hlauhawm lehnghal.
Report this comment
October 21st, 2010 at 9:51 am
ka mutsna rih ang che, duhchuan topic dangin lo dah lehla kan research ho vanga tah chuan kan hriat dan respect tak in kan in share ho dawn ania. tih rual in Mizo trawng zingah Duhlian trawng, or Lushei/lushai trawng in duh ang in ka ziak thiam loa. Mizo trawnga ka thiam ber kan Lai/pawih trawng erawh chuan ka ziak thiam ngawt ang.
Report this comment
October 21st, 2010 at 10:02 am
UNau hmun danga awmte chu an lawm ngawt ang…:)
Report this comment
October 21st, 2010 at 10:15 am
Hmangaihnaa insuihkhawm zel hi kei pawh ka duhaisam a ni.
Report this comment
October 21st, 2010 at 10:33 am
@Keimah Thingtlangpa, post tha dup dup ngei mai, ka lung ti lengtu hla a nih hi,he hla ka ngaihthlak leh ka sak hi chuan ka hnuk a ulh thin, (ZODI rimawi pawl) tin a phuahtu T.Zorampela hi ka ngaisang zual thin,
He hla lo pian chhuahna bul ber ni a ka lo hriat dan chuan, Mizoramah Beat Contest a awm dawn a, khawchhak lam a kan unaute chu rawn telve an tum a,music an thiam ropui mai si a, heti lai, Mizorama lo awmte khan an thiam zia an hriatin an huphurh a, Khawchhak lam mi an ni e (Burma mi???)tiin an tel ve an phal ta lova, chumi avanga a rilruna in a phuah ni in ka hria, kei aia hre zawk in awm chuan han ziak chiang leh zual teh u.
Report this comment
October 21st, 2010 at 11:16 am
@ngente, #17, nang aiin ka hre bik chuang lo a, mahse i sawi ang khian, Beat Contest khi chu hemi hla lo chhuahna chu a ni tih ka lo hre ve thin…
Report this comment
October 21st, 2010 at 11:58 am
Khawchhak mi tia min selin tih ni lovin khawchhak mi ti a hming min sel in
@KT.. Pa lungleng ve thei tak i nih dawn hi…. hla lam ah pawh Country lam hla i ngaihthlak tam zawk duh hmel (Kei pawh ka ni tho a)
Nia he hla hi chuan lung a ti leng thl;awt a ni, a hla thu a ngaihawm in a thluk a nalh si a, a tha a ni …..x5 Tunah tak pawh hian ka ngaithla mek.. he he…
@ Ngente… i hre dik lutuk tlat. Hemi Beat Contest tum hian a lawm (a kum ka hre chiah ta lo) kan venga zaithiam leh guitar thiam bera kan neih te pawh an tel a, group chuan lawmmanan la lova mahse Best Lead guitarist lawmman an rawn hawn a, an hawn kawng ah an chuanna motor a accident hlauh mai a, (Chhingchhip bulah ni ta in ka hria) lawmman la tu hi a boral nghe nghe…
Report this comment
October 21st, 2010 at 12:15 pm
“Hmangaihnaa insuihkhawm zel hi”
Hei Misual.com a kan misualkhawm tan tawh hi le…
Mizoram a chengho chovin pumbil tum bik suh se ti po in a la phuah leh mahna.
Report this comment
October 21st, 2010 at 12:16 pm
@Zeph.. chu i comment ka lo chhiar lova Post tu rilru a ni ve ang em aw??? ka ti a, I thu bul tan na a Pawih ho tih i rawn hmang hian eng rilru nge i put tih mi ngaihtuah tir a ni. Hnam hmusit vang a ni thei a, Hnam a chiang lo hmasa ber ah hian engvanga pawih ho rawn lam nge i nih tih ka hre hauh lo mai. Inti mizo duh ngai lo MARA an awm teuh a, Pawih ho hi chuan keini Mizo tih tawngkam hi kan hmang tam hle a sin. MARA unau te hian keini Mizo tih tawngkam an hman ka hre ngai lo. chuvangin pawih ho hi min hmusit hle a nih loh chuan han edit ta che maw…….
Report this comment
October 21st, 2010 at 12:47 pm
Nupui pasah kan innnei tawn pi leh pu atang in unau kan ni thngtharte hian inunauna lam hi kan uar a ngai. in unau a in hmangaih tur chuan one way ni lovin both way anih a ngai.
Mite rilru tihnat hi inunauna tichhe tu ani thei.
Report this comment
October 21st, 2010 at 1:13 pm
@Shailendar
@bucko
Duhaisam tih hla hi 1976 a T.Zorampela’n a phuah a nia, Beat Contest atel an tum a an phal lo tih kha chu thudik lo a ni zawk awm e, kan hnu lawk karah pawh khan Zonet Cable TV Interviewah a sawi thu tun lawk khan ama hnen atangin ka hre leh si, Soryyyyy
He hla a phuah chhan zawk chu, 1972 Mandalay Burma a an awm laiin an mikhual pitar 1 an khua (Mizoram) zinin “kan khua kan ti a ka ngai ve em em a, mahse Burma mi min ti a, rilru a na duh tak tak a ni” tih a sawi leh mi dang dang ka atanga hetiang tawngkam a hriat fo tak avanga, he hla hi phuah ta a nih thu a sawi a ni e.
Engpawh nise, a dik emaw ka lo tih ve kha a dik hriatphah na atan a tangkai ta tho e…lolz
Report this comment
October 21st, 2010 at 3:17 pm
he hla hi ka hre ngai lo hrim hrim a…hman zan ka ngaihthlak atangin ka rilru a khawih em em a..hetianga a lo chhuah chhan ka hriat hian ka ka lawm khawp mai
Report this comment
October 21st, 2010 at 7:11 pm
@Zeph…. Min chhang dawn na nge???? Pawihte ka nih hi…….. :devil: :devil:
Report this comment
October 21st, 2010 at 7:15 pm
zephenath , bucko hi chhang teh. ka tan ania ..keipawh Pawi ve tho ka nih hi :lol:
Report this comment
October 21st, 2010 at 10:54 pm
Zephenath a chhanna hi hmuh ka la duh cheu nia….
Report this comment
October 22nd, 2010 at 2:34 am
Mizo dik tak, Lusei hnam, thlahtute atanga mizorama awm leh sei lian, mizoram lo ram dang nei lo ka ni a. Ka ngaihdan chuan maw;
1. Zir ve satliah hmang thiam si lo, thu mawl tak tak chhak chhuah ching, mizorama chengte an inti mizo over a.
2. Economic & Administration avangin mizo nundan mize hrang a piang thin tih pom ila.
3. Kan vaiin (a chunga mizo tih ho) khi mizo kan ni.
4. Lushaism, regionalism, dialect(ism), hmarism, maraism, pawism, myanmarism bo se.
Inhnial toh lo ang u.
Report this comment
October 22nd, 2010 at 2:42 am
CHHAK TIANG KAWL RAWNAH hian LENG MAH ILA
Report this comment
October 22nd, 2010 at 2:49 am
https://www.zoin.info/
te hi tlawh ve ila hehee
Report this comment
October 22nd, 2010 at 4:01 am
Tam tak chu kan la chhah hlawm heih heih mange aw
Report this comment
October 22nd, 2010 at 5:23 am
Ngaithlachiah i la muchung in rilru zawng2 nen i ngaithla ho teh ang u, lung a chhiatthlak in rilrute a na in hehla hian keini thrangtharte kan in unau tialtial theihna zawk tur in kawngsiam hramse ka van titak em.![:D](https://misual.life/wp-content/plugins/smilies-themer/kopete/teeth.png)
https://www.youtube.com/watch?v.....8;index=89
Report this comment