DSLR chu Digital Single Lens Reflex tihna mai a ni. A mechanism sawi thui duah lovin Digital Camera naran (Compact Camera) nen a in an lohna leh a that bikna riau he ti hian in sawi dawn teh ang.
1. SLR camera-ah chuan, camera lens in a thlalak tur chiah chiah kha viewfinder emawh a LCD (Live View) atangin emaw a hmuh theih. A awmzia chu, compact camera-ah chuan thla la tur a camera kan han tin khan, lens a tangin kan en tlang thei lova, SLR Camera-ah chuan prism hmangin kan thla lak tur chiah chiah kha kan mitin a hmu thei a ni. admin hovin what-you-see-is-what-you-get (WYSIG) an tih fo ang deuh khan. Tichuan, SLR camera-ah chuan focus leh light control te kha uluk leh zualin a tih thei ta a ni.
2. Compact camera tam zawk chuan auto mode hian thla a la tawp mai a, (tunlai Click-III i ti mai ang). DSLR camera ah chuan auto mode hrang hrang a awm bakah, mahni in aperture, shutter speed, ISO,depth of field, White balance etc te duh tawkin a control theih a, mi creative deuh tan chuan duh ang angin a control theih.
3. Compact Camera –ah chuan lens hi fixed a ni a, thlak theih a ni lo. SLR Camera-ah chuan lens hi thlawnin a thlak kual theih. Chuan lens chi hrang hrang, wide-angle, standard emaw tele-zoom, leh macro lens emaw te kan thlalak tur a zirin a vuah thlak thleng theih a ni.
4. Digital camera a, engine ber chu (i ti mai ang) image sensor hi a ni. SLR camera chuan image sensor lian tak film camera a 35 mm tia zet a nei a, compact camera ho hian te tak te te an nei. Chuan 12 megapixel sensor rau rau ah pawh, a size lian picture quality chu a tha zawk hle. Compact emaw, DSLR emaw thlalak satliah ti mai ang, pawn ni eng tha taka lak-ah chuan a danglam vak lo. Close up (macro) leh thim deuh a thlalak, hmun hla tak a mi thlalak fiah tha tak leh creative deuh tak a han tih dawn chuan, DSLR ngei hi a tha.
5. Compact camera ai in a speed a tha a, a tlir zawih zawih theih.
Chawnghilh, Xaia, Shailendra te leh Misual.com thlalak thiam ho tluk a inzir tum tan chuan DSLR neih ve ngei a tha. Mahse,
1. Camera that leh man to vang ringawt in thlalak a nalh/mawi ber lo. A la tu a pawimawh ber.
2. Thlalak fiah kuk ringawt a piang hi thlalak chhuanawm leh tha an ni kher lo.
3. DSLR hi a size a lian in a rit deuh nulh mai. Chawnghilha’n a telezoom an vuah phei chuan a khup a hawl zuau zuau thei.
4. A man a to. Chutah, lens hrang hrang leh Flash gun, accessories hrang hrang nen, thenkhat tan chuan Sumthuninu a ni ringawt.
5. Creative lo leh zir chiang peih lo tan chuan, aim-and-shoot ai in thlalak a fiah lo zawk.
Chuan, lei tum tan, decision siam hma in heng hi a pawimawh.
1. Photography term hrang hrang, aperture, ISO, Depth of Field, Dynamic Range, Dust Control, Live View, image sensor, CCD nge CMOS, JPG nge Raw, image stabilization tih vel kha lo in update ve phawt a ngai.
2. Englam photography hi nge i tuipui, portrait nge, action leh sports lam pang nge nature leh ram lam pang te em ni ? Ruah sur leh ram hnuai pilril lamah te hawl chhuah thin i tum em ? Hetah hian i camera thlan tur a in nghat ang.
3. I budget cheng sing thum nge, nuai khat chuang ?
4. Camera technology hrim hrim hi a thang duang khawp a, a hlui zung zung mai. Rei lo deuh hnu-ah model thar Three Fourths an tih ang te hian i thlak leh mai dawn nge, kum 5 vel tal vawn that i tum ?
5. Digital technology a nih angin, SLR emaw R lo emaw, digital processing hi a awm hrim hrim a, kei chu Post processing, Photoshop ka duh lo tih theih a ni lo. DSLR thatna pakhat chu RAW format a thla a lak theih hi a ni. Mahse, Photoshop (emaw image editor dang) a chei that a ngai ngei thin. Tunlai Professional photographer-ah image editor hmang lo an vang viau ang.
6. Compact camera ah chuan video hi a tel zel a, DSLR Video la tel thei chu a to deuh hlar.
DSLR hi company tamin an siam lova, a lian pahnih, Canon leh Nikon bakah chuan, Olympus, Pentax, Sony, Fujifilm, Panasonic leh Samsung hi an ni mai awm e. Canon leh Nikon hian market share 85 % zet an hauh. Chuvangin DSLR sawi chuan Nikon nge Canon ? tih hi a ni deuh zel mai. Mahse, Sony, Olumpus leh Pantax te pawh hi tha ve tho tak an ni.
SONY nge CANON ?
Ka hriat sual loh chuan kei ni Mizo te pawh hian Canon leh Nikon bak hi chu kan en vak lo ni awm tak a ni. A dang ho hi tha ve tho ti mah ila, an market share en in, an ni pahnih lo hi chu thlan an har a ni ang e. Tunlai a model lar zual I en thuak thuak ang aw.
Low Entry Level
Nikon D3000/D3100. Nikon entry level camera hi a man a tlawm an tha dun khawp mai. September 2009 a siam tan D3000 hian image sensor 10.1 megapixel a nei a, video thla a la thei lo, Rs 31,000 man a ni. Kit lens tha tak, AF-S DX 18-55mm VR a keng tel. D3100 model hi September 2010 mai a release kha a ni a, 14.2 MP a ni tin, HD quality video thla a la thei bawk. A man Rs 33,000. A body ringawt (kit lens tel lovin) Rs 27,250.
Nikon D3100
Canon EOS 1000D Canon DSLR ah chuan a tlawm ber awm e (Rs 25,000 vel) Kum 2008 a release kha a ni a, a lar khawp mai, a kit lens hi a tha tawk lo (a man tih tlawm an tumna lutuk a ni mai thei). Lei duh tan a body chauh hi lei a, lens tha deuh zawk nen a lei kawp chi an ti. 10.1 MP a ni. Video a nei lo. America ah chuan Rebel SX an ti.
Medium Entry level
• Nikon D5000 May 2009 vel a release, Rs 38,000 man A kit lens hi AF-S DX 18-55mm VR f/3.5-5.6G a ni 12.3 MP, Live view bakah a LCD monitor hi her kual theih. Video a nei.
• Nikon D90. Hei hi 2008 a release daih tawh kha a ni a, an flagship model a ni ringawt, hralh a tla hle.12.3 MP a ni a, a kit lens hi a tha hle. Hei hian a man pawh a ti tam phah. DSLR ah video mode nei hmasa a ni. Nikum khan Japan ramah (khawvel pumpui pawh a ni mai thei) DSLR model hralh hnem ber a ni. A man Rs 59,000. Mizoramah nei an awm fur an ti. Tunah an siam tawh lo.
NIKON D90
• Canon EOS 500D/550D (America ah chuan RebelT2i an ti) Canon hian an model lar EOS 450D kha ti tawpin he model thar hi video telin an siam a, hralh an tla dun hle. 550D hi 18 megapixel a ni a (500D has 15.1 MP), a ISO range 100-12800 hi hralh ti kal tu pakhat a ni. 500D hi Rs 38000 man, 550D hi Rs 50,000 man)
Canon EOS 550D
Prosumer Level
Hei hi chu Xaia te ho buaipui chi a ni. Professional tam tak pawn an hmang. Kei pawh neih ve ka duh.
Nikon D7000. Tun kum September thla mai a release kha, a lar cher cher hle. A man pawh cheng singkua zet a ni, a body ringawt hi Rs 75,000 man a ni. A autofus hian point 39 zet a nei. An image sensor pawh hi 35 mm film size chiah a siam a ni. Kit lens tha la tuk a keng tel. 16.2 MP a ni a, a battery hi full charge chuan thla 1000 a la thei. Depth of Field a enlawk theih, bokeh tih vel buaipui tan chuan lei mai chi. Nikon hian D90 replace tur a release a ni. Hlawhtling ve tak maw ?
Canon EOS 60D. Canon leh Nikon hi in el ta reng reng, tun kum September thla a release tho Canon EOS 60D hi an Proffe model, tluk zet a siam a ni. 18 MP a nei a, LCD monitor pawh Nikon iangin flexible in an siam ve ta. A rih zawng pawh pava thum zet a ni.
Canon EOS 60D
Professional DSLR
Nikon D3X, Nikon D3S leh Canon 1Ds Mark III/IV, Canon 7D – An to fer fer khawp mai.
Notes
Canon hian lens tha a siam hnem rem rem. An L series lens (A dum leh var tial deuh ruk hi) professional ho duh thu sam. Nikkor lens pawh a duai chuang lo.
Nikon DSLR man tlawm D60 kha market ah a awm tawh lo a ni awm e. Nikon camera hi GPS unit nen a connect in, thlalak na hmun hming leh location etc eng kim a tag theih.
DSLR mit ber lens chungchang kan thai lang ta lova, hre zawk te’n han post ve teh se.
Similar Posts:
- Hei le Nikon D7000
- DSLR CANON EOS 550D Lei duh tan
- Camera lens leh i thurawn duhawm
- Mi han pui teh u
- Day at Night (Photo lovers!)
November 12th, 2010 at 3:47 pm
DSLR tha deuh hi chu a awhawm ngawt mai. :wink:
Report this comment
November 12th, 2010 at 3:48 pm
DSLR..hmm
Report this comment
November 12th, 2010 at 3:50 pm
Hei chu Pu Shaia te huang ni maw??
Zeus, full stop ringawt te chu a :lol: :lol:
Report this comment
November 12th, 2010 at 3:53 pm
Tun hma kha chuan, “taxi a hla an play tawh chin hi chu a common tawh hle tih hriatna,” kan ti thin. Chumi chuan thil min ngaihtuah chhuah tir chu Nikon hi a ni, Mizoram hi Nikon kan ti sup2 ni maiin ka hria hairehai :mrgreen:
Canon ah chuan, EOS Rebel T2i with EF-S 18-55IS hi a tha tawk elawl khawpin ka hria. Lian lenglung pawi tih loh chuan, EOS 7D hi tha viau turah ka ruat.
Nikon ah chuan, D700 hi a tawk el awl viauin ka hria a, chumi duh tawklo tan chuan D3X emaw, D3S hi a tha fer fawr khawp ang.
Report this comment
November 12th, 2010 at 3:57 pm
Bengvar thlak hle mai Canon ka hmang a ka hman loh ang apaing hi tha hian ka hre tlat anih chu
Report this comment
November 12th, 2010 at 4:01 pm
Nikon D7000 Rs. 90,000 em em chu a tlin ka va ring lo e…
Report this comment
November 12th, 2010 at 4:02 pm
awt rih lo phawt mai ang…bengvar thlak e.
Report this comment
November 12th, 2010 at 4:05 pm
[…] Idelle wrote an interesting post today onHere’s a quick excerptKa hriat sual loh chuan kei ni Mizo te pawh hian Canon leh Nikon bak hi chu kan en vak lo ni awm tak a ni. A dang ho hi tha ve tho ti mah ila, an market share en in, an ni pahnih lo hi chu thlan an har a ni ang e. … […]
Report this comment
November 12th, 2010 at 4:05 pm
Camera lampang sawi tak rau rauah chuan Leica ho hi ka nei chak tawps!
Report this comment
November 12th, 2010 at 4:11 pm
Report this comment
November 12th, 2010 at 4:15 pm
Bengvarthlak hle mai.
Keipawh lei ka tum hnai a; mahse i sawi ho hi chu ka phaklo deuh a ni. Rs 10,000/- aia to lovah eng chi nge tha ang le? (mahni hman mai maiah)
Report this comment
November 12th, 2010 at 4:19 pm
Ava to hlawm ve,!! nei mah ila hman tangkai na vak tur ka neih pawh ka hre lo
Report this comment
November 12th, 2010 at 4:25 pm
Frost, aduhi’n a post ah a hauh che khu :twisted:
Report this comment
November 12th, 2010 at 4:26 pm
rualawh ava tina mai mai vele,kan hriatthiam zawng takin i rawn post a,i ti tha e.
Report this comment
November 12th, 2010 at 4:26 pm
camera tha ka neih chakna a va zual em2 ve leee daih mai a! Tlawmngaia min lei sak tu tur awm se awwww! thla ka laksak hrep ang mawle nalh tawk2in
Report this comment
November 12th, 2010 at 4:29 pm
@ Chhana lei la ka lo awt ang
Ka van awt chhe hnem leh dawn tak em :cry: :cry: :cry:
Report this comment
November 12th, 2010 at 4:29 pm
@ Chhana lei la ka lo awt ang
Ka van awt chhe hnem leh dawn tak em :cry: :cry: :cry:
Report this comment
November 12th, 2010 at 4:56 pm
#2 hi ka pawmlo.
#5 DSLR lo pawh RAW format support a tam
Report this comment
November 12th, 2010 at 5:00 pm
India ram hi a lo hnawng ru riau — ka lens-ah fungi a zam nghal tawk tawk mai a, silica-gel mai maia chhan chi a lo ni hauh lo! Meihawl zingah ka phum hial dawn emaw ni?
Wide-angle lens hi ka fak ber! 18mm emaw tal ni se —distortion tam lo tur chi ngei! Zoom lens tawngpawng lawm hun lai a awm, senior tulh tulh hunah wide emaw standard emaw hlutzia a lang chauh thin!
Post hlu tak a tling, Negro-ho ta chen zet hi eng ual a ni chuang lo!
Report this comment
November 12th, 2010 at 5:29 pm
Ava bengvarthlak e. Ka neih phakloh ka awtlo tlat thei hi ka va lawm tak. Tunah tak hian Nikkon D7000 te hi han awt ngawih ngawih mai ila a hrehawm dawn em mai.
Report this comment
November 12th, 2010 at 6:39 pm
a that hmel hle mai
Report this comment
November 12th, 2010 at 6:39 pm
ka duh chi tak ani a
Report this comment
November 12th, 2010 at 6:40 pm
hmang ta ila chu thla ka la nalh thei viau ang
Report this comment
November 12th, 2010 at 6:46 pm
thlalaka date (ni leh thla) dah dan hi min lo hrilh teh u please help camera chu panasonic DMC G1 a nia ka lei ve ringawta ka hmang thiam lo thlat
Report this comment
November 12th, 2010 at 6:53 pm
Video camera (handycam) lam chanchin te pawh han sawi zau ula ka va ti ve.
Report this comment
November 12th, 2010 at 6:55 pm
Post tha tak a ni e,hetiang lam post tur hian sawmna/ngenna pawh a awm nual thin a,mamawh chhanna a nih mai hi,a lawmawm hle mai.
Min present tum chu awm se Leica M9 limited edition hi ka thlang ngei ang,a lens pahnih khat nen… :lol:
Report this comment
November 12th, 2010 at 7:48 pm
Bengvarthlak hle mai…. ka tui dawn tan…
Compact digital tam tak(tun lai chhuak tharah) ah hian shutter speed, ISO, depth of field, White balance etc..hi manual in a set ve vek theih tawh… Nikon S8000 ah pawh hian a tih ve nual theih.
Nikon D7000 hi US-ah (bestbuy.com atanga enin) $1,499 (Rs 66000) vel a ni. Tax la pek bawk tur aniang a.. a thu hrimah India ah chuan a to deuh hrim2 dawn a.
SLR hmang thang ho khan Nikon nge Canon hi in fak zawk tih han sawi/review ve hrim2 teh u. A bengvarthlak ngawt ang. (A model azir chu a ni ngei tho ang a)
Report this comment
November 12th, 2010 at 8:50 pm
Va ziak tha ve a. Tunhnaia Camera chhuak zinga tha ber pawl ni a an sawi chu Pentax K5 hi a ni tlat. DXO Mark Score ah pawh Nikon D7000 aiin a score sang zawk a. A man hi US Dollar 1600 vel a niang.
Pentax K5 specifications hi pui tak a ni. India ramah an service chu a tha vak lo mai thei. XaiA khan Pentax KX a hmang em ni kha?
Report this comment
November 12th, 2010 at 8:56 pm
Pentax K5 en duh tan https://www.dpreview.com/news/1.....review.asp
Report this comment
November 12th, 2010 at 9:02 pm
Nokia N8, 12mp ka nei a ka duhtawk hrih viau e.
Report this comment
November 12th, 2010 at 9:35 pm
@ZoRawks,Pentax chu hmang e,mahse old model mawle,K10D a nia :lol:
Chuan K5 hi chu review a la awm loh hmel,preview chauh a la ni rih ang…DXO score chu a awm tawh tho in a score tha na a, practical a hman te hi a lo pawimawh leh tho a.Mahse brand a loyal hi an tam riau a.Chu tiang lem lo tan chuan canon/nikon hi a tha ve ve ka ti,accesories a awl sam nge nge e.
Report this comment
November 12th, 2010 at 10:12 pm
@XaiA: Nia Preview hi chu a rin tlak lem loh. Pentax chu buaithlak deuh mai thei. Kei chu Nikon D80 bak hi chu ka la nei thei chuang lova ka lungawi a ngai ni mai. Fast lens ka duh ve sia Nikkor 50mm 1.8d ka theih velah ka lei ang. Rs. 7000 tling lo in a awm a.
Report this comment
November 13th, 2010 at 12:11 am
SLR leh DSLR hman chuan a danga thlalak a iaiawm duh em mai…. mahse hman thiam hi keini ang tan chuan a buaithlak tho mai
Report this comment
November 13th, 2010 at 12:35 am
Post bengvarthlak tak a ni…
Report this comment
November 13th, 2010 at 9:05 am
@ZoRawks ,Company reng reng hian siamfuh bik hi an nei deuh zel a(an mahni product rau rauah),chuan Nikon D80 hi an tih fuh em em zing a mi ah mithiam te pawhin an ngai a,duh hle rawh :lol:
Report this comment
November 13th, 2010 at 12:06 pm
Kei chu Nikon D5000 body-ah hian 50mm f/1.8d kha vuah ila….chutiang chuan ka lei ve dawn em ni aw…ka ti rilru rauh2. Pu Chawnghilh khan tha a ti em le?
Report this comment
November 13th, 2010 at 12:09 pm
Kei chu Nikon D5000 body-ah hian 50mm f/1.8d kha vuah ila….chutiang chuan ka lei ve dawn em ni aw…ka ti rilru rauh2. Pu Chawnghilh khan enge a ngaihdan ni ang le?
Report this comment
December 4th, 2011 at 3:38 pm
Min ti bengvar khawp mai.
Report this comment