Amah chu sorkar hnathawk a ni a. Lal tak J.E lai a ni. Department pakhatah a awm a. Amah chuah chu an chhungkaw innghahna awmchhun a ni a. Midangin sum lakluhna dang an nei lo. Tunhnai kum reilote atang khan Site-ah a awm a, an mawm ta a. Concrete building tha tawk a sa a.
A kawmthlang te tana Thlasik ni chhuak mawi tak mai pawh chu a In chuan a hliah ta a. A thenawmte chuan an zah a, an inah pawh an chuangkai ngam ta lo. Khawtlangah a challang a, Kohhran-ah pawh a inthlahrung tawh hek lo. A hausa tawlh tawlh mai bawk a.
A pathian chuan mal a sawm a, mi zah a kai hle si a….
Amah chu V.C member atan thlantlin a ni leh ta a. Opposition an nih laia a Lawmman lak zah tho Ruling an nih hnuah a la a. Thla khatah Rs. 250/- tho!. Tunah chuan a ngaihna a lo hre ta deuh va, contract cheng 25000/- man a thawk a; tichuan tunhmaa In sak a lo tum ngar ngar, a tih hleihtheih loh kha a ngaihna a hre ta a, tunah zet chuan Semi-concrete in in tha tak, cheng nuai 5 man dawn mai a lo sa thei ta a. Ni za inhlawhna hmang tangkai pawl tak mai chu a ni!
A pathian chuan mal a sawm a, mi zah a kai hle si a….
Officer tenau te mai a ni a. Thla khatah cheng 25000/- lai a hlawh a. A fate phaiah dahin, thlatin cheng 15000/- a thawn a, awmpui an nei thei a, kartin a nupui Beauty Parlour-ah a in report ziah a. A hlawh zat ang hlawh officer dang chuan kar khatah Sa vawikhat an ei theih laiin an Uipa ei tur ringawt pawh Inrinni apiangin Rs. 500/- te zuk lei thei bik a! Chu mai a la ni nang, Motor chhuak thar apiang a lei thei a, Concrete building nise, chhung 3 aia sang ringawt pawh 3 zuk nei a! Leilet leh Sangha dil a la nei nual bawk.
A pathian chuan mal a sawm a, mi zah a kai hle si a….
Opposition nih a peih lo. Eng party pawh sorkar se, Ruling a ni ngar ngar thin. Motor a nei a, in tha tak a nei bawk. Tichuan, contract a hmu leh ta a. A thawk peih lova, thawh chhung aiin a dang zawn leh chhung a reilo zawk niin a ngai a. Tichuan 20% lai hlepin a hralh ta daih a, chutatang ringawt pawh chuan cheng nuai 5 lawih chu a ei pha tho a ni. Nupui te thlimin nula thenkhat Mobile a ‘top up’ sak a, a hnuah a neitu nu a ‘top up’ leh a.
A pathian chuan mal a sawm a, mi zah a kai hle si a….
An pathian hi chu a tha ngawt mai. Heng mite hi hun reiloteah a la hmet hlum dawn tho si a.
Hortoki kawng chu that ngaihna a awm hlawl lo a lo nih hi..!
————————-21112010 1004
Similar Posts:
- CM hlawh thar tur – Rs.1,20,000
- Mobile Phone ka nei ve a
- We have a new brother…:)
- Kawng kam thil thleng.
- Vapual (Hornbill)
November 24th, 2010 at 4:37 pm
ek so ek
Report this comment
November 24th, 2010 at 4:39 pm
A tawpa i ziah dan hi a va nalh ve. Ka’n chik deuhva, pathian tihah hian ‘p’ hi small letter zel i hmang bawk, i tum reng vang a nih ka ring . Post thatak a nih hi.
Report this comment
January 12th, 2012 at 9:52 am
‘p’ hian a sawi chiangin ka ring @ Doma
Report this comment